YÈ WLÁN ẸN DỌ … (IT IS WRITTEN…)

Mẹhe mọdona Owé Wiwé bo sọ yọ́n le Jiwheyẹwhe wà azọ́n do to asiko he wáyì lẹ mẹ dóna hia yé jẹ, bo sọ dónukun dọ É na wà onú huhlọnnọ de to dinvie. Eyín linlẹn ṣie sọgbe, Jiwheyẹwhe zán omẹ he É jlo nado vọ vọ́fọ́n he to nukọnyì dinvie, he yín bibẹ́ to godo Otò Whán awetọ lọ tọn. Gbọn devizọ́nwiwà etọn dali, núdabla daho daho wẹ jọ to finẹ. Nukuntunnọ lẹ mọnú, osẹ́kunọ lẹ zinzọnlin, dẹkunọ lẹ dọhó, podọ tókunnọ lẹ sénú. To owé he mẹhe yè nọ ylọ Gordon Lindsay wlàn to owhè 1950 tọn mẹ, he yín “omẹ sẹdo sọn Jiwheyẹwhe de”, omẹ dopolọ wẹ yín mẹhe sọ wlàn owé he yín “Ogbè azọ̀nhẹngbọ tọn”, podọ to owé he yín “odlapọ́n yẹwhegán de tọn to otò South Africa tọn mẹ”, he yín didètọ́n gbọn yẹwhenọ Julius Stadsklev dali to owhè 1952 tọn mẹ, podọ ga to owé he yè wlán dọ, “Owalọ Yẹwhegán tọn” gbọn yẹwhenọ he yè nọ ylọ Pearry Green to otò Tucson, Arizona tọn mẹ, po owé devodevo he yè kàn bo sọ tin to kasẹti lẹ ji po. E sọ yín mọ dọ mẹhe jẹ ahúnmẹzọ̀n bo ma sọ tindo tódido gingán tọn ba, wẹ yè hẹn azọ̀ngbọna gbọn núdabla azọ́njawu he jọ lẹ tọn dali. Mí sọ hia dogbọn azọ́n dèdovo he Jiwheyẹwhe zọ́n ẹn to azán ṣinawetọ, osùn atọ́ntọ, owhè 1946 tọn mẹ.

To owhè susu mẹ, ogbèdido wéma susu tọn to hójlawéma Amẹlika tọn lẹ mẹ, taidi apàjlẹ hójlawéma lọ lẹ tọn wẹ ehe lẹ, “Owẹnzagùn tódido tọn”, “Ogbè Azọ̀nhẹngbọ tọn”, enẹ godo yè sọ ná oyín devo he yín, “Klisti na Akọta lẹpo” po devodevo he pò lẹ po. Wàtọ́nta gbigbọ vọ́fọ́n tọn he ko yí tẹnmẹ jẹnukọnna owẹndagbelátọ devo lẹ (to godo mẹhe yè wá yọ́nẹn lẹ) he tin to azọ́n lọ mẹ. Nugbo, yé mẹhe azọ́n yetọn lẹ to vivọnu ‘owhè kandè tọn, owhè kandéao tọn kaka wá jẹ owhè kandékó tọn’, yé mọ gbọdemẹ de yí nado wá opli nọvisunnu William Marrion Branham tọn tó. To egbè, yé ma jlo nado yọ́n nọvisunnu William Marrion Branham ba; ṣigba yé jlo nado dọ otàn etọn nado dọ̀n omẹ he to sisè lẹ.

Kẹdẹdi kunnúdide ṣie, to omẹ susu ṣẹnṣẹn, dogbọn devizọ́n dawe he tọn dali, yẹn sọgan dọ dogbọn núdọnnú he yẹn mọ podọ ehe yẹn sè tọn dali dọ e zẹ̀ linlẹn ṣie go. Dogbọn dọpọ́n núnina wùntùntùn tọn podọ núyọ́nẹn magbọvọ Jiwheyẹwhe tọn tọn fọtọ́n donu nẹbi de to opli devizọ́n dawe he tọn glọ to osùn wiawetọ, owhè 1965 tọn mẹ. Gbọn otò susu mẹ, po akọta lẹ po, po ogbè lẹ po tọn dali, gbọn hùndohia númimọ he tọn dali, dawe huwhẹnọ he nọ mọ mẹhe tindo awutu po ofi he omẹ lọ sọn wá yède sọn otò lẹ mẹ po, sọn agbegbe lẹ ji, podọ oyín omẹ dopodopo tọn nọ yín didohia hlan ẹn. To whelẹponu, númimọ etọn lẹpo nọ yín nugbo, to owhè susu mẹ dopo to azọ́n he é wà lẹ mẹ magbọvọ. Núyiwà awe wẹ to devizọ́nwiwà yẹwhegán nugbo tọn mẹ: tintan, núhe é dọ dóna wá ṣiṣẹ̀ mẹ (DEUTELONOMI 18:20-22), podọ awetọ, núplọ́nmẹ etọn do Jiwheyẹwhe ji dóna sọgbe. Eyín núhe gbẹtọ de dọ wá ṣiṣẹ̀ mẹ, ṣigba bo do yẹwhe devo lẹ hia to ofi he e jẹ dọ ni do Jiwheyẹwhe Ablaham tọn, Isaki tọn podọ Jakọbu tọn hia te, yẹwhegán lalonọ de wẹ ewọ, to whenẹnu Jiwheyẹwhe to whiwhle gbẹtọ lẹ pọ́n (DEUTELONOMI 13:2-6).

Kẹdẹdi Ovi gbẹtọ tọn, Jesu wẹ yín “Yẹwhegán lọ” mẹhe hó Mọse dọ to Owé DEUTELONOMI 18:15-19 tọn po Owé OWALỌ 3:22-23 tọn po mẹ, enẹwutu gbọn númimọ mẹ É do mọ onú he Otọ́ to na wà. Whenẹnu É wà kẹdẹdile e jẹ do (JOHANU 5:19). Tintan he É mọ Pita, É dọ hlan ẹn, dọ, dọmọ: “Hiẹ wẹ Simọni ovisunnu Jona tọn” (JOHANU 1:40-42). É dọ hlan Natanaẹli mẹhe É ma ko mọ pọ́n, dọmọ: “…Whẹpo Filipi ylọ we, whenuena hiẹ tin to ovotin glọ, yẹn ko mọ we” (JOHANU 1:43-48). Nawe he wá odotọ̀ Jakọbu tọn tó yín awujinọ whenuena É dọ hlan ẹn dọ, “Na hiẹ ko tindo asú atọ́n dai; podọ mẹhe hiẹ tindo dinvie ma yín asú towe gba” (JOHANU 4:18). Jesu yọ́n sisosiso linlẹn ayiha mẹ tọn–núwhiwhlá lẹpo yín didohia hlan Ẹn. Na devizọ́nwiwà yẹwhegán tọn he tọn wutu, Wekàntọ lẹ po Falesi lẹ po ylọ Ẹ dọ Beẹzebuli–mẹhe taidi dọdaidọtọ de yèdọ ayiha mẹ hiatọ de.

Whladopo dogọ, mẹsẹ́do sọn Jiwheyẹwhe de he yè ylọ dọ William Branham he, to whelẹponu, nọ dlẹn alọ do Owéfọ lẹ lọ. Whenuena é dọ yẹwhehó po vọ wẹ é ylọ odẹ̀ lẹnvọjọ tọn bo hòdẹ̀ na azọ̀ntọ lẹ. É nọte kaka jẹ whenuena é mọ onú he Jiwheyẹwhe to na wà. Enẹ godo wẹ é dọhó bo hòdẹ̀. Nado mọdona ohó he yè dọ to ofi, susu yetọn tin to kasẹti ji hlan mẹhe jlo nado tindo kunnúdide etọn lẹ.

É mọ hinhọn huhlọnnọ de he jẹdo ota etọn ji. Hinhọn lọ yín mimọ to fọto tintan he yè dè mẹ to azán kónukun-ẹnẹtọ, osùn tintan, owhè 1950 tọn mẹ, to otò Houston Coliseum tọn mẹ. Susu to fọtodetọ hojlawéma tọn lẹ mẹ, yín awujinọ talala nado mọ titá hinhọn he tọn to ota devizọ́nwàtọ Jiwheyẹwhe tọn tọn ji, bo sọ to linlẹn nado basi sẹni de nado hẹn ovlẹ wá devizọ́nwàtọ lọ ji.

Yẹwhegán Ezekiẹli mọ gigo Oklunọ tọn whla susu (EZEKIẸLI 1:28; po ota etọn 3:12-23 po, po ota 10:4-18 po). To aliho Damasku tọn ji, Saul mọ hinhọn huhlọnnọ dopolọ bo kanbiọ dọ, dọmọ: “Mẹnu wẹ hiẹ, Oklunọ? Ewọ sọ dọmọ, Yẹn Jesu, mẹhe hiẹ to homẹkẹndo wẹ”(OWALỌ 26:15). To gbejizọnlin ovi Islaẹli tọn lẹ tọn ji, Oklunọ tin to aga na yé, to oklé di hinhọn dotin tọn, to ozánmẹ di dotin miyọ́n tọn. Jiwheyẹwhe yín hinhọn bo sọ nọnọ̀ hinhọn mẹ. Jesu wá kẹdẹdi hinhọn aihọn he tọn. Oklunọ gbẹ́ sọ to dopolọ yín tẹgbẹ.

To azán kó-atọ́n-nukun-atọ̀ntọ, osùn awetọ, owhè 1963 tọn mẹ, hinhọn huhlọnnọ he lọ jẹte to osó he tin to otò Arinzona tọn mẹ, to ofi he omẹ Jiwheyẹwhe tọn lọ te. Finẹ wẹ yè dọ hlan ẹn dọ, ni gọ̀yì agùn etọn mẹ to otò Jeffersonville tọn mẹ, nado yì lá owẹn he gbọn hiadonu ṣinawetọ Owé osọhia tọn tọn mẹ. Na azán ṣinawe pipé, sọn azán fọtọ̀n-nukun-awetọ do jẹ azán kó-nukun-ẹnẹtọ, osùn atọ̀ntọ, owhè 1963 tọn mẹ. Hinhọn huhlọnnọ nẹ nọ tá to azán lẹpo mẹ podọ hiadonu he ji é na dọhó do nọ yín didohia hlan ẹn sọn Jiwheyẹwhe de. To onú he lẹpo mẹ, e sinẹnawú nado mọdona dọ yé mẹhe nọ ylọ yéde dọ, “omẹ Jiwheyẹwhe tọn to asiko lọ mẹ”, “yẹwhegán Jiwheyẹwhe tọn to ojlẹ godo tọn mẹ”, podọ oyín devodevo lẹ, he ma sọgan mọdona núhe Jiwheyẹwhe ko wà.

Kẹdẹdi lé mí sọgan gọ̀yì godo to azán widopotọ osùn ṣidopotọ, owhè 1933 tọn mẹ. To whenuena é to bibaptizi omẹ lẹ to Otọ̀ Ohio tọn mẹ to Otò Jeffersonville, Indiana, U.S.A tọn mẹ, onú jijọ huhlọnnọ de jọ. To nukun gbẹtọ fọtọ́n donù ẹnẹ hunkọ tọn mẹ, gbẹtọ di fọtọ́n hunkọ wẹ é ko baptizi to whenuena hinhọn he lọ jẹ do é ji bọ ogbè de to didọ hlan ẹn dọ, dọmọ: “kẹdẹdi lé yè dó Johanu baptizi do hlan jẹnukọnna wiwá Klisti tọn tintan do, mọkẹdẹ wẹ hiẹ lọsu yín didohlan po owẹn de po he na wleawú na wiwá Klisti tọn awetọ.” Nújijọ daho daho devo lẹ sọgan yín hihia.

Mí ma sọgan nọ tata ṣigba mí dóna mágbè to huhlọn Jiwheyẹwhe tọn mẹ whenuena mí pànnukọn mẹjizínnọ gbẹtọ de tọn. Yáyà ninọ̀ ma yín gblọndo lọ gba. Núhe Jiwheyẹwhe wà lẹpo, tin na núde tọn wutu. Bé e sọgan yín dọ agùn Jiwheyẹwhe tọn yín mímọ to ninọ̀mẹ dopolọ to egbè taidi Islaẹli, to whenuena Oklunọ to zọnlinzin to aigbaji? Whenẹnu mí sọgan kanbiọ dọ, “Bé e ma yín Elija whẹ́ wẹ na wá? Bé e ma yín yẹwhegán de wẹ na sọawúhia?” To egbè gblọndo dopolọ nasọ yín nina hlan mí, “ṣigba Elija lọ ko wá bo ko sọ yì, bọ yé ma sọ yọ́nẹn, yé sọ wà onú he yé jlo lẹpo do é.” Eyín e yín nugbo dọ (núhe yẹn yọ́nẹn we yín dọ) mí tindo omẹ sẹ́dó de sọn Jiwheyẹwhe de to asiko mítọn mẹ, ṣigba mí ma yọ́n azán dlapọ́n mítọn tọn, to vlẹkẹsi de mẹ e sọgan yín dọ mí ko tọ́nnukun bo sọ yín pinplán jẹagọ. Bé e ma jẹdọ mí ni din pọ́n to Owé Wiwé lẹ mẹ po sisi de po, kaka jẹ whenuena mí na mọ owẹn asiko mítọn tọn to yé mẹ?

Kẹdẹdi lé ete e sọgan vọ sọawúhia dọ agùn lẹ po, yẹwhehódọtọ lẹpo gbẹ́ sọ to aliho yetọn dopolọ ji, bo pọ́n hlan onú he Jiwheyẹwhe ko wà to klandowiwé mẹ taidi onú jẹagọ de, bo to didọ dọ azọ́n Satani tọn wẹ. Mẹhe yise to yẹwhe atọ̀n sẹ̀ntọ lẹ mẹ dọ, dọmọ, “agùn ‘dopoyínyín tọn mẹ wẹ é te”’, podọ “agùn ‘dopoyínyín tọn lẹ sọ dọmọ é ma tin to agùn yẹwhe atọ̀n sẹ̀ntọ lẹ tọn mẹ gba’”. To agùn awe lẹ mẹ, omẹ pẹvidé wẹ yọ́nẹn dọ omẹ Jiwheyẹwhe tọn nugbo de wẹ. É ma tin to awà agùn de tọn ji, ṣigba bo nọ dọ yẹwhehó honamẹ Jiwheyẹwhe tọn tọn lẹpo. Nugbo é dọ, dọmọ, Jiwheyẹwhe do Ede hia taidi Otọ́ to olọn mẹ, podọ di Ovi to aigbaji, bo tin to Mẹfligọ̀ lẹ mẹ to Gbigbọ mẹ. É wà zọ́n po apọsteli Paul po mẹhe dọ dolé dọmọ, “Podọ matin núdindọn, daho wẹ núdabla jijọ di-Jiwheyẹwhe tọn: yè yì Jiwheyẹwhe hia to agbasa mẹ, bo sọ súwhẹ nẹ́ to Gbigbọ mẹ, yè mọ ẹn to angẹli lẹ de, yè dọyẹwhehó etọn hlan Kosi lẹ, yè yí i sè to aihon mẹ, yè sọ yí i daga do gigo mẹ” (1 TIMỌTI 3:16).

E bọawúna wẹndagbelátọ lẹ he mọ gbọdemẹ yetọn yí gbọn devizọ́nwiwà devi huwhẹ̀nọ Oklunọ tọn tọn he dali–podọ agùn lẹ he duale huhlọnnọ etọn tọn–ṣogan yé ma na mọdona azọ́ndidè Jiwheyẹwhe tọn tọn na whinwhan asiko godo mẹ tọn he to Gbigbọ mẹ gba. To nugbo de mẹ, mí tin to oyọ́nẹn Jiwheyẹwhe tọn mẹ gbọn titò whlẹngán egbè tọn dali. Yisenọ lẹ na zinzọnlin biọ pàgbe Ohó lọ tọn mẹ, na yé yín omẹdidè kẹdẹdile Isaki yín omẹdidè do, yèdọ ovi opàgbe tọn lẹ (GALATIA 4:28), yé yín ovi bo sọ kẹalọyí pàgbe Otọ́ tọn (OWALỌ 1:4).

To popolẹpo mẹ, mí mọ ninọ̀mẹ dopolọ he sọawúhia to wiwá tintan Oklunọ mítọn tọn mẹ. Yèdọ yẹwhenọ lẹ, na owhẹ̀jijọ alọpãlọpa lẹ tọn wutu, din onú depope nado diọnukunsọ. Mọkẹdẹ wẹ e te to egbè, yè nọ dè, nado dọ, ohó de sọn “Anádemẹhó Owhèta Ṣinawe Agùn lẹ tọn” tọn mẹ, ota etọn 322, bo sọ nọ dohia dọ, owhè 1977 ma hẹn opòdo nújijọ titò aigba ji tọn lẹpo wá gba, kavi bibẹ́nu ahọludu owhè fọtọ́n tọn gba. Ṣogan e na bọawú na omẹ lọ lọsu nado dindona to zizé ode jlẹ do ode go, ehe yín yẹwhehó he yẹwhegán ko dọ jẹnukọn, na é nido sọgan mọdona dọ nọvisunnu Branham ma zán ohógbè mọhunkọ tọn gba. Etẹwutu yẹwhenọ nẹlẹ he tindo núyọ́nẹn ma tlẹ hòpọ́n nado dindóna “onú nẹlẹ”? Osọha onú devo nẹlẹ tọn he yè hia dokọ̀ nẹ́ to mawàdódó mẹ lẹ, gbọn aihọn lẹpo mẹ nado hẹn agbọpe gbẹtọ lẹ. Omẹ depope he ma ko kẹalọyí jẹnukọn, ohódọ jẹagọ do omẹ Jiwheyẹwhe tọn go, na mọdona dọ omẹ Jiwheyẹwhe tọn he tindo núyọ́nẹn sisosiso Owé Wiwé tọn dogbọn núdohiamẹ Jiwheyẹwhe tọn dali. Mọwẹ, yè hẹn núdabla Jiwheyẹwhe tọn lẹpo he whlá to Ohó Etọn mẹ lẹ, wá hinhọn mẹ. Podọ enẹwutu wẹ mí yọ́n dagbe na Oklunọ talala.

E sọgan yín dọ, anádemẹhó he na yín zinzán na Jiwheyẹwhe nado hẹn mẹde gánnugánnu, nado doalọte sọn owalọ etọn lẹ po titò etọn lẹ po mẹ, bo sọ lẹzùn apáde Etọn to titò whlẹngán Etọn tọn mẹ to ojlẹ godo tọn mẹ. E sọgan yín wiwà dọ, mẹde ni yí yédọ-yédọ sè po kandeji po, na enẹ tọn wutu, bo gbẹ́ devizọ́n mẹdidè Jiwheyẹwhe tọn tọn, podọ na mẹdevo lẹ ni lẹzùn nùzándomẹgotọ bo sọ hẹn owhẹ̀gbledo wá mẹsẹ́do lọ ji, dogbọn ohó susu he yè ma wlán do Owé Wiwé mẹ lẹ tọn dali, po túnmẹ susu owẹn lọ tọn po.

Yè ylọ mẹlẹ pó nado din Owé Wiwé lẹ pọ́n, bo sọ dindona núplọ́nmẹ lẹpo gbọn Ohó Jiwheyẹwhe tọn lẹ dali. Ma gánjẹ núyọ́n towe titi go blo, podọ ma yí yédọ-yédọ sè to nukun tintọ́n mẹ blo. “Ehe lẹ yín yẹyinọ…na yé kọnayiha dai do yí ohó lọ, to Owé Wiwé lẹ din egbésọegbésọ, eyín mọwẹ onú nẹlẹ yín” (OWALỌ 17:11).