Yẹwhegán Daniẹli mọ dogbọn ojlẹ godomẹ tọn dali, yèdọ huhlọn zinzán agọ̀jẹdo-Klistigotọ lọ tọn jẹnukọnna ojlẹ lọ. Enẹwutu, to Owé DANIẸLI 7:8 tọn mẹ, gbékanlin he tindo azò ao lọ, ehe mẹ e tọ́njẹgbonu sọn wá lọ, yín didohia hlan ẹn. Yè sọ wlán ẹn dólé, dọ, “Yẹn lẹn azò ao lẹ lọ pọ́n, bo dayi e go, azò devo, hẹaga to yé ṣẹnṣẹn wá, pẹvi dopo … bo do ayi e go, nukun taidi gbẹtọ de tọn lẹ tin to azò he mẹ, podọ onù de he onńú dahodaho lẹ dọ”. Sọn ahọludù aihọn godogodo tọn he lọ tọn mẹ, dawe de na tọ́njẹgbonu wá, ohó mẹhe tọn na yín alọkẹyí gbọn nukọntọ sinsẹ̀nnọ lẹ tọn po politikinọ lẹ tọn po dali.

To kọ̀ndopọ́ he yín Owé OSỌHIA 13:5 tọn mẹ to fie yè dọ te dọ, “Yè ná onù in, é to onú daho po nùzinzán po dọ; yè sọ yí huhlọn na ẹn nado nọtemọ họ̀ osùn kade e lán awe.” To nugbo de mẹ, ehelẹ wẹ owhè atọ̀n-dá nukunbibia daho lọ tọn lẹ po homẹkẹn vivọnu whèta godogodo tọn he lọ tọn po.

Enẹwutu, Daniẹli wlánwé dogbọn aṣẹpatọ he lọ tọn dali, yèdọ mẹhe ewọ na basi alẹ̀nù de hẹ “po omẹ susu po” na osẹ̀ dopo. Podọ wuntùntùn owépinplọ́n Islaẹli tọn tọn po, po kọ̀ndopọ́ pipé didóai tọn lẹ po ma yín alẹ̀nù he lọ gba. Do ayi e go, nado dọ taun dọ alẹ̀nù lọ na tin hlan Jelusalẹm bo dọn Islaẹli do e mẹ, bo nasọ lẹ́hla akọta lẹ pé. Kẹdẹdilé osẹ̀ dopo tindo azán ṣinawe dó, mọdopolọ wẹ osẹ̀ he tọn yè dọ to ofi to dọdai mẹ tùnmẹ to vlẹkẹsi de mẹ dọ, owhè ṣinawe. To gblagbla odá owhè ṣinawe helẹ tọn, ewọ na “basi alẹ̀nù liló de hẹ mẹsusu na osẹ̀ dopo: podọ to gblagbla odá osẹ̀ lọ tọn mẹ ewọ na hẹn avọ́sánnú po avọ́ núniná jinulili tọn po nado dóalọte; podọ to adadavu osùnú lẹ lọ tọn ji wẹ omẹ he basi ovọ́jẹ na wá; yèdọ jẹ opòdo lọ, podọ didótana enẹ, wẹ yè na kọ̀n homẹgble jẹgbonu do ovọ́jẹ lọ ji” (DANIẸLI 9:27). Ehe lọ na jọ̀ pannukọn opòdo lọ, yèdọ jẹnukọnna bibẹ́nu Ahọludù Klisti tọn Owhè Fọtọ́n tọn po jijọho po to aigba ji.

Podọ sọn Owé DANIẸLI 8:10 tọn mẹ, mí sọgan mọ lé azò he lọ zé ede yìji bo sọ yín whliwhlá hézéhézé do huhlọn he lọ godo, dọ, “E whẹ́n zùn kiklo, yèdọ jẹ awhànpa olọn tọn lọ de; podọ e zé vude sọn awhànpa lọ mẹ podọ sọn sunwhlẹvu lẹ mẹ dlán odò jẹ aigba, bo sọ tùnafọ yé ji.” Do ayi e go, onú mọtọnhunkọ de wẹ mí mọ to Owé Osọhia 12 tọn mẹ, fie dlagọni he yín Satani lọ, yín yinyàn jẹgbonu bo sọ dè dadãtọ̀ntọ sunwhlẹvu olọn tọn lẹ dlàn aigba po é po. Mí mọdona dọ ewọ lọ wẹ kẹ̀ntọ Jiwheyẹwhe tọn he jlo nado sọzẹn hẹ Ẹ, ṣigba é jai to whenẹnu.

Agọ̀jẹdo-Klistigotọ he yín “dawe dagbe” Satani tọn lọ, kẹdẹdi Owé 2 TẸSAL. 2:4 tọn, é zé ede daga to onú popo ji, “Bo sọ to ede zé do oji hú ehe yè nọ ylọ Jiwheyẹwhe, kavi ehe yè nọ litaina lẹpo; sọmọ bọ é sinai to tẹmpli Jiwheyẹwhe tọn mẹ, bo zé ede do gbonu di Jiwheyẹwhe.” Do ayi e go, yè ylọ Yisenọ he tin to Biblu mẹ lẹ dọ tẹmpli Jiwheyẹwhe tọn. Ṣigba kẹdẹdilé tẹmpli whenẹnu tọn lẹzùn odò ajotọ lẹ tọn de dó, mọwẹ Yisenọ he jai lẹ yín pinpọ́n hlan gbọn Jiwheyẹwhe dali dó. To ahlidida Yise tọn he mẹ, agọ̀jẹdo-Klistigotọ lọ dó ede ai. Ewọ sọ yín taliaina di Jiwheyẹwhe, é dọ magbọvọ wẹ ewọ bo sọ yín didohia po oyín he yì aga pete de po, yèdọ ehe tin hlan Jiwheyẹwhe Otọ́ mítọn olọn tọn, kẹdẹdi ‘Otọ́ Wiwé’ (MATIU 23:9).

Do ayi e go, ewọ to ohódọ toalọ homẹhùnhùn tọn de mẹ to dinvie, ṣigba ehe lọ na diọ to ojlẹ didè lọ mẹ, to whenuena é ko klọ aihọn lẹpo vọ̀ godo.

Kẹdẹdilé Owé DANIẸLI 7:25 tọn dọ dó, dọ, “Ewọ bo na nọ dọ ohó lẹ do Gigogán go, bo nasọ hẹn agbọ́pé mẹwiwé Gigogán tọn lẹ: ewọ bo nasọ lẹn nado diọ ojlẹ lẹ po osẹ́n lọ po; yè nasọ jó yé do alọ etọn mẹ kaka ojlẹ de podọ ojlẹ lẹ po odá ojlẹ de tọn po.” Owéfọ he lọ dohia gbaungba dọ, e yín zinzán na owhè atọ̀n-dá nukunbiba tọn he na tin to Islaẹli ji. Enẹwutu, to kọ̀ndopọ́ he lọ mẹ, mí hia dogbọn didiọ ojlẹ lẹ tọn po osẹ́n po tọn dali. Do ayi e go, Agùn Alẹ̀nù Yọ́yọ́ tọn ma sọgan yín máhẹtọ to e mẹ gbèdé. Podọ to ofi, yè dọhó hlan Ju lẹ kẹdẹdi omẹ Daniẹli tọn lẹ. Enẹwutu, angẹli lọ dọ hlan ẹn dọmọ, “Dinvie, yè hẹn mi wá nado hẹn we tùnwun núhe na jọ̀ do omẹ towe lẹ go to azán agọ̀gbọnẹn tọn lẹ mẹ” (DANIẸLI 10:14).

Dinvie, to Owé DANIẸLI 11:32 tọn mẹ, yè dọ lé agọ̀jẹdo-Klistigotọ lọ na pégo bo nasọ dọ̀n gbẹtọ lẹ do awà etọn ji dó hlan mí, dọ, “Podọ mẹhùnkọ he yí yinylan do wànú do alẹ̀nù lọ go lẹ na yín hinhẹn flu gbọn ovlẹ lẹ dali.” Kẹdẹdilé yè ko dọ ẹ dó, agọ̀jẹdo-Klistigotọ lọ ma yín nukọntọ politikinọ he na tindo aihọn lẹpo to agọ̀jijẹdo é mẹ gba, lala, ewọ na yín mẹyinyọ́nẹn gbọn politiki dahodaho dopodopo po núyiwà agùn tọn lẹ po dali kẹdẹdi aṣẹpatọ daho lọ. Enẹwutu, Owé Wiwé dọmọ, “Huhlọn etọn yín hlọnhlọnnọ, ṣigba po huhlọn etọn po ma gba (mì jale bo sọ flin dọ, kẹdẹdilé mí ko hia dó jẹnukọn dọ, dlagọni he yín Satani lọ, na ná ẹn huhlọn de po ofìn de po); ewọ bo nasọ yí awujiji do vàmẹ, bo na wàdagbe bo sọ wà homẹhùn etọn: podọ ewọ na và omẹ hlọnhlọnnọ po gbẹtọ mẹwiwé lẹ tọn po. Podọ gbọn zìnzìn etọn mẹ, é na hẹn anà nado wàdagbe to alọ etọn mẹ; ewọ bo nasọ to ede hẹnklo to ayiha etọn mẹ, podọ to madódègo yetọn mẹ wẹ ewọ na mẹsusu: ewọ na tite ga do ahọvi ahọvi lẹ tọn ji; ṣigba yè na wẹ́n ewọ matin alọ” (DANIẸLI 8:24-25). Do ayi e go, otògán Amẹlika tọn po otògán Hlusi tọn po tindo aṣẹpipa po huhlọn po he tindo dógbó, ṣigba kanlin nẹ lọ na tindo huhlọn aihọn lẹpo petetọn. É nọ sọawúhia di dawe sinsẹ̀ntọ de; podọ to alọ dopolọ mẹ, é sọ nọ basi politiki aihọn lẹpo tọn bo sọ nọ plán yé politikinọ lẹ.

Agọ̀jẹdo-Klistigotọ lọ yín alọdlẹndo di mẹhe tindo ayiha kanlin de tọn to ojlẹ etọn mẹ nado hẹn gbẹtọ lẹpo mọ hlan huhlọn etọn po hlọnhlọn etọn po. Whenẹnu wẹ é na dọhó jẹagọ̀do Jiwheyẹwhe go, kẹdẹdilé Owé Wiwé lẹ dọ dó, dọ, “E sọ kẹ̀ onù etọn do nùzinzán mẹ do Jiwheyẹwhe go, nado to nùzándo Oyín Etọn go, do Gohọ̀ Etọn go, podọ do yé he nọnọ̀ olọn mẹ lẹ go” (OSỌHIA 13:6). To ojlẹ nẹ mẹ, mẹfligọ̀ lẹ na tin to finọ̀tẹn yetọn lẹ mẹ to olọn mẹ, ṣigba ewọ na tẹnpọ́n nado to nùzán do yé he nọnọ̀ aga lẹ go.

Do ayi e go dọ, to Owé JOHANU 14:2-3 tọn mẹ, Oklunọ dopagbè na Etọn nọ lẹ, dọ, “To owhé Otọ́ ṣie tọn gbè, ofi ninọ̀ susu wẹ tin: eyín e ma yín mọ, Yẹn do ko dọ hlan mì, Yẹn jei nado wléawu otẹn de tọn dai na mì. Eyín Yẹn yì bo wléawu otẹn de tọn dai na mì, yẹn nasọ lẹ́gọ̀, bo hẹn mì yì dẽ; na ofi he Yẹn te finẹ wẹ mì na nọ̀ ga.” Dinvie, yé he yín Klisti tọn nugbo lẹ bo sọ nọtepọ́n Ẹn, bo sọ yinwanna awúsọhia Etọn na yín zizé yì jẹnukọnna ojlẹ nukunbibia tọn lọ (1 TẸSALONIKA 5:1-9). Podọ Paul ko sọ do nújijọ̀ daho he lọ hia to Owé 1 TẸSALONIKA 4:13-17 tọn mẹ.

To whenu asiko lẹ tọn mẹ, whenuena whẹ̀dida daho he lọ na tin to aigba ji, mẹfligọ̀ lẹ na tin to ayajijẹ yetọn mẹ to Gigo mẹ. Do ayi e go, Johanu mọ yé he gbawhàn onú popo tọn to ohù klistali tọn kọ̀n. Whenẹnu wẹ é dèkunnu dọ, “Yẹn sọ mọ di ohù mẹpọ́nnú tọn de he flusọ po miyọn po; podọ yé he gọ̀ to awhàngba mẹ sọn kanlin lọ de, sọn boṣiọ etọn de, podọ sọn sọha oyín etọn tọn de, ṣite to ohù mẹpọ́nnú lọ tọn ji, yé tindo ajalẹn Jiwheyẹwhe tọn lẹ” (OSỌHIA 15:2). Dinvie, gbẹtọ susu gédégédé he gbawhàn lẹ yín pipé to sọha mẹ sọn yé he gbawhàn to boṣiọ kanlin lọ tọn ji lẹ mẹ, to sọha kanlin lọ tọn ji lẹ mẹ, podọ to ehe pò lẹpo tọn mẹ. Enẹwutu, e to vivẹ mẹ talala na mí nido mọdona ehe lọ, na onú lẹpo ko wá vivọnu wutu.