Ebaruha erikwetoroora - Okw`ikumi n`ebiri 1997

Nyowe, omuhandiiki w`enyiriri ezi, nkareeba omu kwa kana, 1966, omuri Jeffersinviie, Indiana, Amerika nangwa abantu baawingana 10 ababaire bariho obu ebi ebirikukurataho byaabaho: omu kwa mukaaga, 1933, William M. Branham akagira okuburiira kw`engiri okwe okw`okubaanza. Biingi baakahindurwa baza owa Kristo kandi baahayo amagara gaabo owa Ruhanga. Omu kwa mukaaga, 11, abo abaikiriize Kristo nk`omujuni waabo baakagyenda hamwe n`omubuurizi kuza kubatizibwa aha mugyera Ohio omu nora ya Bibuli. Omutwe gw`abantu bakwiingana 4,000 gukaba guriho aha mukoro gw`okubatiza. Ku yaayemereire omu maize nka Yohaana Omubatiza, eiguru ryiguka kandi habaho ekintu eki abo boona ababaireho kureeba. Ku yabaire ari hakye kubatiza omuntu wa ikumi na mushanju, arikwemereza omukoono gwe, arikuraanzya eiguru, arikushaba, “MUKAMA, ndi kubatiza n`amaizi, noija kubatiza n`Omwoyo Orikwera hamwe n`omuriro.” Bwanyima ya akaire kakye ekyererezi ekirengire okwetegyereza kw`omuntu kyashuuma, kiri omu mwanya butari buriingwa munonga kuruga aha mushaija wa Ruhanga kandi eiraka ryagira, “Nk`oku Yohaana Omubatiza yatumirwe kutebeekanisa okwiija kwa Kristo okw`okubaanza, obutumwa oburi kukuheebwa nibwiija kuba obw`okutebekanisa okwiija okw`akabiri.” Empapura z`omukicweeka kya Jeffersonville, Indiana, nka Lousiville, Kentucky, Amerika hamwe na Canada bikajuriira eki ekyabeireho. Biingi omuri abo ababaire bari omu bantu bakatiina, bamwe bashabira omu kitiinisa, nangwa abamwe baagwa kihuumura. N`ahabw`ekyo kikahaandiikwa.

Ruhanga nabaasa kukora ebintu byoona. Nabaasa kureebwa aha kikwatireine n`eky`okubaho n`okuraganisibwa kwa Musa omu muriro ogurengire okwetegyereza kw`omuntu guri kwotsya ekishaka. MUKAMA nabaasa kwijira Saulo omu maisho ga Damasiko omu kyererezi ekiri kwaaka munoonga kandi kyamuha obutumwa. Niwe omwe, buri kimwe ekyari kukora nikibaho ahabw`enshonga.

Obutumwa obw`Omwoyo nibubaasa kuba Ekigambo eky`ahandiikirwe kurabira omu mwoyo omu ky`omugasho ky`akyo kandi kiri kworekwa omu kakwaate akahikire. Eiraka rye ryiniire kimwe akakwaate n`entebeekanisa ye y`okujuna kandi n`ey`omugasho munonga ahabw`Ekanisa Ye. Tiriri eiraka rya akakiiko k`ababuurizi nari nabi owaayeyemekire nainga ba nabi ab`abakzi abine okushuuruurirwa okw`omutaano owagaitsire ekintu kyona ahari Bibuli, ngaaha, eiraka rya Ruhanga ryonyini eririkuhuriirwa n`erizooba ahabw`Ekigambo kye ekiri kweera. Tihariho nkungaana mpaango – ebigitsirwe ahari Kristo ngu n`ezaha muheru, ngaaha, omwo muunda omu ntebeekanisa y`okujuna eya akaire k`emperu terikutwaarwa nka eya amaani. Eky`amaani eki kishemereire kuba n`okusiimuka. Naangwa n`enkungaana z`aba karizimatiki eziine enkora entsya eziri kwiija kuretaho okutambura kw`Omwoyo tiziri z`aha muheru ezi Ruhanga yaaraganiise. Na Ruhanga ekyo kyonka ekyiine mu igaro nikyo kikubarwa, omutiindo gutari muheendo. Eri izooba okuba Omukristaayo buri kimwe nikyeetwa Obukristaayo, naangwa n`emigisha y`enyamishwa omu makanisa. Ashemereire kuba Kristo, niwe omwe nyumwabazyo, erizooba n`ebiro n`ebiro.

Omushaija atumirwe kuruga ahari ruhagnga naatebeekanisa omuhanda, agarura ebintu byoona omu mwanya gwabyo ogw`abandize. Nabi owaraganisiibwe ashemereire kuba aine Ekigambo ky`akaire aka. Hakiriho abajurizi abakihuriire aba kubaasa kugaba nk`entumwa, “… eki twahuriire, eki twareebire n`amaisho gaitu, eki twayetegyereize kandi tukakwataho n`engaro zaitu, ekya Kigambo ow`amagara.” (1 Yohaana 1).

Omu kwa kataano, ebiro 7, 1966, MUKAMA Aketumira ow`eishe-emwe Branham obwe arikutuma maraika. Obukaikiru bw`abantu bakahurira obujurizi kuruga omu kanwa ke. Omuntu yaaba atakubaasa kukiikiriza, nikibaanganisibwa yaaba ori ow`amazima, ahabw`okuba endagaano enkuru hamwe n`entsya nizikihamya ngu Ruhanga naakora omu miriingo erengire okwetegyereza kw`omuntu okurabira omu kutuma baamaraika abari kuhereza enyoyo (Abaheburaayo 1:14). Maraika akaizira Zekaria (Luka 1:11), maraika akiizira Mariamu (Luka 1:26), maraika akarangirira okuzarwa kwa Kristo omu bariisa b`entaama (Luka2:8-14), maraika akiigura orwiigi rw`ekihome (Ebyakozirwe 5:19), maraika akagaamba na Filipo (Ebyakozirwe 8:260, maraika akataayayira Koneriasi (Ebyakozirwe 10:3), maraika akeeyorekyera Paulo (Ebyakozirwe 27:23). Ebi n`ibice aha byabaireho ebiri kworeka amazima g`okutayayirwa kw`aba maraika omu ndagaano entsya. Eky`omugasho ahabw`aitu omu kaire aka n`okwohoreza maraika omu Kushuuruurirwa 1:1-3 bhamwe n`eshuura ya 22:6 okumanyisa abahuuku ba Ruhanga ahabikwatiriine n`ebintu ebiri haihi kubaho.