Obufumbo – Ekizibu Eky’eira

Mu kitundu eky’okwandhula, Ow’oluganda Branham yayogera ku nkumi n’ankumi edh’emikuzi Katonda ghe yamulaganga ebintu okubitira mu kubonekerwa, ate kabiri yayogera ku bintu bye yali ayogereiku nti bija kubaagho, ebyali nga bimaze okubaagho byonabyona. Yayogera kino mu maiso g’Ekikikunsu kye eky’Abaikiriza mu Kurisito abali abadhuulizi abaabona n’amaiso gaibwe era baawulira n’amatu gaibwe okumala emyaka kamaala, ate baakakasa byayogeire n’Amiina ey’aghalala. Oluvanhuma lwa kino yaalanga nti ghaligho amasomero ag’endhawulo abiri ate nga gakontana, era mu butuufu ni byaghandiikibwa mwona, waire nga bikoberwa abantu byaikirizibwa nga bituufu. Okunogola. “Buti, bw’ekiba kityo, tuli n’endhowooza edh’emirundi ebiri ku ufumbo n’okubinga omukazi. Ate nga kirala ku kikoba kiti, omusaadha aba mufumbo omukuzi mulala okutuusa omukazi we lw’afa. Ate ekyo n’ekirala ku bibuuzo. Aye bw’oikiriza ekyo obitaagho. Ate ekindi kikoba, »Wo singa omukazi oba iba (mulala ku bo) bw’aba akoze obweze mulala ku bo ayinza okugobwa era yairamu yaabaira oba yaabaiza.« weeyagaana ng’obiseegho.” (olupapula 11)

Eniseera ebindi ky’abiswaavu nga ebintu eby’omukyama einho ke biri kwogerwaku. Aye Katonda mu Baaba Bwe atufaaku, waire nga bigemagana ni ku bintu eby’obufumbo. Olwekyo, Yagha ebiragiro ebyoleka ekituufu era n’ebintu ebikyamu, kuba okwonoona mu mubiri kuleeta akabi ni ku bulamu bwaife obw’omwoyo. Obudheemu obubonekera mu kwonoona okw’omubiri ate bw’alumya n’omwoyo ekitwawula ife okuva ku Katonda. Kyova ni ky’amugaso inho omwana okumanha Ebyaghandiikibwa kye bikoba. Mu kwinhama Katonda yagha Amateeka ge eri Adamu ni Eva era yaabagha eidembe okusalagho okuba abalamu oba okufa. Baali baakugheebwa enkabi guli baawulira ni bakola ng’Ekibono kya Katonda bwe kyali kikoba, ate bafune ekikolimo eky’okwoonoona n’obudheemu. Omununuzi waife, Eyatwala ekifo kyaife, yali muwulize okutuuka ku kufa ate okufiira ku musalaba (Ab’e Filippi 2:8), okututoola mu budheemu bwa Adamu, ate n’okutununula (Ab’e Roma 5:19 a. o.). Atyo bw’akoba Omununuzi waife, “… aye aloba okwikiriza Mwana taja kufuna bulamu. Era aja kusigala ng’abonerezebwa Katonda” (Yoanne 3:36b). Petero aghandiika, “Ng’abaana abawulize, mutafugibwanga kwegomba kwe mwalinakwo nga mukaali kumanha Kurisito (1 Petero 1:14). Ghaligho emigigi ebiri egy’engaito, »Obutaikiriza n’obudheemu«, »Okwikiriza n’obuwulize«. Mugigi ki ogw’engaito ife gwe twambala? Tituteekwa kulowooza ku bandi aye twete mu maiso g’ekibono kya Katonda tumale turingemu ife beene.

Ebyaghandiikibwa byonabyona ebigema ku isomo biri n’okulowoozebwaku. Omuntu atwala Ekyaghandiikibwa kiraala kyonka nga tagaana Kibono kya Katonda ekindi, kale aba mukyamu inho. Ekibono kya Katonda tikyagheebwa kusiimya abantu boonaboona, ate akagwireku omuntu oyo asuubira nti Ekibono kinatuukana ni by’alwooza. Tuli ghano okuleka Katonda abe mutuufu ife tufaanane n’Ekibono Kye. Oyo, yenayena ataawulagho ekyo ekyogera ku musaadha ni ku mukazi, akaali kutuuka ku kutegeera ensonga eno ate oba oli agho azira kwenda ku kumanha eisomo lino mu butuufu bw’alyo. Katonda buli bw’ayogera ku musaadha, ekyogerwan kiba ky’amusaadha; Bw’ayogera ku mukazi, ekyogerwa kiba ky’amukazi. Buliidho Ategeeza Kyayogera Ate Ayogera Ky’ategeeza.