EBARUHA ERIKWETORORA OKW`IKUMI-OKW`IKUMI N`EBIRI 2014

Abo boona abagumire omu bishuba nibehuzya eki Ruhanga ariyo nakora omu bwire obu. Nibikiririza omu kyahandikirwe kiriya ekibahandikire kubi ngu okurgaho kwa nabi obutumwa nabwo bukahwaho Yesu Kristo atakaizire omurundi gwa kabiri. Omu muriingo nigwo gumwe, nibahakanisa okwetwa oku MUKAMA we weenka yahaire kandi na nabi aka kuhamya. Okurugirira omu kwetegyereza kwabo, nibakireeba nk`enshonga eyahwaire; abamwe nibagira ngu Omwana gw`Entaama Yaherize kuruga aha Kitebe ky`embabazi, kandi ngu aizire kutwaara abe, hamwe n`ebindi bintu biingi. Koonka Ruhanga Asiimwe, ahabw`okuba obutumwa obw`amazima bukiriyo nibuburirwa okurabira omuri Baibuli, kandi kyona ekyagambirwe nabi kitiirwe omu buteeka bwakyo. Ebyahandikirwe ebiri kwera niyo yabaire eri “Kamara byona” by`ow`eishe-emwe Branham kandi naitwe nikwo kiri.

Ow`eishe-emwe Branham akagamba aha kyahandikirwe eky`omu kushuuruurirwa 22:18-19 emirundi erikureenga igana kandi arikuhamya ngu hatakagira ekyayongyerwaho nari ekyayihwaho aha kigambo ngu kandi Sitaani ekongyeraho ekigambo kimwe kyonka na Haawa, omu mazima hatariho kubanganisa ekyaretsireho okufa “Kwonka nyine obwoba nti: Nk`oku enjoka yaategire Haawa n`obugobya bwayo, ebiteekateeko byanyu bikaahabisibwa, muruga omu muhanda ogurikurahuka kandi ogurikwera oguri omuri Kristo.” (2 Abakorinso 11:3). Ogwe weena ori kwongyeraho nari akihaho aha kigambo naba nakozesibwa Sitaani, naba abaihabaihirwe kandi omu mazima naba ataine mugabo gwona aha muti gw`amagara. N`ekyomugasho munonga kandi nikyetenga kugira ngu tushome ebi ow`eishe-emwe Branham yagambire ahari eri ishomo. Ezi niza koti (Quotes) ishatu ezarugire omu nyingi: omu kwezi kwa kabiri 1, 1956, akagira ati: “Ogwe oricwaho nainga shi akongyeraho ekintu kyona ekiri omu kitabo eki Ruhanga nawe aryaiha eziina rye omu kitabo kya magara.” Omu kwezi kwa ikumi na kumwe 12, 1961, akagaruka yagira ati: “N`obu kyakuba kyayorekirwe ngu oineyo eiziina ryawe ni kirungi kwonka riryashangurwamu”. Kandi nabweomu kwezi kwa kana ebiro 18, 1965, ow`eishe-emwe akagaruka yagira ati: “Nitwenda eki Ruhanga yagambire aha kutandika, kandi eky kyona ekya kukyongyerwaho nari kikacwebwaho eiziina naryo niryaija kushangurwa omu kitabo ky`amagara”. Omuri Matayo 4:4 MUKAMA waitu akagarukamu omwohi n`ebigambo ebi: “kikahandiikwa ngu, Omuntu tatungwa by`okurya byonka, kureka n`ekigambo kyona ekiruga omu kanwa ka Ruhanga.”

Ruhanga akakyebemera omu muringo nk`ogu ngu mbase kuta za koti (quotes) za nabi ezigumire kwetegyereza ngu nzirambikye aha by`ahandikirwe. Tihariho kizibu kyona, nangwa n`omu kushuuruurirwa eshura ya 10 ku omuntu yakubanza kushoma eshura ya 8 hamwe n`eya 9, reero akamariira n`eshuura ya 11. N`abwe hatura ahatariho ntanisa ogwe owayeshuuruurire Musa hamwe n`abaana ba Israeli omu nyomyo y`omuriro hamwe n`omu kicu kandi owabebembeire kumara emyaka 40 (Okuruga 40:34-38). Omu kwezi kw`akabiri ebiro 28, 1963, obu nabi Branham yabaire akiri omunsi omu, Ruhanga niwo omwe Owayeshuuruurire omu buhereza bw`oweishe-emwe Branahm omu kicu, obu okubwatuka kw`enkuba mushanju kwatetemitse ekicweeka. Niwe omwe orikuza kushuuma nk`amaraika w`endagano omu kushuuruurirwa 10 akata ekigyere kye ahaitaka hamwe n`ahanyanja. Tihariho okutwakusiima Ruhanga kumarayo ahabw`okureeba ngu Ruhanga omwetsigwa atuhiire okwetegereza n`okwikwikirizana n`ebyahandikirwe hamwe nobutumwa obw`aburiirwe!

Enyegyesa ez`ebishuba tizikabasa kwikirizana n`akakye na Baibuli. Abo boona abari kureeta enyegyesha entsya nibikirizana ahanshonga emwe, eri kwetwa okwenda kushishaOmuhereza ou Ruhanga atumire kandi ngu borekye abantu ngu omuhereza ogwe tayine mugasho obw`orabiire omu kumsisira eiziina okugirangu babase kutwara omu maisho ebigyendererwa byabo. Nibagaruka bagira ekintu kimwe ekibarikubuganiraho: nibaikiriza ngu eki Ruhanga yagambire ari kutumwa ow`eishe-emwe Branham haza bakakicurika gu nigo mazima kandi ngu eki Ruhanga yagambiire Branham haza kitacurirkirwe ngu n`ekishuba.

N`obu bebyo byoona birabe biriho, MUKAMA n`akyombeka ekanisa ye, kandi n`amaani g`okuzmu tigarigisingura. Hariho ekanisa emwe yoonka omu butumwa, kandi ekanisa egyo neyetwa kigambo-mugore (Word-bride). Ogwe weena orikwikiririza omu kushuuruurwa kw`omutaano nainga shi orikwiririza omu nvunuura embi eziindi nyingi aria ahansi y`obwebembezi bw`omubi, kandi tari mu kigambo,kandi tari kicweka aha kanisa y`omugore. Kwonka boona abaana ba Ruhanga aba mazima omunsi yoona abatwirwe bakaza ahansi y`enyegyesha ezitahikire n`ekigyendererwa ky`okubahwerekyeza abo nibaza kutunga omuhanda gw`okugaruka kandi baikirize ngu obutumwa obwaretsirwe nabi nibukitebekanisa okwiija kwa Kristo kwa kabiri okuhitsya obu omuntu ow`okumariira aratahemu.

Ow`eishe-emwe Branham akagamba aha nshonga egi emirundi mingi; baingi nibagamba aha bi Ruhanga Akozire kandi bagaruka baranzya aha ki Ruhanga Arikuza kukora omu biro by`omumaisho kwonka behuzya ebi Ruhanga ariyo nakora hati. Kandi nabwe, eki Ruhanga akozire nikitugaita aha ki Ruhanga ariyo nakora hati kandi kituteekateekyera eki Ruhanga arikuza kukora omu biro by`omumaisho.

Omuri abe, omusinguzi akamariira omurimo gwe gw`obucunguzi ahari Karivariyo. Aha kumariira, ebigambo ebi Paulo yagambiire abo babire batarikwikiririza omu rugyendo rwe rw`okubanza omu buhereza bw`aheru nabyo nibiza kuhikirira. “Imwe abagaya, mureebe, mutangaare, muhweho; ahakuba ninkora omurimo omu biro byanyu, omurimo ogumutariikiriza na kakye, n`obu omuntu yaakuba naagubashobororera.” (Ebyakozirwe 13:41)

Paulo akaba namanyisa ki obu yakora okugyeragyeranisa oku aha bagayi? Omu kubara 16, obu abashaija ab`ekitiniisa bayereine hamwe kuhakanisa Musa na Arooni. Musa akagwa ajumiire yashaba nagira ati “N`ahabwe`ekyo mumanye ngu iwe n`omutwe gwawe gwona, ou mweteeraine kurwanisa ni MUKAMA; kandi Arooni niwe oha, imwe kumwetomboitera?”  (Omushoroongo gwa 11).

Musa akabeeta, kwonka tibarizire reero bagira bati, “…noyenda kwihamu abantu aba amaisho?” Ebigambo bikagumizamu; reero Musa yayeta abashaija ababaire bakwatanise na Koora “abantu ababi” Musa yarangirira ekifubiro: “…niho muraamanyire abantu aba ku bagayire MUKAMA” (Omushororongo gwa 30). N`ahabw`ekyo tihari abo abagayire nabi nainga shi ogwe owabaire aine kubaretera ebigambo bya nabi, kwihaho abakurahura/abagahi ba MUKAMA Ruhanga. Eryo ni`shomu rikuru munoonga. Musa akaba nabasa kugira ngu “MBAHO niwe abantumireho” (Okuruga 3:14). Musa akaba aine okwetwa, hamwe n`okutumwa kwine akakwate n`entebekanisa ya Ruhanga y`okujuna, niwe yabaire aine kuta ebigambo bya Ruhanga omu kanwa ka Arooni (Okuruga 4:15). Abagayi tibaragayire Musa hamwe na Arooni; bakashungisa kandi bagaya Ruhanga.

Ekyo nikyo Paulo yabaire namanyisa obu yagamba aha bagayi abarirebeka omu murimo ogu Ruhanga ari kukora omu biro byaitu. Kandi omu mazima, ekigambo ekyo kikahandikirwa obwire bwaitu. Tintumwa nari ogwe ori kureeta obutumwa ngu nibo barikugutwaho,kwihaho Ruhanga, ogwe omutumire ngu ahkirize entebekanisa ya Ruhanga ey`okujuna. Aba abarikwikiriza kwanabi omu mazima tibari kuremwa kwikiriza ngu obutumwa tiburiremwa kuhikiriza eki bwatumirwe kukora. Abo abatarikwikiriza okutumwa hamwe n`okwetwa kwa Ruhanga nibagaya Ruhanga, ou okutumwa okwe kwarugire omukanwa ke.

Nk`oku twine obuhame ngu MUKAMA akagamba buri kimwe ekyabaho ahabw`ekigambo ekiri kukirayo kugira amani kandi yamariira n`omurimo gw`okuhanga, We weenka oburi hati ariyo namariira omurimo gwe gw`obucunguzi omu butsyo bwe bw`omujigijo obu yaguzire n`eshagama Ye, okutwariramu n`ebyaraganitsibwe omu kigambo kandi hamwe naha bw`amani g`Omwoyo Arikweera “Ahakuba MUKAMA aryahikiiriza orubanja oru yaacwereire ensi, aruheze atarusiibizeho.” (Abarooma 9:28).

Omu kicweeka ky`ahamuheru, obu enjura yeibiba hamwe n`eigyesha birigwa omurundi gumwe, obu enkora y`Omwoyo erabeho kandi n`mani ga Ruhanga gakareebwa butunu, abaikiriza boona abamazima nibaza kuba baine Omwoyo gumwe hamwe n`amagara gamwe- omu butumwa, omu kigambo kandi hamwe n`omukukunda kwa Ruhanga, nk`oku kyabaire kiri omu kutandiika aha kiro kya pentekoti.

Eki Paulo yahandikire omu Barooma 8:31-39 nikikwata aha baatorainwe, abatari kuza aha rubaju rw`omuregi; “N`oha orirega entoore za Ruhanga? Ni Ruhanga, haza kandi obaihaho orubanja?” Abatsinguzi nibatsigara ahansi y`eshagama y`Omwana gw`Entaama, kandi ekigambo nibwo bujurizi bwaabo. Nibaikiriza buri kigambo kyona okurugira kimwe aha shuura y`okubanza okuhikira kimwe aha shuura y`ahamuheru. Oba kihandikirwe omuri Maraki 4, Luka 17, omuri Matayo 24:14, omu mushororongo gwa 24 nainga shi omu mishororongo 45-47 nari omuri Matayo 25:1-10 nainga shi Okushuuruurirwa 10.

Eky`obusaasi, omuregi kandi omubeihi w`ensi yoona naija kunagwa ahansi ahamuheru. Abatoreinwe, n`obu kirabe kiri kityo tibakabasa kubeihwa. Aha kutwarwa hamwe n`aha kurangirira kw`obutegyeki bw`emyaka rukumi (Millennial Reign) obwe nibwo Okushuuruurirwa 12:7-11 erahiikirire: “Kandi naahurira eiraka rihango omu iguru nirigira riti: Hati mbwenu okujuna kwa Ruhanga waitu n`amaani ge n`obukama bwe n`obushoboorozi bwa Kristo we biizire, ahakuba omuregi w`ab`eishe-emwe anagirwe ahansi obarega nyomushana na nyekiro omu maisho ga Ruhanga waitu. Bakamusingura ahabw`eshagama y`Omwana gw`entaama n`ahabw`ekigambo ky`obujurizi bwabo, nangwa n`okufa bakakwemera.”