Ebaruha erikwetorora Okwa - Kashatu/Okwa kana 2014

Hati obunabi bwa Baibuli buriyo nibuhikiriira aha ndeengo zoona. MUKAMA we wenka Akagaamba emirundi miingi arikworeka ebiri kwiija kubaho omu bwiire bw`okumaririira kandi yaatugambira ati,

“… kandi ebi ku biritndika kubaho, mureebe ahaiguru, mwimutsye emitwe yaanyu, ahakuba okucungurwa kwanyu kuryaba kuri haihi.” (Luk. 21:28)

Ensi yoona eri omu ntaro, obwiimukiiriro, enjara, hamwe n`ebigwerereezi omu muringo gumwe nari ogundi.Ebi nibyo biriho ebiri kwereeta ebirikureebwa ebi kworeka ebiribaho aha muheru, ebi abiingi bari kubaasa kureeba kandi nokubimanya nk`oku biri. Ebiteekateeko by`abaikiriza abamazima, n`obu kiraabe kiri kityo, bishemereire kuteebwa aha kuraganisa okwahairwe Ekanisa ahabwa akaire k`aha muheru omu ntebeekanisa y`okujuna.

Aha kwiija kwa Kristo okw`okubaanza, omu kubanza kukaba kuri aha kuraganisa: “Reeba, nintuma entumwa yangye kutebekanisa omuhanda omu maisho gangye…” (Mal. 3:1)

Obunaku ku bwahikiriire, Maraika Gaburieli akaha Zakaria okurangiriira kw`okuzaarwa kandi yaamugambira n`okuraganisa okwabiire ni kuza kuhikiriira omu buhereza bwa Yohaana Omubatiza (Luk. 1:13-17). “Baingi omu Baisraeli aryabahindura, abagarure ahari MUKAMA Ruhanga waabo.” (Luk. 1:16) Oku nikwo kyabaireho: Ti baahandiiki, kwonka ogwe nabi omwe owaaragnisiibwe akaba aine kuhindura emitima – etari emitwe – omu ndagaano enkuru b`ishebo aha kwiikiriza kw`abaana ab`endagaano ensya. We wenka akaba aine akakwaate n`ekyabeire nikibaho omu Bukama bwa Ruhanga kandi akaija kuba kareebi ngu ahamye eby`Omushana kugira ngu abantu baikirize ahabwe (Yoh. 1:7). Okuruga omu biro bya Yohaana, Obukama bwa Ruhanga bukarebekana amaani (Luk. 16:16). Akaba ari omuntu owaatumirwe kuruga ahari Ruhanga n`obutumwa bw`okushemeza omuhanda gwa MUKAMA omu bantu be. MUKAMA waitu Wewenka akakihamya omuri Mat. 11:10.

Buri kimwe omu Bukama bwa Ruhanga kiriyo nikibaho nk`oku MUKAMA Yaakiraganiise omu Kigambo kye. Kandi wena otari kwikiriza eki Ruhanga Agaambire nawe tari kwiija kugira mugabo omu biriyo ni bihiikiriira omu buhereza obuteirweho Ruhanga. OKWE NIKWO MUKAMA ARIKUGIRA: “Reeba, ndyabooherereza nabi Eliya, ekiro kya MUKAMA ekikuru kandi ekirikutiinisa kitakaizire…” (Mal. 4:5) MUKAMA waitu akagaamba omuri Mat. 17:11 ngu eki kikaba nikiza kubaho, kandi, omu bwiire nibwo bumwe, Akakihamya omu mushororoongo gwa 12 ngu obuhereza bwa Yohaana Omubatiza bukaba buhwaireho. Eki nikigaruka kituhamizibwa omuri Mako 9. We wenka akakihamya ngu kuraba omu buhereza bwa Eliya obwabiire nibwenda kwiija ebintu byoona bikaba nibiza kugarurwa busya omu muriingo gwabyo oguhikire.

N`ahabw`ekyo okuraganisa kukagumaho, oku Ruhanga Yaahikiriize omu bwiire bwaitu. Abo boona abari kumanya gye obuhereza bw`ow`eishe-emwe Branham kumara emyaka nibamanya nikweetwa ki kandi nikutumwa ki oku yaatungire kuruga ahari MUKAMA. Obutumwa obu yaakwasiibwe bukaba buri obw`okutebeekanisa okwiija kwa Kristo okw`akabiri. Omu mazima, kurabira omu kurangirira kwe, emitima y`abaana ba Ruhanga ekaba eine kugarurwa aha Kigambo eky`abaandize, aha kwikiriza kw`entumwa, okwikiriza kw`aba`ishitwe nk`oku kwabiire kuri omu Kanisa eya baandize. Nitubaasa kujurira ahari eki: Erizooba, eki ekyahandiikirwe hamwe nakyo okuraganisa kuhikiriire omumisho geitu!

Obutumwa bw`engiri eyijwiire, etahindwiirwe, ey`ebiro n`ebiro ekaba eri ey`okutebeekanisa okwiija kwa Kristo okw`akabiri kandi eriyo n`egumizamu kukora ekyo kyonka. Ruhanga atwiire baanabi boona hamwe n`entumwa zoona, otwareiremu ow`eishe-emwe Branham. Kwonka Ekigambo kya Ruhanga ekibuuriirwe ahabw`okutumwa kwe nikigumaho ebiro n`ebiro – kandi eki nikyo Kigambo ekyatugambiirwe (1 Pet. 1:25).

“… kandi twine Ekigambo ky`obunabi ekirikukira kuhamibwa. Ku murikyetaho, muryaba mukozire gye, ahakuba kiri nk`etabaaza erikwaka omu mwirima, okuhitsya obu buritaagurikana, n`enyonyoozi ey`omu kasheeshe ekaaka omu mitima yaanyu…” (2 Pet. 1:19)

“Mubanze mumanye eki ngu tihariho Kigambo ky`obunabi eky`omu Byahandiikirwe ekirikubaasa kushoboororwa omuntu nk`oku ari kweyendera.” (2 Pet 1:20)

Tihakiriho kanya koona k`enshoboroora mbi. Buri nshoboroora mbi n`enyegyesa egwiire kandi n`eretaho akavuyo. Ekigambo kyonka nigo mazimakandi kituuraho ebiro n`ebiro;kandi abo bonka abagumire omu Kigambo nibabaasa kwezibwa omurikyo (Yoh. 17:17) kandi nibeija kureeba MUKAMA (Abaheburaayo 12:14).