Dinvie, to Owé Osọhia 13 tọn mẹ, mí mọ kanlin awetọ de ehe yè dohia dólé, “Yẹn sọ mọ kanlin devo de tọ́nsọn aigba glọ́; e tindo azò awe taidi lẹngbọvu de tọn, bo sọ to hódọ di dlagọni de” (OSỌHIA 13:11). Do ayi e go, kanlin he lọ ma tọ́nsọn ohù gbẹtọ lẹ tọn mẹ gba; ṣigba e tọ́nsọn aigba glọ́. Enẹ lọ to didohia dọ, e ma tọ́nsọn otò he tin to Ahọludù Lomunu lẹ tọn mẹ gba, ṣigba kẹdẹdilé mí na mọ dó, kanlin lọ dóna yín sọn agewàji Amẹlika tọn he matindo gbẹtọ susu po ogbè susu po gba.

Na kanlin awetọ he lọ tin taidi lẹngbọvu de, ṣigba yè dọhó do e go taidi dlagọni de. Do ayi e go, huhlọn awetọ he lọ wẹ otò Amẹlika tọn, ehe yè dohia to ninọ̀mẹ etọn godo tọn lọ mẹ gbọnvo na kọ̀ndopọ́ otò Elopia tọn tọn. Kanlin awetọ he lọ tindo azò awe, he to hódọ do huhlọn politiki aihọn tọn po huhlọn agùn tọn po ji. Do ayi e go, dopo to huhlọn lẹ lọ mẹ na biọ Akọta Inglandi tọn he yè Kọ̀ndopọ́ mẹ, yèdọ ehe yín huhlọn politiki tọn; bọ huhlọn agùn tọn lọ na biọ Piplimẹ Agùn Aihọn tọn lẹpo mẹ.

Do ayi e go lò, yè dó otò Amẹlika tọn do núyiwà Plọtẹstan tọn lẹ ji, yèdọ do hógbè mẹdèkannujẹ tọn ji, kavi do mẹdèkannujẹ agùn tọn ji, po onú devodevo lẹ po. Yéwlẹ sọ lẹzùn aṣẹpipa huhlọn daho de tọn. Jẹnukọn mẹhe Agùn Katoliki Lomunu lẹ tọn bianukunna to otò Elopia tọn mẹ họ̀ngán yì jẹ otò aigba yọ́yọ́ he lọ tọn ji. Enẹgodo wẹ awhànpa awhàn lẹ tọn de sọawúhia. Podọ yé mẹhe họ̀ngán sọn ofi lẹpo gọ̀ bẹ́ to yọ́yọ́ to otò aigba yọ́yọ́ lọ tọn ji. Na tọ́gbo he yín didótọ otò Amẹlika tọn lẹ tọn yisenọ bo yín mẹhe dibusi Jiwheyẹwhe lẹ wutu. Podọ na núyiwà he yín aṣẹpipa ahọlu tọn tọn, ehe wẹ ohógbè podọ núyiwà he yè nọ zán lọ, “Akọta he tin to Jiwheyẹwhe glọ́ De” podọ “Jiwheyẹwhe mẹ wẹ mí dotudo”.

Enẹwutu, to vivọnu Owé OSỌHIA 13:11 lọ tọn, mí hia dogbọn kanlin he tindo azò awe he go yè dọhó do di dlagọni to whenẹnu, enẹ lọ dohia dọ, ewọ dogbè Lomu tọn. Ṣigba afọ he jẹgodona dọ hézéhézé dọ huhlọn aṣẹpipa he lọ tọn nasọ jó ede hlan huhlọn aihọn godogodo lọ tọn, ehe yín Ahọludù Lomunu lẹ tọn, dọ, “E sọ to huhlọn kanlin tintan tọn lẹpo zán to nukun etọn mẹ, bo sọ hẹn aigba po yé he tin to e mẹ lẹpo po litaina kanlin tintan , he alán etọn hlan okú ko kúata” (OSỌHIA 13:12).

Podọ dogbọn kanlin awetọ he lọ tọn dali, mí hia dọ ewọ na blú aihọn lẹpo bo nasọ bẹ yé he nọnọ̀ e mẹ lẹpo nado litaina kanlin tintan lọ; enẹ lọ tùnmẹ dọ, nado yọ́n aigbanu lẹ podọ ga nado yọ́n aṣẹpipatọ agùn tintan kanlin lọ tọn tọn. Enẹwutu, didóai po núpinplọ́n pipé kọ̀ndopọ́ he tin to gblagbla Amẹlika tọn po Vatikan tọn po to azán aotọ osùn tintan tọn, to owhè fọtọ́n-fẹnẹ-kẹ̀nnẹ-kò e lán ẹnẹtọ (1984) tọn mẹ, aṣẹpipa he lọ yín whiwhlá dai. Na ninọ̀mẹ agùn tọn lẹ po politiki tọn lẹ po sọgan yín zinzán to alọ lẹpo mẹ. Enẹwutu, nukọnyìyì dinvie tọn lẹ to didohia hézéhézé dọ to madẹnmẹ, nukọntọ Plọtẹstan tọn lẹ na kẹalọyí Pãpa kẹdẹdi aṣẹpipa gbigbọ mẹ tọn aihọn lọ tọn tọn.

Do ayi e go, afọ he jẹgodona lọ tin to hinhọ́nnu titegbe, yèdọ fie yè dọ te dọ, “E sọ basi ohia daho lẹ, sọmọ bọ e hẹn miyọn sọn olọn mẹ wá aigba ji to nukun gbẹtọ lẹ tọn mẹ” (OSỌHIA 13:13). Nukọnyìyì núyọ́nẹn tọn he yè ma sọgan zéjlẹ tọn he ko sọawúhia to Otòwhàn Awetọ lọ tọn godo ma yín núhe whèpò sọn nújawu de mẹ gba. Na núhe jọ̀ to apáwhé Otòwhàn Awetọ lọ tọn mẹ, yèdọ dilé miyọn jà do otò Janma tọn ji dó, podọ to enẹgodo to otò Whèzẹtẹn Dindẹn tọn he yín Japan tọn ji ga, podọ enẹ lọ kẹdẹ wẹ onú pẹvide he mí na zéjlẹdo ehe na sọawúhia to nukọn mẹ lọ go.