Baptẹm yín núyiwà de ehe mẹ mẹde do ede hia te to okú mẹ, po didi po, po fọ́nsọnku Klisti tọn po mẹ. Apọsteli Pita whlán ehe dọmọ “…Ohia mọtọnhunkọ hlan ehe baptẹm do to mí whlẹn ga (e ma yín diho agbasalan tọn didèsẹ̀ gba, ṣigba ogbèyí ayiha dagbe de tọn hlan Jiwheyẹwhe), gbọn fọ́nsọnku Jesu Klisti tọn mẹ…” (1PITA 3:21). Mẹhe yè baptizi yín dopo po Klisti po, bo sọ mọdona dọ yè whè é po Klisti po do satin go.

Baptẹm yín owalọ tonusisè tọn gbọn yisenọ he hodo gbèyíyí yise ede titi tọn dali, bo sọ zé yise etọn sinai do Whlẹngantọ Oklunọ etọn ji. Kẹdẹdi lé mí hia do dogbọn Filipu po Ojọ po tọn dali, dọ yé omẹ awe lẹ biọ osìn mẹ. Mọkẹdẹ wẹ e te to agùn lẹpo mẹ, yé he yise to núhe Biblu dọ mẹ kaka jẹ egbè. Yé omẹ awe lẹ, mẹhe yé na baptizi po omẹ he na baptizi nẹ́ po, na biọ osìn mẹ, osìn he mẹ yé na biọ lọ na jẹ alinmẹ eyín ewhè gbawú. Whẹpo yé nado baptizi omẹ lọ, omẹ he to omẹ baptizi na dọ do lé dọmọ, “nọvisunnu kavi nọviyọnnu dò gbèyíyí yise towe tọn ji, yẹn baptizi we kẹdẹdi Ohó Jiwheyẹwhe tọn to Oyín Oklunọ Jesu Klisti tọn mẹ”. Baptẹm yín jijlẹdo oṣiọ didi go. Mọwẹ yè na di i do osìn mẹ to owẹ̀n bọ osìn lọ na sọ bú i patapata mọwẹ yè na sọ zé é tite sọn osìn lọ mẹ. Finfọ́n sọn osìn lọ mẹ dohia dọ omẹ lọ fọ́ndogbẹ̀ po Klisti po to yọ́yọ́jẹ mẹ. Ṣigba ogbẹ̀ yọ́yọ́, mọwẹ e ma yín gbọn baptẹm mẹ gba ṣigba gbọn vọji Ohó Jiwheyẹwhe tọn tọn dali po Gbigbọ Jiwheyẹwhe tọn po. To alọ depope mẹ, eyín yè hùnhùn osìn do omẹ go kavi kọ̀n osìn do ota na ẹn, enẹ ma tlẹ yín yiylọ dọ ‘baptẹm’,lala, na e ma yín mọ gba.

Apọsteli Paul whlán to Owé KỌLỌSINU 2:12 tọn mẹ, “…Bọ yè sọ di mì dopọ hẹ ẹ to baptẹm mẹ, ehe mẹ yè fọ́n mì do ogbẹ̀ po é po te ga gbọn yise mẹ to azọ́nwiwà Jiwheyẹwhe tọn mẹ mẹhe fọ́n ẹn tite do ogbẹ̀ sọn oṣiọ lẹ mẹ.” Owé Wiwé ma plọ́nmẹ dọ yọpọvu lẹ yín jiji dogbọn osìn kọ̀n do ota kavi osìn hùnhùn do omẹ ji tọn dali gba. Núplọ́nmẹ nugbo lọ wẹ yín dọ gbẹtọ lẹ dóna sè Owẹndagbè Jesu Klisti tọn whẹ́, bo kẹalọyí Ohó lọ kẹdẹdi jinukún de to alindọn yetọn mẹ, bo na sọ tindo gbẹ̀zán yọ́yọ́ gbọn Gbigbọ Jiwheyẹwhe tọn dali. Whenẹnu wẹ yè na yín bibaptizi. Baptẹm osìnmẹ tọn ma dohia dọ omẹ lọ ko mọ Gbigbọ Wiwé yí gba. Baptẹm gbọn Gbigbọ Wiwé dali yín dọpọ́n gbọnvo de. Enẹ wẹ yín gblọndo Jiwheyẹwhe tọn hlan yisenọ he yín tonusètọ to baptẹm osìnmẹ tọn mẹ. Domọ omẹ lọ tindo kandeji nado yín Jiwheyẹwhe tọn. To Owé LOMUNU 6:4-5 tọn mẹ, apọsteli Paul do onú he baptẹm yín hia to ohógbè helẹ mẹ, dọmọ: “Enẹwutu yè di mí po é po gbọn baptẹm mẹ do okú mẹ; dọ dilé yè zé Klisti tite sọn oṣiọ lẹ mẹ gbọn gigo Otọ́ tọn mẹ, mọ na mí ga nido zinzọnlin to yọ́yọ́jẹ ogbẹ̀ tọn mẹ. Bé eyín yè do mí dopọ to okú etọn mẹ, mí na tin to ohia fọ́nsọnku Etọn tọn mẹ ga”. Ohógbè dopolọ yín didohia to owéwinwlán etọn hlan Galatianu lẹ mẹ, GALATIANU 3:26-27: “Na ovi Jiwheyẹwhe tọn wẹ mì omẹ pó, gbọn yise mẹ, to Klisti Jesu mẹ. Na mì omẹ sọha he yè ko baptizi to Klisti mẹ lẹ, ko zé Klisti do ogo.” E ma yín ylandonọ húhú he zinzọnlin biọ osìnmẹ na é nido zọ̀n pọ̀pọ̀ tọ́n wá agéji, lala, mí to ohó dọ do gbẹtọ he mọ ojọmiọn Jiwheyẹwhe tọn ji, mẹhe gbowhẹ̀ hẹ Ẹ, mẹhe mọ kandeji yì dọ ylando yetọn lẹpo yín jijo, bo sọ gboadọ dọ Jiwheyẹwhe kẹalọyí yé.

Baptẹm yín núyiwà de ehe mẹ mẹde do ede hia te to okú mẹ, po didi po, po fọ́nsọnku Klisti tọn po mẹ. Apọsteli Pita whlán ehe dọmọ “…Ohia mọtọnhunkọ hlan ehe baptẹm do to mí whlẹn ga (e ma yín diho agbasalan tọn didèsẹ̀ gba, ṣigba ogbèyí ayiha dagbe de tọn hlan Jiwheyẹwhe), gbọn fọ́nsọnku Jesu Klisti tọn mẹ…” (1PITA 3:21). Mẹhe yè baptizi yín dopo po Klisti po, bo sọ mọdona dọ yè whè é po Klisti po do satin go.

Baptẹm yín owalọ tonusisè tọn gbọn yisenọ he hodo gbèyíyí yise ede titi tọn dali, bo sọ zé yise etọn sinai do Whlẹngantọ Oklunọ etọn ji. Kẹdẹdi lé mí hia do dogbọn Filipu po Ojọ po tọn dali, dọ yé omẹ awe lẹ biọ osìn mẹ. Mọkẹdẹ wẹ e te to agùn lẹpo mẹ, yé he yise to núhe Biblu dọ mẹ kaka jẹ egbè. Yé omẹ awe lẹ, mẹhe yé na baptizi po omẹ he na baptizi nẹ́ po, na biọ osìn mẹ, osìn he mẹ yé na biọ lọ na jẹ alinmẹ eyín ewhè gbawú. Whẹpo yé nado baptizi omẹ lọ, omẹ he to omẹ baptizi na dọ do lé dọmọ, “nọvisunnu kavi nọviyọnnu dò gbèyíyí yise towe tọn ji, yẹn baptizi we kẹdẹdi Ohó Jiwheyẹwhe tọn to Oyín Oklunọ Jesu Klisti tọn mẹ”. Baptẹm yín jijlẹdo oṣiọ didi go. Mọwẹ yè na di i do osìn mẹ to owẹ̀n bọ osìn lọ na sọ bú i patapata mọwẹ yè na sọ zé é tite sọn osìn lọ mẹ. Finfọ́n sọn osìn lọ mẹ dohia dọ omẹ lọ fọ́ndogbẹ̀ po Klisti po to yọ́yọ́jẹ mẹ. Ṣigba ogbẹ̀ yọ́yọ́, mọwẹ e ma yín gbọn baptẹm mẹ gba ṣigba gbọn vọji Ohó Jiwheyẹwhe tọn tọn dali po Gbigbọ Jiwheyẹwhe tọn po. To alọ depope mẹ, eyín yè hùnhùn osìn do omẹ go kavi kọ̀n osìn do ota na ẹn, enẹ ma tlẹ yín yiylọ dọ ‘baptẹm’,lala, na e ma yín mọ gba.

Apọsteli Paul whlán to Owé KỌLỌSINU 2:12 tọn mẹ, “…Bọ yè sọ di mì dopọ hẹ ẹ to baptẹm mẹ, ehe mẹ yè fọ́n mì do ogbẹ̀ po é po te ga gbọn yise mẹ to azọ́nwiwà Jiwheyẹwhe tọn mẹ mẹhe fọ́n ẹn tite do ogbẹ̀ sọn oṣiọ lẹ mẹ.” Owé Wiwé ma plọ́nmẹ dọ yọpọvu lẹ yín jiji dogbọn osìn kọ̀n do ota kavi osìn hùnhùn do omẹ ji tọn dali gba. Núplọ́nmẹ nugbo lọ wẹ yín dọ gbẹtọ lẹ dóna sè Owẹndagbè Jesu Klisti tọn whẹ́, bo kẹalọyí Ohó lọ kẹdẹdi jinukún de to alindọn yetọn mẹ, bo na sọ tindo gbẹ̀zán yọ́yọ́ gbọn Gbigbọ Jiwheyẹwhe tọn dali. Whenẹnu wẹ yè na yín bibaptizi. Baptẹm osìnmẹ tọn ma dohia dọ omẹ lọ ko mọ Gbigbọ Wiwé yí gba. Baptẹm gbọn Gbigbọ Wiwé dali yín dọpọ́n gbọnvo de. Enẹ wẹ yín gblọndo Jiwheyẹwhe tọn hlan yisenọ he yín tonusètọ to baptẹm osìnmẹ tọn mẹ. Domọ omẹ lọ tindo kandeji nado yín Jiwheyẹwhe tọn. To Owé LOMUNU 6:4-5 tọn mẹ, apọsteli Paul do onú he baptẹm yín hia to ohógbè helẹ mẹ, dọmọ: “Enẹwutu yè di mí po é po gbọn baptẹm mẹ do okú mẹ; dọ dilé yè zé Klisti tite sọn oṣiọ lẹ mẹ gbọn gigo Otọ́ tọn mẹ, mọ na mí ga nido zinzọnlin to yọ́yọ́jẹ ogbẹ̀ tọn mẹ. Bé eyín yè do mí dopọ to okú etọn mẹ, mí na tin to ohia fọ́nsọnku Etọn tọn mẹ ga”. Ohógbè dopolọ yín didohia to owéwinwlán etọn hlan Galatianu lẹ mẹ, GALATIANU 3:26-27: “Na ovi Jiwheyẹwhe tọn wẹ mì omẹ pó, gbọn yise mẹ, to Klisti Jesu mẹ. Na mì omẹ sọha he yè ko baptizi to Klisti mẹ lẹ, ko zé Klisti do ogo.” E ma yín ylandonọ húhú he zinzọnlin biọ osìnmẹ na é nido zọ̀n pọ̀pọ̀ tọ́n wá agéji, lala, mí to ohó dọ do gbẹtọ he mọ ojọmiọn Jiwheyẹwhe tọn ji, mẹhe gbowhẹ̀ hẹ Ẹ, mẹhe mọ kandeji yì dọ ylando yetọn lẹpo yín jijo, bo sọ gboadọ dọ Jiwheyẹwhe kẹalọyí yé.