Dinvie mí na pọ́n aliho he ji yè baptizi do to agùn tintan mẹ. Pita yín dopo to omẹ he OKLUNỌ ná Aṣẹ gbèdide daho he lọ tọn mẹ, kẹdẹdi lé yè wlán do to MATIU 28 mẹ. Ewọ dopo akàn wẹ mẹhe Jesu yí họ̀nhungan Ahọludu tọn lẹ na, ehe to didohia dọ é tindo jlojẹ do onú he gbọn Ahọludu Jiwheyẹwhe tọn tọn lẹpo ji. É ko tindo họ̀nhungan he, whẹpo yè do túntún Gbigbọ Wiwé do yé ji, é fọntite to gblagbla omẹ kantọn lẹ tọn (120) bo ṣẹ̀ na do to nújijọ nẹlẹ gọ̀do otẹn yé tọn lẹ mẹ kẹdẹdi lé Owé wiwé lẹ dọ do (OWALỌ 1:15). Godo he yè túntún Gbigbọ Wiwé do yé ji to azán Pẹntikọst tọn gbe, é dọ yẹwhehó na gbẹtọ susu he zọnpọ do wá lẹ. “ Whenuena yé sè ehe, ayiha yetọn hóapa, yé sọ kanbiọ Pita po apọsteli he pò lẹ po dọmọ, Mẹho, mẹmẹsunnu emi, etẹwẹ mí ni wà?” (OWALỌ 2:37). Fidepope he wẹndagbe dopolọ podọ Klisti dopolọ yín didọ te to egbe, ayiha lẹ na hóapa, bọ ohó kanbiọ dopolọ nasọ sọawúhia, bọ gblọndo dopolọ nasọ yín didọ, “ Pita sọ dọ hlan yé, dọmọ, Mì lẹnvọjọ, na yè ni sọ baptizi dopodopo mìtọn to Oyín Jesu Klisti tọn mẹ na desẹ̀ ylando tọn” (afọ 38). Ehe wẹ núwiwà tintan he mẹ Aṣẹ gbèdide daho lọ tọn yín zinzán te. Yé omẹ he yise lẹ ko yí baptẹm kẹdẹdi MATIU 28:19 to Oyín ehe tọn OKLUNỌ ko dọ hlan yé.

Gbẹtọ lẹpo yọ́n vogbingbọn he tin to azọ́nyínkọ po oyín po ṣẹnṣẹn. Núdindọn he dọ, dọ ohó Jesu tọn lẹ pẹnzin bo sọ do húhlọn hú ohó apọsteli lẹ tọn ma tin hlan omẹ he dibusi Jiwheyẹwhe gba. Mẹdepope he mọ vọji Jiwheyẹwhe tọn yí, na yise to kandeji gbigbọ tọn mẹ bo na sọ wá pipégan Owé Wiwé lẹpo tọn mẹ. Mẹdepope he hia Ohó Jiwheyẹwhe tọn jẹagọ, ewlọsu dóna yọnẹn dọ ohó jẹagọ de tin to ayiha ewlọsu tọn mẹ, ṣigba enẹ ma yín Ohó Jiwheyẹwhe tọn gba! Mí yín homẹhunnọ nado mọ lé Gbigbọ Wiwé plán apọsteli lẹ nado hẹn gbèdide daho he lọ wá.

Mí ko dọ wá yì dogbọn gbẹtọ he yise to Samalia bọ yè baptizi yé tọn dali. Awhá núwiwà he tọn yì Jelusalẹm. Gbọn nújijọ he dali, mí hia dọ: “Whenuena apọsteli he tin to Jelusalẹm lẹ sè dọ Samaliatọ lẹ yí Ohó Jiwheyẹwhe tọn sè, yé do Pita po Johanu po hlan yé: yé mẹhe hodẹ̀ na yé, whenuena yé jẹte wá, na yé nido mọ Gbigbọ Wiwé yí: (Na kaka jẹ whenẹnu é ma ko jẹ do mẹdepope ji to yé mẹ gba; yé baptizi yé to Oyín Jesu OKLUNỌ tọn mẹ pòun wẹ)” (OWALỌ 8:14-16). Nado dọ nugbo etọn wẹ yín dọ yè baptizi yé to Oyín OKLUNỌ Jesu tọn mẹ. Bé eyín onújonọ de wẹ? E ma sọgan yín mọ lala!

To owhé Kọnẹliọsi tọn gbe, Pita wẹ yín mẹhe degbè na omẹ he yise lẹ nido yí baptẹm to Oyín OKLUNỌ tọn mẹ. (OWALỌ 10:48), mí sọgan mọ nukọn yíyí huhlọnnọ de gbọn nuplọ́nmẹ Baptẹm osìnmẹ tọn to Alẹ̀nù Yọ́yọ́ mẹ. Núyọnẹntọ de ma sọgan gbẹ̀ ehe gba, na Ohó Jiwheyẹwhe tọn lọsu to kunnude gbọn e dali. Yédọ Paul lọsu tá hinhọn do e ji bo dọmọ, “Ṣigba eyín míwlẹ, kavi angẹli de sọn olọn mẹ, sọ dọ yẹwhehó wẹndagbe tọn depope devo hlan mì hú ehe míwlẹ dọ dọyẹwhehó hlan mì, yè ni gbọ é ni yín anatema” (GALATIANU 1:8).

Omẹ dopodopo dóna do ayi e go dọ baptẹm yín bibasi to Oyín Jesu Klisti tọn mẹ. Apọsteli lẹ tùnwun núhe OKLUNỌ dọ go bo wà ẹ kẹdẹdi lé e jẹ do. Yé wà onú lẹpo kẹdẹdi gbèdide Mẹplọ́ntọ yetọn tọn. Gbèdide lọ dóna yín hihia hézéhézé, po ayipipa po, po odẹ̀ hiho po, “Enẹwutu mì yì, bo hẹn akọta lẹpo zùn nuplọntọ, bo sọ nọ baptizi yé do oyín Otọ́ tọn, po Ovi tọn po, po Gbigbọ Wiwé tọn po mẹ.” Dinvie, Otọ́ ma yín oyín, mọ Ovi kavi Gbigbọ Wiwé ma yín oyín gba. Ehe wẹ yín núdohia vòvò awúsọhiamẹ Jiwheyẹwhe dopolọ tọn. Apọsteli lẹ yín pinplọ́n sọn OKLUNỌ Lọsu de, yédọ to fọ́nsọnkú azán kandé Etọn tọn godo. É dọ onú lẹpo he kàn Ahọludu Jiwheyẹwhe tọn tọn hlan yé, nugbo baptẹm yín dopo to núplọ́nmẹ titegbe lẹ mẹ. Yé tùnwun Oyín lọ, he mẹ Jiwheyẹwhe do Ede hia te taidi Otọ́, Ovi podọ Gbigbọ Wiwé. Enẹ wẹ Oyín he mẹ yisenọ nugbo lẹ yí baptẹm te. Yé wá kẹdẹdi lé É zọ́n azọ́n yé do. Nado dọ, dọmọ: e whe gbawu, yé yọ́n vògbingbọn he tin to azọ́nyínkọ lẹ mẹ, ehe yín bibla do awúsọhia vòvò lẹ go, podọ Oyín he yè ná na whlẹngan mítọn.

Dinvie mí na dọ dogbọn Paul mẹhe OKLUNỌ dè na núzinzan gbọnvo de, hlan núdohiamẹ Jesu Klisti tọn. Nawẹ é baptizi omẹ lẹ do? Whenena é wá Efesu, é mọ núplọ́ntọ wiawe he yí baptẹm Johanu tọn. Whenẹnu wẹ é plọ́n yé do titò whlẹngan tọn ji, podọ to finẹ gblọndo Biblu mẹ tọn de sọawúhia: “Whenuena yé sè ehe, yé baptizi yé to Oyín OKLUNỌ Jesu tọn mẹ” (OWALỌ 19:5).

Onú lẹpo sọgan yín hinhẹnlodo eyín e whegbawu to onù kunnudetọ awe kavi atọ̀n tọn mẹ. Mí mọ pọ́ndego núhe jọ to Jelusalẹm tọn, to Samalia, kavi to owhé Kọnẹliọsi tọn gbe, podọ to Efesu; mí mọ dọ, e sọgan yín Ju lẹ, Samaliatọ lẹ, kavi kosi lẹ, e sọgan yín Pita, Filipi, kavi Paul wẹ to yẹwhehó dọ dogbọn ofi depope he yè baptizi omẹ lẹ te to Oyín OKLUNỌ Jesu Klisti tọn mẹ.

Kẹdẹdi lé mí dọ wá yì do, tasọdona nude ma tin to Owé Wiwé lẹ mẹ gba. Gbigbọ Jiwheyẹwhe tọn ma sọgan ná núdohiamẹ vòvò awe kavi atọ̀n do ohóta dopolọ ji. Jiwheyẹwhe dè omẹ Etọn titi lẹ to whẹndo tintan nẹ mẹ. E sọgan yín Pita, Paul, kavi omẹ devo lẹ, yé dọyẹwhehó wẹndagbe tọn dopolọ, bo sọ baptizi omẹ lẹ to alọ dopolọ mẹ. Ehe yín wiwà to gbèyíyí pipe de tọn mẹ po kunnudide Owé Wiwé tọn lẹpo po. Mẹnu wẹ sọgan dọ dọ yé mẹhe zinzọnlin po Jesu po lẹ, podọ Paul mẹhe pé OKLUNỌ to aslọ miyọn odotin sisẹ́ tọn de mẹ, ma mọdona OKLUNỌ bo baptizi omẹ lẹ jẹagọ, bo sọ zé núplọ́nmẹ jẹagọ do agùn Alẹ̀nù Yọ́yọ́ tọn, ehe yè dohia? Linlẹn mọtọnhunkọ ma yín núde hú nùzan do Gbigbọ Wiwé go.

Mì gbọ mí ni doto Paul whladopo dogọ kẹdẹdile é wlánwe sẹ́do Lomunu lẹ, “Bé mì yín madọnanọ dọ, mí mẹhe yè baptizi do Jesu Klisti mẹ lẹ, yè baptizi mí do okú Etọn mẹ?” (LOMUNU 6:3). To ofi é hia ede do mẹhe yè baptizi do Oyín Jesu Klisti tọn mẹ lẹ mẹ. Nawẹ yè baptizi hiẹ do? Ofi depope ma tin to Owé Wiwé mẹ, he yè baptizi omẹ do to Oyín atọ̀n mẹ, he yín azọ́nyínkọ Otọ́ tọn, po Ovi, po Gbigbọ Wiwé tọn po mẹ gba. Mí dóna lẹn ohó nugbo he lọ pọ́n hézéhézé.

Omẹ he yè ylọdo devizọ́nwiwà lọ mẹ lẹpo bo gọna Gbigbọ Wiwé tindo nukunnumọjẹnumẹ dopolọ, núplọ́nmẹ dopolọ, yise dopolọ, baptẹm dopolọ… Yé omẹ pó tin to ogbèyíyí pipé mẹ hẹ Jiwheyẹwhe, Ohó Etọn, podọ hẹ yéwlọsu lẹ ga. Dopo ma to ye mẹ he to vivọdọ Owé MATIU 28 tọn. Yé yọnẹn dọ É to alọ dlẹndo Oyín dopo e ma yín oyín lẹ gba “… bo nọ baptizi yé to Oyín (e ma yín to oyín lẹ mẹ gba, ṣigba to Oyín) Otọ́ tọn…” OKLUNỌ mítọn ma dọ, dọ “ to Oyín Ovi tọn, podọ to Oyín Gbigbọ Wiwé tọn mẹ gba.” Oyín dopo gê wẹ É to alọ dlẹndo, Oyín dopo gê lọ. Yé yise dọ Jiwheyẹwhe do Éde hia taidi Otọ́, Ovi podọ Gbigbọ Wiwé. Ṣigba yé yọ́n Oyín lọ he to yìyì to awúsọhiamẹ atọ̀n nẹlẹ po ṣẹnṣẹn. Apọsteli lẹ wẹ omẹ he tin to kọndopọ mẹ po Jiwheyẹwhe po. Yé ma tin to nukunvandomẹ nuyọnẹntọ tọn de glọ gba, yé ma sọ dọ ohó yede titi tọn gba. Yé tindo nudohiamẹ olọn mẹ tọn. Eyín omẹ depope zé owé Matiu 28 tọn, bo ma tùnwun nudohiamẹ he tin to afọ etọn 19, bo sọ vọ ohó dopolọ dọ ma tin wuntùntùn onú he hóta azọ́n he yè zọn tọn yín. Matiu 28 podọ Malku 16 to alọ dlẹndo azọ́n daho godomẹ OKLUNỌ tọn tọn, ehe mí mọ ṣiṣẹ etọn to owé OWALỌ tọn mẹ. Enẹ wẹ onú nugbo lọ bo na sọ to ote kakadoi, ehe wẹ ninọ̀mẹ Owé Wiwé tọn, dẹnsọ lé agùn Jiwheyẹwhe Ogbẹnọ tọn gbẹ́ sọ to ote.

Taidi apajlẹ, eyín nuplọ́nmẹtọ de zé ohókanbiọ de do yọpọvu lẹ ṣẹnṣẹn, e to dandan dọ é dóna mọ gblọndo de yí, gblọndo, e ma yín ohóvọdọ ohókanbiọ dopolọ tọn gba. Eyín nuplọ́nmẹtọ dọ, dọmọ, “ atọ̀n donu atọ̀n e basi etẹ?” bọ yé gblọn dọ, “atọ̀n donu atọ̀n e basi atọ̀n donu atọ̀n” to whenẹnu omẹ de na mọ dọ onú ylankan de to jijọ, na yé ma dọ ogblọndo lọ gba. Whenuena yè wá jẹ baptẹm kọn mẹplọ́ntọ lẹ gbẹsọ to onú dopolọ vọdọ yé ma dọ gblọndo lọ gba. Sọle e jẹ dọ mẹplọ́ntọ lẹ ni mọ dona onú he OKLUNỌ to didọ yè gọ̀do ohó vọdọ Etọn go. Eyín mí basi do lé Apọsteli lẹ basi do, to whenẹnu mí tindo kandeji dọ OKLUNỌ dopolọ wẹ ylọ mí nado dọ yẹwhehó wẹndagbe tọn dopolọ. Apọsteli lẹ po mẹplọ́ntọ agùn tintan tọn lẹpo po yọ́n akuẹhihọ azọ́n lọ tọn bo sọ basi i kẹdẹdi nudohiamẹ pipé Jesu Klisti tọn. Mí dopẹna Jiwheyẹwhe dọ mí tindo owé winwlán kunnudide tọn to míde. Mí tindo hùdo nukunnumọjẹnugo tọn gbọn Gbigbọ Wiwé dopolọ dali dọ míwlọsu nido mọdona kẹdẹdi apọsteli lẹ, nado plọ́n onú he yé plọ́n omẹ, bo sọ baptizi kẹdẹdi lé yé baptizi do.

Anádemẹ he yín didọ hézéhézé to Owé Wiwé lẹ mẹ. Omẹ dopodopo dona payi e go titegbe. To whedelẹnu, onú awe sọgan di yénọzo lẹ, ṣigba yé ma yín dopolọ gba. Yé sọgan di yénọzo titegbe, sọlé ode gbọnvo do awetọ, kẹdẹdi lé olọn dẹn do aigba do. Mí ma dóna mọ́n Oyín OKLUNỌ tọn. Yè dọ hlan agùn Filadẹfia tọn dọ, dọmọ: “…na hiẹ tindo huhlọn pẹvi de wutu, bo yí Ohó ṣie whlá, bo ma sọ mọ́n Oyín ṣie” (OSỌHIA 3:8). Etẹ wẹ mí na dọ gbọn yisenọ lẹ tọn dali he to hànji po wanyin po gbọn Oyín Jesu tọn dali, he to Oyín nẹ lọ zán to odẹ̀hiho yetọn lẹ mẹ, he to yẹwhehódọ po huhlọn po gbọn Oyín nẹ lọ tọn dali, podọ whenuena e wá jẹ núvivẹ titegbe lọ ji, yé nọ gbẹ́ Oyín nẹ lọ bo ma sọ nọ jlo na kọndopọ hẹ Ẹ to baptẹm kọ̀n? Wuntùntùn mí omẹ pó tọn dóna payi e go dọ, nújẹagọ de tin to ofi de to owhẹ̀hó he hunkọ mẹ.

Etẹ wẹ mí na dọ gbọn wẹndagbejlatọ dahodaho nẹlẹ tọn dali, he nọ yàn aovi lẹ jẹgbonu to Oyín Jesu tọn mẹ, bo nọ hodẹ̀ na azọ̀ntọ, bo nọ wàzọ́n jawu lẹ to Oyín huhlọnnọ nẹ lọ mẹ, podọ whenuena e wá jọ bọ yé nado magbè nado yí baptẹm to Oyín nẹ lọ mẹ, he yé to zinzan sọmọ wẹ yé nọ gbẹ́ bo sọ nọ hoavun jẹagọ do Oyín lọ? Po onù yetọn po wẹ yé nọ dekunnu lé Oyín Jesu tọn jawu do, ṣigba to nugbo de mẹ yéwlọsu lẹ ma yọ́n Oyín lọ, podọ yé ma sọ wleawu nado hẹn ovlẹ Oyín Jesu tọn tọn. Gbẹtọ mọtọnhunkọ lẹ tọn wẹ OKLUNỌ dọ to MATIU 7:22-23 mẹ, dọmọ, “Omẹ susu wẹ na dọ hlan mi to azán nẹ gbè, dọ, Oklunọ, Oklunọ, bé míwlẹ ma ko dọ dọdai gbọn Oyín Towe mẹ? Podọ gbọn Oyín Towe mẹ wẹ míwlẹ yàn aovi lẹ jẹgbonu te? Podọ Oyín Towe mẹ wẹ mí wà azọ́n huhlọnnọ susu te? Whenẹnu wẹ yẹn na yigbè hlan yé dọ, yẹn ma yọ́n mì gbède, mì tọ́n sọn dê, mì azọ́n ylankan wàtọ.”

Owé Wiwé he dọhó do gbẹtọ he yí owẹndagbe gigọ́ lọ sè lẹ go. To alọ de mẹ yé yín mahẹtọ odona he yè dopagbe yetọn lẹ bo sọ ná to agùn mẹ, to alọ devo mẹ yé nọte to núplọ́nmẹ otànhóhó lẹ tọn he yè ma wlán do Owé Wiwé mẹ lẹ ji. Yé ma wleawu nado hia kọgọnamẹ Owé Wiwé tọn jẹ. Bé e ma yín omẹ lẹpo wẹ na jlo nado kẹalọyí núdepope he Biblu dọ? Ṣigba, e pọnte nado nọte to Ohó Jiwheyẹwhe tọn ji, bo gbẹ́kọ otànhóhó agùn tọn lẹ go, po núwiwà baptẹm tọn he yè ma wlán do Owé Wiwé mẹ lẹ po go. Mí dóna do mí de hia to baptẹm mẹ po okú klisti tọn po, eyín mí jlo na sọawúhia to fọ́nsọnkú ogbẹ̀ yọ́yọ́ Etọn tọn mẹ (LOMUNU 6:3).

Dinvie mí na pọ́n aliho he ji yè baptizi do to agùn tintan mẹ. Pita yín dopo to omẹ he OKLUNỌ ná Aṣẹ gbèdide daho he lọ tọn mẹ, kẹdẹdi lé yè wlán do to MATIU 28 mẹ. Ewọ dopo akàn wẹ mẹhe Jesu yí họ̀nhungan Ahọludu tọn lẹ na, ehe to didohia dọ é tindo jlojẹ do onú he gbọn Ahọludu Jiwheyẹwhe tọn tọn lẹpo ji. É ko tindo họ̀nhungan he, whẹpo yè do túntún Gbigbọ Wiwé do yé ji, é fọntite to gblagbla omẹ kantọn lẹ tọn (120) bo ṣẹ̀ na do to nújijọ nẹlẹ gọ̀do otẹn yé tọn lẹ mẹ kẹdẹdi lé Owé wiwé lẹ dọ do (OWALỌ 1:15). Godo he yè túntún Gbigbọ Wiwé do yé ji to azán Pẹntikọst tọn gbe, é dọ yẹwhehó na gbẹtọ susu he zọnpọ do wá lẹ. “ Whenuena yé sè ehe, ayiha yetọn hóapa, yé sọ kanbiọ Pita po apọsteli he pò lẹ po dọmọ, Mẹho, mẹmẹsunnu emi, etẹwẹ mí ni wà?” (OWALỌ 2:37). Fidepope he wẹndagbe dopolọ podọ Klisti dopolọ yín didọ te to egbe, ayiha lẹ na hóapa, bọ ohó kanbiọ dopolọ nasọ sọawúhia, bọ gblọndo dopolọ nasọ yín didọ, “ Pita sọ dọ hlan yé, dọmọ, Mì lẹnvọjọ, na yè ni sọ baptizi dopodopo mìtọn to Oyín Jesu Klisti tọn mẹ na desẹ̀ ylando tọn” (afọ 38). Ehe wẹ núwiwà tintan he mẹ Aṣẹ gbèdide daho lọ tọn yín zinzán te. Yé omẹ he yise lẹ ko yí baptẹm kẹdẹdi MATIU 28:19 to Oyín ehe tọn OKLUNỌ ko dọ hlan yé.

Gbẹtọ lẹpo yọ́n vogbingbọn he tin to azọ́nyínkọ po oyín po ṣẹnṣẹn. Núdindọn he dọ, dọ ohó Jesu tọn lẹ pẹnzin bo sọ do húhlọn hú ohó apọsteli lẹ tọn ma tin hlan omẹ he dibusi Jiwheyẹwhe gba. Mẹdepope he mọ vọji Jiwheyẹwhe tọn yí, na yise to kandeji gbigbọ tọn mẹ bo na sọ wá pipégan Owé Wiwé lẹpo tọn mẹ. Mẹdepope he hia Ohó Jiwheyẹwhe tọn jẹagọ, ewlọsu dóna yọnẹn dọ ohó jẹagọ de tin to ayiha ewlọsu tọn mẹ, ṣigba enẹ ma yín Ohó Jiwheyẹwhe tọn gba! Mí yín homẹhunnọ nado mọ lé Gbigbọ Wiwé plán apọsteli lẹ nado hẹn gbèdide daho he lọ wá.

Mí ko dọ wá yì dogbọn gbẹtọ he yise to Samalia bọ yè baptizi yé tọn dali. Awhá núwiwà he tọn yì Jelusalẹm. Gbọn nújijọ he dali, mí hia dọ: “Whenuena apọsteli he tin to Jelusalẹm lẹ sè dọ Samaliatọ lẹ yí Ohó Jiwheyẹwhe tọn sè, yé do Pita po Johanu po hlan yé: yé mẹhe hodẹ̀ na yé, whenuena yé jẹte wá, na yé nido mọ Gbigbọ Wiwé yí: (Na kaka jẹ whenẹnu é ma ko jẹ do mẹdepope ji to yé mẹ gba; yé baptizi yé to Oyín Jesu OKLUNỌ tọn mẹ pòun wẹ)” (OWALỌ 8:14-16). Nado dọ nugbo etọn wẹ yín dọ yè baptizi yé to Oyín OKLUNỌ Jesu tọn mẹ. Bé eyín onújonọ de wẹ? E ma sọgan yín mọ lala!

To owhé Kọnẹliọsi tọn gbe, Pita wẹ yín mẹhe degbè na omẹ he yise lẹ nido yí baptẹm to Oyín OKLUNỌ tọn mẹ. (OWALỌ 10:48), mí sọgan mọ nukọn yíyí huhlọnnọ de gbọn nuplọ́nmẹ Baptẹm osìnmẹ tọn to Alẹ̀nù Yọ́yọ́ mẹ. Núyọnẹntọ de ma sọgan gbẹ̀ ehe gba, na Ohó Jiwheyẹwhe tọn lọsu to kunnude gbọn e dali. Yédọ Paul lọsu tá hinhọn do e ji bo dọmọ, “Ṣigba eyín míwlẹ, kavi angẹli de sọn olọn mẹ, sọ dọ yẹwhehó wẹndagbe tọn depope devo hlan mì hú ehe míwlẹ dọ dọyẹwhehó hlan mì, yè ni gbọ é ni yín anatema” (GALATIANU 1:8).

Omẹ dopodopo dóna do ayi e go dọ baptẹm yín bibasi to Oyín Jesu Klisti tọn mẹ. Apọsteli lẹ tùnwun núhe OKLUNỌ dọ go bo wà ẹ kẹdẹdi lé e jẹ do. Yé wà onú lẹpo kẹdẹdi gbèdide Mẹplọ́ntọ yetọn tọn. Gbèdide lọ dóna yín hihia hézéhézé, po ayipipa po, po odẹ̀ hiho po, “Enẹwutu mì yì, bo hẹn akọta lẹpo zùn nuplọntọ, bo sọ nọ baptizi yé do oyín Otọ́ tọn, po Ovi tọn po, po Gbigbọ Wiwé tọn po mẹ.” Dinvie, Otọ́ ma yín oyín, mọ Ovi kavi Gbigbọ Wiwé ma yín oyín gba. Ehe wẹ yín núdohia vòvò awúsọhiamẹ Jiwheyẹwhe dopolọ tọn. Apọsteli lẹ yín pinplọ́n sọn OKLUNỌ Lọsu de, yédọ to fọ́nsọnkú azán kandé Etọn tọn godo. É dọ onú lẹpo he kàn Ahọludu Jiwheyẹwhe tọn tọn hlan yé, nugbo baptẹm yín dopo to núplọ́nmẹ titegbe lẹ mẹ. Yé tùnwun Oyín lọ, he mẹ Jiwheyẹwhe do Ede hia te taidi Otọ́, Ovi podọ Gbigbọ Wiwé. Enẹ wẹ Oyín he mẹ yisenọ nugbo lẹ yí baptẹm te. Yé wá kẹdẹdi lé É zọ́n azọ́n yé do. Nado dọ, dọmọ: e whe gbawu, yé yọ́n vògbingbọn he tin to azọ́nyínkọ lẹ mẹ, ehe yín bibla do awúsọhia vòvò lẹ go, podọ Oyín he yè ná na whlẹngan mítọn.

Dinvie mí na dọ dogbọn Paul mẹhe OKLUNỌ dè na núzinzan gbọnvo de, hlan núdohiamẹ Jesu Klisti tọn. Nawẹ é baptizi omẹ lẹ do? Whenena é wá Efesu, é mọ núplọ́ntọ wiawe he yí baptẹm Johanu tọn. Whenẹnu wẹ é plọ́n yé do titò whlẹngan tọn ji, podọ to finẹ gblọndo Biblu mẹ tọn de sọawúhia: “Whenuena yé sè ehe, yé baptizi yé to Oyín OKLUNỌ Jesu tọn mẹ” (OWALỌ 19:5).

Onú lẹpo sọgan yín hinhẹnlodo eyín e whegbawu to onù kunnudetọ awe kavi atọ̀n tọn mẹ. Mí mọ pọ́ndego núhe jọ to Jelusalẹm tọn, to Samalia, kavi to owhé Kọnẹliọsi tọn gbe, podọ to Efesu; mí mọ dọ, e sọgan yín Ju lẹ, Samaliatọ lẹ, kavi kosi lẹ, e sọgan yín Pita, Filipi, kavi Paul wẹ to yẹwhehó dọ dogbọn ofi depope he yè baptizi omẹ lẹ te to Oyín OKLUNỌ Jesu Klisti tọn mẹ.

Kẹdẹdi lé mí dọ wá yì do, tasọdona nude ma tin to Owé Wiwé lẹ mẹ gba. Gbigbọ Jiwheyẹwhe tọn ma sọgan ná núdohiamẹ vòvò awe kavi atọ̀n do ohóta dopolọ ji. Jiwheyẹwhe dè omẹ Etọn titi lẹ to whẹndo tintan nẹ mẹ. E sọgan yín Pita, Paul, kavi omẹ devo lẹ, yé dọyẹwhehó wẹndagbe tọn dopolọ, bo sọ baptizi omẹ lẹ to alọ dopolọ mẹ. Ehe yín wiwà to gbèyíyí pipe de tọn mẹ po kunnudide Owé Wiwé tọn lẹpo po. Mẹnu wẹ sọgan dọ dọ yé mẹhe zinzọnlin po Jesu po lẹ, podọ Paul mẹhe pé OKLUNỌ to aslọ miyọn odotin sisẹ́ tọn de mẹ, ma mọdona OKLUNỌ bo baptizi omẹ lẹ jẹagọ, bo sọ zé núplọ́nmẹ jẹagọ do agùn Alẹ̀nù Yọ́yọ́ tọn, ehe yè dohia? Linlẹn mọtọnhunkọ ma yín núde hú nùzan do Gbigbọ Wiwé go.

Mì gbọ mí ni doto Paul whladopo dogọ kẹdẹdile é wlánwe sẹ́do Lomunu lẹ, “Bé mì yín madọnanọ dọ, mí mẹhe yè baptizi do Jesu Klisti mẹ lẹ, yè baptizi mí do okú Etọn mẹ?” (LOMUNU 6:3). To ofi é hia ede do mẹhe yè baptizi do Oyín Jesu Klisti tọn mẹ lẹ mẹ. Nawẹ yè baptizi hiẹ do? Ofi depope ma tin to Owé Wiwé mẹ, he yè baptizi omẹ do to Oyín atọ̀n mẹ, he yín azọ́nyínkọ Otọ́ tọn, po Ovi, po Gbigbọ Wiwé tọn po mẹ gba. Mí dóna lẹn ohó nugbo he lọ pọ́n hézéhézé.

Omẹ he yè ylọdo devizọ́nwiwà lọ mẹ lẹpo bo gọna Gbigbọ Wiwé tindo nukunnumọjẹnumẹ dopolọ, núplọ́nmẹ dopolọ, yise dopolọ, baptẹm dopolọ… Yé omẹ pó tin to ogbèyíyí pipé mẹ hẹ Jiwheyẹwhe, Ohó Etọn, podọ hẹ yéwlọsu lẹ ga. Dopo ma to ye mẹ he to vivọdọ Owé MATIU 28 tọn. Yé yọnẹn dọ É to alọ dlẹndo Oyín dopo e ma yín oyín lẹ gba “… bo nọ baptizi yé to Oyín (e ma yín to oyín lẹ mẹ gba, ṣigba to Oyín) Otọ́ tọn…” OKLUNỌ mítọn ma dọ, dọ “ to Oyín Ovi tọn, podọ to Oyín Gbigbọ Wiwé tọn mẹ gba.” Oyín dopo gê wẹ É to alọ dlẹndo, Oyín dopo gê lọ. Yé yise dọ Jiwheyẹwhe do Éde hia taidi Otọ́, Ovi podọ Gbigbọ Wiwé. Ṣigba yé yọ́n Oyín lọ he to yìyì to awúsọhiamẹ atọ̀n nẹlẹ po ṣẹnṣẹn. Apọsteli lẹ wẹ omẹ he tin to kọndopọ mẹ po Jiwheyẹwhe po. Yé ma tin to nukunvandomẹ nuyọnẹntọ tọn de glọ gba, yé ma sọ dọ ohó yede titi tọn gba. Yé tindo nudohiamẹ olọn mẹ tọn. Eyín omẹ depope zé owé Matiu 28 tọn, bo ma tùnwun nudohiamẹ he tin to afọ etọn 19, bo sọ vọ ohó dopolọ dọ ma tin wuntùntùn onú he hóta azọ́n he yè zọn tọn yín. Matiu 28 podọ Malku 16 to alọ dlẹndo azọ́n daho godomẹ OKLUNỌ tọn tọn, ehe mí mọ ṣiṣẹ etọn to owé OWALỌ tọn mẹ. Enẹ wẹ onú nugbo lọ bo na sọ to ote kakadoi, ehe wẹ ninọ̀mẹ Owé Wiwé tọn, dẹnsọ lé agùn Jiwheyẹwhe Ogbẹnọ tọn gbẹ́ sọ to ote.

Taidi apajlẹ, eyín nuplọ́nmẹtọ de zé ohókanbiọ de do yọpọvu lẹ ṣẹnṣẹn, e to dandan dọ é dóna mọ gblọndo de yí, gblọndo, e ma yín ohóvọdọ ohókanbiọ dopolọ tọn gba. Eyín nuplọ́nmẹtọ dọ, dọmọ, “ atọ̀n donu atọ̀n e basi etẹ?” bọ yé gblọn dọ, “atọ̀n donu atọ̀n e basi atọ̀n donu atọ̀n” to whenẹnu omẹ de na mọ dọ onú ylankan de to jijọ, na yé ma dọ ogblọndo lọ gba. Whenuena yè wá jẹ baptẹm kọn mẹplọ́ntọ lẹ gbẹsọ to onú dopolọ vọdọ yé ma dọ gblọndo lọ gba. Sọle e jẹ dọ mẹplọ́ntọ lẹ ni mọ dona onú he OKLUNỌ to didọ yè gọ̀do ohó vọdọ Etọn go. Eyín mí basi do lé Apọsteli lẹ basi do, to whenẹnu mí tindo kandeji dọ OKLUNỌ dopolọ wẹ ylọ mí nado dọ yẹwhehó wẹndagbe tọn dopolọ. Apọsteli lẹ po mẹplọ́ntọ agùn tintan tọn lẹpo po yọ́n akuẹhihọ azọ́n lọ tọn bo sọ basi i kẹdẹdi nudohiamẹ pipé Jesu Klisti tọn. Mí dopẹna Jiwheyẹwhe dọ mí tindo owé winwlán kunnudide tọn to míde. Mí tindo hùdo nukunnumọjẹnugo tọn gbọn Gbigbọ Wiwé dopolọ dali dọ míwlọsu nido mọdona kẹdẹdi apọsteli lẹ, nado plọ́n onú he yé plọ́n omẹ, bo sọ baptizi kẹdẹdi lé yé baptizi do.

Anádemẹ he yín didọ hézéhézé to Owé Wiwé lẹ mẹ. Omẹ dopodopo dona payi e go titegbe. To whedelẹnu, onú awe sọgan di yénọzo lẹ, ṣigba yé ma yín dopolọ gba. Yé sọgan di yénọzo titegbe, sọlé ode gbọnvo do awetọ, kẹdẹdi lé olọn dẹn do aigba do. Mí ma dóna mọ́n Oyín OKLUNỌ tọn. Yè dọ hlan agùn Filadẹfia tọn dọ, dọmọ: “…na hiẹ tindo huhlọn pẹvi de wutu, bo yí Ohó ṣie whlá, bo ma sọ mọ́n Oyín ṣie” (OSỌHIA 3:8). Etẹ wẹ mí na dọ gbọn yisenọ lẹ tọn dali he to hànji po wanyin po gbọn Oyín Jesu tọn dali, he to Oyín nẹ lọ zán to odẹ̀hiho yetọn lẹ mẹ, he to yẹwhehódọ po huhlọn po gbọn Oyín nẹ lọ tọn dali, podọ whenuena e wá jẹ núvivẹ titegbe lọ ji, yé nọ gbẹ́ Oyín nẹ lọ bo ma sọ nọ jlo na kọndopọ hẹ Ẹ to baptẹm kọ̀n? Wuntùntùn mí omẹ pó tọn dóna payi e go dọ, nújẹagọ de tin to ofi de to owhẹ̀hó he hunkọ mẹ.

Etẹ wẹ mí na dọ gbọn wẹndagbejlatọ dahodaho nẹlẹ tọn dali, he nọ yàn aovi lẹ jẹgbonu to Oyín Jesu tọn mẹ, bo nọ hodẹ̀ na azọ̀ntọ, bo nọ wàzọ́n jawu lẹ to Oyín huhlọnnọ nẹ lọ mẹ, podọ whenuena e wá jọ bọ yé nado magbè nado yí baptẹm to Oyín nẹ lọ mẹ, he yé to zinzan sọmọ wẹ yé nọ gbẹ́ bo sọ nọ hoavun jẹagọ do Oyín lọ? Po onù yetọn po wẹ yé nọ dekunnu lé Oyín Jesu tọn jawu do, ṣigba to nugbo de mẹ yéwlọsu lẹ ma yọ́n Oyín lọ, podọ yé ma sọ wleawu nado hẹn ovlẹ Oyín Jesu tọn tọn. Gbẹtọ mọtọnhunkọ lẹ tọn wẹ OKLUNỌ dọ to MATIU 7:22-23 mẹ, dọmọ, “Omẹ susu wẹ na dọ hlan mi to azán nẹ gbè, dọ, Oklunọ, Oklunọ, bé míwlẹ ma ko dọ dọdai gbọn Oyín Towe mẹ? Podọ gbọn Oyín Towe mẹ wẹ míwlẹ yàn aovi lẹ jẹgbonu te? Podọ Oyín Towe mẹ wẹ mí wà azọ́n huhlọnnọ susu te? Whenẹnu wẹ yẹn na yigbè hlan yé dọ, yẹn ma yọ́n mì gbède, mì tọ́n sọn dê, mì azọ́n ylankan wàtọ.”

Owé Wiwé he dọhó do gbẹtọ he yí owẹndagbe gigọ́ lọ sè lẹ go. To alọ de mẹ yé yín mahẹtọ odona he yè dopagbe yetọn lẹ bo sọ ná to agùn mẹ, to alọ devo mẹ yé nọte to núplọ́nmẹ otànhóhó lẹ tọn he yè ma wlán do Owé Wiwé mẹ lẹ ji. Yé ma wleawu nado hia kọgọnamẹ Owé Wiwé tọn jẹ. Bé e ma yín omẹ lẹpo wẹ na jlo nado kẹalọyí núdepope he Biblu dọ? Ṣigba, e pọnte nado nọte to Ohó Jiwheyẹwhe tọn ji, bo gbẹ́kọ otànhóhó agùn tọn lẹ go, po núwiwà baptẹm tọn he yè ma wlán do Owé Wiwé mẹ lẹ po go. Mí dóna do mí de hia to baptẹm mẹ po okú klisti tọn po, eyín mí jlo na sọawúhia to fọ́nsọnkú ogbẹ̀ yọ́yọ́ Etọn tọn mẹ (LOMUNU 6:3).