YÈ WLÁN ẸN DỌ … (IT IS WRITTEN…)

To wiwá Klisti tọn tintan mẹ, gbẹtọ lẹ tin to tódido daho de glọ nado mọ Mẹsia lọ. To asiko dopolọ mẹ, mẹde matin to mẹho agùn plipli tọn lẹ mẹ he mọdona wiwá Etọn tintan po azọ́n Etọn po. Po Ohó Jiwheyẹwhe tọn po to alọ yétọn lẹ mẹ podọ sinsẹ̀n bibasi to tẹmpli mẹ tọn po, po mọpo yé gbẹ́ Mẹsia lọ. Bo ma mọdona ṣigba nugbo wẹ: É wá na omẹ Etọn lẹ, bọ omẹ Etọn lẹ ma sọ yí I (JOHANU 1: 11). Omẹde sọgan dọ, dọmọ: “Winyan wẹ eyín hlan omẹho gbigbọnọ lẹ to asiko nẹ mẹ he yè yí nukuntintọ́n do hò!” Yé tindo tùnmẹ yéde titi tọn ṣigba e ma yín nudohia Owé wiwé tọn lẹ gba.

Bé otànhó sọgan vọ́ ede dọ wẹ? Bé e sọgan yín bibasi, na sinsẹ̀n bibasi mítọn po wẹndagbe lilá mítọn po nido doadọ to onú gbigbọ tọn lẹ mẹ? E bọawu nado dọ yẹwhehó Mẹsia tọn po onú he É to na wà lẹ tọn po, ṣogan bo ma na mọdona onú he É to wiwà to dinvie. Mẹplọ́ntọ agùn tọn lẹ to azán nẹlẹ mẹ dlẹn alọ dó onú he Abraham po Mọse po dọ, ṣigba bo ma yọ́nẹn dọ onú he yè dọ gbọn yé dali lẹ ko wá ṣiṣẹ̀ mẹ to ṣẹnṣẹn yetọn. Oklunọ mítọn dọ, dọmọ: “Na eyín mì yí Mọse sè, mì do ko yí mi sè: (JOHANU 5:46).

E bọawu nugbo nado dlẹn alọ dó onú he Pita po Paul po, po mẹdidè otànhó agùn tọn tọn lẹ po dọ, bo ma na sọ yọ́n onú he Jiwheyẹwhe to wiwà to dinvie. Mì gbọ mí ni sọ kanbiọ mídelẹ wládopo dogọ, dọ “Nawẹ e jọ do bọ yé omẹ wiwé he nọ plọ́n Owé Wiwé do tamẹ to okle po ozàn po, bo ma do mọdona ṣiṣẹ̀ dọdai lẹ tọn? Whenuena Jesu hun Biblu to otò Nazalẹti tọn mẹ, é hia sọn Owé ISAIA 61 tọn mẹ, bo dọhó ayi do ego tọn de, dọmọ: “É sọ ṣẹ̀ didọ hlan yé, dọ, egbè wẹ Owé Wiwé di to Otó mìtọn mẹ” (LUKU 4:21).

Dinvie, ma tin ohókanbiọ, mí tin to vivọnu vivọnu lẹpo tọn. Biblu hiatọ depope dóna tindo nukundido osọhia nújijọ he to na jọ to ma dẹn mẹ. Nugbonugbo, ohia asiko lọ tọn, po ninọ́mẹ agùn lọ tọn po, podọ pipli Islaẹli tọn po nukọnyìyì otò tọn po to didohia hézéhézé dọ wiwá Oklunọ tọn ko sẹpọ́. Bé e sọgan yín dọ Jiwheyẹwhe do azọ́n de hlan, he yé ma mọdona bo sọ gbẹ́, e sọgan yín yé he yín alenọ daho gbọn e dali lẹ?

E ma sinẹnawú nado dawhẹ̀ núhe jọ wáyì tọn, wuntùntùn onú he yè wà jẹagọ tọn po tódido he to nukọn tọn po, mọwẹ to asiko dopolọ mẹ bo ma mọdona onú he Oklunọ to wiwà to alọnu. Jẹnukọn whẹ́, mí dóna tùnwun ohó vivẹ he mí mọ hia to Owé AMỌSI 3:7 tọn mẹ dọ, “Nugbonugbo, Oklunọ Jiwheyẹwhe ma na wà núde adavo ewọ de aṣli etọn hia hlan devi etọn yẹwhegán lẹ.” Nugbonugbo, mí tin to whenu whèta dọdai daho asiko lẹpo tọn mẹ. To finẹ whẹndo dedovo awe wẹ tin he hẹn azọ́n daho de: whẹndo he tin to wiwá Klisti tọn tintan mẹ, podọ dinvie tọn–whẹndo mítọn– jẹnukọnna wiwá Klisti tọn awetọ. Alẹ̀nù Yọ́yọ́ bẹ́ po ṣiṣẹ̀ dọdai Biblu mẹ tọn po, bo na sọ fó to alọ dopolọ ji.

Mí ma dohúdo gbẹto de tọn nado dọ dọdai linlẹn ede titi tọn dogbọn onú daho he Jiwheyẹwhe ko wleawú yetọn lẹ dai gba. Linlẹn helẹ ma ko ṣẹ̀ mọwẹ yé ma sọ sọgan wá ṣiṣẹ̀ mẹ. Nugbonugbo, mí tindo húdo nukunnumọjẹnúmẹ hézéhézé tọn dogbọn pàgbehó asiko he mẹ tọn tọn. Na mí tin to whèta dọdai tọn mẹ, devizọ́nwiwá yẹwhegán daho lọ tọn dóna sọgbe do tito Jiwheyẹwhe tọn go. Whẹ̀ṣó nújijọ dedovo helẹ nado jọ, to hóhó whenu Oklunọ nọ sẹ́ omẹ de dó po azọ́n titegbe de po. Jẹnukọnna osìngigọ́ lọ, Jiwheyẹwhe sẹ́ yẹwhegán he mí hia to Owé GENẸSISI 6:22 tọn mẹ, dọ, “Mọwẹ Noe sọ basi; kẹdẹdi enẹ he Jiwheyẹwhe ko degbèna ẹn lẹpo; mọwẹ é basi do.” Jẹnukọnna vivasúdo Sọdọmi po Gomọla po tọn, Oklunọ dla yẹwhegán Etọn Ablaham pọ́n (GENẸSISI 18). To afọ etọn 17 mẹ, mí hia dọ: “OKLUNỌ sọ dọmọ, Yẹn ka na sọ onú he Yẹn wà whlá do Ablaham wẹ?” To Owé LUKU 17:26-30 tọn mẹ, Oklunọ dọhó dogbọn ojlẹ nẹlẹ tọn dali, dọmọ, “Mọkẹdẹ wẹ e na te to azán nẹ gbè, he yè do Ovi gbẹtọ tọn hia.” Jiwheyẹwhe ma nọ diọ gba. É dọ, dọmọ, “Na Yẹn OKLUNỌ lọ ma diọ…” (MALAKI 3:6). Gbèmimá Etọn lẹ sọgbe kakadoi. Jiwheyẹwhe nọ wàzọ́n to ninọ̀mẹ dopolọ to ojlẹ lẹpo mẹ. Whenuena É wleawu nado hẹn opàgbe he É do ná Ablaham ṣẹ̀ (GENẸSISI 15:13), É sọawúhia Mọse, yẹwhegán lọ, to ozòlọ miyọ́n tọn de mẹ. É tindo Elija de po Eliṣa de po, É sọ tindo Jelemia po Daniẹli po, po Isaia po, po Ezekiẹli po, podọ omẹ devodevo lẹ.