Dinvie, mí to kanṣiṣa ohógbè yọ́yọ́ de tọn mẹ biọ, ehe yín “boṣiọ kanlin lọ tọn” tọn. Na yè dọ hlan mí dogbọn kanlin awetọ lọ tọn dali, dọ, “Ehe to yé he tin to aigba ji lẹ klọ gbọn ohia helẹ mẹ he yè ná ẹn nado basi to kanlin lọ nukun mẹ; bo sọ dọ hlan yé he tin to aigba ji lẹ dọ yé ni basi boṣiọ hlan kanlin lọ, he ko yí alán ohi tọn do ogo, bo sọ to ogbẹ̀” (OSỌHIA 13:14).

Do ayi e go, odohia dagbe de wẹ enẹ lọ bo ko sọ táhinhọ́n do ehe mí ko dọhó do e ji de go talala. To adówà awhànfuntọ otò awelẹ tọn mẹ, Amẹlika gbẹ́sọ tindo otẹn dèdovo de. Na ohógbè yetọn po aṣẹpipa yetọn po nọ hẹn huhlọn talala. To pinpọ́n hlan núyiwà agùn tọn mẹ, e ma na yín dọ agùn Plọtẹstan tọn lẹpo wẹ na awúsọhia yetọn do bo nasọ gọ̀ biọ dopoyínyín mẹ hẹ ẹ mlẹnmlẹn gba. Ṣigba enẹ lọ to didohia to vlẹkẹsi mẹ dọ, yé na kọ̀n alọ dopọ́ bo nasọ mọdona Agùn Lomunu tọn nugbonugbo, ehe tùnmẹ dọ nado kẹalọyí Pãpa kẹdẹdi nukọntọ yetọn, podọ gbọn enẹ dali yé na whlá ogbẹ̀ninọ̀ yetọn po mẹdèkannuje agùn tọn po.

Podọ kẹdẹdilé yè ko dọ ẹ dote dó, kanlin he tindo azò awe lọ nọtena huhlọn gbigbọnọ tọn po aigba ji tọn po. Dinvie, po boṣiọ kanlin lọ tọn po, mí mọ dọ azò dopo he yín huhlọn agùn tọn tọ́njẹgbonu wá kẹdẹdilé Piplimẹ Agùn Aihọn lẹpo tọn po dopoyínyín gbẹpipli Plọtẹstannọ lẹpo tọn po. To dọdai Biblu tọn mẹ, boṣiọ kanlin he lọ tọn yín apáwhé awe he sọgbe hẹ kanlin tintan he tindo ota ṣinawe azò ao lẹ lọ. Do ayi e go, e to hinhọ́nnu bọ mẹdepope sọ sọgan mọ hlan, na dọdai he yè ko hẹnṣẹ dote de wẹ wutu. Kẹdẹdilé akọta Whèzẹtẹn tọn po Ohùwàji tọn lẹpo po ko kọ̀ndopọ́ to tòhọ̀ Akọta Inglandi tọn he yè Kọ̀ndopọ́ mẹ, na agùn Plọtẹstannọ lẹpo tọn sọn Whèzẹtẹn jẹ Ohùwàji dali lẹpo ko biọ Piplimẹ Agùn Aihọn lẹpo tọn mẹ. Ehelẹ wẹ azò awelẹ lọ, ehe dètana huhlọn awelẹ. Ṣigba huhlọn awelẹ lọ tin to kanlin dopolọ ji. Na yé omẹ awelẹ wẹ tindo aṣẹpipa politiki tọn po agùn tọn po. Enẹwutu, eyín dopoyínyín agùn lẹ tọn de, po ninọ̀mẹ to otànhó agùn tọn mẹ po de ma ko tin, bé otò po agùn po dopọ́ kavi agùn he yín yinyọ́nẹn gbọn otò dali de ma na ko tin to otò vòvo lẹ mẹ to dinvie gba. Na agùn he di aihọn lọ ko lẹzùn núhe e yín to dinvie gbọn huhlọn aihọn tọn lọ dali. Podọ Piplimẹ Agùn Aihọn lẹpo tọn na yín núzinzán huhlọn politiki tọn de tọn. Podọ ga, ogán etọn na yín mẹhe sọn otò Họngali tọn mẹ de, podọ to ojlẹ dopolọ mẹ ewọ na yín ogbẹ́vi yé he ma yise to yẹwhe depope mẹ tọn to otò hùnnukun Họngali tọn mẹ.

Whenuena ojlẹ lọ wá, boṣiọ he lọ lọsu nasọ dóhó ga, ehe tùnmẹ dọ yè na yọ́n ogbè lọ. Na e ma na yín dọ agùn susu wẹ to onú alọpãlọpa lẹ dọ gba, ṣigba to dopoyínyín pipé lọ godo, ogán yetọn lọ na dọ núhe é lẹn dọ e nayín didọ kavi yín wiwà lọ. Na ehe lọ yín didohia hézéhézé to ofie dọ, “Yè sọ ná ẹn nado yí gbigbo hlan boṣiọ kanlin lọ tọn, na boṣiọ kanlin lọ tọn ni to hódọ, bo sọ basi na yè nido hù yé omẹ sọha ma na litaina boṣiọ kanlin lọ tọn lẹ” (OSỌHIA 13:15).

Do ayi e go, ojlẹ na wá whenuena yé he yí Ohó Jiwheyẹwhe tọn sè nugbo lẹ ma nado sọgan litaina Piplimẹ Agùn Aihọn lẹpo tọn kavi na yé ma nado yín ogbẹ́vi agùn gbẹpiplinọ de tọn tọn gba, to whenẹnu yé na jiya nukunbibia tọn. Na Yisenọ he yise to Biblu mẹ nẹlẹ na hẹn jlọjẹ nado yín pinplán núyiwà agùn tọn po gbèdide yetọn lẹ po tọn bú. Boṣiọ kanlin he lọ tọn na dọhó sinsinyẹn bo nasọ do huhlọn etọn hia dogbọn enẹ lọ tọn dali, bo nasọ tẹnpọ́n nado hẹn omẹ popo nado litaina kanlin tintan lọ, kẹdẹdilé mí ko mọ dó, yèdọ ehe yín kọ̀ndopọ́ agùn tọn po huhlọn aihọn tọn po sọn Ahọludù Lomunu tọn mẹ. Hadopolọ he boṣiọ kanlin he lọ tọn he yín Piplimẹ Agùn Aihọn lẹpo tọn na dọhó tọ́njẹgbonu, aṣẹpipa mizọmn-mizọn he yín agùn tọn po politiki tọn po de na tin to yé he masọgbè hẹ yé lẹ ji.

Podọ ehe lọ hẹn mí nado flin azán Nẹbukadnẹzali tọn lẹ, mẹhe tindo boṣiọ pipà de bo sọ degbèna omẹ popo nado litaina ẹn. Ṣigba kẹdẹdilé e te to azán nẹlẹ mẹ, mọwẹ e na te to dinvie hlan yé he na sẹ̀n Jiwheyẹwhe lẹ kẹdẹ, bo ma na litai to núyiwà agùn tọn de nukọn, yèdọ ehe ma yín núdepope adavo núdidá gbẹtọ tọn de. Do ayi e go, yé ma na litai to enẹ lọ nukọn gba. Sọ do ayi e go dọ, aṣẹpipa ahọlu lẹ tọn to ojlẹ nẹ mẹ ṣẹ̀ po homẹkẹn yé he dibusi Jiwheyẹwhe lẹ tọn po. Ṣigba whadopo dogọ́, núwinwlán alọ lọ tọn gbẹ́sọ tin to adówà lọ go. Podọ to whenẹnu, e yín winwlán do ogbè he yè ma yọ́nẹn de mẹ, ehe núyọ́nẹntọ he tin to ojlẹ nẹ mẹ de ma sọgan hia gba. Adavo Daniẹli yẹwhegán he Jiwheyẹwhe dè lọ kẹdẹ wẹ pégo nado hia ẹ. Podọ to egbé, “Mẹnẹ-mẹnẹ, Tekẹl-tekẹl” lọ sọgan yín hinhẹnzùn yinyọ́nẹn gbọn owẹn dọdai tọn lọ kẹdẹ dali. Na enẹ lọ na do yé he na yise gligli to ojlẹ mizọn-mizọn he mẹ yé dóna gbọn wáyì tọn mẹ lọ hia.

Kẹdẹdilé mí sọgan mọ sọn Owé OSỌHIA 13:5-8 tọn mẹ, yè dọhó do kanlin tintan lọ go ga di gbẹtọ de. Enẹwutu, yè dọ to afọ ṣinatọ̀n lọ mẹ dọ, “Podọ yé he tin to aigba go lẹpo na nọ sẹ̀n ẹn, oyín mẹhetọn yè ma wlán do ogbẹ̀ owé Lẹngbọvu lọ tọn mẹ lẹ, he yè ko hù sọn whenu aihọn ko jọ.” Do ayi e go, dopoyínyín pipé agùn po otò po tọn na sọawúhia, kẹdẹdilé e nọ̀ to ṣẹnṣẹn whèta lẹ tọn mẹ dó. Omẹpopo wẹ mọdona dogbọn asiko nẹ lọ tọn dali to otànhó gbẹtọ lẹ tọn mẹ. Ṣigba to vivọnu dinvie, núyiwà agùn tọn awe wẹ na tin, dopo na sọn otò Lomu tọn mẹ bọ awetọ lọ kẹdẹdi Piplimẹ Agùn Aihọn lẹpo tọn, yé bo na zán to agùn mẹ, to politiki mẹ podọ to ajọ́wiwà mẹ. Podọ omẹ lẹpo to otò mẹ kavi to agùn mẹ kavi na omẹ dopodopo, he ma na sọgbè hẹ yé na yín gbigbẹ́dai. Na yé he yọ́n yé lẹ kẹdẹ wẹ na yín yinyọ́nẹn gbọn yé dali ga.

Podọ gbọn núplọ́nmẹ Piplimẹ Agùn Aihọn lẹpo tọn dali, Plọtẹstannọ lẹ na tẹnpọ́n nado zán huhlọn dopolọ kẹdẹdi agùn Lomunu tọn to whedepopenu he yé tindo gbẹtọ susu. Plọtẹstannọ delẹ na jlo dọ vọjladó ma tlẹ ko sọawúhia pọ́n gbèdé. Na yé na din nado yín dopo bo nasọ tẹnpọ́n nado hẹn mí yise dọ núvọjladótọ lẹ ma jlo dọ agùn lọ ni klán patapata gba. Podọ owalọ godogodo tọn he yín dopoyínyín tọn lọ na biọ oyọ́nẹn mẹ na agùn Lomunu tọn, na dilé Owé Wiwé lẹ dọ dó, kanlin awetọ lọ na zán huhlọn kanlin tintan tọn lẹpo. Podọ yé he ma sọgbè hẹ yé po dopoyínyín he lọ po na yín mimọ di ojónọ lẹ, bọ mẹjizọnnọ nasọ tin to yé ji. Ṣigba na omẹ lẹpo ni mọdona to Oyín Oklunọ tọn mẹ dọ, dopoyínyín he lọ ma yín dopoyínyín he tọn wutu Jesu Klisti do hodẹ̀ dọ yé he yise to Ewọ mẹ lẹ ni yín dopo gba, yèdọ dilé Ewọ po Otọ́ po yín dopo dó gba! Na dopoyínyín he gbẹtọ basi de wẹ ehe lọ, ehe tindo huhlọn alọpãlọpa lẹ. E nasọ yín dọ yé he nọ dọhó jẹagọ̀do agùn Lomunu tọn go lẹ dóna pannukọn tukla lọ. Na ehe lọ wẹ na yín ogbè dopo he yè na yọ́nẹn to aigba lẹpo ji. Podọ ogbè he pò lẹpo na bọnù yetọn lẹpo do. Yèdọ yé he tin to gbẹpipli mẹ lẹ lọsu ga, ehe yín máhẹtọ to Piplimẹ Agùn Aihọn lẹpo tọn mẹ lẹ, yé ma na dọhó depope gba adavo nado sọgbè hẹ núyiwà lọ. Bé whenẹnu yé he ma tin to gbẹpipli de mẹ, kavi agùn he yè ma yọ́nẹn de lẹ kẹdẹ mẹ wẹ na yín mẹhe yè na din nado wlé.