Obufumbo – Ekizibu Eky’eira

Mu Ndagaano enkaire, Katonda yali n’abantu Be yasuubiza ate yaabagha ensi. Mu Ndagaano empyaka Obwakyabazinga Bwe ti bwa nsi eno. Bwakyabazinga bwa Katonda. Aye nga bwe tukali ku nsi amateeka goonagoona n’ebiragiro Katonda bye yagha ku lw’obulamu buno obw’oku nsi bikali bituufu. Titukabuuzagania kabiri, “Ighe okoba ki?” oba “Olowoozaki ku ekyo?”, “Okibona otya…?” Omusango gw’inhama buti mu nhumba ya Katonda nga eiteeka lya Katonda bwe rikoba. Ekibuuzo kyaife buliidho kibenga kiti, “Katonda akoba ki?” bwe ghabaagho ensonga yoonayoona, agho yona yandibaire, “Ye yandi kiboine atya?”

Kitugemnaku okumanha okwenda kwa Katonda olw’obulamu bwaife obwa kiisi mulala era n’okukola n’ekirala. okwenda kwaife okw’eghala, bw’etuba baana ba Katonda, n’okukola okwenda kwa Katonda okwikirizibwa ate okutuukiriire mu bulamu bwaife bwonabwona. Agho tuba tufunie eby’etaago eby’okutwalibwa mu igulu okusiima kwa Katonda nga kutuliku. Kino kiri kityo, nga ebintu byonabyona bye twegeresebwa okuva mu byaghandiikibwa byolekebwa mu bulamu obw’omwikiriza, ebikolwa byaife bwe biba bissania n’Ekibono, ate n’ekirala ekyo n’abalonde bona, ebintu byonabyona biteekwa okwizibwayo mu ntegeka eya Katonda; mu bufumbo, mu maka ate ni mu Kikunsu ky’Abaikiriza mu Kurisito. Ghazira agwana kwogera ku mwine, kuba okwidha kwa Musengwa kuli kumpi kutuuka (Yakobo 5:7-11). Kyonakyona ekitaisania n’Ebyaghandiikibwa Ebitukuvu – ka bibe mu bibona oba mu bikolwa – ekireeta obutaisania kiteekwa okugondholwa. “Muba mukoze bukalamu bwe mutuukiriza eiteeka lino eikulu, nga bwe kyaghandiikibwa kiti: ogonzanga muntu mwino ng’oti ni bwe weegonza mwene, aye bwe muboola abantu olw’emboneka yaibwe muba mukoze ekibi, era muba muli bamenhi ba mateeka. Oyo agema Amateeka goonagoona aye eirala liti ni limulema, abaaku omusango ogw’okumenha Amateeka goonagoona. Kuba yakoba ati, otayendanga, era n’omulala eyakoba ati: otaitanga. Bw’otayenda aye n’oita, oba ofuuse mumwenhi w’amateeka. Kale ni mwogerenga era mukolenga ng’abo abaja okusalirwa omusango mu mateeka agatuleetera eidembe. Mu kusala omusango Katonda taja kusaasira muntu oyo atasaasira ate okusaasira n’okusinga okusala emisango.” (Yakobo 2:8-13).

Bangi bateegereire okubaagho okwa Katonda okukologho ate okw’enkomerero n’obumanhiso era n’ebyewuunhio mu butuufu ebija okwidha amangu. Aye ng’ebyo bikaali, ebintu byonabyona biri n’okwizibwayo mu ntegeka eya Baibuli. Kiri mu nsambo eno eboneka yonka okwetegekera Okwira kwa Kurisito bwe kusobola okufunibwa. Okusookera irala, okutya Katonda kuli n’okwira mu Kikunsu ky’Abaikiriza mu Kurisito, kuba omwo n’omuli okwinhama okw’amagezi aga Katonda era n’okumanha, ebikomya obusiru bwaife ng’abantu. Kyali kityo era kikali kityo mperaano, nti Katonda ky’atwendeza n’okutambulira mu Kibono kye. Ekyo kyonka n’okutambula ni Katonda.

“Timubanga n’aibandha lya muntu yeenayeena okutoola ery’okugonza, kuba kiisi agonza muntu mwine aba atuukiriiza Amateeka. Ebiragiro ebikoba biti: otayendanga, otaitanga, otaibanga, otabanga n’akwegomba byabeene. N’ebiragiro ebindi byonabyona biri mu iteeka eirala erikoba liti: gonzanga muntu mwino nga bwe weegonza mwene. Kiisi agonza muntu mwine tamukola kibi kale okugonza kye kuva ni kuba okutuukiriza amateeka.” (Ab’e Roma 13:8-10).

N’obwesimbu bwonabwona, Owoluganda Branham mu kulangirira kwe yayogera ku bintu ebiri kukolwe eby’ekiseera eky’enkomerero, era n’ebintu byonabyona ebiri kuva ku ntegeka ya Katonda. Okwogerera ghaigulu okw’amaani mu kiseera kino kuli nti, “Okwirayo eri Katonda! Okwira ku Kibono! Okutegeera Baibuli ky’eyegeresa!” mu kulangirira n’okulala ku bufumbo, oluvanhuma lw’okwoleka eby’okuboneraku kamaala, yayogera ebibono bino nti olw’endhegeresa ekyamu ebintu byonabyona by’atabulwa, ate nti abasaadha n’abakazi babayiiza era babaira emikuzi ebiri oba esatu. Agho yaakoba ati, “Aye vuunanhizibwa okumanha nti kino ky’ampebwa, ate singa … tisobola ku kigemerera, era nga tiidhi nga bwe gwaine okukighaayo; era nga ndidhi nti olutambi luno lwidha … Wo, wange! Ndidha bwa kwetegeka. Yaffiisi eigulwa, kuba kikino kiidha. Bona? Nga bwe ky’ali ku nsigo ey’ogusota, aye kikakasiibwa nti kituufu.” (Olupapula 45).

Yatumibwa ni Musengwa okukobera abo boonaboona abaali mu nsobi olw’okwiramu okubayiiza n’okubaira okutaisania na byaghandiikibwa, oba baali baluganda oba baninhaife, nti baasoniyibwa. Ku lw’endegeresa enkyamu, tibaamanha kuwulaku agho, olwekyo baali bakikoze. Ate kabiri yaakitaaku eisira n’okulabula, “Mukuze abaana baimwe nga mutya Katonda; aye Katonda yabagemerwa ekisa bwe mwiramu kabiri okukikola! Mwegerese abaana baimwe obutakolanga kintu ng’oti n’ekyo. Mubakuze nga batya Katonda!” (olupapula 49).

Akanogole, “Ate okudhulira olwaleera mu bantu kamaala abatyaime wano abaabona akamanhiso ako ku lusozi eyo Malaika ba Musengwa baidha ye baidhira mu kiwunga ow’amaani, we ky’aidhira mu ba Malaika omusanvu, agho okwolekebwa kw’ebyama omusanvu lwe kw’aligho, ate Malaika mulala oyo, ku luuyi lulala olwo, ku lusozi lwene olwo, olunaku kino lwe kyayolekebwa.” (olupapula 50).

Mu bugheereza bwe nga bwe nsobola okwidhukira, kyakolebwa emikuzi esatu nti ekireri eky’obwa Katonda kyabonekera mu ibanga. Omukuzi ogwasooka gwali mu June 1933, Bwe yatumibwa ate yaakoberwa nti obukwenda bwe n’obwidha okukulembereramu okwidha kwa Kurisito okwokubiri; omukuzi ogwokubiri gwali mu febuali 1963 memale obumanhiso bukakampulwe, ate omukuzi ogwokusatu gwali gugemagana ku bufumbo n’okubinga omukazi.

Okuva ku mazima gano gonka, tutegeera nga ensonga eno bw’eri enkulu eri Katonda. Olwekyo kitukakataku okutwala ekyo Musengwa kye yayoleka. Waligho abaikiriza abatenda kuwulira ekyo Ebyaghandiikibwa kye bikoba ku isomo lino, Aye bona mu nsambo n’endala bakozesa omukisa okwogera ku kye bakirowozaaku. Waligho ekintu ekikyamu aghantu, kuba singa Katonda yayogera mu nsambo eno etali ya buliidho agho ni aba Ayenda ife tuwulire bye yakoba. Nti ndhegeresa mpyaka Owoluganda Branham gye yatuleetera, aye kwali kwiraganhamu ate n’okumulikibwa okuva mu byaghandiikibwa ebyo Katonda bye yamaala okwogera ate nga byagaanibwa mu byaghandiikibwa mu Kibono Kye. Kiidha kuba kituufu kyona mu nsambo eno, “Ali n’amatu, awulire Mwoyo ky’akoba Ebikunsu by’Abaikiriza mu Kurisito!” Buli ataawulire ekyo Katonda ky’ayogeire okubitira mu Kibono eky’amazima, okubitira mu munhwa ogw’omulanzi omutuufu, aidha kuwulira era iraganhemu ebyo abalanzi ab’obuguya bye bataire mu nsi eno.

Amagezi gonka ge mbagha mwenamwena gali nti: twekebeedhe mu byaghandiikibwa kabiri ate tusome n’obukwenda bwona omwo Owoluganda Branham mwe yalambika eby’amwolekebwa. Ba w’amazima, omumalirivu, era omwerufu okusangaalira ebyo ebyatugheebwa. Ky’amugaso, Yii, ky’abwetaavu inho, kuba Musengwa Mwene yatugha eky’okwiramu. Ku nkomerero y’okulangirira kwe omusaadha wa Katonda, n’obukakafu bwonabwona ng’akoba ati, “N’abakobera amazima, ATYO BW’AKOBA MUSENGWA mu byonabyona.”