JIWHEYẸWHE PO TITÒ ETỌN PO HLAN GBẸTỌ LẸPO

Gbọn ohódidọ dali, JIWHEYẸWHE ṣẹ̀ onú yọ́yọ́ lẹ dá ji. Gbẹtọ ṣẹ̀ sọn núdidá de mẹ. Ṣigba gbọn aliho ohódidọ tọn dali wẹ JIWHEYẸWHE dá onú lẹ gbọn. Kọ̀ndopọ he tin to Otọ́ po Ovi po ṣẹnṣẹn dóna yín didoai to gbẹtọ po JIWHEYẸWHE po ṣẹnṣẹn. É ma sọgan wà ehe lọ gbọn Ablaham mẹ, kavi Mọse, kavi yẹwhegán devo de mẹ gba. Na yé omẹ pó yín jiji gbọn agbasalan dali to aihọn he mẹ. Enẹwutu, yé yín apáde núdidá aijijẹ tọn tọn. Gbọn jiji huhlọnnọ de dali wẹ JIWHEYẸWHE dá núdidá yọ́yọ́. Ehe lọ jọ̀ gbọn Ovi dètọ́n dopo akàn lọ dali, JIWHEYẸWHE dá onú ogbẹ̀ tọn de gbọn Malia awhlivu dali. Ewọ wẹ ovi lọ hẹntọ. Malia dọ, dọmọ, “Pọ́n afànumẹ yọnnu Oklunọ tọn; ni nọ hlan mi kẹdẹdi ohó towe. Angẹli lọ sọ yì sọn é de.” (LUKU 1:38). Yẹwhegán de kavi apọsteli de podọ Owé Wiwé Lọsu ma yọ́n onú he yè ylọ dọ “Onọ JIWHEYẸWHE tọn” gba. Sọn whetẹnu gbọn wẹ JIWHEYẸWHE tindo Onọ do? JIWHEYẸWHE yín madopòdo bo ma sọ sọgan yín jiji gbèdé. Jesu Lọsu ma ylọ Malia whladopo dọ “Onọ” gbèdé, ṣigba É nọ ylọ ẹ dọ “Yonnu” to whelẹponu.

Klisti lẹzùn oplọ́nji to mẹmẹsunnu susu ṣẹnṣẹn (LOMUNU 8:9). Adam yín ovi sunnu JIWHEYẸWHE tọn gbọn núdidá dali, Klisti yín Visunnu JIWHEYẸWHE tọn gbọn núhúnu jiji de tọn dali. Ewọ kẹdẹ dali wẹ mí sọgan mọ Ovọ́ji podọ nado lẹzùn apáde JIWHEYẸWHE tọn to aigbaji. Yè wlàn ẹn dọ, “…Ovi etọn ga wẹ míwlẹ. Whenẹnu yínyín ovi JIWHEYẸWHE tọn, míwlẹ ma sọ jẹ nado lẹn dọ, enẹ he yín Yẹwhe tin jijlẹ hlan sika, kavi fataka, kavi ozannu.” (OWALỌ 17:28-29).

To didohia mẹ nugbo dọ, JIWHEYẸWHE ko dá núdidá yọ́yọ́, mí mọdona Owé OSỌHIA 3:14 tọn dolé e jẹ do “…Onú helẹ wẹ Niṣẹ dọ, kunnudètọ dódónọ, nugbonọ, omẹ tintan to núdidá JIWHEYẸWHE tọn lẹ mẹ.” Ehe ma to alọ dlẹn do núdidá aihọn tọn gba, ṣigba ehe to alọ dlẹn do Klisti Mẹhe yín dòdónu, podọ bibẹ́nu núdidá yọ́yọ́ JIWHEYẸWHE tọn tọn gbọn ohódidọ dali. Kẹdẹdilé Malia kẹalọyí Ohó pagbè tọn lọ do, bọ Gbigbọ Wiwé sọ ṣinyọn oyẹ̀ é ji, mọdopolọ wẹ na visunnu po viyọnnu JIWHEYẸWHE tọn lẹ po dóna kẹalọyí Ohó pagbè tọn do, to whenẹnu Gbigbọ Wiwé na wá yé ji bo hẹn ogbẹ̀ yọ́yọ́ wá na yé. OKLUNỌ dọ hézéhézé dọ, “…Adavo yè vọ́ gbẹtọ ji, ewọ ma sọgan mọ ahọludu JIWHEYẸWHE tọn.” (JOHANU 3:3).Yè sọ dọ hlan mí to Owéta dopolọ mẹ lé jiji gbigbọnọ dóna sọawúhia do. Nugbonugbo, e ma yín gbọn núyiwà agùn tọn mẹ gba. Jinukún JIWHEYẸWHE tọn, he yín Ohó lọ, jẹnukọn whẹ́, dóna yín didó do alindọn mítọn mẹ. Matin jinukún JIWHEYẸWHE tọn, vọ́ji yọ́yọ́ kavi gbẹ̀zán yọ́yọ́ lọsu matin. Agùn he to nukọnyì to ylando mẹ lẹpo ma yín núde hú nútata bo sọ to yéde lẹ ylọ dọ yisenọ. Yé omẹ pó jẹvọ́ bo sọ lẹzùn zannu ahlida tọn daho de na gbẹtọ lẹ. Whlẹngantọ mítọn pégo nado yín JIWHEYẸWHE podọ gbẹtọ to asiko dopolọ mẹ, ṣigba ehe lọ yín núhe yè ma mọdona.

To Owé JOHANU 10:33-36 tọn mẹ, Jù lẹ dowhẹ̀ OKLUNỌ mítọn na É dọ, dọmọ: “…míwlẹ ma to zannu dlan do we na azọ́n dagbe de gba; ṣigba na nùzízán; podọ hiẹ he yín gbẹtọ yí dewe do basi JIWHEYẸWHE wutu. Jesu sọ gblọnna yé, dọ, Bé yè ma wlán to osẹ́n mìtọn mẹ dọ, yẹn dọ, yẹwhe wẹ mì? Eyín é ylọ yé mẹhe de Ohó JIWHEYẸWHE tọn wá lẹ dọ yẹwhe (podọ Owé Wiwé lọ ma sọgan yín hinhẹn gbaungba) bé mì sọ dọ na ewọ tọn mẹhe Otọ́ klándowiwé, bo sọ dohlan aihọn mẹ, dọ, Hiẹ to nùzán; na yẹn dọ, Ovi JIWHEYẸWHE tọn wẹ yẹn wutu?” To Alẹ̀nù Hóhó mẹ, Ohó JIWHEYẸWHE nọ wá yẹwhegán lẹ de. Na omẹ JIWHEYẸWHE tọn lẹ he kẹalọyí Ohó lọ, yè nọ ylọ yé dọ yẹwhe lẹ. Sọn JIWHEYẸWHE kẹdẹ mẹ wẹ onú dagbe lẹ nọ tọ́n sọn. Mọwẹ, Ohó he tọ́n sọn JIWHEYẸWHE de wá dóna yín okún JIWHEYẸWHE tọn (LUKU 8:11), ehe mẹ mí lẹzùn ovi JIWHEYẸWHE tọn lẹ te. Yè wlán to Owé JAKỌBU 1:18 tọn mẹ dọ, “Sọn ojlo etọn mẹ wẹ é yí ohó nugbo tọn do hẹn mí jẹgbonu wá, na mí nido yín sinsẹ́n tintan to núdidá etọn lẹ mẹ.”

Apọsteli Pita tá hinhọ́n do ohógbè nugbo dopolọ ji, dọmọ: “Lé mìwlẹ lẹzùn mẹvọ́ji, e ma yín sọn okún gbigble mẹ gba, ṣigba sọn magble mẹ, gbọn Ohó JIWHEYẸWHE tọn dali, ehe to ogbẹ̀, bo nasọ tin to ote kakadoi.” (1 PITA 1:23). Ehe ma dóna yín oplọ́n kẹdẹ gba; ṣigba e dóna yín dọpọ́n mẹde titi tọn. Nugbonugbo, e ma pé nado mágbè bo yín agùnvi de kẹdẹ gba.

Dinvie, mì gbọ mí ni gọ̀wá ohóta mítọn he kàn JIWHEYẸWHE yínyín ji. To ojlẹ he dọ̀nsẹpọ́ owhè 4,000 Alẹ̀nù Hóhó mẹ tọn, yẹwhegán lẹ ma dọhó hlan JIWHEYẸWHE di “Otọ́ Olọn mẹ tọn” gba. Mí ma sọ mọ depope yetọn he hòdẹ̀ hlan Ovi JIWHEYẸWHE tọn gba. To vlẹkẹsi de mẹ, ohógbè enẹ lọ matin to whenẹnu gba. Nado mọdona ehe, eyín núhọakuẹ titegbe. Opagbè lẹ yín mimọ to Alẹ̀nù Hóhó mẹ, ṣigba ṣiṣẹ̀ yetọn tin to Alẹ̀nù Yọ́yọ́ mẹ. Tùnmẹ Alẹ̀nù Hóhó tọn po Alẹ̀nù Yọ́yọ́ tọn po wẹ kàndeji whlẹngan mítọn tọn. Alẹ̀nùnù yọ́yọ́ yín bibladopọ po awúsọhiamẹ yọ́yọ́ po, na mí nido yín ovisunnu lẹ, mí dóna tin to Ovi lọ mẹ. Sọn whenẹnu, mí yọ́nẹn dọ, OKLUNỌ Yahweh to Alẹ̀nù Hóhó mẹ dopolọ wẹ Ovi, yèdọ OKLUNỌ Jesu to Alẹ̀nù Yọ́yọ́ mẹ.

JIWHEYẸWHE he nukun ma nọ mọ, Elohim do Ede hia gbaungba to Alẹ̀nù Hóhó di OKLUNỌ Yahweh. JIWHEYẸWHE dopolọ wẹ Otọ́, Mẹhe do Ede hia to Ovi mẹ to agbasa gbẹtọ tọn de mẹ. Ohógo “Jesu” he yín Yashua tùnmẹ dọ, “Yahweh–Whlẹngantọ”. Oyín JIWHEYẸWHE tọn dopodopo dóna yín ṣiṣadopọ to fie jẹ dọ yé ni nọ̀. Eyín ohógo he yín “Otọ́” yín zinzán, hiẹ ma sọgan diọtẹn na do ohógo “Ovi” tọn mẹ gba. Mọdopolọ we, eyín ohógo he yín “Ovi” yín zinzán, ohógo “Otọ́” ma sọgan yín zinzán gba. Onú lẹpo tindo otẹnmẹ yetọn he jẹ hẹ yé, taidi Núdatọ, podọ taidi Whlẹngantọ, podọ taidi Ahọlu, podọ taidi Whẹdatọ, po onú mọtọnhunkọ lẹ po. Awúsọhia alọpãlọpa JIWHEYẸWHE tọn lẹ ma sọgan yín didiọ gbèdé.

JIWHEYẸWHE dopolọ, he yín onú susu, lẹzùn Otọ́ mítọn olọn tọn, sọn whenuena É dó Ede hia to aigba ji to Ovi mẹ. Kẹdẹdi Otọ́, É ma tindo ajitẹn mọ É ma sọ tindo vivọnu azán lẹ tọn gba. Kẹdẹdi Ovi É yín jiji, bo sọ jiyà, É kú bo sọ fọ́n. Mí yín omẹ vivẹ́ na JIWHEYẸWHE; enẹwutu, eyín núvivẹ̀ de hlan Ẹn nado hẹn mí yín apáde gbọn titò fligọ̀ Etọn tọn dali. To Owé LOMUNU 6:5 tọn mẹ, é dọ, dọmọ, “Bé eyín yè do mí dopọ to ohia okú etọn tọn mẹ,mí na tin to ohia fọnsọ́nkú etọn tọn mẹ ga.” Nugbo kẹdẹdilé JIWHEYẸWHE do Ede hia to Klisti mẹ do, Mọdopolọ wẹ Klisti nasọ do Ede hia to yisenọ lẹ mẹ do, podọ nugbo kẹdẹdilé É fọ́n sọn oṣiọ lẹ mẹ do, mọdopolọ wẹ yé omẹ he tin hlan Ẹn lẹ nasọ tindo tẹnmẹ to fọnsọ́nkú tintan mẹ do. “JIWHEYẸWHE he zé OKLUNỌ tite, na zé mílọsu tite ga gbọn huhlọn etọn mẹ.” (KỌLINTINU 6:14).

E sọ yín núdo ayi ego de, dọ, e ma yín mimọ to fidepope to Owé Wiwé lẹ mẹ, fie ohógo “Ovi madopòdo” kavi “Ovi olọn mẹ tọn” sọawúhia te gba. Ṣigba mí mọ “JIWHEYẸWHE madopòdo” podọ “Otọ́ olọn mẹ tọn”. Mí dóna payi do ehelẹ go titegbe. Taidi apájlẹ de, mẹdepope ma dọ, dọmọ: “Yẹn mọ JIWHEYẸWHE”, podọ “Yẹn sọ mọ OKLUNỌ lọ”, ṣigba omẹ he mọ OKLUNỌ lẹpo sọgan dọ, dọ, “Yẹn ko mọ JIWHEYẸWHE.” Otọ́ lọ ma dọ, dọmọ: “Mẹdepope he mọ mi, ko mọ Ovi lọ gba”, ṣigba “Ovi lọ dọ, dọmọ, “Mẹdepope he mọ mi, ko mọ Otọ́ lọ.” (JOHANU 14:9). Núdohiamẹ JIWHEYẸWHE tọn kẹdẹ mẹ wẹ mí yọ́n JIWHEYẸWHE te. Mí ma nọ nọte do awúsọhiamẹ alọpãlọpa JIWHEYẸWHE tọn lẹ ji gba, ṣigba mí nọ din yé gọ̀yì Mẹhe basi dòdónu yetọn de. To Owé LUKU 10:12 tọn mẹ, yè dọ hlan mí dọ, “…Mẹde ma sọ yọ́n mẹhe Ovi yín, adavo Otọ́; podọ mẹhe Otọ́ yín, adavo Ovi, podọ mẹhe jlo é, é yí i hia hlan.”

JIWHEYẸWHE ko basi titò lẹpo jẹnukọnna dòdónu aihọn tọn. To finẹ, gigo Etọn to madopòdo mẹ ko yín didohia gbọn Jesu Klisti mẹ. Jẹnukọnna dòdónu aihọn tọn, É de sọn linlẹn Etọn mẹ nado sọgan dè mẹhe na lẹzùn ovisunnu po oviyọnnu Etọn lẹ po (EFESUNNU 1:4-5). É ko wlán oyín yetọn do Ogbẹ owé Lẹngbọvu lọ tọn mẹ jẹnukonna bibẹ́nu whenu tọn (OSỌHIA 13:8). Didè nugbo de tin. Yè dè Klisti nado yín Mẹfligọ̀tọ, podọ Asi Etọn yín didè nado yín mẹfligọ̀. Na to linlẹn Etọn mẹ, JIWHEYẸWHE ko yọ́n yé omẹ he na kẹaloyí Ohó Etọn po whlẹngan Etọn po lẹ. Enẹwutu wẹ É do dè yé dolé yé na nọ̀ to ogbẹ madopòdo mẹ. To linlẹn Etọn mẹ, É ko lẹn mí do titó Etọn daho mẹ. (LOMUNU 8:29-30).