YÈ WLÁN ẸN DỌ … (IT IS WRITTEN…)

Azọ́n titegbe lọ wẹ yín dọ, nado gọ̀ ayiha ovi Jiheyẹwhe tọn lẹpo tọn wá yise apọsteli otọ́ lẹ tọn ji. Mẹdohlan sọn Jiwheyẹwhe de taidi Elija dóna tin, he dóna dohia ṣiṣẹ̀ azọ́n de tọn sọn aga ma tin oyẹ mayise tọn. To dandan mẹ, ewọ dóna tindo onù vivẹ awe dovo na omẹ he pò lẹpo: Ohó pàgbe tọn na ojlẹ he lọ po hinhẹngọ̀ devizọ́n apọsteli lẹ tọn po. Ehe wẹ ohia dùdomẹji oylọ etọn tọn, podọ ojlẹ etọn tọn. Gbọn ehe mẹ, yè na dọ̀n ayiha omẹ Jiwheyẹwhe tọn lẹ tọn do owẹn ojlẹ lọ tọn go.

Dogbọn Elija tọn dali, mí yọ́nẹn dọ é vọ́ agbà Oklunọ tọn he yè họ́lia dó. To enẹ wiwà mẹ, é yí osé wiawe kẹdẹdi whẹndo wiawe ovi Islaẹli tọn lẹ tọn, bo ylọ omẹ Jiwheyẹwhe tọn lẹ na ogbèmimá de. É dọ, dọmọ: “Devizọ́nwàtọ towe wẹ mi, bọ yẹn ko sọ wà onú helẹ pó do ohó towe ji.” To odẹ̀hihò etọn mẹ, é dọ, dọmọ: “Oklunọ È, ṣiọ mi, na omẹ helẹ nido yọ́nẹn dọ hiẹ, Oklunọ, wẹ Jiwheyẹwhe, podọ hiẹ ko sọ vọ́ ayiha yetọn lẹ́ gọ̀ do godo” (1 AHỌLU 18:37). Elija tintan po Johanu Baptist po, yé mẹhe wá to gbigbọ Elija tọn mẹ, kẹdẹdi “Elija” egbè tọn, tindo onú dopo to kọndopọ mẹ: enẹ wẹ nado lẹ́ ayiha omẹ Jiwheyẹwhe tọn lẹ tọn do Ohó lọ de.

Dogbọn devizọ́n godo tọn dali, yè dóna gọ̀ núplọ́nmẹ apọsteli wiawe lẹ tọn do otẹn etọn mẹ, bo lẹ́ ayiha omẹ Jiwheyẹwhe tọn lẹ tọn do Ede podọ do Ohó Etọn de. Yé mẹhe ma dó wanyinna na Nugbo, wẹ yè ná nado yí lalo sè po huhlọn po (2 TẸSALONIKA 2:11). “Yé na lẹ́ otó yetọn sọn nugbo mẹ, bo nasọ gọ̀ do otàn ovọ́ kọ̀n” (2 TIMỌTI 4:4). Ṣogan, jẹhọn lẹpenọ oplọ́n jonọ tọn na doalọte na yé mẹhe yè gọ̀ do Nugbo mẹ lẹ. Yè ylọ yé sọn agùn pipli Babilọni tọn mẹ, yé sọ kẹalọyí oplọ́n he sọgbe lọ. Kẹdẹdile Johanu mọdona hézéhézé Owé Wiwé he dọhó do e go do, mọwẹ yẹwhegán whenu godo tọn, he yè dopàgbe etọn he, na mọdona Ohó pàgbe etọn na ojlẹ he gbọn núdohiamẹ Jiwheyẹwhe tọn tọn dali, yèdọ Ohó dọdai tọn lọ ga, kẹdẹdile Pita dọ do, dọmọ: “Míwlẹ sọ tindo ohó dọdai tọn he diun hú enẹ ga…” (2 PITA 1:19) podọ mí sọ tindo Gbigbọ dọdai tọn, kẹdẹdile yè dọ na Johanu to osó Patmọsi tọn ji do, dọmọ: “…Devi hatọ de wẹ yẹn po hiẹ po, po mẹmẹsunnu towe lẹ po, he hẹn okunnuhó Jesu tọn go: litaina Jiwheyẹwhe: na okunnuhó Jesu tọn wẹ gbigbọ dọdai tọn” (OSỌHIA 19:10). Gbigbọ dọdai tọn ma yín dopolọ po núnina dọdai tọn po gba, ṣigba eyín dopolọ po Ohó dọdai tọn po, bo sọ yín okunnuhó Jesu Klisti tọn. Ohó helẹ pó yín núvivẹ sọmọ bọ mẹde ma sọgan ganjẹ ohójijlẹ alọpa de go gba, kavi onú mọhunkọ tọn de. Nado fó ohóta he, agùn nugbo lọ na yọ́n azọ́n etọn, bo nasọ yí tẹnmẹ etọn to pàgbe he yè dó nẹlẹ mẹ, whenẹnu é na yín dopo po Ohó lọ po. Enẹ na yín dopoyínyín nugbo to Gbigbọ mẹ!