Obufumbo – Ekizibu Eky’eira

Katonda yairamu mu busungu ku kugwa. Yakolimira ogusota ogwo okuva mu kiseera kyene ekyo gwalekera okwogera era n’emboneka yaagwo yakyuka. Ng’ekyo kikaali kubaagho, nga gwogera ate gw’atambula, okuva mu kiseera ekyo kyene gwaba ogusota ogw’ekululira ku nda ku itaka. Eva ti yakolimiirwa, yali ateekwa okugumira ekibonerezo kuba y’asendebwasendebwa era olwekyo yali alinokuzaaliranga abaana mu bulumi. Katonda tiyata kibonerezo ku munhwa, aye mu nda ya Eva mwe kisaana okuba. Okughemba ekiswoalo n’amakaba ag’omuti omutiini, ate nga kituufu ti wansi wa muti omu apo Baibuli gw’etogeraku, kyoleka mu lwatu ki ekyaligho. Adamu yeena ti yakolimiirwa, aye eitaka lye yali alinokulimangaku n’erya kolimiirwa. Yali n’okufuna eky’okulya ng’abita mu kufaabiikana. Okunenezebwa okuva eri Musengwa kw’ali “… olwokuba wawulirisa mukazi wo bye yakukoba” (Amainham 3:17a).

Okuva kugwa mu mubiri guno lwe kwaligho, boonaboona batyo bwe bali mu bulamu bwaibwe wano ku nsi. Abakazi bazaala abaana baibwe mu bulumi, ate abasaadha abakola emirimo mu mubiri guno bafaabiikana. Mu kufuuka kw’emibiri gyaife, ate ni mu Kwira kwa Kurisito okwokubiri, okununulibwa kwaife kuliba kutuuse. Ng’ekyo kikaali kubaagho abaikiriza n’abatali baikiriza bafaana mu mubiri – Bombi bali n’ebizibu birala, n’okw’egomba kulala n’ebindi.

Bwe tunonereza obuzibi obw’amaani obw’aligho mu Lusuku lwa Katonda, Musengwa Katonda yagha ekisuubizo ekisooka eky’obununuzi, nti ensigo eridha k’ebita mu mukazi ebetente omutwe ogw’ogusota. Sitaani yaleeta ensigo ye ng’abita mu Eva, ate Katonda yaaleta Ensigo Ye ng’abita mu Maria. Yakoba, ng’ayogera eri omuzigu, “Ndidha kutaagho enzigu ghagati wo n’omukazi, ni ghagati gh’eizaire lyo n’eizaire ery’omukazi. Eizaire ery’omukazi eryo liidha kukubanga omutwe ligutentene, era weena oidha kulimoodhanga ebigere.” (Amainhama 3:15)

Owoluganda Branham ayeegeresa nti, oluvanhuma lw’okugwa, Okwinhama okwasooka kwali kuwoire, okwo Yesu, Musengwa waife, kwe yayogeraku mu Matayo 19 bwe yakoba, “… aye nga okuva mu mainhama kityo ti bwe kyali.” Oluva lw’okugwa, atyo bw’akoba omusaadha wa Katonda, endagaano eyindi yeetaagibwa, era okwagayaga okw’omusaadha n’omukazi agho kw’akoma. Akanogole: “Buti bona. Buti oluvanhuma lw’amainhama, oluvanhuma olw’amainhama, ng’okubala ebiseera kutooleire (einhuma w’ekyo ky’ali obutawaagho) kyali kiwoiregho. Bona ng’okugwa kumaze okubaagho ku lwa Eva, oluvanhuma olw’okugwa, waaligho obwetaavu obw’Endagaano eyindi okukolebwa. Buti, kino kidha kuleetera okwekontola, aye ndidha kukugha Ekyaghandiikibwa okukakasa nti kino Kituufu. Buti bona, oluvanhuma lw’okugwa … Yesu yakoba »Katonda, ku mainhama, yakola omusaadha n’omukazi,« aye buti, oluvanhuma lw’okugwa – buti, tuli kuja nga tusiika ekyo; endagaano yali nti baagayaga – aye buti oluvanhuma olw’okugwa, ghaligho endagaano eyindi ekoleibwa. Buti, yali takaali afugira ghalala naye. Buli mulala alinokuba n’endagaano ey’endhawulo.” (olupapula 31).

Okwagayaga omusaadha n’omukazi kwe baalinakwo ku kipimo n’ekirala agho kwakomenkerezebwa era Adamu yateebwagho ni Katonda mwene ghaigulu wa mukazi we, “era aidhanga kukufuga!” mu kino ghazira kikyuse eri omukazi omwikiriza mu ndagaano empyaka waire nga bangi bandikobye n’amamiro ag’amaani oba mu nsambo ey’amamiro aga ghansi einho, “ekyo nkiroba!” Paulo aghandiika ati, “Aye n’endha mumanhe nga Kurisito n’afuga buli musaadha, omusaadha n’afuga mukazi we, era Katonda n’afuga Kurisito.” (Ab’e Korintho 11:3). Eyo n’entegeka ya Katonda eri abaikiriza. Omukazi omwikiriza ow’eirala aidha kw’emerera ku kituufu era mu buvuunanizibwa obwamugheebwa Musengwa Katonda Mwene, ate aganhe okufugibwanga iba. Bw’ataisa kanagansi mu ntegeka eno eya Baib uli, agho aba yeesalaku omutwe ate ng’Ekibono kya Katonda bw’ekikoba aba aziraku mutwe gumufuga.

Oluvanhuma lw’okugwa, amainhama Yesu ge yayogeraku, gaali gawoiregho. Akanogole: “Buti, ka tubone Yesu kye yayogera ku: »Okuva mu mainhama ti kyali kityo.« buti, ti kiri kityo okuva – kiri – buti, kiri luvanihuma lw’amainhama. Buti ghaligho endagaano edh’emirundi ebiri. Okusooka yali bw’adagaano. Adamu ni Eva baali baagayaga; omusaadha mulala, omukazi mulala. Buti omukazi yayonoona. Ate akola ki? Ekyo bombi ky’abaleetera okufa era Katonda yali n’okukola endagaano n’ekyo, endagaano eyindi. Wano kiri wano buterevu mu Mainhama 3:16. Yakola endagaano eyindi. … Buti, ekyo kigemagana n’amainhama ti bwe kiri?” (olupapula 32).

Mperaano buti Owoluganda Branham ayogera ebintu ebiboneka oti tibitegerekeka ye tuli, aye bw’etuganha ni tuba abetegefu okutwala ekyo ekyogereibwa, kidha kuba eky’ekango, mu kiseera n’ekirala ekyo twidha kutegeera ekifo kyaife: Akanogole “Buti, obona, oluvanhuma lw’amainhama kyali – ekintu ekindi ky’aleetebwa. Buti, kino kidha kukukanga. … agho Endagaano ey’emirundi ebiri lwe yakolebwa n’omusaadha n’omukazi nga babita mu kumanhagana mu mubiri (endagaano eyindi ghalala agho; ti ndagaano ere eyasooka, aye endagaano eyindi), buti ki ekireeteibwa? Okubayiiza abakazi abangi mu byonabyona. Memale oluvanhuma lw’amainhama, okubayiiza abakazi abangi kwainhama mu bantu ni mu bisolo, oluvanhuma lw’amainhama, okugwa, … endagaano eyokubiri, ekintu ekisaadha kirala n’ebikazi bingi …” (olupapula 33).

Nga bwe kirangiriirwa mu kusooka twenatwena tw’ekanze. Ti twandisuubire kufuna ebibono oti n’ekyo. Ghazira ali n’ekigendererwa eky’okubayiiza abakazi abangi, aye okuta ebintu mu ntegeka ey’Ebyaghandiikibwa. Owoluganda Branham yayeegeresa Baibuli by’ekoba, ate yaadhulira nti ekifo eky’omukazi kyandhawulo okuva kw’ekyo eky’omusaadha.

Yeyongera, ku musingi guno, n’obwesimbu bwonabwona obwa Katonda obusobola n’okutegerebwa mu mamiro ge era ng’akoba, “Bona! (otalemererwa kino buti; mukitwale wansi mu myoyo gyaimwe.) ate ghazira mukazi naire mulala ku ayinza okuba n’omusaadha owundi aswiika omulala, aye omusaadha omulala oyo asobola okuba n’abakazi olukumi. Ekyo kiri nti ATYO BW’AKOBA MUSENGWA.” (olupapula 34).

Aye buti twekanze inho ebitakobeka, aye Paulo yayoleka ekirowoozo n’ekirala ekyo ekigema ku mukazi, “Namwandu okughandiikibwa mu baanamwandu, ateekwa okuba ng’agheza emyaka nkaaga egy’obukulu. Era ateekwa okuba nga yabairaku omusaadha mulala yenka…” (1 Timotheo 5:14). Ebintu ebigema ku musaadha n’omukazi byona byolekebwa mu by’aghandiikibwa bino, Owoluganda Branham by’atugha ng’eky’okuboneraku mu Kanogole: Matayon 5:32.1 nenda obone wano, okuwagira ekirowoozo kirala kino eky’omulala n’abangi…: »Aye Nze mbakoba nt, kiisi anaabinganga mukazi we, okutoolaku ng’amulanga bukaba aba amuleeteire okwenda ate n’oyo abayiiza omukazi ye babinze aba ayenze (lwaki? Aidha kubaira kabiri); … ate abayiiza oyo ye babinze akola obwenzi.«” (olupapula 36-37). Wano kabiri tuteekwa okwetegereza inho ku abo ebiboono bino ye biri kukoberwa.

Olwa kino, omusaadha bwaba awaire mukazi we embaluwa ey’okumubinga ate nga n’eghandiiko ekimwikiriza okuja okubaira kabiri, ate bwafuuka omukazi ow’omusaadha owundi, tasobola kwira eri iba eyasooka waire nga iba oyo owokubiri afiire bufe, kuba aba amaze kufuulibwa atali mulongoofu. (Amateeka agokubiri 24:1-4).

“Musengwa Katonda akoba ati omusaaadha bw’abinga mukazi we, omukazi oyo naabaira omusaadha owundi omusaadha oyo asobola kabiri okwiza omukazi oyo? Olwo ensi eyo eba teyonoonoike?.” (Yeremia 3:1). Katonda atwala ensonga yoonayoona nga yaabumalirivu.

Buti omuntu owundi ayinza okw’ogerera ghaigulu, Abasaadha ba Katonda mu Ndagaano Empyaka, Paulo ni Branham, mujiire inho! Obutuufu tubufuna gha? Tuli n’okwagayaga!” ekyo kituufu. Omwoyo gw’omulembe guno ata mu nkola okwagayaga aye omukazi alikweniinia mwene okuba ghaigulu w’omusaadha mu kifo ky’omusaadha okumufuga, ye naafuga omusaadha, omulanzi yakoba atyo Omwoyo wa Katonda aniinia eidala okutakania ebiri kukolebwa mu kiseera kino okutuusa abakazi boonaboona abaikiriza Ekibono kya Katonda batukuuzibwa mu ekyo ate baafugibwa ni baiba baibwe ate abasaadha boonaboona beeghaayo baafugibwa ni Kurisito ate boona kabiri baatukuuzibwa mu bugonvu okubitira mu mwoyo. Agho ni, nti entegeka ey’obwa Katonda etakyuka ghe n’asigalira nga y’amaani.

Owoluganda Branham ayogera ku mutume Paulo,Mu mbaluwa 1 Timotheo 2:9-15; nti tiganha mukazi yeenayeena okwegeresa, oba okulagira omusaadha. Oluvanhuma nga Eva amaze okutwalibwa n’obukumu bwa Sitaani yatoolera okulagira Adamu okutuusa bwe yakola ky’ayenda, agho yaayona amateeka ga Katonda. Kutyo okugwa bwe kwali. Katonda yanhoomwebwa inho ate n’entegeka Ye yaadheemebwa ate yeeyongera okuba etyo, n’abo boonaboona abazira kifo mu ntegeka ey’obwa Katonda. Ensonga omutume gye yagha nti abakazi bawulire baiba baibwe n’eno, “Kuba Adamu n’eyasooka okutondebwa, memale kwairaku Eva. Era Adamu ti n’eyasendebwasendebwa, aye omukazi n’eyasendebwasendebwa n’agwa mu kibi” (vv. 13-14). Kabiri amala yagaita kino ni 1 Ab’e Korintho 14 ate yaakoba ati omukazi abenga muwulize, “… era ng’amateeka bwe gakoba” (v. 34). Enkola ey’eira? Endagaano Enkaire? Akyagha abakazi? Mbe naire! Aye nga Katonda atakyuka bwe yata ebintu byonabyona mu ntegeka nga bwe bigwana okuba ng’ajira ku mateeka ge. Musengwa ti yaidha kudibya Amateeka, aye okugatuukiriza. “Muleke kudhuuba muti naidha okudibya Amateeka oba abalanzi, tyaidha kudibya aye kutuukiriza. Bwenebwene mbakobera nti okutuusa ng’eigulu n’ensi biwoiregho, enukuta endala waire akatoonheze akalala tibiridibizibwa mu Mateeka, okutuusa nga byonabyona bibairegho.” (Matayo 5:17-18). Kye Yayogeraku eira kisigala kituufu ebyanda n’ebyanda.