EBARUHA ERIKWETORORA OKW`IKUMI-OKW`IKUMI N`EBIRI 2014

Okwenda ngu mukyetegyereze okukiraho eki kishemereire kugaruka kugamba ogundi murundi: ow`eishe-emwe Branham akakihamya emirundi miingi ngu omu kwezi kwa mukaaga 11, 1933, akagambirwa ebi okuruga omu mpagi y`ekyererezi, eyarebirwe boona ababiire bari omu kushaba kw`okubatiza: “Nk`oku Yohaana Omubatiza yatumirwe kutebeekanisa okwiija kwa Kristo kw`okubanza, naiwe watumwa n`obutumwa obu kuza kutebekanisa okwiija kwa kabiri kwa Kristo”.

Eki ekiyagambiirwe akakiarukamu emirundi ikumi n`amushanju omu matebezo ge,kandi omu kwezi kwa kabiri 10, 1960, akagaruka yayongyeraho ati, “Tikugira ngu ninye oraaze kutebeekanisa okwiija, kwihaho obutumwa nibwo bukuza kutebeekanisa oku okwiija kwa Kristo kwa kabiri”. Eki kihikire kandi ni kyetegyerezibwa buri muntu weena ou amagyezi ge gari kukora gye kandi tihariho ngundi muriingo ogu kyakubaire nikigambwamuokukira aho.

Ahanyima y`okufa kwa nabi bakakihindura bakigyendereire omu gundi muriingo kandi bakihandiika bati “nk`oku Yohaana Omubatiza yatumirwe kutebeekanisa okwiija kwa Kristo kw`okubanza, naiwe noija kutebeekanisa okwiija kwe kwa kabiri.”

Okwe nikwo ab`eishe-emwe omuri USA bakirangirire omu eiraka rihango, kandi nikwo bakihandikire omu bitabo byabo, kandi bakagaruka bakakihandiika na`harwigi rw`enju ya Branham entsya omuri Tucson. Ekigambo ekikukirayo obukuru, ekiri Enyomyo y`omuriro kwetwa “Obutumwa” ekyabaire kiri kyo eky`okutebeekanisa tikirimu. Ebigambo ebi ebindi eby`ebishuba bagarukire babihandiika ahansi y`ekishani kyenyomyo y`omuriro eri ahaiguru y`omutwe gwa Branham, ebi omu misho gabyo abantu abahambiirwe batwiire nibaramizamu n`oburi hati!”

Oba ekigambo kimwe kyayongyerwaho Nainga kyayihwaho, Sitaane omwe nimwe Etuura n`esingurira ahabw`okuhindura Amakuru kandi ekagahindura ekshuba. Buri Mwana wa Ruhanga owa Mazima nareka burikigambo kya Ruhanga nk`oku kyarugire omu kanwa ke, hamwe n`ebigambo ebyatumirwe Branham okurabira omu kyererezi kitari ky`obuhangwa.

Oburi hati nikyorekwa butunu yaba omu mazima nitwikiriza kandi tukorobera eki maraika wa MUKAMA yagambire omu kwezi kwa mukaaga 11, 1933 nari nitwikiriza eki ekibaahindwire eky`ebishuba. Ogwe weena otari kwikiriza amazima, nawe omu muriingo ogu Ruhanga namucwera orubanja ahabw`okwikiriza ekishuba (2 Abatesolonika 2:11). Ekigambo kyonka ekitafungwire nigo mazima; kyona ekihindwirwe n`ekishuba. Amazima nigasigara gari ngu “…kandi nimumanya ngu tiharihokishuba ekiruga omu mazima.” (1 Yohaana 2:21b). emirundi miingi nimbuzibwa yaba nimbasa kuguma mpunamiire ebibi ebiriyo nibigyenda omu maisho hati omu butumwa. Nimanya eki Ruhanga yantumire; n`ahabw`ekyo tinyine ekindikubasa kuhindura- Ruhanga weenka niwe orikubasa kukora ekyo.

MUKAMA Owa zookire akandagiira n`eiraka rye eryabaire nirikirayo kuhurirwa gye ngu mburire ekigambo kye, ekindi kuhamya ngu mbasize kukora okumara emyaka ehingwiire makumi ataano. Omu muringo nigwo gumwe okurugirira aha kutumwa kwa MUKAMA, mbatsize kugabura eky`okurya ky`Omwoyo eki ow`eishe-emwe Branham yabikire kandi eky`okurya ekyo nikishangwa omu matebezo ge. Ow`eishe-mwe Branaham akahamya oku kwetwa gwangye kw`emirigo ebiri ahabw`okushuuruurirwa Ruhanga kandi yanshabira n`omugisha aha mukoro gw`okuntaho engaro. Obuhereza obu bwiniire kimwe akakwate n`okutumwa kwa nabi, n`obutumwa obwa mazima kandi hamwe na Ruhanga. Nanye ninyikirirza hamwe naabo abatotorainwe ekyagambirwe omu kwezi kwa mukaaga 11, 1933 “…watumwa n`obutumwa obukuza kutebeekanisa okwiija kwa Kristo kwa kabiri” Nitwanga eki ekibavuunwire kubi kandi tukireeba nk`obuhabe bwa Sitaane. Nahabw`ekyo, nikikozesebwa biingi okwanga ogwe ori kutwaara obutumwa omu maisho. Nabwe kyagabwa kiri ngu, ogwe weena ori kwikiriza ngu ow`eishe-emwe Branham we nk`omuntu niwe yabaire ow`okutebeekanisa okwiija kwa Kristo kwa kabiri tari kubasa kwikiriza ngu obutumwa obu yaretsire nibugyenda omu maisho n`okutebeekanisa okwiija kwa Kristo kwa kabiri n`ahanyima y`okufa kwe.