EBARUHA ERIKWETOROORA okw`ikumi-n`ebiri 2010

Reka tubanze tureebe ebyahandikirwe bishatu ebi ow`eishe-emwe Branham yakizire kugambaho: Zekaria 14:7, Luka 17:30, hamwe n`okushuuruurirwa 10:7.

Omurundi gwangye gw`okubanza kuhurira ow`eishe-emwe Branham arikujuriza omuri Zekaria 14:7 ngu “ahakuba n`omuwabazyo omushana guryajwa” kukaba kuri okwezi kwa munaana 13, 1955. Nitumanya ngu ahabw`eki akaba namanyisa obunabi bw`omubiro bwahamuheru bw`kiro ky`okujunwa, kandi obuturimu ebiro ebi. Bunu obwiire bw`omwebazyo nibuza kutwebembera butuhitsye omu bwiire bw`omwitumbi, obu haribaho orwaari: “Reeba, kishweera yaija!”

Zekaria 14 ntworeeka akakwate na Israeli: “Eryo izooba omushana tigurijwa, kandi tiharigira kibunda, kureka riryaba eizooba rimwe eririkumanywa MUKAMA; tiburiba nyekiro, ahakuba n`omu mwabazyo omushanaguryajwa. Eryo izooba amaizi nigaruga omuri Yerusalemu, ekicweka kyago kize omu Nyanja y`oburugwa-izooba, n`ekindi kize omu Nyanja y`oburengyerwa – izooba. Biryaba bityo omu kyanda n`omuri katumba. Kandi MUKAMA aryaba omugabe orikutegyeka ensi yoona; eryo izooba MUKAMA aryaba omwe, n`eiziina rye ribe rimwe” (enyiriri 6-9). Enyiriri ezi zine akakwate na Israeli na Yerusaalemu kandi na MUKAMA ogwo aryaba omugabe kandi omutegyeki w`ensi yoona.

Nk`oku kiri ekigambo ky`obunabi kandi ow`eishe-emwe Branham akaba aine obuhereza bw`ekinabi, ekigambo eki akakikozesa omukanisa kandi hamwe n`omubuhereza bwe. Okugambira omu bw`omwoyo, ebintu bingi bitwiire nibibaho bikwatireine n`ekanisa hamwe n`ahari Israeli.

Omuri Luka 17:20-37, MUKAMA waitu akashoboroora gye munonga omu bigufu ebirikukwata aha biro by`okumariira. Akashoboroora aha kugaruka kwe nan`ebigambo ebi:s “Nk`oku omurabyo gurabiza aha rubaju rumwe rw`eiguru, okumurika kwagwo kukahika aha rundi, nikwo n`omwana w`omuntu ariba aha kiro kye.” (orunyiriri rwa 24).

Omu biro ebyo obu yesu ariba atakaizire, nitushoma ngu: “Nk`oku kyabaire omu biro bya Noa, nikwo kiriba kityo n`omu biro by`omwana w`omuntu. Bakaba nibarya, nibanywa, nibashwera, nibahingirwa, okuhitsya aha kiro eki Noa yaataahiireho omu meeri, omwegyemure, gukabacwekyereza boona.” (orunyiriri 26-27).

“Kandi n`omu biro bya Looti nabyo kikaba kityo; bakaba nibarya, nibanywa, nibagura, nibatunda, nibahinga, nibombeka, kwonka aha kiro eki Looti yaarugireho omuri Sodoma, omuriro n`ekibiriiti bikagwa okuruga omu iguru, byabacwekyereza boona. (enyiriri 28-29).

Ow`eishe-emwe Branham akahamya oru runyiriri orurikukurataho emirundi n`emirundi ati: “Nikwo kiriba kityo n`aha kiro eki Omwana w`omuntu arishuuruurirwaho.”

Hakabaho obwiire obu Noa yabaire naburiira kandi hagaruka habaho n`obwiire obu Looti yabaire ari omuri Sodoma. Omu muringo nigwo gumwe, hakabaho obwiire obu obuhereza obw`amaani bwabaho kandi omwana w`omuntu akeyoreka omu muringo nigwo gumwe ogu yayeyorekyeiremu Abrahamu kandi hamwe n`omu biro bya Yesu kristo. Kandi habaho n`Eizooba eri Noa yataahiiremu omu meeri kandi n`eizooba obu ba maraika babiri batwara looti okumwiha omuri Sodoma. Tutegyereize eizooba eryo ery`ekitinisa obu MUKAMA waitu ariija kututwaara omuka.

“Kandi hoona nimpamiza kimwe ngu: ogwo owaatandikire omurimo murungi omuriimwe aryaguhikiiriza aha kiro kya Yesu Kristo…” (Abafilipi 1:6).

“Nimbagambira nti: Aha kiro ekyo abashaija babiri baryaba bari aha kitabo kimwe; omwe aryatwarwa ondiijo atsigweho. Abakazi babiri baryaba nibasa kumwe; omwe aryatwarwa, ondiijo atsigweho. Abashaija babiri baryaba bari omu musiri, omwe aryatwarwa, ondiijo atsigweho.” (Luka 17:34-36). Oh, kanekyomuhendo munonga Omwoyo arikwera kutushuuruurira ekigambo kya Ruhanga!

Eky`obusaasi, nihakiburaho okwetegyereza gye ekyahandikirwe eki eky`omukushuuruurirwa 10:7 kandi hamwe na maraika wa mushanju ori kugamba omu kyahandikirwe eki kandi obwe ahanyima y`okushoma ezi shuura ibiri ezenyimaho, buri omwe weena ashemereire kwetegyereza ngu “maraika wa mushanju” nawe n`omwe omuri ba maraika mukaaga abakugumizamu nibateera enzamba bakurateine omu bwiire bw`akamanyiso ka mushanju, (eshuura ya 8+9). Ow`eishe-emwe Branham agamba ebigambo ebi ahari “maraika ogu ondiijo ow`amaani,” orikushuuma okuruga omu iguru omu kushuuuurirwa 10:1 hamwe n`eiraka rihango nk`oku entare etsinda (Yeremia 25:30; Hosea 11:10; Yoeli 4:15-16):

“Ku orikwetegyereza ogwe ni Kristo (noreeba?), ahabw`okuba we omu ndagaano enkuru aketwa maraika w`endagaano, kandi ariyo naizirira abayudaaya hati…” (Okwakashatu 17, 1963)

Ow`eishe-emwe Branham akeyongyera yashoborora ati, “Kandi hanu naagaruka omu shuura ya 10 ahanyima y`ebiro by`okwiija.” (Okwakashatu 17, 1963)

Kandi obwe ekyahandikirwe eki nikiza kuhikirira: “…kandi MUKAMA, ou muri kusherura, aryaija omuri Hekaru ye Kitaraariire; n`entumwa y`endagaano ei murikushemerererwa, reeba n`eija; nikwo MUKAMA ow`amahe arikugira. Mbwenu n`oha oribaasa kwemereraho? Aha bwokuba n ink`omuriro gw`onka sabuuni y`omwozi…” (Malachi 3:1b-2)

Entumwa y`ekanisa ya mushanju egambirweho honka okuhika omu kushuuruurirwa 3:14-22, kandi reero ahanyima y`ekyo tihariho handi aharikugambaho. Obwe bukaba buri obutumwa bw`okumarira ahabw`ekanisa y`okumarira, erikumaririra n`okwija kwa kishwera ari kwija kwakiira ekanisa y`omugore, ekirikwetwa okutwarwa.

Omu Kushuuruurirwa 8, ahonaaho ahanyuma y`okubamburwa kw`akamanyiso ka mushanju, nitushoma omu runyiriri rwa 2 ahari “bamaraika mushanju bakuteera” abakwemerera omu maisho ga Ruhanga. Nitugambirwa omu bigufu ekyabaire kibaho buri bwiire obu maraika yabaire atereramu enzamba kandi n`enzaamba zoona mukaaga kuzaherize kuteerwa (eshuura ya 8+9), kandi hakurataho ekirango eki ekya maani: “Kwonka omu biro ebi maraika owa mushanju ariteereramu enzamba ye, enaama ya Ruhanga eryahikirizibwa, nk`ebigambo ebirungi oku biri ebi yaagambiire abaheereza be baanabi.” (Okushuuruurirwa 10:7).

Ow`eishe-emwe Branham buri kujuriza orunyiriri rwa mushaju, akaba agamba aha naama omu bwingi bwaazo; buriijo akaba agamba aha “naama” za “Ruhanga.” N`obu kirabe kiri kityo orunyiriri rwa mushanju nirusigara rutakwatsirweho nk`enaama ya Ruhanga omu bukye bwarwo, kandi okurugirira nk`oku ebyahandikirwe ebirikwera biri kukijurira, Yesu kristo niwe naama ya Ruhanga eshurwiirwe. Ogundi omurundi nitugaruka tureebaho akakwate n`ekanisa hamwe na Israeli. Nitureeba maraika w`ekanisa ya mushanju ou okurugirira omu kworekwa obu yaaza omunsozi za Arizona omu kwezi kwa kabiri 28, 1963 ahu bamaraika mushanju bamweyorekiire omu kicu kandi yahurira n`okubwatuka kw`amaani kw`enkuba mushanju. Kandi aho yatungaokuragirwa kw`okubambuura obumanyiso mushanju.

Kandi nitureeba maraika ori kuteera enzamba owa mushanju kandi obwe tutunga okuhikirira kw`okushuuruurirwa 10:7. Ahanyima ya maraika wa mushanju kuteera enzamba, obutegyeki bw`emyaka rukumi buryatandika: “Maraika owa mushanju yaateera enzamba; haabaho amaraka mahango omu iguru nigagira gati: obukama bw`ensi bwahinduka obwa MUKAMA waitu n`obwa Kristo we, kandi aryaguma aha ngoma ebiro n`ebiro.” (Okushuurirwa 11:15). Ekyo n`ekyokwesogwa kandi kihikire. Eki kitakabaireho, omu shuura ya 10 orunyiriri rwa 8, Yohaana akaba aine kukarya kandi agarukye aragure aha bantu hamwe n`amahaanga. Omu mazima kikaba kitakagaruka kuba ekihikire ogundi murundi; obwe abajurizi babiri barebwa bari omuri Yerusaalemu (eshuura ya 11) kandi baranga okumara emyaka eshatu n`ekicweka. Ahanyima y`okkuhendera obuhereza bwabo, bakaitwa kandi reero ahanyima y`emyaka eshatu n`ekicweka, batwarwa omu iguru omu kicu reero habona kurangirirwa obutegyeki bw`emyaka rukumi. Ekigambo kya Ruhanga ahatariho kubanganisa kwona n`kyamazima kandi nitubaasa kwonka kugira ngu “Amiina” ahari kyo.