Obufumbo – Ekizibu Eky’eira

Omutume yaghandiika wansi w’okukulemberwa kwa Mwoyo Mutukuvu, “Ng’Ekikunsu eky’Abaikiriza mu Kurisito bwe kiwulira Kurisito, n’abakazi bwe bagwaine okuwuliranga baibaibwe mu byonabyona.” (Ab’e Efeso 5:24). Tikikirizibwa Ekikunsu ky’Abaikiriza mu Kurisito obutaba kiwulize oba omukazi. Baidha n’okwewozaaku kwonka, aye ni bino abandi beesubagha beene ate baagezaaku n’okusubagha banaibwe. Katonda buliidha asigala mutuufu eri amateeka Ge n’okusalagho Kwe. Owoluganda Branham ayogera ku nsonga wano eboneka oti se ti ntuufu ate nga kalangufu inho eri ife okugitegeera, aye afaanania okwoleka omuganhulo ogw’obuwulize obw’omukazi. Akanogole: “Mwidhukira mu Baibuli kyabazinga bwe Yabayiiza Esitheri kuba inhebantu yaloba. Yeefunirayo owundi. Ate … ki ekyakolebwa bwe yaloba okwidha ye kyabazinga, okumuwulira? N’ekirala ekyo n’omukazi aloba okuba omukazi omufumbo eri iba!” (olupapula 41).

Ebibono nga bikalangufu inho, naani aghanga okubigumira? Katonda ateekwa kutereeza ebintu mu Kikunsu ky’Abaikiriza eky’omugole ate ekyo kiteekwa okubaagho ng’okutwalibwa mu igulu kukaali. Abandi beeyongerayo mu majira gaibwe beene, tibamuwulirisa naire. Aye ababe Beene bali n’okwenda okuba abalamu nga buli Kibono bwe kikoba. Twebuuza bwene, “Kitugemaku kitya ku ebyo eby’aligho ku kyabazinga Ahasuero owa Perusia ni mukyala we Vashiti?” Kino eno n’ensonga lwaki Owoluganda Branham yaatandyogeireku ku bubwe mwene. Musengwa yamukulembera atyo, ate kisigala kituufu nti Ebyaghandiikibwa byonabyona byava mu buyinza bwa Katonda Katonda era bya muganhulo mu kwegeresa, mu kunenia, ni mu kugondhoola ebidobaine.

Kyabazinga yaakola embaga yaayeta abakungu be boonaboona, n’abagheereza be, ate ni inhebantu yeena yaategeka, okumpi naye, embaga eyindi ey’abakazi mu lubiri lwa Kyabazinga. Kyabazinga yatuma abasaadha musanvu okumuleeta ate baali bakutwala obukwenda eri inhebantu, nti yetegeke aidhe eri kyabazinga, aye yaloba. Okusalagho kuno kali kamanhiso ak’oleka nga bw’akomye okuba inhebantu mu bwakyabazinga obwo (vv. 10-12). Mangu ago, abakugu mu by’Amateeka bayeetebwa aghalala; mu Kikunsu ky’Abaikiriza mu Kurisito bandibaire Abakulembeze, abali n’okusalagho ekiri n’okukolebwa ku mukazi ono omudhemu aleese ekiswaalo eri iba, eyali mu ekisinga kuba kya kitiisa mu bantu. Ensonga eyagheebwa yali eti: “Abakazi boonaboona baidha kuwulira ekyo inhebantu Vashiti ky’akoze, kibaleetere okunhoomanga baibaibwe. Baidha kukobanga bati; Kyabazinza Ahasuero yalagira bamwetere inhebantu Vashiti, aye inhebantu oyo yaaloba kuja y’ali” (1:17).

Enkomerero y’olughayo Mwoyo Mutukuvu gye yalaga Owoluganda Branham eri nti inhebantu yafiirwa ekitiisa kye ekya inhebantu. Yali akikoze mu bugenderevu kale olwekyo yaanhoma entegeka ey’omu igulu. ekyo yali tasobola kusoniyibwa, era tiyaikirizibwa kwidha mu maiso ga kyabazinga kabiri. Waligho ebikolwa eby’obudheemu abakazi bye bakola ku baibaibwe mu bugenderevu ebitasobola kufuuka bituufu. Baba batyankiriire entegeka Katonda Yeyataagho elambiika omusaadha n’omukazi. Nguli ensonga eyo yalekebwa nga bwe yakolebwa mu kiseera ekyo, agho ni abasaadha boonaboona bandibaire babisibwa ni bakazi baibwe mu nsambo n’endala eyo ey’obuswaavu. Kityo bwe kyaghandiikibwa. Vashiti eyali agheebwa ekitiisa inho, nga inhebantu, yandibaire eky’okuboneraku kyaibwe. Owundi amusingaku ye yali waakutwala ekifo kye, kityo bwe kyaghandiikibwa.

Obudheemu obw’eky’eyendere mu nsambo yoonayoona buli ng’oti n’ekibi n’okweraguza (1 Samueli 15:22-23). Ekintu ekyangu okufuluma, ng’abandi bwe basobola okulowooza, bwe baba ku nsonga edhigema ku bintu bityo mu butuufu ti kyandibaire kiisania n’Ekibono kya Musengwa ekigwaniire. “Ekiragiro kyo bwe kinaamala okubuna mu bwakyabazinga bwo bwonabwona obunene buti, agho buli mukazi aidha kutanga mu iba ekinhagansi nga bwe kigwaine, iba k’abe omukombe oba omwavu. Amagezi ago kyabazinga yaagasiima, n’abakungu be boona baagasiima, era kyabazinga oyo yaakola nga Memukani bwe yateesa. Kyabazinga yaagheereza embaluwa mu biketezo byonabyona eby’omubwakyabazinga bwe. Buli kiketezo ng’akigheereza mu mpandiika eyaakyo ni mu luliimi olw’abantu baakyo. Embaluwa eyo ng’ekoba eti: buli musaadha afugenga amaka ge era ayogerenga n’obukumu bwonabwona.” (Esitheri 1:20-22). Ebyo nga biwoire abasaadha baafunira kyabazinga omughala omugunha omulungi, Esitheri n’eyalondebwa.

Kituufu, ekintu ng’oti ni kino kyagaanibwa mu Baibuli yaife. Abakazi boonaboona aghazira kusosola bali n’okugha baibaibwe ekinhagansi okuva ku mukologho okutuuka ku muwolongwa. Kyamala kyaghandiikibwa mu nnimi dhonadhona edhimanhiibwa, buli musaadha afugenga amaka ge. N’ekirala ekiri n’okughandiikibwa mu nnimi dhonadhona kimanhisibwe era abantu ba Katonda. Sara yayogera eri iba ng’amwisamu ekinhagansi, “Buti nga maze okukairigha nti, era nga ni baze yeena mukaire atyo, mbo bwenebwene nnairayo okunhumirwa (Amainhama 18:12). Kino, Mwoyo Mutukuvu yakyolekera mu kalamu y’omutume Petero, “Batyo abakazi abatuukirivu ab’eira abaata eisuubi lyaibwe mu Katonda, mwe beewoomyanga ni bawuliranga baibaibwe. Nga Sara bwe yawuliranga Aburahamu n’amwetanga Musengwa we mwena buti muli baghala be bwe mukola obukalamu …” (1 Petero 3:5-6).

Katonda yakibona nga ky’etaagisa okusitula eidaala okutakania omwoyo gw’oluse luno, nga okw’ekudumbaza okw’abakazi bwe kuli ng’okwa Vashiti bwe kwali. Ng’ensonga entuufu, amakkanisa amaikiriza byona bitwalibwa aghalala. Kino kyali kimaze okwolekebwa omusaadha wa Katonda mu 1933, ng’abo boonaboona abaidhi obugheereza bwe bwe ba kiidhi. Ekiseera kituuse abasaadha n’abakazi okutwala ebifo byaibwe Katonda mwe yabata. Kiri ku lw’ensonga eno, nti ebigemagania ebyendebwa n’ebyogerwaku eby’omu byaghandiikibwa byolekeibwa. Katonda buti ali kuta buli kintu mu ntegeka eyasooka eyatabulibwa Sitaani naye mperaano eri kwizibwagho. Paulo akobera abakazi ati; “Mu kwegeresebwa, omukazi ayegenga kasirise nga yewombeese. Tiganha mukazi yeenayeena kwegeresa, oba okulagira omusaadha okutoolaku okuba agho ng’asiriike busiriike.” (1 Timotheo 2:11-12). Omuntu ateekwa okunoonia omukazi aikiriza okuwulirira ng’asiriike busiriike – kino n’ekikulu einho mu nsonga eyo – ate aganhe okwegeresebwa. Kikobebwa mu lwatu, “Mu kkanisa tuli n’okusiriikanga, aye ekka ghazira an’atusiriisa.” Okumala entangama nene twali wansi w’okufugibwa, aye but nife otwidha okufuga ate tubandhe idembe lyaife.” Ekyo kiraga nti baaninafe abandu abalowooza nti bali mu mwoyo bali mu bulamu obutali butuufu obw’obuguya.

Omutume yena ayoleka omulimu gw’abakazi abo abakuze mu myaka okugalagiranga abaghala abakaali abato. “Memale bagalagirenga bakazi banaibwe abakaali abato okugonzanga baibaibwe n’abaana baibwe era batenga amagezi mu bye bakola, babenga baamufu, abakola obukalamu emirimo mu maka gaibwe, ab’ekisa era abawulize ye baibaibwe. Memale Ekibono kya Katonda kirobenga kuvumibwa” (Tito 2:4-5). Atyo omukazi ow’enkabi mw’atambulira nga bw’agalagira abaghala abakaali abato bwe bagwaine okwebisamu mu bufumbo bwaibwe nga bwe yayega ng’abita mu bumanhirivu bw’obulamu bwe mwene, memale abaghala abo abakaali abato bafuuke enkabi mu maka gaibwe beene. Kiri kitya n’abo abakola ebikontana ni bino, abatafaayo ku ebyo Ebyaghandiikibwa kye bikoba, aye baasigala mu budheemu obw’olwatu oba baawagira kyene ekyo? Mwaninaife mu Kurisito yayagaana ekifo kye ghansi wa iba, ate n’abaana be, ali mu kifo kye ekituufu, ate olwekyo, nga omutume bwe yakoba, n’asobola okwegeresa abaghala abakaali abato enjira ey’enkabi eri obufumbo n’amaka gaibwe. Aghazira ekyo, aidha kukola ekikontana n’ekyo nga bwe tuboine mu myaka egyibiseegho.

Omusaadha n’omutwe. N’avunanizibwa, ate ti nakyemaliiea ow’amaka atasobola kwefuga mwene, aye ayenda okufuga amaka ge n’amaani. Entegeka ya Katonda esobola okubaagho nga buli muntu akola ebyo ebimugwaniire ng’Ekibono kya Katonda bwe kikoba mu kugonza kwa Katonda. Olwo tighakaaligho bwetaavu bwa kintu kyonakyona, kuba buli muntu afaayo olw’obulungi bwa boonaboona.