YÈ WLÁN ẸN DỌ … (IT IS WRITTEN…)

Yè nọ dè yẹwhegán lẹ sọn ohò onọ yetọn tọn mẹ jẹnukọnna azọ́n he yè dè yé na po devizọ́n de po (JELEMI 1:5). Jẹnukọn yè nọ ylọ yẹwhegán lẹ dọ “númọtọ lẹ”, na yé nọ mọ númimọ lẹ (1 SAMUẸLI 9:9, po afọ 18-19). Yé nọ mọ gbọdemẹ yí whenuena yé mọ númimọ, podọ mọwẹ yé nọ hẹn núdohiamẹ wá sọn Jiwheyẹwhe de (JELEMIA 1:11-12). Ohó Oklunọ tọn nọ wá yẹwhegán lẹ de to whepoponu, kẹdẹdile yè wlán ẹn do to Owé OSỌHA 12:6 tọn mẹ, dọmọ: “É bo sọ dọmọ, mì sè ohó ṣie lẹ dinvie: eyín yẹwhegán de tin to mì ṣẹnṣẹn finẹ, Yẹn OKLUNỌ lọ na hẹn dê zùn yinyọ́nẹn hlan ẹn to númimọ de mẹ, yẹn na dọhó hẹ ẹ to odlọ de mẹ.” Yẹwhegán nugbo wẹ onù Jiwheyẹwhe tọn. Kẹdẹdi Johanu po yé he pò lẹ po, yé dóna tindo “Le wẹ Oklunọ dọ” azán yetọn mẹ tọn. Yé omẹ pó he na kẹalọyí yẹwhegán mọtọnhunkọ lẹ bo sọ yí devizọ́n yetọn sè, na dùale yetọn (MATIU 10:41). Oklunọ Lọsu dọ, dọmọ: “…Mì sọ wà odanu de do yẹwhegán ṣie lẹ go blo” (1 OTANNUGBO 16:22 po PSALM 105:15).

Yẹwhegán Alẹ̀nù Hóhó mẹ tọn lẹ tin kaka jẹ Johanu Baptist whenu; sọn whenẹnu wẹ yè to yẹwhehó Ahọludu Jiwheyẹhwe tọn tọn dọ (LUKU 16:16). Yè nọ zán Owé Wiwé he lọ nado hoavùn na linlẹn he dọ, dọ, Jiwheyẹwhe ma na tindo yẹwhegán to asiko Alẹ̀nù Yọ́yọ́ tọn mẹ gba. Ṣigba Johanu lọsu yẹhwegán de wẹ, podọ Simeọni, Jesu, Oklunọ mítọn, sọ dopàgbe, dọmọ, “Enẹwutu, mì do ayi e go, yẹn do yẹwhegán lẹ hlan mì, po gbẹtọ nuyọ́nẹntọ lẹ po, po wékantọ lẹ po…” (MATIU 23:34 po LUKU 11:49 po). Ohógbè “wékantọ” to ofi nugbonugbo, ma yín dogbọn mẹdepope he plọ́nnú to Gamaliẹli de gba. “É sọ dọ hlan yé, dọmọ, enẹwutu wẹ wékantọ dopodopo he yè hẹn zùn núplọ́ntọ hlan Ahọludu olọn tọn to din jijlẹ do dawe he yín whénọ de go, ehe to onú yọ́yọ́ po hóhó po dè sọn adọkunnú etọn mẹ jẹgbonu” (MATIU 13:52).

Mẹdepope he hia Owé OWALỌ tọn lẹ na mọ afọhù yẹwhegán alọpãlọpa lẹ tọn, he to azọ́nwà to agùn mẹ (OWALỌ 13:1). To Owé OWALỌ 15:32 tọn mẹ, mí hia dọ, “Le Juda po Sila po yín yẹwhegán…”. To Owé 1 KỌLINTINU 14 tọn mẹ, Paul dotẹnmẹna devizọ́n lẹ, podọ to enẹ godo, é dọ, dọmọ: “Eyín omẹ de lẹn nado yín yẹwhegán de, kavi gbigbọnọ, mì gbọ é ni yí oyọ́nẹn onú he yẹn wlán hlan mì lẹ tọn” (afọ etọn 37). To Owé EFESUNU 3 tọn mẹ, Paul wlán dogbọn nudohiamẹ he é tindo tọn dali. É dọhó dó nudabla Klisti tọn lọ ji, dọmọ: “Ehe yè ma ko sọhia ovi gbẹtọ tọn lẹ gbède to hóhó whenu devo lẹ mẹ, kẹdẹdile yè sọ yé hia dinvie hlan apọsteli etọn wiwé po yẹwhegán lẹ po to gbigbọ mẹ;” (EFESUNU 3:5); (to EFESUNU 4:11 podọ 1 KỌLẸTINU 12:28). Azọ́n yẹwhegán de tọn yín mimọ to gblagbla azọ́n vovo he Jiwheyẹwhe doai to agùn Etọn mẹ lẹ mẹ. Apawhé dọdai titò whlẹngan tọn tọn tindo hùdo yẹwhegán daho de tọn.

Mẹhe mọdona otànhó lẹ na yọ́nẹn dọ Mohammed po omẹ devo devo lẹpo, dọ, dọmọ: Yewlẹ wẹ yín yẹwhegán he yè dọ to Malaki 4:5 mẹ, dọ, yewlẹ wẹ yín mẹhe na wá jẹnukọnna Azán daho podọ Azán osinọ Oklunọ tọn lọ. Nugbonugbo, mẹdelẹ ylọ yéde lẹ dọ “Elija” kavi dọhó dogbọn “devizọ́nwiwà Elija tọn dali”. Ṣigba dopo to yé mẹ ma lẹ́ ayiha ovi Jiwheyẹwhe tọn lẹ tọn gọ̀ do Jiwheyẹwhe po Ohó Etọn po de gba. Nado dọ: Yewlọsu na yéde dẹndo oplọ́n nugbo apọsteli lẹ tọn, po nuplọ́nmẹ yẹwhegán lẹ tọn po, bọ yé wázédai oplọ́n yéde titi tọn. Ṣogan, mẹvlẹtọ he lẹpo ma sọgan glọ́nalina ṣiṣẹ̀ opagbè Jiwheyẹwhe tọn tọn to asiko Etọn mẹ gba.