EBARUHA ERIKWETOROORA okw`ikumi-n`ebiri 2010

Omu matebezo ge agahamuheru, ow`eishe-emwe Branham akegyesa ahari eki okumara eshaaha ibiri hamwe n`edakiika 29 omu kwezi kwa ikumi nakumwe 27, 1965, kandi yahamya aha ntaniso eri rwagati y`abantu abarikutunga okutumwa kandi bakwaara okutumwa okwe omu maisho kandi hamwe n`abandi abari kwetuma. N`ahabw`ekyo nooha ori omu kukundwa kwa Ruhanga, kandi nooha ori kukora ebyo byona ebyarikukora orikukora ebyo byona ebyarikukora haza ari kubikora omu kukunda kwa Ruhanga? Omu mazima niw`ogwo ou Ruhanga ow`omu iguru yayeyemekiire ahabw`obuhereza hanu omunsi. Noa, Musa, Eliya, Yohaana omubatiza, Paulo, boona bakaba bagira ngu bakakora buri kimwe nk`oku ekigambo kya Ruhanga hamwe n`ekiragiro kye byabaire biri. (Okutandika 7:5; Okuruga 39:42; 1 Abagabe 18:36, Luka 3:2; Ebyakozirwe 26:16)

Niki ekyabaireho omu bwiire bwaitu okurabira omukukunda kwa Ruhanga? Tugire ngu Ruhanga akemereza emirimo ye hanu omunsi okuruga obu ow`eishe-emwe Branham yatwarwa omu mwaka gwa 1965? Okwetwa n`okutumwa kw`owishe-emwe Branham nikumanywa omunsi yoona. Konka kukagumizamu kuta ahanyima y`okufa kwe? Nooha owayetsirwe nangwa n`okufa kwa Branham kutakabeireho? Nooha owakozire omurimo gw`okwiiha obutumwa bw`ow`eishe-emwe Branham obwabaire bukiri aha ntambi omuri obwo bwiire akakoramu ebitao kandi akabishohoza ahanyima y`okuzikwa kw`ow`eishe-emwe Branham? Ahabwenki ababurizi baingi b`obutumwa barikwenda ngu basherekye abantu amazima nk`oku gari? Nooha kandi owa purangire kandi akatebekanisa enterane z`okubanza omuri Bulaaya kandi hamwe n`omugandi mahanga omunsi yoona? Nooha owahairwe eby`okugyenderaho omu bugufu okurugira kimwe omu kanwa ka Ruhanga? Kandi nooha obasize kukora buri kimwe omu bigufu nk`oku ekiragiro kya MUKAMA kiri omu bwiire bwaitu?

Abantu abamwe babaire bata aha nshonga engi, abu ahanyima y`ebiro bingi, aba baire baine ekitekyerezo kyahonaho ngu bagire eki bakorera Ruhanga? Hariho ebitabo bingi ebya handikirwe aha magara g`ow`eishe-emwe Branham; ebitabo ebihandikirwe omu mazima biri kukwata ahari “William Branham” nk`omuntu. Twine ebyafaayo bya MUKAMA waitu kandi omucunguzi, neinga shi twineho entebekanisa ya Ruhanga y`okujuna? MUKAMA waitu akagambwaho omuri Luka 2:28 kandi nabwe harikugamba ahakusharwa kwe aha kiro kya munaana, reero kandi n`obu yabaire ari omuri hekaru obwe aine emyaka ikumi n`ebiri (Luka 3:23). Twineho ekitabo ekirikukwata ahari Yohaana omubatiza hamww naha magara ge? Hariho ekitabo eki twine kirikukwata aha magara ga Paulo? Na arubamu erimu ebishishani by`ow`eishe-emwe Branham ebirikwingana na 333 bishemereire kuguma nibyoreka Branham nk`okiriho. Kandi nabwe omu kindi kitabo, okubuririza kw`abantu 36 kukkwatwa aha ntambi birikugamba okwijuka ow`eishe-emwe Branham okugyendera kimwe omu mwaka gwa 1965. Habaireho ki? Habaireho okuramya omuntu nka Ruhanga. Tihakiriho kintu kyona ekirikuhurirwa ahari Yesu Kristo. Eki kyeine kakwate ki na Ruhanga hamwe n`obutumwa obwa mazima? Eki Ruhanga ariyo nakora hati bariyo nibabihakanisa, babyanga, neinga shi babishweka. Omu muingo ogu akavuyo akatakabaasa kutambwa karetsirweho abo abarikutekyereza ngu bashemereire kugira ekibakorera Ruhanga batabandize batunga okwetw hamwe n`okutumwa okuri kurugira kimwe ahari Ruhanga.