EBARUHA ERIKWETORORA OKW`IKUMI-OKW`IKUMI N`EBIRI 2014

Okwongyera ahari ekyo, enshonga ya kabiri nayo ekatubeera eky`okwegaho eky`obusaasi.

Okwiha nimbatizibwa n`Omwoyo Orikwera omu kwezi ka katano 1949 omu kanisa ya Full Gospel omuri Hamburg, nkareeba enterane zihairwe omugisho eza makanisa g`etongwiire g`aba Pentekoti. Ahanyima ywitebezo, tukaba twine ekihika kyingi ngu Omwoyo wa Ruhanga naija kugamba arikurabira omu biconco by`Omwoyo- endimi, okuvunuura, hamwe n`obu nabi.

Omu myaka ya 1950, tukiriza obutumwa kandi twayikiriza ngu obutumwa bubatse kutuhabura omu nyegyesa zoona nk`oku Branham yabaire nagamba kurabira omuri Baibuli- ob`enywgyesa yabaire nekwata aha bwa Ruhanga, okubatizibwa omu maize, okwirira hamwe n`ebindi. Ekanisa ekaija yakura, kandi twagumizamu okureeba enkora y`Omwoyo. Ahanyima y`eitebezo, buri omwe weena akaba ategyerize okubaho kw`obunabi. Kandi nabwe kihandikirwe kiti: “mutagaya eby`abaanabi”. Kandi nabwe kigarukire kyahandiikwa kiti “mugyeze byona, muhamire aha kirungi”. Ab`eishe-emwe n`abieshe-emwe-kazi ku babaire beetwa omu mazima bakwetenga okushabirwa, tukatekyereza ngu nikiza kuba nk`oku kyabaire kiba n`ow`eishe-emwe Branham: Omu nterane ze hakaba habaho abantu omunyiriri z`abokushabira abu yabaire aba Atari kumanya, Ruhanga akaba Amworeka omukworekwa amaziina gabo, ahu babaire nibaruga kandi hamwe n`oburwaire obu babaire barwiire. Hanu, n`obu kirabe kiri kityo, mukama w`ekicoonco akaba namanya ab`eishe-emwe hamwe n`abeishe-emwe-kazi abo abu yayetsire, nk`oku twizire kukyetegyereza obwiire bwahingireho. Tihariho n`omwe owabaire nabasa kutekyereza ngu ekintu ekyabaire kigwire, ekyabaire kiri okutooreza nikibasa kuba kyashensheiremu.

Omu bunabi bumwe obwaragwirwe, nkeetwa kwemeka abashweriine omu buhereza. Ekyo nkakikora hatariho kubanganisa. Reero aha rwamukaaga 18, 1978 nka ahashaha 4 z`akasheeshe obu MUKAMA yagamba nanye omu eiraka rihango ry`okuragirira: “Muhuku wangye roonda ekitabo ky`ebyakozirwe entumwa yaba omushaija hamwe n`omukazi we babaire baremekirweho omu buhereza.”

Aho n`aho, nkakwata Baibuli natandika kushoma kandi ndi kwetegyereza ekitabo ky`ebyakozirwe entuma nk`oku MUKAMA yabaire andagiriire. Nkakizoora ngu tihariho ntumwa n`emwe eyebaire yaretsirwe n`omukazi wayo kandi hamwe n`abashaija mushanju ababiire barikureberera abakyene bakeetwa n`abakzi babo. Abashaija boonka bakemekwa omu buhereza butaano nka entumwa, baanabi, abegyesa, abaritsa, hamwe n`ababurizi b`engiri. Kunaizire nahikirira w`ekicoonco oriya hamwe n`ekyahandikirwe eki, eberaye ekahinduka: Omu mwnaya gu yabaire naza kwecureeza ahansi y`omukona gwa Ruhanga ogwa maani kandi akikiriza okuhaburwa, ekiniga kya Sitaane kikamwimukiramu yatandika kundwanisa. Bakankaanga kanga, ngu obuhereza bwangye hamwe n`omurimo gwangye byona nibiz a kuhwerekyerezibwa. Okuruga obwe, omuhereza wa Ruhanga akeetwa enshambani, omubeihi, omunyabishuba bagaruka banyeta omuzigu wa Kristo (anti-Christ) hamwe n`ebindi biingi. Ahabw`okugira ngu akaba natwarirwa ahaiguru ahabw`ekicoonco ky`obunabi biingi bakamuhurikiza kandi bamwikiririzamu, obariiremu n`ab`eishe-emwe okuruga omuri USA hamwe na Canada.

Baingi bakaruga omukanisa bamukurata, bakye aharibo bakaguma bari abetsigwa, kandi omurimo gw`obuhereza ogwa aheru gukasisikara omunsi yoona. Omu kaire ak`ebyo byabereireho, nkaba naherize kuburira obutumwa omu mahanga 85. Kikareebwa nk`emperu y`obuhereza bwangye. Nahabw`ekyo, mkenda ngu nyenagye omunyaja ya North Sea ngu nfe omu kwezi kwa mukaaga 16, 1979. N`obu kirabe kiri kityo, ekibuzo kimwe kiri kwotsya kikaija omu mutimagwangye ogu cwekire kandi nashaba, “MUKAMA wangye hati naija ahori. Ngambira ahabw`enki ebi byona bimpikireho”. Omu kaire akakuratsireho, kikabaho: okuruga omu kubwatuka kw`enkuba okwizire nikushuma aha mukono gwangye gwa buryo kandi eiraka nk`ery`enkuba ryaguma niryeyongyera, ebigambo ebi bikandugirayo kandi birikushenshera munoonga: “ahabw`okuba okahurikiriza eiraka ry`omukazi waawe!” Nk`oku Ruhanga ori ohuriire aga nigo mazima.

Nk`oku kiri kumanya ahari aboa boona abari omu butumwa, omu kwezi kwa kana 2, 1962, MUKAMA akampa by`onyine ebi nabaire nshemerire kuba ninkuratira omu buhereza bwangye omu eiraka eryabaire riri kuragiira: omuri ebyo hakaba harimu ebinabaire nshemereire kuba ningyenderaho kuza omu zindi ndeembo kuza kuburira ekigambo kye, hatari kutandikaho amakanisa g`omu byaaro, hatari kuteera bitabo by`ebyeshongoro hamwe n`ebindi n`ebindi. Omu myaa eya kuratsireho akagaruka yagamba nanye omu karaka akari kuheheera obu eby`okucwamu ebyabaire nibikirayo kuba eby`omuhendo byabaire biine kuba nibikorwa, nk`oku kyabaire kyagambirweho omu baruha agari kwetorora ag`enyimaho. N`obu kirabe kiri kityo, omuri obo bwiire ekiniga kya Ruhanga kikba nikibasa kuhurirwa omuri buri kigamboaha bigambo mwenda ebyagambirwe omu eiraka ry`okuhinda nk`enkuba. Nk`owa teerwa enkuba weena nkagwa ahansi nagweerwa omukono gwangye gwa bumosho. Kunagarukire ahu nabire ndi kuraara, nkateeka amaju, nashuruura Baibuli, kandi amaisho gangye gahikira aha bigambo byonyine ebi Ruhanga yagambiire Adamu omu kitabo ky`okutandika 3:17.

Nketegyereza ngu okuhaburwa oku mpairwe Ruhanga wenyini kukaba nikwetengyerwa kimwe nk`oku Ruhanga yahire Adamu, owahurikirize eira rya Haawa obu yabaire arugire kubaihwa baihwa enjoka. Paulo akakihandikaho ati: “Ahakuba Adamu niwe yaabandize kuhangwa, haakurataho Haawa; kandi Adamu tiwe yaabeihabeihirwe, kureka omukazi niwe yaabeihabeihirwe, akahinduka omusiisi.” (1 Timoseo 2:11-14).

Nk`oku kyabaire kiri omu kyanga ky`obuhangwa obu embibo ebiri zitari kushushana obu zabaireho ahabw`okubeihabeihwa kwa Haawa, okwe nikwo kiri hamwe n`ekanisa omu kyanga ky`Omwoyo. Ekyokureberaho bamwe nibashemererwa ahabw`okwetwa Ruhanga hamwe n`okugumizamu kw`obuhereza kandi abandi nibabuhakanisa kandi babushekyerera. Abandi nikibashemeza ngu obutumwa nibugyenda omu maisho omunsi yoona; kandi abandi nibikiriza ngu buri kimwe kyona kikahendera n`ow`eishe-emwe Branham.

Nk`oku gari amazima ngu okugwa kw`omuntu omu kutandiika ekaba eri entebekanisa ya Ruhanga, nikwo naburi kintu kyona kiri omu kukunda kw`abantu buntu (permissive will) nikwo kiri kuza kuba n`omu bwire bunu obw`okumariira obw`embabazi. Kuri hatarabireho kugwa ahabw`okubeihabeihwa kwa Haawa, entebekanisa y`obucunguzi eyateekateekirwe n`emisingi y`ensi etakabeireho ekaba etarabeho na`kakye. Hatariho ebi ebikubaho omu bwaire bwaitu ahabw`omukono gwa Ruhangaokuhikirira kw`ekanisa y`Omugore omu bwwijwire bw`ekigambo kandi n`enkora y`Omwoyo bikabaire bitari kubasiika. Omu kanisa egarwirwe obutsya ebintu byona bishemereire kuba biri omu buteka bwabyo obuhikire otwariremu obuhereza hamwe n`ebicoonco by`Omwoyo. Nk`oku ow`eishe-emwe Branham yagumire nakihamisiriza emirundi miingi obwe ari kujuriza Haawa, ekibi ekyabandize n`obutikiriza. Haawa ku yahurikiriize enjoka, eyaretsire okubanganisa aha ki Ruhanga yabaire yagambiire Adamu, akaba atakabasa kutikiriza kishuba kya Sitaani. Ekintu nikyo kimwe kiriyo nikibaho omu bwiire bwaitu. Okubanza sitaani akaretaho okubanganisa aha kweetwa kw`omuhereza wa Ruhanga hamwe n`eki Ruhanga yabaire yamugambiire, yamuretera kwikiriza ebitekyerezo bye by`ebishuba. Oku nikwo kubeihwabeihwa okwabeireho aha kutandika kandi nikuza kugumizamu nikubaho okuhikrirakimwe aha muheru.

Kuri hatarabireho kugwa omuri Paradiso, tukaba tutakabasa kuhurira kintu nakimwe aha ntebekanisa y`obucunguzi. Buri kimwe kikatebekanisibwa n`emisiingi y`ensi etakabeireho. Omuriingi nigwo gumwe amaziina gaitu nago gakahandiikwa omu kitabo ky`amagara ky`Omwana gw`Entaama Owaitsirwe okuruga aha kuhanga kw`ensi (Okushuuruurwa 13:8). Kwonka okwiha okubeihwabeihwa nikubaho, embibo mbi kandi ey`omubi ekabibwaho omunsi yoona, kandi obuzigu bukaimuka rwagati y`ezo mbibo ibiri (Okutandika 3:15). Orwaango oruri kugumizamu rukazaara n`okufa. Ahagati yababeihabeirwe, tiheine kiri kuhurirwa nainga shi ekiri kugambwaho nk`oku garukana. Obwiire bw`okuhingura akasiitari k`embabazi nihareebeka kuba hatarihp kugaruka. Omushango gw`ahamuheru, n`obu kirabe kiri kityo, tushemereire kubirekyera Ruhanga. Okubeihwabeihwa kwa Haawa kukaretaho embiboy`ekishuba erikwetwa Kaini, ou MUKAMA atarabasize kwakira; kureka Abeli hamwe n`ekihongwa kye bakatunga okwikirizibwa ahari Ruhanga. Ruhanga nayakiira embibo ye yonka, abaana be abazirwe obw`akabiri aboojo hamwe n`abaishiki. Embibo enungi n`abaana b`obukama- engano. “Abaijukuru baryamuheereza…”  (Zaaburi 22:30).

Ebyokugyesha byezire kandi MUKAMA aryagyesha engano Ze Azuhunikye omukitara (Matayo 3:12). Ninyebaza Ruhanga ogwe owanyorekire omusiri gw`engano gweriire kimwe kandi gutarimu kyenzi. Kandi nabwe MUKAMA waitu akaba yeherize kugamba omuri Matayo 13:39-43 ngu Enkyenzi nizo ziribanza kugyeshwa. Embibo-kigambo ekabibwa yakurira omuri abo boona abari kubarirwa omu kanisa y`Omugore, kandi oburi hati eyereire kimwe. Omu mazima, omu bwiire butari bw`ahare nitubasa kwetana tuti: “Tushemererwe, tunanukye, tumuhe ekitiinisa; ahakuba obugyenyi bw`Omwana gw`entaama buhikire, kandi Omugore we ayeteekateekire” (Okushuuruurirwa 19:7).