Dòdónu ninọ̀mẹ he ji mẹhe na yí baptẹm tọn na nọ̀ wẹ yín yise ewlọsu titi tọn to Whlẹngantọ etọn mẹ. Jẹnukọnna zizéyì olọn mẹ Jesu tọn, Oklunọ degbè azọ́n titegbe de tọn, “É sọ dọ hlan yé, dọmọ, ‘Mì yì aihọn lẹpo mẹ, mì ni to yẹwhehó wẹndagbe tọn dọ hlan gbẹtọ lẹpo. Mẹhe yise bọ yè baptizi, yè na whlẹngan’” (MALKU 16:15-16). Kẹdẹdi lé mí mọ do, tintan wá gbọn didọ Owẹndagbe lọ tọn dali podọ e ma yín núwiwà agùn tọn de gba.

Dogbọn yẹwhehódidọ owhẹ̀dọgbọ mítọn po Jiwheyẹwhe po gbọn Jesu Klisti mẹ tọn dali, wẹ gbẹtọ lẹ yín hinhẹn wá nado kẹalọyí whlẹngan he Jiwheyẹwhe basi. Kẹdẹdi lé yè wlán ẹn do, dọ, “Bé whenẹnu yise wá sọn sisè mẹ, podọ sisè gbọn Ohó Klisti tọn dali” (LOMUNU 10:17). Yise mọtọnhunkọ he nọ wàzọ́n gbọn Gbigbọ Wiwé dali to ayiha sisètọ lẹ tọn mẹ dóna wá jẹgbonu whẹ́. Ogbèyíyí homẹ tọn de dóna tin he yín “Mọwẹ” do hlan Jiwheyẹwhe podọ alọkẹyí ojọmiọn wiwé Jiwheyẹwhe tọn to ayiha mítọn lẹ mẹ. Mẹde dóna tindo dọpọ́n whlẹngan tọn jẹnukọn whẹ́, ehe mẹ omẹ de gbọn do yín yisenọ. Kẹdẹdi Owé LOMUNU 8:16 tọn, “Gbigbọ lọsu sọ to kunnu de hẹ gbigbọ mítọn, dọ ovi Jiwheyẹwhe tọn wẹ mí.” Enẹ wẹ yín kandeji he omẹ dopodopo mọ yí mẹhe yè sùwhẹ̀na gbọn yise dali to azọ́nwàdotana ofligọ̀ tọn mẹ. To ehe godo wẹ afọdide he jẹgodona ẹn he yín baptẹm na wá. To Owé OWALỌ 2:41 tọn mẹ, mí hia dolé dọ, “Whenẹnu wẹ yè baptizi mẹhe yí homẹhùnhùn do yí ohó etọn lẹ”. Ehe jọ to godo he Pita dọ yẹwhehó etọn tintan to azán Pẹntikọsti tọn gbè. Ehe yín gblọndo titegbe de. Gbẹtọ fófọtọ́n (3000) kẹalọyí owẹn Jiwheyẹwhe tọn, bo yise to Ohó Jiwheyẹwhe tọn he yè dọ hlan yé mẹ bo sọ yí baptẹm to afọdodoponẹji. Ninọ̀mẹ Owé Wiwé he tọn tin kaka jẹ owhè kanwékó donu atọ̀n to whenuena Klisti ko yì godo. Apọsteli lẹ po omẹ devo he pò lẹ po to nukọn yì to húhlọn Gbigbọ Wiwé tọn mẹ, bo tọ́njẹgbonu bo to yẹwhehó wẹndagbe tọn dọ. Dopo to yé mẹ wẹ Filipi mẹhe tindo azọ́n húhlọnnọ daho de, he basi vọfọ́n gbọnvo de to Samalia mẹ. To finẹ gbẹtọ lẹ wá bo sọ yise, bo sọ yí baptẹm to Oyín Oklunọ Jesu Klisti tọn mẹ (OWALỌ 8:16).

Wẹndagbelátọ lọ jò vọfọ́n lọ do bo sọ yín pinplán gbọn Gbigbọ Wiwé dali nado pé dawe he yín Ethiopianu de mẹhe to Owé Yẹwhegán ISAIA 53 tọn tọn hia (OWALỌ 8:26-39). “Whenẹnu wẹ Filipi kẹ̀ onù etọn bo ṣẹ̀ do Owé wiwé dopo lọ go, bo dọ yẹwhehó Jesu tọn hlan ẹn” (afọ 35). Yẹwhehó didọ, yín dòdó Ohó dọdai tọn he yín whlẹngan Jiwheyẹwhe tọn he É basi na gbẹtọ lẹpo.

To gblagbla yẹwhehó didọ lọ tọn mẹ, otódomẹtọ lọ sọ dọ hlan omẹ Jiwheyẹwhe tọn lọ dọ, “…Pọ́n osìn tin to ofi; etẹ wẹ hẹn mi dote nado baptizi?” (afọ 36). Gbèmimá lọ yín bibasi. Filipi basi to gbèyíyí nugbo tọn de mẹ po Ohó Oklunọ tọn po, po apọsteli lẹ po. Bọ é sọ kanbiọ dawe lọ dọ, “… eyín hiẹ yí ayiha towe lẹpo do yise, yè sọgan baptizi we” (afọ 37). Gblọndo lọ yín gbèmimá zogbezogbe de, dawe lọ sọ dọmọ: “Yẹn yise dọ Ovi Jiwheyẹwhe tọn wẹ Jesu klisti!” Yise jawu tẹwẹ ehe!

“É sọ dọmọ yè ni hẹn kẹkẹ dote, yé omẹ awelẹ sọ jẹte yì osìn mẹ, Filipi po ojọ lọ po; é sọ baptizi i” (afọ 38). Yise wá gbọn yẹwhehódidọ dali, yẹwhehó sọn Ohó Jiwheyẹwhe tọn tọn mẹ. Gbigbọ Wiwé biọ ayiha mẹhe to sisè lọ tọn mẹ he dọ ojlo etọn tọ́njẹgbonu nado yí baptẹm.

Pita yì owhé Kọnẹliọsi Lomunu mẹkanwekówhàngán lọ tọn gbè, he nọ nọ̀ otò Sesalia tọn mẹ gbọn núdohiamẹ titegbe de tọn dali. Yẹwhehódidọ etọn dohia ogblọndo Owé Wiwé tọn lẹ kẹdẹdi lé e te to whẹ́whẹ́nu. Mí mọ winwlán dolé dọ, “Lé Pita to ohó nẹlẹ dọ, Gbigbọ Wiwé jẹ do yé omẹ pó he to ohó lẹ sè ji” (OWALỌ 10:44). Mí mọ dọ Gbigbọ Wiwé zinzọnlin to ofi he yè dọ yẹwhehó Ohó lọ tọn te. Na yisenọ lẹ tọn, yé dóna hẹn dódó Jiwheyẹwhe tọn lẹpo ṣẹ̀ bo sọ wà núdepope he Oklunọ degbèna. Whenẹnu wẹ apọsteli lọ dọmọ, “Omẹ depope sọgan kọ́ dọ yè ma na yí osìn do baptizi omẹ helẹ, he mọ Gbigbọ Wiwé yí kẹdẹdi míwlẹ? É sọ dọ yè ni baptizi yé to oyín Oklunọ tọn mẹ” (afọ 47 po 48). Devizọ́nwàtọ nugbo depope to egbè dóna hodo ninọ̀mẹ dopolọ, podọ yisenọ lẹpo dóna tindo ojlo nado yí baptẹm kẹdẹdi lé Owé Wiwé dọ do, yín e tlẹ yín dọ yé ko mọ Gbigbọ Wiwé yí dai. Núdepope he tọ́nsọn Jiwheyẹwhe de nọte tẹgbẹ ma tin oyẹ didiọ tọn.

To Owé Wiwé lẹ mẹ, mí ma mọ to ofidepope he yè nagbè nado baptizi yọpọvu lẹ kavi húnhún osìn do yé ji. Omẹ depope he tẹ́npọn nado sùwhẹ̀na núwiwà mọtọnhunkọ lẹ he ma tin to Biblu mẹ, nọ dè Owé LUKU 18:15-17 tọn, ṣigba omẹ lọ dóna hia Owé MATIU 19:13-15 tọn dogọ, po MALKU 10:13-16 po. Matin oyẹ mayise tọn, eyín didohia hézéhézé dọ OKLUNỌ Jesu mítọn dona ovivu lẹ he yè hẹn wá Ede lẹ poun wẹ. É zé alọ Etọn do yé ji bo yí yé do awà Etọn lẹ glọ. Núdepope ma dohia dọ É baptizi yé kavi húnhún osìn do yé go to onúwiwà he mẹ. To egbè, omẹ he yín yisenọ lẹ nọ hẹn ovi yetọn lẹ yì sinsẹ̀nhọ̀ lẹ mẹ nado dó yé hia podọ nado zé yé whlé to OKLUNỌ nukọn podọ na yé nido yín didona to Oyín Etọn mẹ.

Podọ, Owéfọ devo de he yè zán jẹagọ nado yígbèna baptẹm yọpọ lẹ tọn ma tlẹ dọhó depope do ehe go. Whenuena yè wlé Paul po Sila do gànhọmẹ to otò Filipi tọn mẹ, onú huhlọnnọ de sọawúhia. Ogànkọnnọtọ lọ dibu jẹ okú, bo wá nado kàn ohó biọ omẹ Jiwheyẹwhe tọn nẹlẹ, dọ, “…Mẹho emi, etẹwẹ yẹn do wà nado yín whinwhlẹngan? Yé sọ dọmọ, yí Jesu Klisti OKLUNỌ sè, yè nasọ whlẹn we po whédo towe po” (OWALỌ 16:30-31). To afọ he jẹgodona ẹn mẹ, yé dọ núyíwà nẹlẹ na mí, “Yé sọ dọ Ohó OKLUNỌ tọn hlan ẹn, podọ hlan omẹ he tin to owhé etọn gbè lẹpo po”. Mí mọ lé yé payi azọ́n nugbo tọn lọ go dolé yè degbèna yé do. Jẹnukonna núwiwà baptẹmu tọn, Ohó lọ, owẹndagbe Jesu Klisti tọn lọ, dóna yín didọ whẹ, bọ sisètọ lẹ na yise, podọ enẹ godo yè na baptizi yé. Dogbọn Ogànkọnnọtọ lọ tọn dali, mí hia dọ, “É sọ bẹ́ yé to ojlẹ doponẹ mẹ to ozán mẹ, bo klọ́ bápa yetọn; yè sọ baptizi i po omẹ etọn lẹpo po to tẹndoponẹmẹ” (afọ 33). Mì jale mì do ayi e go: jẹnukọn whẹ, yẹwhehódidọ, bọ omẹ lẹpo na sè, enẹ godo bọ yè yise, whenẹnu wẹ yé na yín bibaptizi. Núdepope ma yín didọ dogbọn yọpọvu lẹ tọn dali to kọndopọ nẹ mẹ gba.

Ninọ̀mẹ he ji omẹ lẹ to bibaptizi do to egbè ma tin to dòdónu Biblu tọn depope ji. Mọwẹ e te to otanhó agùn lẹ tọn mẹ. Whenuena akọta lẹpo yín hinhẹn gbọn huhlọn dali nado yín yisenọ, wẹ baptẹm he ma sọgbe hẹ Biblu sọawúhia. To núyíwá mọtọnhunkọ mẹ, omẹ dopodopo to whẹndo dopodopo mẹ, yèdọ yọpọvu lẹ ga, wẹ yè nọ zé alọ do yé ji to kinkọ̀n osìn tọn do ota na yé whla atọ̀n mẹ. Yise yín didiọ, bọ yẹwhe-otọ̀ lẹ po yẹwhe-onọ lẹpo po yín gigọ̀do onú he Biblu ma tlẹ dọ lala ji. Kẹdẹdi lé mí mọ do, dogbọn núhe mí ko dohia tọn dali, omẹ dopodopo dóna magbè to Jiwheyẹwhe nukọn. Eyín núblawú dọ yẹwhehódidọ to agùn Yisenọ lẹ tọn mẹ to egbè ma tlẹ yín zizé jlẹdo ninọ̀mẹ apọsteli lẹ tọn go gba, enẹwutu e ma do hẹn gblọndo Biblu mẹ tọn jẹgbonu wá gba.

Dòdónu ninọ̀mẹ he ji mẹhe na yí baptẹm tọn na nọ̀ wẹ yín yise ewlọsu titi tọn to Whlẹngantọ etọn mẹ. Jẹnukọnna zizéyì olọn mẹ Jesu tọn, Oklunọ degbè azọ́n titegbe de tọn, “É sọ dọ hlan yé, dọmọ, ‘Mì yì aihọn lẹpo mẹ, mì ni to yẹwhehó wẹndagbe tọn dọ hlan gbẹtọ lẹpo. Mẹhe yise bọ yè baptizi, yè na whlẹngan’” (MALKU 16:15-16). Kẹdẹdi lé mí mọ do, tintan wá gbọn didọ Owẹndagbe lọ tọn dali podọ e ma yín núwiwà agùn tọn de gba.

Dogbọn yẹwhehódidọ owhẹ̀dọgbọ mítọn po Jiwheyẹwhe po gbọn Jesu Klisti mẹ tọn dali, wẹ gbẹtọ lẹ yín hinhẹn wá nado kẹalọyí whlẹngan he Jiwheyẹwhe basi. Kẹdẹdi lé yè wlán ẹn do, dọ, “Bé whenẹnu yise wá sọn sisè mẹ, podọ sisè gbọn Ohó Klisti tọn dali” (LOMUNU 10:17). Yise mọtọnhunkọ he nọ wàzọ́n gbọn Gbigbọ Wiwé dali to ayiha sisètọ lẹ tọn mẹ dóna wá jẹgbonu whẹ́. Ogbèyíyí homẹ tọn de dóna tin he yín “Mọwẹ” do hlan Jiwheyẹwhe podọ alọkẹyí ojọmiọn wiwé Jiwheyẹwhe tọn to ayiha mítọn lẹ mẹ. Mẹde dóna tindo dọpọ́n whlẹngan tọn jẹnukọn whẹ́, ehe mẹ omẹ de gbọn do yín yisenọ. Kẹdẹdi Owé LOMUNU 8:16 tọn, “Gbigbọ lọsu sọ to kunnu de hẹ gbigbọ mítọn, dọ ovi Jiwheyẹwhe tọn wẹ mí.” Enẹ wẹ yín kandeji he omẹ dopodopo mọ yí mẹhe yè sùwhẹ̀na gbọn yise dali to azọ́nwàdotana ofligọ̀ tọn mẹ. To ehe godo wẹ afọdide he jẹgodona ẹn he yín baptẹm na wá. To Owé OWALỌ 2:41 tọn mẹ, mí hia dolé dọ, “Whenẹnu wẹ yè baptizi mẹhe yí homẹhùnhùn do yí ohó etọn lẹ”. Ehe jọ to godo he Pita dọ yẹwhehó etọn tintan to azán Pẹntikọsti tọn gbè. Ehe yín gblọndo titegbe de. Gbẹtọ fófọtọ́n (3000) kẹalọyí owẹn Jiwheyẹwhe tọn, bo yise to Ohó Jiwheyẹwhe tọn he yè dọ hlan yé mẹ bo sọ yí baptẹm to afọdodoponẹji. Ninọ̀mẹ Owé Wiwé he tọn tin kaka jẹ owhè kanwékó donu atọ̀n to whenuena Klisti ko yì godo. Apọsteli lẹ po omẹ devo he pò lẹ po to nukọn yì to húhlọn Gbigbọ Wiwé tọn mẹ, bo tọ́njẹgbonu bo to yẹwhehó wẹndagbe tọn dọ. Dopo to yé mẹ wẹ Filipi mẹhe tindo azọ́n húhlọnnọ daho de, he basi vọfọ́n gbọnvo de to Samalia mẹ. To finẹ gbẹtọ lẹ wá bo sọ yise, bo sọ yí baptẹm to Oyín Oklunọ Jesu Klisti tọn mẹ (OWALỌ 8:16).

Wẹndagbelátọ lọ jò vọfọ́n lọ do bo sọ yín pinplán gbọn Gbigbọ Wiwé dali nado pé dawe he yín Ethiopianu de mẹhe to Owé Yẹwhegán ISAIA 53 tọn tọn hia (OWALỌ 8:26-39). “Whenẹnu wẹ Filipi kẹ̀ onù etọn bo ṣẹ̀ do Owé wiwé dopo lọ go, bo dọ yẹwhehó Jesu tọn hlan ẹn” (afọ 35). Yẹwhehó didọ, yín dòdó Ohó dọdai tọn he yín whlẹngan Jiwheyẹwhe tọn he É basi na gbẹtọ lẹpo.

To gblagbla yẹwhehó didọ lọ tọn mẹ, otódomẹtọ lọ sọ dọ hlan omẹ Jiwheyẹwhe tọn lọ dọ, “…Pọ́n osìn tin to ofi; etẹ wẹ hẹn mi dote nado baptizi?” (afọ 36). Gbèmimá lọ yín bibasi. Filipi basi to gbèyíyí nugbo tọn de mẹ po Ohó Oklunọ tọn po, po apọsteli lẹ po. Bọ é sọ kanbiọ dawe lọ dọ, “… eyín hiẹ yí ayiha towe lẹpo do yise, yè sọgan baptizi we” (afọ 37). Gblọndo lọ yín gbèmimá zogbezogbe de, dawe lọ sọ dọmọ: “Yẹn yise dọ Ovi Jiwheyẹwhe tọn wẹ Jesu klisti!” Yise jawu tẹwẹ ehe!

“É sọ dọmọ yè ni hẹn kẹkẹ dote, yé omẹ awelẹ sọ jẹte yì osìn mẹ, Filipi po ojọ lọ po; é sọ baptizi i” (afọ 38). Yise wá gbọn yẹwhehódidọ dali, yẹwhehó sọn Ohó Jiwheyẹwhe tọn tọn mẹ. Gbigbọ Wiwé biọ ayiha mẹhe to sisè lọ tọn mẹ he dọ ojlo etọn tọ́njẹgbonu nado yí baptẹm.

Pita yì owhé Kọnẹliọsi Lomunu mẹkanwekówhàngán lọ tọn gbè, he nọ nọ̀ otò Sesalia tọn mẹ gbọn núdohiamẹ titegbe de tọn dali. Yẹwhehódidọ etọn dohia ogblọndo Owé Wiwé tọn lẹ kẹdẹdi lé e te to whẹ́whẹ́nu. Mí mọ winwlán dolé dọ, “Lé Pita to ohó nẹlẹ dọ, Gbigbọ Wiwé jẹ do yé omẹ pó he to ohó lẹ sè ji” (OWALỌ 10:44). Mí mọ dọ Gbigbọ Wiwé zinzọnlin to ofi he yè dọ yẹwhehó Ohó lọ tọn te. Na yisenọ lẹ tọn, yé dóna hẹn dódó Jiwheyẹwhe tọn lẹpo ṣẹ̀ bo sọ wà núdepope he Oklunọ degbèna. Whenẹnu wẹ apọsteli lọ dọmọ, “Omẹ depope sọgan kọ́ dọ yè ma na yí osìn do baptizi omẹ helẹ, he mọ Gbigbọ Wiwé yí kẹdẹdi míwlẹ? É sọ dọ yè ni baptizi yé to oyín Oklunọ tọn mẹ” (afọ 47 po 48). Devizọ́nwàtọ nugbo depope to egbè dóna hodo ninọ̀mẹ dopolọ, podọ yisenọ lẹpo dóna tindo ojlo nado yí baptẹm kẹdẹdi lé Owé Wiwé dọ do, yín e tlẹ yín dọ yé ko mọ Gbigbọ Wiwé yí dai. Núdepope he tọ́nsọn Jiwheyẹwhe de nọte tẹgbẹ ma tin oyẹ didiọ tọn.

To Owé Wiwé lẹ mẹ, mí ma mọ to ofidepope he yè nagbè nado baptizi yọpọvu lẹ kavi húnhún osìn do yé ji. Omẹ depope he tẹ́npọn nado sùwhẹ̀na núwiwà mọtọnhunkọ lẹ he ma tin to Biblu mẹ, nọ dè Owé LUKU 18:15-17 tọn, ṣigba omẹ lọ dóna hia Owé MATIU 19:13-15 tọn dogọ, po MALKU 10:13-16 po. Matin oyẹ mayise tọn, eyín didohia hézéhézé dọ OKLUNỌ Jesu mítọn dona ovivu lẹ he yè hẹn wá Ede lẹ poun wẹ. É zé alọ Etọn do yé ji bo yí yé do awà Etọn lẹ glọ. Núdepope ma dohia dọ É baptizi yé kavi húnhún osìn do yé go to onúwiwà he mẹ. To egbè, omẹ he yín yisenọ lẹ nọ hẹn ovi yetọn lẹ yì sinsẹ̀nhọ̀ lẹ mẹ nado dó yé hia podọ nado zé yé whlé to OKLUNỌ nukọn podọ na yé nido yín didona to Oyín Etọn mẹ.

Podọ, Owéfọ devo de he yè zán jẹagọ nado yígbèna baptẹm yọpọ lẹ tọn ma tlẹ dọhó depope do ehe go. Whenuena yè wlé Paul po Sila do gànhọmẹ to otò Filipi tọn mẹ, onú huhlọnnọ de sọawúhia. Ogànkọnnọtọ lọ dibu jẹ okú, bo wá nado kàn ohó biọ omẹ Jiwheyẹwhe tọn nẹlẹ, dọ, “…Mẹho emi, etẹwẹ yẹn do wà nado yín whinwhlẹngan? Yé sọ dọmọ, yí Jesu Klisti OKLUNỌ sè, yè nasọ whlẹn we po whédo towe po” (OWALỌ 16:30-31). To afọ he jẹgodona ẹn mẹ, yé dọ núyíwà nẹlẹ na mí, “Yé sọ dọ Ohó OKLUNỌ tọn hlan ẹn, podọ hlan omẹ he tin to owhé etọn gbè lẹpo po”. Mí mọ lé yé payi azọ́n nugbo tọn lọ go dolé yè degbèna yé do. Jẹnukonna núwiwà baptẹmu tọn, Ohó lọ, owẹndagbe Jesu Klisti tọn lọ, dóna yín didọ whẹ, bọ sisètọ lẹ na yise, podọ enẹ godo yè na baptizi yé. Dogbọn Ogànkọnnọtọ lọ tọn dali, mí hia dọ, “É sọ bẹ́ yé to ojlẹ doponẹ mẹ to ozán mẹ, bo klọ́ bápa yetọn; yè sọ baptizi i po omẹ etọn lẹpo po to tẹndoponẹmẹ” (afọ 33). Mì jale mì do ayi e go: jẹnukọn whẹ, yẹwhehódidọ, bọ omẹ lẹpo na sè, enẹ godo bọ yè yise, whenẹnu wẹ yé na yín bibaptizi. Núdepope ma yín didọ dogbọn yọpọvu lẹ tọn dali to kọndopọ nẹ mẹ gba.

Ninọ̀mẹ he ji omẹ lẹ to bibaptizi do to egbè ma tin to dòdónu Biblu tọn depope ji. Mọwẹ e te to otanhó agùn lẹ tọn mẹ. Whenuena akọta lẹpo yín hinhẹn gbọn huhlọn dali nado yín yisenọ, wẹ baptẹm he ma sọgbe hẹ Biblu sọawúhia. To núyíwá mọtọnhunkọ mẹ, omẹ dopodopo to whẹndo dopodopo mẹ, yèdọ yọpọvu lẹ ga, wẹ yè nọ zé alọ do yé ji to kinkọ̀n osìn tọn do ota na yé whla atọ̀n mẹ. Yise yín didiọ, bọ yẹwhe-otọ̀ lẹ po yẹwhe-onọ lẹpo po yín gigọ̀do onú he Biblu ma tlẹ dọ lala ji. Kẹdẹdi lé mí mọ do, dogbọn núhe mí ko dohia tọn dali, omẹ dopodopo dóna magbè to Jiwheyẹwhe nukọn. Eyín núblawú dọ yẹwhehódidọ to agùn Yisenọ lẹ tọn mẹ to egbè ma tlẹ yín zizé jlẹdo ninọ̀mẹ apọsteli lẹ tọn go gba, enẹwutu e ma do hẹn gblọndo Biblu mẹ tọn jẹgbonu wá gba.