Obufumbo – Ekizibu Eky’eira

Omutume Paulo ainhama ni mulala ku bafumbo atali mwikiriza bw’ayogera ku busobozi bw’okubinga omukazi: “Aye atali mwikiriza bw’aba ng’ayenda okuleka Owoluganda, aje. Agho owoluganda omusaadha oba omukazi ghazira ki musiba, kuba Katonda yatweta tube n’eidembe.” (1 Ab’e Korintho 7:12-16). Mu nsambo oti n’eyo tighabaagho busibe bwa lubeerera, eri owoluganda omusaadha oba omukazi. Nga bwe ghaligho okusalagho okutali kutuufu mu bulamu mu baikiriza, kisoboka okuba nti wasalagho mu butali butuufu mu kubayiiza oba okubaira. Bwe kiba kityo, abo b’ekigemaku baba bamaze okubonerera ekimala ate titugwana kubatwala oti se bagenge. Bali n’ebizibu byaibwe bye bateekeirwa okusitula mu bulamu byaibwe. Nga bwe tusoma, ole ataikiriza bw’asalagho okuja mu nsambo oti n’eyo, omusaadha oba omukazi tasibibwa. Ekibono »okutuusa okufa n’okuli baawula« ti kwagaanibwa mu Byaghandiikibwa Ebitukuvu, aye, “Katonda kye yayimba omuntu atakiyimbululanga” (Matayo 19:6). Kituufu ghaligho abafumbo ababoneka nga tibayimbibwa ghalala ni Katonda. Olwekyo, eisira liri ku Kibono ekikoba kiti, “Katonda kye yayimba aghalala …” Buli Katonda kyakola kiba kikoleibwa bukalamu.

Mu nsonga edhindi edhikirizibwa Katonda yaikiriza omusaadha okughandiikira omukazi we embaluwa emubinga. “Ghaasobola okubaagho omusaadha, yaabayiiza omukazi. Aye ekiseera nga kibiseegho, omukazi oyo yaaba nga takaasanusa musaadha oyo, olw’omusaadha okuba ng’amuboinemu ekitali kirungi ekyo bwe kinabanga kityo, olwo omusaadha oyo aidha kumughandiikiranga embaluwa ey’okumubinga agimugemye, era amusiibule mu maka ge” (Amateeka Agokubiri 24). Katonda n’omulala yakoba ati, “Musengwa Katonda wa Isiraeli akoba ati: ky’agha ekikolwa ekyo eky’obukambwe eky’omusaadha okubinga mukazi we kale mwegenderezenga mulobe kubanga batali beesigwa.” (Malaki 2:16). Okubinga omukazi wo kyeyendere Ebyaghandiikibwa bikyoleka ng’ekikolwa eky’obukambwe. Mu kulangirira ku lusozi Musengwa waife agha eky’okuboneraku mu Kyamateeka Agokubiri 24:1, Okwogera okuleetagho embeera okuba engumu einho. “Era kyakobwa kiti oyo yeenayeena abinganga mukazi we omughanga embaluwa ey’okumubinga;” ate kabiri yeyongera, aye nze mbakoba nti, kiisi anaabinganga mukazi we, okutoolaku ng’amulanga bukaba, aba amuleeteire okwenda ate n’oyo abayiiza omukazi ye babinze aba ayenze (Matayo 5:31-32).

Katonda akuuma omukazi abingiibwa aghazira nsonga ey’omu byaghandiikibwa, ate alilamula omusaadha ku lw’ekyo. Abantu basobola okumunenia, ku lw’endhegeresa ekyamu, bw’abaira kabiri. Mu mbeera oti n’eyo guba ti gumusinga, aye omusaadha amutuusiisa agho, n’okuba mu bufumbo obw’okubiri etaali entegeka ye. Katonda buliidho akola ebintu bye mu butuufu ate ni mu mazima. Katonda alyenda oyo asingisiibwa omusango okwiramu ebibuuzo; mu nsonga eno, wano, ni iba ghe eyasooka. Musengwa mutuufu mu Biboono bye ate Mutukuvu mu bikolwa Bye byonabyona.

Okwawukana oba okubinga omukazi, aghazira nsonga, kiba kikontana buterevu n’obununuzi era n’okusoniyibwa, era kiringwaku ng’oti kikolwa kya muvuyo, kuba omusalaba n’okwisania biba birobeibwa. Enzigu Katonda gye yalanga mu Lusuku lwa Edeni ng’omuntu amaze okugwa kabiri ebaagho omukuzi ogwokuburi, omusalaba ate n’okusoniyibwa biri kuteebwa embali ate okulumirizagania n’okuli kukolebwa mperaano. Ku abo abaanunulwa, kisigala ebyanda n’ebyanda nga kituufu, nti ebibi byaife byonabyona n’omusango ogwali gutusinze byateebwa ku ntaama ento eya Katonda. Tw’asimulurwa era tuli n’eidembe ni Katonda. Omuntu bw’aloba okwisania, ate yeyongera n’okulumiriza abandi, agho ni kiba kisigala n’ekirala mu nsambo ey’okugwa. Abaanunulwa baaisania ni Katonda, mu butuufu bazira ntalo na banaibwe mu myoyo gyaibwe era ti baba n’anzigu okutuusa okufa. Kituufu ekyo kyandibaire ekintu ekitasoboka. Yeenayeena atasonigha mwine, aba aloba okwisania era tiyetaaga kusaba kusoniyibwa, kuba Katonda taghanga kusonigha muntu mu nsambo ng’oti n’eyo. “Era buli lwe musaba, bweghabaagho ye muliku ekibono, mumusonighenga, olwo Lata waimwe ali mu igulu yeena abasonighe ebisobyo byaimwe. Aye bwe mutasonighanga, ni Lata waimwe ali mu igulu talibasonigha bisobyo byaimwe.” (Mariko 11:25-26).

Nga Yoanne, enkenga 8, Abanamateeka n’Abafarisaayo baamuleetera omukazi ye baagema ng’ayenda, agho mu maiso gaibwe. Baamukoba bati: Mwegeresa omukazi ono agemeibwa mu kikolwa kyene eky’obwenzi. Mu mateeka Musa yatulagira ati omuntu ng’oti n’oyo ateekwa okukubwa amabaale afe. “… mperaano iwe okoba otya?” Yesu yaakotaamirira bw’aghandiika ku itaka n’olwala lwe. bwe beeyongera okumubuuza, yaakotaamulukuka, yaabakoba ati: “Ku imwe azira kibi n’abe asooke okumukuba eibaale.” Agho kabiri yaakotaamirira yaaghandiika ku itaka. Bwe yabakoba atyo baatoolera okuvaagho mulala mulala. “Bwe yaakotaamulukuka yaabuuza omukazi ati: Mukazi iwe, bali gha? Tighabairegho akusalira musango? Omukazi yairamu ati: Musengwa, ghazira. Yesu yairamu ati: Zeena ni tigukusalire . Golola, aye toirangayo kukola kibi.” (Yoanne 8:10-11). Nguli abaikiriza aba leero bali n’okutegeera okw’ekitiisa ekyamaani ng’oti n’Abanamateeka n’Abafarisaayo abatulu kwe baali n’akwo, agho ni bandisomye Ebyaghandiikibwa era baawulira ekyo Musengwa kye yaghandiika ate ni kye yabakoba. Boona bandiviiregho mulala mulala ng’abo abali balumiriza omukazi eyali agemeibwa ng’ayenda bwe baakola. Mu maiso ga Musengwa Yesu Kurisito ghazira muntu mutuukirivu, boonaboona baakola ebibi ate baamenha amateeka era baalemwa okutuuka ku kitiisa kya Katonda.

Buliidho kiri kw’abo abenda okwenenia beene abasigala nga beeyongera okwenda n’abandi nti beenenie, aghazira kutegeera nti Mwoyo wa Katonda yenka n’akulembera boonaboona okwenenia. Ghaligho abantu abataidhi Kusaba kwa Musengwa ate nga tibenda n’akubaagho nga bwe kuli era n’okukutuukiriza. “Tusonighe ebibi byaife, nga bwe tusonigha abatukola ebibi.” (Matayo 6:12). Mu buli nsonga tuli n’okumanha naani ali kulobera owundi obulokozi, era olwo, yaakola n’enzigu, ayogera obubi ku muntu mwine okutuukira irala bw’amukyaayisa abantu ng’amaze okumwononera eriina. Katonda ye ni Katonda ow’eidembe, ate tusobola okuba n’eidembe mu ife, nga tifaayo mbeera ki mwe tuli. Omuzigu asubagha azira idembe akolera mu bukambwe. Ebibono byaibwe magombe gene. Enimi dhaibwe badhoogeza bya buguya. Ebibono byaibwe bya kabi ng’obusagwa obw’omusota. (Ab’e Roma 3:10-18 a. o.). obwo n’obumanhiso bw’omuntu ali wansi w’okukulemberwa okw’omuzigu. Abo abaloba okwisania ebiseera ebindi bakolera wansi w’Okwolekebwa okuguya, ate ebiseera ebisinga tibasobola kukoberwa ng’alumiriza bw’aboogereramu. Bali wansi w’okukulemberwa okuguya, abaaguyibwa era nga ti basobola kw’eyamba era baloba obuyambi bwa Musengwa, nga beerowooza beene okuba abatuukirivu era nga batuufu mu bye bakola. Okusoniyibwa era n’okwisania byonabyona bikolera ghalala mu kugonza kwa Katonda. Ebikolwa eby’okwekudumbaza buliidho bikontana n’okwisania. Agho ni wasigalagho ekibuuzo kirala: Kiruubirirwa ki kyene ekiba mu kwogera era ni mu kukolera mu nsambo ng’oti n’eyo? Ensonga bw’eba nga teisania na Kibono kya Katonda, Ekintu kirala kya bukakafu: Sitaani aba atooleire okuzikiiriza.

Ekikunsu ky’Abaikiriza eky’e Korintho, ekyali kiri n’okugondhoola ensonga edh’endhawulo (ekenga 5), kyagheebwa atyo bw’akoba Musengwa, “Eri abafumbo, ndi n’ekiragiro, ekitali kyange, aye ekya Musengwa, ekiragira omukazi obutanobanga. Aye bw’anobanga, asigalenga nga mulangasa. Bwe kitaba kityo airengayo ewa iba baisanie, era omusaadha atabinganga mukazi we. (7:10-11). Wano, tuli n’ekiragiro ekya bombi, ti kintu ekikukoberwa nga kya mpola mpola, aye ekyo nti ATYO BW’AKOBA MUSENGWA. Bw’amenha ekiragiro kino n’eyeyawula mwene ku musaadha, olwo ateekwa kusigala nga mulangasa oba okwirayo ye iba. Bw’amenha ekiragiro ekyo aba n’avireku ensonga eyo okubaagho. Omusaadha abinga mukazi we aghazira nsonga ya Baibuli, okusobola okubayiiza owundi, guba gumaze okumusinga mu maiso ga Katinda.

Owoluganda Branham ekitaaku eisira nti, mu nsonga ey’okwawukana oba okubinga omukazi waligho endhawulo mu by’etaago eby’omukazi era n’eby’omusaadha. Akanogole: “Buti, bona mu 1 Ab’e Korintho 7:10, bona, Paulo alagira omukazi oyo ayeyawula ku musaadha we asigale nga mulangasa oba okwirayo aisanie ni iba, ti kwiramu kubaira. Tasobola kwiramu kubaira; ateekwa kusigala mulangasa. Aye bona, tiyayogera kyonakyona ku musaadha. Bona, tusobola kukola Kibono kusubagha. Okuva mu mainhama, eiteeka ery’okumanhagana omusaadha n’omukazi n’bakazi abangi.” (Olupapula 37).

Owoluganda Branham bw’ayogera ku bakazi abangi, aba tategeeza nti akukoba ati omusaadha ateekwa okuba n’abakazi bangi, mu butuufu ti bwe kiri. Ayenda bwa kukoba nti obufumbo bwe bumenheka, okusingira irala ng’omukazi n’avireku ensonga, omusaadha asobola okwiramu okubayiiza. Ekibono okubinga omukazi Kizira mu Baibuli kuba Katonda tiyayenda kibe kityo, ghazira mbeera yoonayoona eikiriza omukazi okugha iba embaluwa emubinga. Kiri mu kwikiriza okw’abantu okw’obughaze omusaadha yaakikola, ate kino kiba olw’obukalubu obw’omwoyo gwe – aye omukazi nsonga yoonayoona omukazi waikirizibwa okukikola.

Akanogole: “Aye okufuna bino eby’obufumbo n’okubinga omukazi nga bibatereiremu musobole okumanha ekituufu n’ekikyamu … Omusaadha asobola okubinga mukazi we yaabayiiza owundi, aye omukazi tasobola kubinga iba yaabaira ku wundi. Boona ebyokuboneraku byonabyona nga by’agayaga bulungi” (olupapula 39).

Tuteekwa okuba wansi w’okugonza kwa Katonda ti ku kwogeraku kyonka. Waaligho okwenda kw’abantu aye nga kwona kwikirizibwa era okugonza kwa Katonda okutuukirire (Ab’e Roma 12:1). Omukazi bwe yeyawula mwene okuva ku iba we ate yamuloba ati takali iba, ate mwene yaagezaaku okwesubagha nti kuno ti kubinga iba, aye kwawukana bw’awukane oyo omukazi aba asubaghiibwa ate nga takategeera bintun bukalamu. Embaluwa ey’okubnga kintu era ekighandiiko ekikakasa okwawukana okuli mu myoyo gyaimwe. Omukazi azira buyinza okwawukana oba okweyawula mwene yaloba iba ate olwekyo yakomya obufumbo, ate yaava ni mu maka gaibwe ag’obufumbo, omusango guba gumaze okumusinga mu maiso ga Katonda. Olwekyo aba alaga nti afuga iba. Ayinza okukoba ati “Mulaze eisomo lyene.” Katonda aidha kumulaga ekintu ekindi, bw’atenenia.

N’ekirala ekyo, omusaadha oba omukazi bw’akoba ati mwine ave mu maka gaibwe ag’obufumbo, ate olwekyo kyamuswaaza mu maiso g’abaana. Abafumbo bombi bateekwa okwisania nga bwe bagwaine okukuza abaana baibwe, ate basalegho okwogera ebintu n’ebirala nga biisania. Aghazira ekyo waidha kubaagho obutaisania mu maka. Bwe wabaagho obutaisania mu bafumbo abo, abaana batateebwamu. Mu kubinga omukazi abaana n’abasinga kubonerera. Boonaboona bakimanhe nga bukali, ate babe berufu ku kyo, nti ghazira kizibu kisobola ku gondhorwa okubitira mu kubinga omukazi, aye ekikontana n’ekyo, ebigema ku kubinga ebizibu byene binhama mu maka goonagoona.

Abalobolebwamu tibaidha kwikiriza kutuluzibwa maiso n’omuzigu nga baganha okukola ekikolwa ekikyamu oti n’ekyo okuba ekituufu; waire n’okubiwagira. Bo banwevu ni kiba ki okutuuka ku kumaliriza mu butuukirivu, ate beetegefu okutuukiriza okugonza kwa Katonda okw’endebwa. Yabo abayetebwa, okugonza kwa Katonda okutali okwasooka kusobola okuba nga kumala, aye singa omuntu akola ebyo ebikontana n’Ekibono kya Katonda, bamanhe nti ti baayetebwa waire kulobolebwamu, aye basubaghibwa irala.

Owoluganda Branham yakoba nti ensoga eno engumu eteekwa Kwolekebwa. Okwolekebwa kuno kwaidha okubitira mu Kukakampulwa kw’obumanhiso. Akanogole: “Aye buti ng’obumanhiso bumaze okukakampulwa, Omwoyo w’Amazima atukulembera mu Kibono. Ekyo kinhonhola lwaki ensobi dhonadhona dhibairegho okubita mu byanda byonabyona, kuba obumanhiso bw’ali bukali kukakampulwa. Kino kyali ti ky’olekeibwa. Kituufu.” (olupapula 38).

Yeenayeena ali n’endowooza nti ayidhi byonabyona ebigema ku isomo lino eikalangufu ery’obufumbo, okubinga omukazi n’okubayiiza owundi, ali n’okukimanha nti akali kulitegeera. N’ekirala ekyo mu baikiriza ab’obukwenda obw’enkomerero, omuli ekizimbulukusa eky’eiddini ekingi ekikaaligho nga bwe baakifuna okuva eira ku ndhegeresa ey’obuguya ey’ekkanisa.