Ebaruha erikwetoroora - Okw`ikumi n`ebiri 1997

N`okufayo munoonga turimu nitureeba enkurakurana eziri omu Israeli. Buri kimwe kikaragurwahi ira. Nangwa ngu Israeli neija kutuunga obusiingye n`okwiija kwa Masiya kwonka Oriija kubacungura kuruga omu bazigu baabo, nk`oku kyahandiikirwe. Okuhitsya obunaku obwo Israeli eine kukwaata n`obwegyendesereza n`ekizibu eki.

Abanyabutegyeki nibazaana n`ebigambo, bakugira, “Obusingye nibureeta oburiinzi kandi oburiinzi nibureeta obusingye!” n`okubuuzabuza kwonka. Nihiija kubaho orutaro bwanyima y`okurangirira kw`obusiingye hamwe n`obugwa gye.

Hati nk`oku biri tumanyisiibwe aha kyahikire aha Bayudaaya omu bunaku bw`ekiita bantu. Kwonka nikishemeza kureeba, Ekanisa ya Rooma yaguma omu kubuuza aha bikwatireine na kicweka ki eki yaazanire omu bwiire bw`aba Nazi, batyo nibagamba aha “kaceceko k`okusiingwa orubanja”. Hati okurangirira kuriyo nikutebekanisibwa oku Paapa ariije kushoma omu mwaka gw`okugarukana ogwa 2000 omuri Yerusaalemu. Omu kwa ikumi na kumwe, ebiro 10, 1997, endagaano na Israeli ey`enyongyeserezo ekateebwaho omukono ei Vatikani erikureebeka nka “endagaano aha gati ya Paapa na gaumanti” erikuha Ekanisa ya Rooma obugabe bw`omutaano aha btaka oburi kweer.

Nangwa hati ekiicuucu kibaandamiire Switzerland ahu Abanazi, abaitsi bafuriire zaabu hamwe n`esente ebyanyagirwe kuruga aha Bayudaaya. Na Sweden eriyo nereetwa omu mitwe y`amakuru, nk`oku amaziina g`Abayudaaya gaabiire gatirweyo. Okuba ow`oburiinganiza omuntu omwe aine kugira ngu arikukwataho ti mutuuze w`aburiijo omu ihaanga eryo kureka abantu bamwe hamwe n`ebitongore ababiire nibakwatanisa n`obutegyeki bwa Hitler. Kikaba kiri ekiitabantu ekyabaire kitebeekaniise gye ahu omunda abanyabutegyeki hamwe n`abebeembezi b`amahe hamwe n`abebeembezi b`ediini babiire nibakorera hamwe.