Obufumbo – Ekizibu Eky’eira

Akanogole: “Buti, ku bufumbo ate n’okubinga omukazi. Bona, kiteekwa Kwolekebwa. Okutuusa nga ky’olekeibwa, tokiidhi, aye yasuubiza mu nnaku dhiino edhenkomerero, mu luse luno, nti buli kyama eky’agisibwa mu Baibuli kidha Kwolekebwa. Bameka abaidhi ekyo? … Yesu yakisuubiza, nti ebyama bino byonabyona eby’agisibwa ku – ku bufumbo n’okubinga omukazzi, ebyama bino ebindi byonabyona eby’agisibwa by’ali bya Kwolekebwa mu kiseera eky’enkomerero. Mperaano, oidhukira eiroboozi eryakoba liti »Ja e Tucson« Mwidhukira obutangaavu obutamanhiibwa mu bireri, bamalaika omusanvu nga bemereire agho? Ira ewaka era okukakampulwa kw’obumanhiso omusanvu? Wetegereze ekyo ekyaligho.” (olupapula 43).

Mu nsambo n’endala eyo nga bwe twafuna okwegeresebwa ku bulamba bwa Katonda, Okubatizibwa, Ekyeigulo kya Musengwa, n’ebindi, tuli n’okwikiriza aghazira kutakana mu ife buli Kibono kigema ku isomo lye tuli kwogeraku. Nga bwe kyendebwa ku isomo lyonalyona ery’omu Baibuli. Kityo bwe kiri ni mu nsonga eno yona, nti Ebyaghandiikibwa byonabyona mu bw’egedereza biteebwa mu maiso gaife tusobole okubirowozaaku. Lino isomo lya buli muntu aye nga lya muganhulo inho ate litagemebwaku n’amuntu yeenayeena ayenda okukola ebintu bituukaane nga bw’ayenda. Ghazira agwana kusala musango ku bimugemaku mwene. Ensonga eri n’okukolebwaku n’aboluganda abaakakasibwa okuba abeegeresa ab’Ekibono ate abakulembeze, ate bali n’okulamula nga bajjira ku Kibono kya Katonda. Baibuli mu ife eri ng’oti Kitabo ky’Amateeka, ate buli mulala ku ife ali n’okuwulira akole nga bwe kikoba. Ensonga tegwana kulamulwa nga muli waka aye nga muli mu Kikunsu ky’Abaikiriza mu Kurisito. “Muwulirenga abakulembeze baimwe era mubagonderenga, kuba n’abalabirira emyoyo gyaimwe, era balyewozaaku ensambo gye baagirabiriramu. Mubasobozese okukola omulimo guno n’eisanhu …” (Abaheburayi 13:17).

Owoluganda yeenayeena oba mwaninaife ava mu Kikunsu ky’Abaikiriza mu Kurisito ate yaloba okuleeta ensonga ye mu maiso g’aboluganda mu bugheereza, yeesubagha mwene, kuba aloba Ekibono kya Katonda, tayisa ekinhagansi omwayi aye atambulira mu magira ge mwene agamutuusa eri abawolereza n’abalamuzi ng’oti se baateebwagho ku lw’Abaikiriza. Buli asalagho okumaliriza ensonga edhigema ku bufumbo bwe okuleka ng’Ebyaghandiikibwa bwe bikoba, aba wansi w’okukulemberwa omubi, ate adheemera Kurisito mu lwatu, Ali nti n’Omutwe ogw’Ekikunsu ky’Abaikiriza mu Kurisito, Era kyona ekireetera Ekibono kya Katonda obutaba n’amaani y’owoluganda mwene omusaadha oba omukazi. Omusaadha oba omukazi bwe yeegha omulimo ogw’okufuna omuwolereza, omusaadha oba omukazi ateekwa okumanha nti kikolwa kya buvoozi. Abaikiriza abakola ebikolwa ng’oti n’ebyo banhoomebwa mu maiso g’abataikiriza mu nsi olwekyo, kyona ekireeta ekivume ku Musengwa, omulokozi waibwe, eyabagula n’omughendo ogutaloodheka

Okutwalira aghalala, abo omusango be gusinga n’abava mu bufumbo, era ni mu biseera ebisinga okuva mu Kkanisa. Kabiri batoolera okukoba, “Ekkanisa ti ntuufu!” “Aboluganda abagheereza ti batuufu!” n’ebindi. Mu maiso gaibwe batuufu, aye ng’ebyaghandiikibwa ebitukuvu, baikiriza Sitaani okubazikiriza era n’abandi.yeenayeena ataisa kitiisa mu Kibono, aba ti mulala ku ntaama dha Katonda, abawulirisa amamiro g’omwayi omulungi. Beene baba tibasobola kugondera Kibono kya Katonda kuba ti baazaalibwa mukuzi gwa kubiri ogw’ensigo y’Ekibono n’Omwoyo wa Katonda. Kino kisobola okuba ni mu abo ababatizibwa mu mwoyo era bakozesa ebirabo eby’omwoyo. Mu kino, Owoluganda Branham yayogera ekibono ekituukana inho bwe yayogera ku bintu eby’ezunguluvu ebisatu, ebintu ebisatu ebikola omuntu, – ememe, omwoyo, omubiri. Akanogole: “…era basobola okubeera irala n’omwoyo wa Katonda. Ng’asigiibwa omuzigo n’omwoyo gweene ogwo, aye yaasigala ng’abula ate ng’oyo aliku emizimu emibi nga bwe basobola okuba n’omwoyo ogwo.” (Ate n’aloba okukimanha, olupapula 18). Ekibono kya Katonda kyonka n’ekitukobera ekituufu n’ekirigha, wazira kintu kindi kikola ekyo. Era yeenayeena owa Katonda awulira Ekibono kya Katonda. Kityo bwe kyaghandiikibwa. Era abakola nga bwe kyaghandiikibwa beetebwa ab’enkabi.

Omwayi ate n’abakulembeze tibateekwa kwekubira ku luuyi lwonalwona, ate ateekwa obutaba n’aluganda lwonalwona ku abo abasoghaine. Bo bateekwa bwa kwoleka byaghandiikibwa bitukuvu ebyogera ku nsonga, aghazira kuba n’abufubo bwa kyama nga bwogera ku nsonga eyo. Okusalagho kuteekwa okuba mu abo be kigemaku, era beene baidha kuvunanizibwa bonka olwekyo kye bakola. Era kyona tikikirizibwa y’abo abagondhoola ensonga okwogera n’omuntu omulala yenka ku abo abaasoghana, bombi bateekwa okubaagho mu kubagondhoola, mu nsambo eno buli muntu aba n’omukisa okwiramu kye bamulumiriza. Kino bwe kiba tikikoleibwa, ebintu ebizibu einho biba mu maiso. Agho buli muntu aba n’omukisa okusansaania eby’obuguya. Aye nga bwe twakoberwa mu 1 Ab’e Korintho 6, Abasalagania ebibono, abaibi era n’abanazi, abasinza ebitali Katonda, abenzi n’ebindi. Tibalisikira obwakyabazinga bwa Katonda (Ab’e Efeso 4:27).

Buli musango lwe gusalibwagho, kiteekwa okuba bwenebwene mu maiso ga Musengwa nga bwe yalagira, “Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso. Otasansaania nga ngambo mu bantu bo, era oteesimbangagho kulumiriza muntu yeenayeena mu musango ogusobola okumuviiramu okwitibwa. Ninze Musengwa Katonda.” (Abalevi 19:15-16).

Obufumbo bwe bubanga bukaatwalibwa nga bwa makulu mu myoyo gy’abafumbo bombi, baidha kuleka ebintu eby’ekyama ghebiteekwa okuba, era ekyo nga ni ghaka. Abafumbo bateekwa okumanha nti bali n’okwogerezegania, era nga ti kwogeraganwaku. Bateekwa okwogera ebintu ebibaluma, era ti kulwana, aye kibeetagisa okusaba. Boona bateekwa okwikiriza ebiseera ebindi omusaadha n’omukazi okutegeera mwine kyayenda. Mu buli bufumbo mulimu ebizibu era n’amaka era bisobola okugondhoolwa, aye kino kisobola okukolebwa wonka bwe tukuma eidembe, nga Ebyaghandiikibwa bwe bikoba, Mube mu miraala n’abantu boonaboona …” Kuba “… byonabyona bisoboka eri oyo aikiriza.” Aghali okwenda woona ghabaagho n’engeri. Bwekiba kiti wonka nga mulala ku bafumbo tayenda kumaliriza nsonga omusaadha oba omukazki aba tayenda kuleeta miraala gibasobozesa kutambulira ghalala.

Mulala ku bafumbo bombi atoola ekizibu ekiri mu bufumbo yaakita mu lwatu aba aliire olukwe mu mwine, otoolagho obwesigwe era aba yeeyigaliza enjira ey’okwiramu okwisania. Agho ni oyo atambulira mu njira ey’obutaira inhuma omwidhuire empwitu, nga tafaayo ku ebyo ebibaagho, nga tafaayo ku naani abaonerera oba alumizibwa, ate abo boonaboona abategeera ku nsonga eyo basiikibwa baagingiramu. Okubaisania bwe kuba kwa kwekubira oba kuva mu abo b’ekigemaku, ebikunsu biidha nga by’ekubira okwawukana kwabaagho mu bufumbo obwo, mu maka ni kkanisa. Buli aghaba esibuko ey’obukyayi, bangi bazikiirira. Era olulimi lwakunaanizibwaku omuliro ogw’emagombe. Sitaani amaze okuzikiiriza amakanisa mu nsambo oti n’eno. Sitaani tayonoona bwa liina lyonka, aye yeena n’omwiisi w’emyoyo. Abaikiriza abatuufu bagwaine bamanhe nti ti balondebwa kusansaania nsonga dha mu maka aye okudhulira ku bintu ebirungi Musengwa by’abakoleire, aye ti kwogera ku bintu Sitaani by’akoze. Obudhulizi obutuufu, obuleetera Katonda ekitiisa, ti butoolera n’abibono, Owuliireku …? Oidhi …?”

Twenatwena tuli n’okulowooza inho nga tukali kwogera mu nsambo ey’obuguya kuba kino kidha kutufiiriza obwakyabazinga bwa Katonda. Ghazira kisa kyangu kityo kye tusobola okwesigamaku, kuba kiziragho, ghaligho bwa kisa kyonka eky’omughendo mu Kurisito Ey’atugula ng’ayugha Omusaayi Gwe Ogw’omughendo. Daudi yabuuza, “Wo Musengwa Katonda, naani agwaine okuba nu Isinzizo lyo? Naani agwaine okukusinza ku lusozi lwo olutukuvu Sioni? N’oyo omutuufu aziraku musango, ng’akola ekituufu, era nga bw’ayogera muzira buguya. Tasiiga liina lya muntu yeenayeena nziro, takola mwine kibi era taja ng’ageya baliraanwa be” (Zabbuli 15:1-3).

N’abo bonka abaganha okusalirwa omusango okwa Katonda nga Ekibono kye bwe kiri, ate baaleka beene okugolorwa buti, ate bona baaghanha okuteebwa mu ntegeka ya Katonda, nabo abaliba mu Kikunsu ky’Abaikiriza mu Kurisito eky’omwana omuberi. Buli anhooma omulimo gwa Katonda n’Ekikunsu ky’Abaikriza mu Kurisito ekya Katonda yeetwala okuba omugezi ate y’erimba. Ebibono eby’entaka byonabyona ebyogerwa ebigendererwa okwikaikania endowooza yaife ghazira kye biganhula mu maiso ga Katonda ni mu kusala omusango ogusembayo. Ye ghaali ebintu ebyo byonka Bye Yalagira n’ebikola. Yeenayeena alowooza ati afunie eidembe lye nga yeeyawula ku mwine, amangu irala aidha kutegeera ennaku n’okulumizibwa omwoyo okw’amaani.

Naani aghanga okumenha Ekibono kya Katonda kyeyendere naalowooza nti ali mu mwoyo ate nti mulala ku mugole? Naire, ghazira asobola kuba. Kino tikisobola kukola eri Katonda. Tuteekwa okwikiriza, tukole ate tutambule ng’Ebyaghandiikibwa bwe biri. Musengwa atuukiriza Ekikunsu kye eky’Abaikiriza mu Kurisito ekiriba ku nkomerero nga bwe kyali mu Mainhama: Mwoyo mulala. Agaita ebitundu by’omubiri gwe nga Mwene n’Omutwe. Owoluganda Branham akitaaku eisira nti ensonga ey’obufunbo n’okubinga omukazi biri n’Okwolekebwa eri omuntu mwene. N’ekibono kino tategeeza Kwolekebwa kwa muntu mwene ku bubwe aye Okwolekebwa okw’agheebwa Owoluganda Branham nga bwe kyoleka ng’akozesa Ebyaghandiikibwa kamaala.