EBARUHA ERIKWETOROORA okwakana 2018

Eiraka niryetera ahaiguru: “Muhurire, 'imwe bantu mwe, buri omwe omuri imwe!” Okurabira omu kushukwa kw'Omwoyo Orikwera, okugarurwa butsya kw'abapentekoti kukabaruraho okutandika kw'ekyasa kya 20. Ti mu 1906 honka aha nguuto zomuri Azusa omuri Los Angeles, kureka abaikiriza omu nsi yoona bakatunga omurimo gutari gw'obutosha ogw'Omwoyo Orikwera omu nterane zokushaba kw'omutaano.

Omu ntaro z'ensi yoona orw'okubanza n'orw'akabiri, ebigambo bya MUKAMA omuri Matayo 24 bikoreka eky'omutaano. Aho, Yesu yagamba aha ntaro n'engambo z'entaro hamwe n'enjara n'okutahirirwa ebikooko nk'obu bonero bw'obunaku. N'ahabwekyo, enyikiriza ngu okugaruka kwa Kristo kuri haihi ekeyongera amaani omu nteraane z'okugarurwa butsya omu kicweka ky'okubanza ekye kyaasa kya 20. Luka 21, MUKAMA akagaruka yagamba aha biro by'emperu yagira, “N'ahabw'ekyo naimwe ku murireeba ebyo nibibaho, mumanye ngu obukama bwa Ruhanga buri haihi.” (Omushororoongo gwa 31)

“Mugume nimureeba obwire bwona, nimushaba ngu mubaase kukira ebyo byona ebiribaho, n'okwemerera omu maisho g'Omwana w'omuntu.” (omushororoongo gwa 36)

Orutaro rw'ensi yona orwa kabiri, n'abahutaziibwe omu rutaro bakwingana obukaikuru 60 n'obukaikuru 6 bw'abayudaaya baitsirwe, kikahindura munonga ensi. Bugirimaani na Buraaya zikacwekyerera. Obuzibu bw'orutaro bukahika buri hamwe omunsi, n'omunyanja Pacific, nahirwahendereire na bomu z'obutwa omuri Hiroshima hamwe na Nagasaki. Abaikiriza ba Baibuli boona bakagira okwikiriza ngu muheru y'obunaku bw'embabazi ekaba eri haihi. Kwonka MUKAMA waitu Akagamba gye ekishemereire kubaho emperu etakahikire: “Kandi engiri egi ey'obukama eryagambwa omu nsi zoona okuba eky'okuhamya aha mahanga goona; obwo nibwo emperu erihika.” (Matayo 24:14)

Bwanyima y'orutaro rw'ensi yoona orw'akabiri, omu kw'akataano 7, 1946, omuburizi w'omubaptist w'Omumerika William Branham, nka Paulo (Ebyakozirwe 9:1-9), akatunga okwetwa kw'omu iguru. Omuburizi ogwo owabaire atarikutebereza akagambiirwe omu kwamukaaga 11, 1933, aha kubatiza kw'ahamugyera gwa Ohio okurabira omu kicu kikwaaka kitari ky'obutoosha, ekyarebirwe abantu bakwingana nk'enkumi ishatu ababaire bariho: “Nk'oku Yohaana Omubatiza yatumirwe kutebekanisa okwiija kwa Kristo kw'okubanza, niwe nikwo watumwa n'obutumwa oburi kwija kutebekanisa okwiija kwa Kristo okw'akabiri.” Eki kikahandikwaho omu mpapura za makuru, namunoonga “United Press International.” Okukizya okugarwiirwe butsya kukatandikira omuri we, namunoonga omu makanisa g'abapentekooti, na bwanyima bwajaanjara ensi yoona. Akaba ari omushaija atumirwe kuruga ahari Ruhanga n'obutumwa bw'ekigambo kya Ruhanga, oburi kutebekanisa okwiija kwa Kristo okw'akabiri.”Aijwiire n'obushoboroozi buri kwera hamwe n'ekicoonco ky'okutaamba, akaburiira omu kutambuza engiri omu nkumi z'abantu, arikweta abasiisi kweteisa, kandi abashaba okwikiriza Yesu Kristo nk'omujuni waabo. Kurabira omu kuburiira kwe, enkumi z'abantu zikikiriza Yesu Kristo nk'omujuni waabo. Omu kushabira abarwiire bwanyima y'eiteberezo, n'empumi zikatuunga okureeba, ebimuga bikatambura, n'abandi bakizibwa endwaara nyingi.

Nk'areeba obuhereza bwe bw'omutaano kuruga 1955 kuhika 1965 nk'akyeeraeebi na maisho hamwe n'amatu gaangye kandi nyekoriire obujunanizibwa bw'amaani kutwaara obujurizi omu nsi yoona ahabw'eki Ruhanga Akoreire omu bunaku bwaitu. Omuri 1949, nk'omutsigazi muto, nkabaanza kuhurira ahari ow'eishe-emwe William Branham n'ebintu by'omutaano ebyabaire bibaho omu matebezo ge. Nkatunga okweteenga kureeba omushaija wa Ruhanga ogu omu buntu. Omu kwa munaana 1955, okweteenga oku kukahikiriira: Nka reeba enteerane z'omugisha ez'oweishe-emwe Branham omuri Karlsruhe kandi nahika n'okumumanya omu buntu. Obu twabaanza kubugana, akangira, “Ori omu buriizi w'engiri.” Kwiha obwo, nayeenda kumanya omushaija wa Ruhanga ogu ekyarikwikiriza n'ekyari kwegyesa. Omu ruteerane rwa iraka rihaango ry'okukiza omuri Dallas, Texas, USA, omu kwa mukaaga 1958, nkagaruka nayikiriza okuhamibwa kw'Omwoyo kw'obuhereza bwe n'omugisha gw'okugamba nawe ogundi murundi. Akangira, “Ow'eishe-emwe Frank, noija kugaruka Bugirimaani n'obutumwa obu.” Kwiha obwo, nkatunga amatebezo ge gakwatsirwe aha ntaambi kurabira hari intaneti (mail). Aha kubugana kwaitu kw'akashatu omu kwikumi n'ebiri 3, 1962, ow'eishe-emwe Branham akahamya okwetwa okunabiire ntungire omu kwa kana 2, 1962, kandi yagira, “… ebyokurya ebyoine kubiika n'Ekigambo ekyaraganisibwe ahabw'obwiire obu…”

Nk'oku MUKAMA yaagambire Omukwehaayo okw'amaani, okujunwa kw'omwoyo n'okukiza kw'omubiri ni okw'okurangirira kw'engiri eijwiire: “Obumanyiso oburiguma nibureebwa omu barikwikiriza n'obu: omu iziina ryangye … baryata engaro aha barwaire, bakire.” (Mako 16:17-18) Omu kushabira abarwiire, omushaija wa Ruhanga akaguuma nagamba aha bigambo bya MUKAMA waitu omuri Yohaana 14:12: “Buzimazima nimbagambira nti: Orikunyikiriza, emirimo ei nkora nawe aryagikora, kandi aryakora erikukira eyangye obuhango…”

Ebiro ebi nituhurira entaro, okutisatisibwa kwa nwukiriya (nuclear), obutikirizaana oburi omu mahanga ga Buharabu, okutagata kw'omumwanya, empindahinduka omu mbeera y'obwiire, hamwe n'ebigwererezi omu nsi yoona. Buri kimwe kyona kiriyo nikiruga omu buteeka. Omu kaire niko kamwe, nitwijuka ebigambo bya nabi Isaaya, owateberiize: “… Ensi etengyetsibwe munonga, ensi neegererana nk'omusiinzi, Nezoonga nk'akaju; Okushiisha kwayo kugihingamiire, neijakugwa, kandi terimuka bundi.” (Isaaya 24:19b-20) Nitureeba obubonero bw'obunaku: Emperu eri haihi; okwiija Kwe kuri haihi! Kwonka tihariho n'omwe arikumanya izooba nainga eshaaha.

Okugaruka kwa Kristo okw'akabiri nikutushobororerwaho omu bicweka byingi ebya Baibuli. Omujuni wenyini akaha okuraganisa okw'amaani omuri Yohaana 14:3: “Kandi ku ndaabe ninza kubashemereza omwanya, ndyagaruka aha, mbatware ei ndi; okwo ei ndi, naimwe mube niyo mwatuura.” Boona batabani na bahara ba Ruhanga nibabaasa kwetsiga okuraganitsibwa kwa Ruhanga. “Nikwo na Kristo, ku yaaherize kuheebwayo rimwe kwekorera ebibi bya baingi, aryareebeka omurundi gwa kabiri, ti habw'ebibi, kureka ahabw'okujuna abariba bamutegyereize.” (Abaheburaayo 9:28)

Eiraka niryetera ahaiguru: Muhurire, 'imwe bantu mwe, buri omwe omuri imwe: Omu kwiija kwa Kristo kw'okubanza, obunabi bukureenga igana kuruga omundagaano enkuru bukahikirira. Ebyokutangaaza bikabaho. MUKAMA Yesu akaburira, yayegyesa, kandi yakiza boona abarwiire abamwizireho: “… abantu baingi baamukuratira, yaabakiza boona…” (Matayo 12:15b) Omu muriingo gwiitwe buzima kwetebekanisa, tushemereire kuta ekitinisa kandi tukikiriza okuraganisa kw'obunaku bwaitu: “Reeba, ndyaboohereeza nabi Eliya, ekiro kya MUKAMA ekikuru kandi ekirikutiinisa kitakizire…” (Malaki 4:5) MUKAMA waitu akakigarukamu eki omuri Matayo 17:1 n'omuri mako 9:12 kandi yakihamya: “Eliya niwe w'okubanza kwija, abone kushemeza byona.” Oku nikwo kuraganisa okwa maani okuri kutuunga okuhikiriira kwakwo Kristo atakagarukire. Nk'oku Eliya yayeshengyereize abantu ba Israeli aha rushozi Carmel okukora okucwamu, hati abo boona ab'Ekanisa ya Ruhanga nibashabwa kukora okucwamu.

Okwiija kwa Kristo kwa kabiri kutakahikira, buri kimwe omu kanisa ya MUKAMA kishemereire kugarurwa bustya omu buhangwa bwakyo, nk'oku kyabaire kiri omu kutandika (Ebyakozirwe 3:18-21). Yaaba nikikwaata aha magara g'omuntu, obushweere, amaka nari amagara g'Omwoyo g'Ekanisa, buri kimwe nikigarurwa omu buteeka bw'omwoyo nk'oku kiri omu Baibuli. Enkora y'okumariira eki, buri mwikiriiza ashemereire kweeta aha rubaju rwa Ruhanga atainemu k'okuhakanisa omunda (1 Abagabe 18:21-40). Abaikiriza boona ab'Ekanisa ya Ruhanga Ohuriire nibagaruka bataine kamogo koona owa Ruhanga, aha Kigambo n'okukuunda kwa Ruhanga, aha kwegyesa n'okukora okw'okubanza okw'Ekanisa.

Abo abatuungire obuganzi owa Ruhanga bakaikiriza buri Kigambo kya Ruhanga. Omu myaka bitaano ehingwiire, habaire abantu abakwikiriza obutumwa obukurangirirwa omu bunaku bwabo. Okwo nikwo kyabaire kiri omukugarurwa butsya bw'abapentekoti. N'ahati, abo abakutuunga obuganzi owa Ruhanga nibikiriza obutumwa obwabandize obwa Baibuli.

Hati tikiri aha kugarura ekintu butsya omu Bukristaayo, tikiri kutereeza ekintu omu baapentekoti, hati enshonga enkuru ni ahabwaabo abakwikiririza omuri Baibuli okutuunga okutandika butsya kandi bakagarurwa butsya aha musiingi ogw'abandize. Abaacungwiirwe hati abakwikiriza Ekigambo kya Ruhanga tibarikutsigara omu kavuyo ka Babulooni, kwonka beziibwe omu Kigambo kya mazima: “Obeeze omu mazima; ekigambo kyawe nigo mazima.” (Yohaana 17:17)

Tuhikire omu kaire akakukirayo omugasho ak'entebeekanisa y'okujuna: okugaruka kwa Kristo okwaraganisiibwe kuri haihi. N'ahabw'ekyo, tushemereire ahonaaho kutwara eki MUKAMA waitu Yagambire nk'enshonga: “Buzimazima ninkugambira nti: Omuntu, ku aba atazairwe bwa kabiri, tabaasa kureeba bukama bwa Ruhanga.” (Yohaana 3:3) Eki nakyo kishemereire kwetegyerezibwa buri muntu: Omu kutwaarwa (Rapture), abo abajunirwe bonka abatungire okusasiirwa okurabira omu shagama y'endagaano entsya akandi abatungire amagara amasya ag'omutaano kurabira omu kuzaarwa okutsya nibo baribayo. Entumwa Petero akashoborora okuzaarwa kutsya nka “Ahakuba mukaheza kuzaarwa obwa kabiri, mutazairwe mbibo erikujunda, kureka etarikujunda, nikyo kigambo kya Ruhanga ekihuriire kandi ekigumaho.” (1 Petero 1:23; Luka 8:11)

Okugaruka kw'omucunguzi kukaba kuri kyimwe aha nshonga z'amaani omu bunaku bw'entumwa. Hariho ebyahandikirwe biingi omu Baibuli ebiri kugamba ahari eki. Omuri 1 Abatesolonika 4:13-18, Paulo akashoboroora niki kandi ekukishemereire kubaho. Aha muheru gw'eshuura ya 5, akahandika: “Ruhanga MUKAMA w'obusingye we wenka abeereze kimwe; kandi emyoyo yaanyu n'amagara gaanyu n'emibiri yaanyu birindwe gye bishangwe bitaine ki birikuhanwa aha kiro ky'okwija kwa MUKAMA waitu Yesu Kristo.” (omushororoongo gwa 23)

MUKAMA waitu kandi Omujuni Akeegambaho nka Kishwera kandi yaagamba aha kiiro ky'obugyenyi emirundi miingi. Abo ab'ekanisa y'omugore nibikiriza okuraganisibwa kw'ekigambo ky'obunaku obu, hurira okweetwa: “Kishwera yaija!” (Matayo 25), kandi nibabaasa kutebekanisibwa ahabw'izooba ry'omuheendo eryo. Nikigambwa omuri Matayo 25:10: “… abaabaire beeteekateekire baataaha nawe omu nju omu bugyenyi bw'okushwera; orwigi rwakingwa.” Omu Kushuuruurirwa 19:7m nitushoma: “Tushemererwe, tunanukye, tumuhe ekitiinisa; ahakuba obugyenyi bw'Omwana gw'entaama buhikire, kandi omugore we ayeteekateekire.”

MUKAMA Atebeekaniise omwanya ogw'abacungwiirwe: “Kwonka tiharitaahamu kintu kyona ekitashemeire, n'obu yaakuba weena okora ebihagaro nari omubeihi, kureka abo bonka abahandiikirwe omu kitabo ky'amagara eky'Omwana gw'entaama.” (Okushuuruurirwa 21:27)

Eiraka niryetera ahaiguru: Muhurire, 'imwe bantu mwe, buri omwe omuri imwe: Obutumwa bw'omwoyo buriyo nibugyenda omu maisho nk'okwetwa kw'aha muheru Okugaruka kwa Kristo kutakabaireho. “Hekalu yaRuhanga neikirizana eta n'ebishushani ebiramibwa? Ahakuba itwe turi Hekalu ya Ruhanga ohuriire, nk'oku yaagizire ati: Ndyabatuuramu, mbagyendagyendemu; Ndyaba Ruhanga waabo, Nabo babe abantu bangye. N'ahabw'ekyo mubarugyemu, mubeetaaniseho; nikwo MUKAMA Arikugira; mutarikora aha kintu kyona ekitashemeire obwo naanye ndyabaakiira, kandi ndyaba Shoimwe, naimwe mube batabani bangye na bahara bangye, nikwo MUKAMA ow'obushoboorozi bwona Arikugira.“ (2 Abakorinso 6:16-18)

Hati n'obwiire bwokuruga omu nshobi zoona, kuruga omu buhangwa obutari bwa Baibuli. Hati n'obwiire bw'okutebekanisa, obunaku bw'okwikiriza eki ebyahandikirwe birikugamba. Hati, abaikiriza ba Baibuli boona bashemereire kubatizibwa nibiibikwa omu iziina rya MUKAMA Yesu Kristo, nk'oku kyabaire kiri omukutandika. Tihariho mwikiriza ashemereire kuhakanisa entebekanisa ya Ruhanga y'okujuna nka abahandiiki bakozire enyima (Luka 7:30).

Omu kureeba omu buhereza bwa Yohaana Omubatiza, MUKAMA waitu akabuza ababaire berundiine, “Omu ihamba mukaza kureebayo ki? Orubingo orurikutengetsibwa omuyaga?” yagaruka yaabuza, “Beitu mukaza kureeba ki? Omuntu ojwaire emyenda erikuterera? … nabi?” Yesu yagarukamu: “Eego, nimbagambira nti: Buzima naakirira kimwe nabi. Kandi ogwo niwe owaahandikirweho ngu, Reeba, nintuma entumwa yangye, ekubandize; niyo erishemeza omuhanda gwawe.” (Matayo 11:7-10) Baanabi boona bakakora obunabi okuhitsya ahari Yohaana (omushororoongo gwa 13); kuruga obwe, obukama bwa Ruhanga bukarakgiriirwa.

Tukaza kureeba ki? Tukaba nitwenda kuhurira omuburizi w'obuhanguzi, omukristaayo ori kuhamya omugasho gw'Omwoyo Orikwera? Ngaaha, kandi ngaaha ogundi. Tureebire ngu, bwanyima y'emyaka enkumi ibiri, okuhamwa kwa Ruhanga kukagarukwamu kwaburiirwa kurabira omu mushaija owatumirwe kuruga ahari Ruhanga, William Branham (Ebyakozirwe 20:27). Tukaza kuhurira obutumwa bwenyini obwaretsirwe ekikoompe ekyatumirwe Ruhanga, okuhurira omushaija ou, omu kwa kabiri 28, 1963, omu nshozi za Sunset, mayilo makumi ana (40) kuruga Tucson, Arizona, USA, yabaire atungire ebiragiro kurugira kimwe omu kicu ky'ekitangaara kitari ky'obutoosha kugambira omu kanisa y'owaabo omuri Jeffersonville aha bikwatiraine n'obumanyiso mushanju omu kitabo ky'okushuuruurirwa. Ekyo akakikora kuruga omu kwa kashatu 17 kuhitsya 24, 1963. Akatabo ka Science Magazine kaakashohoza ekishushani ky'ekicu omu kwa kana ebiro 19 n'aka Life Magazine omu kwa kataano 17, 1963. Butari bumanyiso mushanju bwonka, kureka ebyama ebisherekirwe byona, buri nyegyesa – aha bwa Ruhanga, okubatizibwa, okwiriira n'ebindi n'ebindi. – buri kimwe kiturangiriirwe omu buhangwa bwakyo, nk'oku Baibuli erikushomesa. N'obu kirabe ngu nabi yatwairwe omuka omu kwa ikumi n'ebiri 1965, obutumwa bugumire naitwe kandi butwiirwe omu nsi yoona.

Ekanisa ya Ruhanga nabwe ni enyomyo kandi n'omusingi gwa mazima, kitari kyombeko ky'e diini y'ebishuba. Omu kanisa ya Yesu Kristo, tihariho nvuunura, tihariho nyegyesa y'ebishuba. Okurabira omu butumwa obw'aha muheru, oburi igana aha ziindi n'obutumwa nk'oku kyabaire omu kutandika, Ekanisa eyombekirwe aha musingi ogwabaandize. Abaikiriza aba Baibuli abamazima baraganisibwe akamanyiso ka Ruhanga nk'obuhame: “Kandi naimwe, ku mwaherize kuhurira ekigambo ky''amazima, niyo ngiri y'okujunwa kwanyu, mukaikiriza Yesu, mwahamibwa omuriwe n'akamanyiso k'Omwoyo Orikwera…” (Abaefeso 1:13) Ekyi kitakabeireho, boona bashemereire kuruga omu kavuyo k'okuhindura Baibuli nk'oku barikwenda, ahakuba Ruhanga naija kuta akamanyiso ke aha Mugore-Kigambo ohikiriire.

Kwiha obu nayetwa omu kwezi kwa kana 2, 1962, mburiire Ekigambo kya Ruhanga, engiri eyijwiire, obutumwa obuhikire obw'akaire aka omunsi yoona kandi nagabura eky'okurya ky'Omwoyo (Matayo 24:45-47). Bwanyima y'okubaasa kuburiira omuri Kuwait na Bahrain omu kw'ikumi na kumwe 2017, hati hariyo amahanga 165 agu ntayaayire omu ntayaayo zangye za buri kwezi z'okuburiira engiri omu myaka 55 ehingwiire. Mburiire omu bibuga bikuru nka Moscow na Beijing, Damascus na Cairo, hamwe n'ebibuga ebindi omu nsi yoona.

Obukaikuru bwa bantu okwetoroora ensi yoona babasize kutuhikaho aha puroguramu zaitu z'aha TV eza edakiika 30, ezi kushohozibwa omu rungyereza aha mikutu za TV 56, zikwikiriza abantu kuhuriira enaama ya Ruhanga. Omu mahanga g'omutaano, amatebezo gangye nigashohozibwa TV z'omumahanga ago. Enteraane zaitu omu wiikendi y'okubanza buri kwezi aha Mission Center omuri Krefeld nizihurirwa kandi nizireebwa enkumi z'abantu omu nsi yoona, yabe kuzireeba n'amaisho nari aha intanenti, nari aha ntaambi, ezituri kwohereza ahabw'abusha. Ruhanga Arebekire ngu amatebezo agaburiirwe buri Wiikendi y'okubanza buri kwezi hanu aha Mission Center g'ahindurirwa hamwe omu ndimi 15 kandi obutumwa obukutebeekanisa okugaruka kwa Yesu okw'akabiri nibukyihindurwa kuteebwa omu ndimi zoona z'omu nsi.

Ekyi Ruhanga Ariyo nakora hati tikitaanwiirwe aha nsi. N'ahabw'ekyo, engiri etahwaho eriyo nerangiriirwa omu bantu bona n'endimi nk'obutumwa bw'okumaririira (Okushuuruurwa 14:6; Matayo 24:14). Abaikiriza ba baibuli aba mazima nibamanya: Emperu eri haihi; okwija kwe kuri haihi. Nibahurira eki Omwoyo Arikugambira amakanisa okurabira omu kigambo ekyashuurwiirwe kandi baaketebekanisa ahabw'ekiro ky'omuhendo eky'okutwarwa (Rapture).

Nimbasa kujurira omu maisho ga Ruhanga, nka Mikaaya okuyagambire omu kwanjura kwaitu, ngu naatambuza ekyo kyonka eki MUKAMA yatutsigiire omu Kigambo kye.

MUKAMA nagira: “Reeba, Ninyija juba!” kandi boona abacungwiirwe abamazima nibetera ahaiguru ngu: “Ija MUKAMA Yesu!” (Okushuuruurirwa 22)