Ebaruha erikwetorora Okwa - Kashatu/Okwa kana 2014

Omu baruha ei yaahandikiire Timoseo, entumwa Paulo akeegambaho nk`oku MUKAMA amutiire omu buhereza: “Ninsiima Kristo Yesu MUKAMA waitu owampaire amaani, ahabw`okuba akanteekateekaho kuba omwesigwa, yampa omurimo gw`okumuheereza…” (1 Tim 1:12) Eki nikikuratibwa okweshenjereza kwokuguma omunyegesa eya mazima,okuhisya ahangenderwaho: ”Oyorobere ekiragiro otaine kamogo, kandi otaine ki orikugaywaho okuhisya ahakworekwa kwa Mukama waitu Yesu kristo” (1 Tim 6:14)

Omu baruha yakabiri, akaha okwijusya oku: “Oyezirikye kweyoreka ahari Ruhanga nk`orikusiimwa, omukozi otashemereire kukwatwa nshoni, orikushoboorora gye Ekigambo ky`amazima.” (2Tim 2:15)

Atyo yaahika aha nshonga y`abashaija abatarikubaasa kwehayo ahari MUKAMA, abarikuregyeta ebigambo bitarimu kutiina Ruhanga ebiri nk`ekishebe: “abaateishukire amazima, nibahamya ngu okuzooka kukaheza kuhwaho, bakajuumikirira kimwe okwikiriza kw`abamwe.” (omush. 18) Buri kimwe nikyegarukamu, nangwa n`enyegyesangu okuzooka hamwe n`okutwarwa byabeireho, n`ebindi ebiri kukiraho.

Entumwa akahendera ebaruha ye arikugambira Timoseo ngu abuurire Ekigambo kyonka ahonaaho. Akaba nakimanya ngu akiire nikija kuhika aku abaingi barikwiijakwehuzya amazima kandi bagahindure ebitebyo.

Omu kuruga omuri Asia, Paulo akehanaangiriza abakuru kureberera Ekanisa ya MUKAMA, ei Yaaguzire n`eshagama ye nka we, kandi akariisa obusyo bwe, ahabw`okuba akaba naamanya ngu “… kandi n`omuriimwe haryarugamu abantu, abarikugamba eby`obuhabe…” Nibakora eki n`ekigyendererwa ekyo kwegarurira abeegi enyima yabo (Ebyakozirwe 20:20-28). Okwiiha omu kutandika, hakaba hariho obuhereza obutiirweho Ruhanga ahabw`okwezibwa kw`Ekanisa (1 Abakorinso 12) kandi hakaba hariho n`abandi abaabiire baine ekigyendereerwa ky`okuhabisa abandi.

Entumwa ekahandiikira Abarooma: “Kandi nimbeshengyereza, B`eishe-emwe, mwetegyereze abo abarikureeta eby`okubataanisa n`eby`okubateeza entsibo, ebitaanuukaine n`enyegyesa ei mwayegire mubeetantare.” (Abarooma 16:17)

Omu 2 Abakorinso 11:13, akabeeta “… n`entumwa z`ebishuba, n`abakozi engobya, abeehindura nk`entumwa za Kristo.”

Aha kutandikira ahabihandiiko bye ahari Ekanisa y`Abagaratia, akabajunaana n`eki: “Ntangaariire oku murahukire kuruga ahari Ogwo owaabeetsire ahabw`embabazi za Kristo, mukaikiriza engiri etari nka I mwabandize kwikiriza; ti habw`okugira ngu hariho endiijo ngiri; kureka hariho abantu abarikubarabanisamu, nibenda kuhindura engiri ya Kristo okundi.” (1:6-7)

Nangwa n`erizooba abahereza boona ab`Ekigambo bashemereire kandi nibiija kutwaara okurabura nk`ekyamaani: “Ninkwehanagngiriza omu maisho ga Ruhanga na kristo, oricwera abahuriire n`abafiire orubanja, kandi ahabw`okugaruka kwe n`obukama bwe, ogume obuurire Ekigambo kya Ruhanga, ogambe n`obweziriki omu bunaku oburagiirwe n`obutaragiirwe, ohane, oteise, oyehanangirize n`okugumisiriza kandi n`okwegyesa.” (2 Tim 4:1-2)

“Mumanye ngu ebi Ruhanga agaba n`okweta kwe tabyefuuza.” (Abarooma 11:29)

Ndi hamwe na Paulo, nimbaasa kugamba aha kitiinisa kya Ruhanga ngu: “Tindikuteekateeka ha magara gangye nk`ekintu kikuru eky`obuguzi; eki ndikwenda ni kimwe, n`okuheza orugyendo rwangye n`obuhereza obu naahairwe MUKAMA waitu Yesu bw`okuhamya engiri y`embabazi za Ruhanga.” (Ebyakozirwe 20:24)

“Ahakuba tindatiinire kubagambira naama yoona eya Ruhanga.” (Ebyakozirwe 20:27)

“Kwonka aha bw`okuhwera kwa Ruhanga nkyemereire n`okuhitsya eri izooba, nimpamiza abato n`abakuru, ntaine kindi eki ndikugamba kureka ebi baanabi na Musa baaragwire ku biribaho…” (Ebyakozirwe 26:22)

Ninkitwaara nk`omugisha gw`amaani ogu MUKAMA yaampaire okuhereza omu Kanisa Ye. Nk`oku kiri, nimanya obujunanizibwa obw`omutaano obukwatiraine n`okutumwa kuruga ahari Ruhanga. Kwiiha 1966 ngambire aha biindebire ebiri kurenga okwetegyereza kw`omuntu ebi MUKAMA angambiire nka “Muhereza wangye” omu mabaruha empika hoona miingi. Ebingi ahari ebyo biri omu baruha empika hoona ey`omu kw`ikumi n`ebiri 2005. Obuhabuzi obu MUKAMA ampaire omu myaka egi yoona n`ebi kumpamya ngu Antumire kandi Ari naanye.

Nkazaarwa 1933, omwaka nigwo gumwe ogu ow`eishe-emwe Branham yaagambirwa omu kicu kitari ky`obutoosha: “Nk`oku Yohaana Omubatiza yaatumirwe kutebekanisa okwiija kwa Kristo okw`okubaanza, n`ahabw`ekyo obutumwa obwakuheebwa nibwiija kutebeekanisa okwiija kwa Kristo okwa kabiri.”

Kuruga 1952 kugumizamu, ntwiire ni mbuuriira omu saviisi ntakwoosha.

Nka manya ow`eishe-emwe Branham omu 1955, kandi kwiiha obwo ntwiire niingyenda n`obuhereza bwe.

Omu 1958 nkeetegyereza ngu obuhereza bwe bukaba buri obw`okureeta obutumwa bw`akaire aka. Bwanyima y`ekiganiiro ky`aitu, ow`eishe-emwe Branham We wenka akagambira omu kwamukaaga 12 omuri Dallas, Texas, “Ow`eishe-emwe Frank, noija kugaruka Bugirimaani n`obutumwa obu.”

Omu kwakana 2, 1962, nkaatuunga okutumwa kwangye omu muriingo ogurengire okwetegyereza kw`omuntu omu iraka rya MUKAMA eriri kuhurirwa. Ebintu ebyo byombi obwiire bwoona ntwiire ni mbyijuka – iraka ry`okuragiira hamwe n`ebigambo by`amaani ebi Ruhanga Yaanyetiiremu: “Muhereza wangye, obwiire bwawe omu rureembo oru buri haihi kuhwayo. Ninyija ku kwoheereza omu bibuga ebindi kubuurirayo Ekigambo kyangye. Muheereza wangye, enjara y`amaani eriyo neija. Biika ebyokurya ahabw`okuba noija kwemereera rwagati y`abantu kubigabura … Muheereza wangye, otatandikaho amakanisa kandi otashohoza akatabo k`ebyeshongoro ahabw`okuba n`akabonero k`ediini.”

Omu kwa ikumi n`ebiri 3, 1962, ow`eishe-emwe Branham akahamya okweetwa oku n`ebigambo by`akwo nk`oku biri omu maisho g`abajurizi Sothman na Woods kandi yaayongyeraho ngu, “Ebyokurya ebi oine kubiika n`Ekigambo ekyaraganisiibwe ahabwa akiire aka. B`otegyeriizekugabura ebyokurya okuhisya obu oraabituungye byoona.”

Omu kwa ikumi n`ebiri 24, 1965, nkareeba ow`eishe-emwe Branham ari kutwaarwa ahaiguru omu kicu ekiri kwera. Kakaba kari akiire keak`okutaaha.

Omu kwaakana 11, 1966, ahanyima y`okuziikwa kwa nabi, kikagaambwa omu mutima gwangye: “Hati akiire kawe kahika ak`okuruga omu kibuga kimwe kuza omu kiindi kubuurira Ekigambo kandi n`okugabura ebyokurya ebyabikirwe.”

1966/67 tukagira enteerane z`omutaano omu ndeembo 25 omu bugwa-izooba bwa Buraaya,

1968/69 twaaza burugwa-izooba bwa Buraaya, omuri Prague, Warsaw, na Bucharest kuhikira kimwe Moscow. Tukaza na Yerusaalemu, Yorudaani, twagumizamu na Buhiindi.

Kuruga 1968 kugumizamu, nkaba mbuurira amatebezo gakumara edakiika 20, buri kasheeshe ka Saande aha Radio Luxemburg kumara emyaka ikumi. Obuheereza bukahika Buraaya yoona – n`omu bantu abari kugamba Orugirimaani omu burigwa-izooba bwa Buraaya.

Enteerane za 1969/70 zikagumizamu omuri Canada. Kuruga Edmonton kikagumizamu omubyaanga byoona, kuraba Toronto kugumirizamu kimwe Gander, n`omuri Newfound-land.

Kuruga 1970 engyeendo z`obuhereza zikantwaara omuri Africa, Cairo, na Damascus omuri Middle East, kuza omumateemba, rwagati, n`amashuuma ga Amerika, aha muheru kuza aha muheru gwa burugwa-izooba bwa Philippines, kuza Indonesia, China, n`okugumirizamu kimwe kuza Australia na New Zealand.

Ahi gwahikiire 1979 gakaba gari amahanga 85, hati nigarenga amahanga 150 agu nteiremu ekigyere kubuuriira engiri (Isa 52:7).

Obutumwa obw`aha muheru buhikire aha muheru gw`ensi. Kwiiha obu MUKAMA Yaatwaara nabi We, nyowe nk`omuhereza we hamwe n`abaheereza ab`Ekigambo ab`amazima nitubaasa kugabura ebyokurya by`omwoyo (Mat. 24:45-47). Ahabw`okweetwa kuruga ahari Ruhanga, niinye naabiire ow`okubanza kutwaara Ekigambo, obutumwa bwa akaire, omu mahanga goona, ndi kubiba embibo y`ekigambo eky`amazima. Hati nindeeba enyima emyaka erikweshuumba 60 n`okwesiima ei mazire omu buhereza bw`okubuurira kandi n`emyaka eri kweshuumba 50 ndi kuraangirira obutumwa bw`akiire, ei Ruhanga Omwesigwa Ampereiremu omugisha kandi Akandiinda.