Obufumbo – Ekizibu Eky’eira

Ti ninze asaaka Owoluganda Branham. Ekyo, ti kikola ku Petero waire Paulo, aye ndikiriza ate n’aisa ekitiisa mu kusalagho kwa Katonda mu Oyo yenka agheebwa kyonakyona okubitira mu Yesu Kurisito, Musengwa waife. Yansaasira okutegeera okutukyalira kwe okw’ekivunika mu luse lwaife, era n’omwoyo ogw’eyanza nasangaalira omukwenda era naikiriza obukwenda nga Mwene bwe yakoba, “Bwenebwene ka mbakobere: oyo yeeneyeene asangaalira ye mba nga ntumye, aba asangaaliire nze. Ate oyo asangaalira, aba asangaaliire oyo eyantuma.” (Yoanne 13:20). Obugheereza obw’ali obw’amaani obw’owoluganda Branham bw’eyogerera bwene ku kwetebwa kwe okwa Katonda era n’okutumibwa kwe mu luse luno. Ghazira naire mulala ku babuulizi ab’ensi ow’ebiseera byaife asobola okulaga olunaku oba esaawa lwe baafuna okwetebwa kwa Katonda. Olwekyo nga tugha ekyokuboneraku ku abo tusobola bwa kwogera ghonka ku bugheereza, aye ti ku kutumibwa okw’amaani ag’obwa Katonda nga bw’egaita buterevu n’entegeka ey’obulokozi.

Yali Owoluganda Branham oyo Katonda gye yakozesa oluvanhuma lwa Isematalo II okuleeta okweyongera mu kwizibwa obuyaka okw’Amawulire Amalungi mu bwidhuvu okumanhiibwa ng’okutambula kw’abapentekote. Yena mu bundi yali avunanizibwa n’obugheereza bwe obw’ali obw’maani, olw’okwidha kw’eikungganiro ery’abasaadha aby’ebyamatano ery’Amawulire Amalungi mu bwidhuvu. N’amanha Demos Shakarian mu buntu era nayogera ng’omwogei omukulu mu lulala ku nh’ekobaano dhe mu Clifton’s Cafeteria e Los Angeles. Yali yatwalibwa okubitira mu bugheereza obw’Owoluganda Branham. N’ekirala n’okutambula kw’abakarisimatic okwatandikibwa ni Daudi duPlessis. Yali mu nh’ekobaano edh’ebyafaayo Owoluganda Branham dhe yali nadho mu ighanga lya South Africa mu 1951 ate oluvanhuma yaanonereza omusaadha wa Katonda okutuuka mu America era yaamanhibwa nga »Mr. Pentekote«. N’amanha abasaadha bano bombi mu buntu, ate n’aliku mutaputa waibwe. Abalangirizi abandi abamanhiibwa-obukalamu mu nh’ekobaano dh’okuwonezebwa n’okwizibwa obuyaaka, bwe baba nga b’esimbu, bidha kwikiriza nti baafuna okusikirizibwa okubitira mu lulala ku nh’ekobaano edh’Owoluganda Branham. Mu nsambo ey’endhawulo okwizibwa obuyaaka kuno kweyongeire n’okutuuka ni mu biseera byaife.

N’amanhira Owoluganda Branham okumala emya ikumi okuva mu (1955-1965) era n’onugheereza bwe obw’amaani obwali busobola okugerangeranizibwa ghonka n’ebyo Yesu Kurisito bye yakola era n’ebikolwa eby’abatume. Okuva lwe nali mu nh’ekobaano edh’endhawulo ku »Iroboozi ery’okuwonezebwa« Olw’ekobaano olw’ategekebwa omusaadha amanhiibwa nga Gordon Lindasy mu Dallas, Texas, mu June 1958, embuulira dhonadhona Owoluganda Branham dhe yalangirira mu ighanga ly’America dh’ansindiikibwanga mu Germany, edho kyuusiisa edhisoba mu 300 okudhiiza mu lulimi olugermani. N’amanhirira buli kitundu eky’obugheereza bwe, ng’amanha ku buli ndhegeresa ye, oba ni mu byonabyona okusinga omuntu owundi yeenayeena. Ndidhi n’ebidhuubo byene bye yayenda okwoleka mu byaghandiikibwa. Obugheereza bwe obw’obulanzi bw’ayogerwku inho aye tibwategeerebwa inho n’abegeresa ba Baibuli aba ghaigulu mu kiseera kyaife. Tibaabitegeera nga b’anamateeka banaibwe bwe baakola mu kiseera kya Musengwa waife Yesu Kurisito. Ekireri eky’amaani ag’obwa Katonda kyali kiyaaka ye bali, kuba mu buntu baali tibafunangaku bumanhirivu butyo. Aye ng’otoireku kino, n’ekyenkomerero kyonakyona bwali bugheereza bwa Baibuli ate bw’akakasibwa ni Katonda mu nsambo etaloodheka. Kwandibaire kusiima kwanga okugha abo boonaboona abagheereza abakali mu akabuusabuusa olutambi lulala omu enh’ekobaano edh’okuwonezebwa, Owoluganda Branham bwe yasabira abalwaire era n’ekyobulanzi, okubona emyoyo gy’abantu era n’ebirabo eby’okuwonia byali bikola.

Oluvanhuma lw’okulangirira kwe »Obufumbo n’okubinga omukazi«, Owoluganda Branham yatakanizibwa inho ng’oti se kubitangania kwa muliro, nga bwe kyali ke y’akamala okulangirira ku nsigo ey’ogusota, omwo mwe yayoleka bwenebwene ekyakolebwa mu Lusuku Edeni. Kisobola bwa kukobwa ghonka, nga Petero bwe yayogera ku bintu eby’eghala inho ebyali bimwolekeibwa, ku bigema ku kwinhonhola Paulo kwe yagha mu biseera bye, “… Mu mbaluwa edho mulimu ebintu ebizibu eby’okutegeera, abantu abataidhi n’abanafu mu kwikiriza bye bavuunula obubi, oti ni bwe bakola n’Ebyaghandiikibwa ebindi. Olw’ekyo beereetera beene okuzikirira.” (2 Petero 3:16). Kyalinga kityo era kikaali kityo, yabo ensonga beetayolekebwa, baidha kugikyusa beereetera beene okuzikirira. Kiidhi bukalamu inho, nti omuntu ateekwa kuba mwesimbu era nga mutuufu okusobola okutegeera ebintu byonabyona mu nsambo entuufu. Mu kusuubira Musengwa aidha kwigula okutegeera okw’Ebyaghandiikibwa ye boonaboona. Boonaboona basobole okwagaana ekyo ekibakoberwa era baisanie n’akyo nga Paulo bwe yaghandiika, “Mweringemu beene…” Agho ghonka ekyo ekyayolekebwe ghe kiidha okutuukiriza ekiruubirirwa kye kyatugheebwa mu ife twenatwena.

Okuva Musengwa bwe yankoba mu iroboozi ery’amaani nga lindagira, “… Ndidha kukutuma mu bibuga ebindi okukoberanga abantu Ekibono kyange”, kikola mu mbeera yoonayoona, nga Paulo bwe yakoba, “… Abandi batutaamu ekinhagansi, abandi baatunhooma, abandi batwogeraku bubi, abandi baatwogeraku bukalamu. Tutwalibwa okuba abasubayi, waire nga twogera mazima…” (2 Ab’e Korintho 6:8). Ekibono ekyayolekebwa kyafuuka itala eritumulikira ghe tubita, nga litwoleka engira entuufu mwe tugwana okubita. Ekikunsu ky’Abaikiriza mu Kurisito eky’omugole buti kiba kilamu olwa buli Kibono ekyo Katonda kye yagha mu kiseera kino okuba emere yaife ey’Omwoyo. Kirala ku bugheereza bwange, okuta ebyo byonabyona Owoluganda Branham bye yafuna okuva eri Musengwa mu kutegeeza kw’abyo okutuufu mu By’aghandiikibwa Ebitukuvu. N’akoberwa emikuzi kamaala, n’abagheereza mu maghanga ag’endhawulo, nti nonoona obugheereza bwange mwene nga ndhogera oba okugha ekyokuboneraku eky’Owoluganda Branham. Okunenia okw’endhawulo kubairenga, nga bwe kyogeirwa eira, ku nsigo ey’ogusota, endhegeresa ku bigema ku bulamba bwa Katonda, Okubatizibwa kw’amaadhi n’ebindi. Nteekwa okusigala w’amazima y’okwetebwa kwange okw’omu igulu ebiiririra ni bwe biba bitya. Okuba nga nkiidhi nga Paulo bwe yali, nteekwa okulangirira kino, “Bwemba nga nkaagezaaku okusangaaza abantu mba tiri mugheereza wa Kurisito.” (Ab’e Galatia 1:10b). Kuba mu butuufu nga Paulo, Amawulire Amalungi ge mbakobera tigaava mu bantu buntu waire omuntu okugankobera aye Yesu Kurisito mwene n’eyagandholeka (Ab’e Galatia 1:11-12).

Katonda bw’ayawula emyoyo olwa era n’okubitira mu kwinhonhola kuno, tisobola ku kidhunha. Ye mwene buliidho ayawula obutangaavu okuva ku ndikiiriza, ekituufu okuva ku kikyamu, n’ebindi. Ndi mwetegefu okusitula ekivume kya Yesu Kurisito, ekyange mwene era n’ekyo eky’Owoluganda Branham. Katonda k’agemerwe ekisa kiisi mulala era ni boonaboona, nti mu Kwira kwa Musengwa mukagwa waife nti tiwaidha kubaagho kuswazibwa okw’amaani olw’okulekebwa einhuma, aye mu butafaanana, tusobole okuba mu kusagamba okutaloodheka okw’abo boonaboona abaliba mu kuzuukira okusooka, era basobole okutwalibwa mu ibanga okuba ni Musengwa ebyanda n’ebyanda. Eyo n’eriba empeera yange. Ti saba bingi.

Katonda ayogera mu Kibono Kye eri kiisi mulala ku bubwe. Olwekyo, buli muntu ali n’okusoma era aleke amakulu ag’okwinhonholwa kuno kwogere n’omusaadha oba omukazi mu buntu, otakola bundi, ng’okusomera omuntu akuliraine era n’okubavuunulira ku ekyo kye bandibaire bakola. Nsonga ya buli muntu, era singa buli muntu aikiriza ekyo Katonda ky’akoba omusaadha oba omukazi, boonaboona baidha kumanha eky’okukola. N’okusba kwange nti Katonda aidha kukozesa ebighandiike bino okuba eky’omuganhulo eri kiisi mulala olwo boonaboona basobole okuganhulwa mu kyo era nti ghalobe kubaagho obutategeera, n’okubuusabuusa. Mu nsambo ng’oti n’eyo agho ni, kiidha kuba kituukiriiza ekiruubirirwa kyakyo. Mu butuufu, Katonda Yatuma omulanzi We okutereeza enjira, okwiza aghalala byonabyona ebyali bisobye era n’okutegeka omugole olw’okwidha kw’Oyo abayiiza. Ekisa kya Katonda kibe n’imwe mwenemwena, n’okusaba kwange.Omuwandiisi n’omulala abaireayogera ku masomo agasinga kuba g’amuganhulo Eby’aghandiikibwa Ebitukuvu ge by’ogeraku. Ebitabo bino bitwalibwa mu nsi yoonayoona mu niimi kamaala edh’endhawulo era nga bibaire omukisa ogutakoma eri abantu bangi.

Ku kitebe eky’obugheereza twena tufulumya ebitabo omuli okulangirira okw’Owoluganda Branham, okusobola okukusindiikibwa y’abo boonaboona ababa ba by’enze. Olukalala olwebitabo bye tuli nabyo lusobola okukugheebwa.

Oidha kwewuunhia okumanha mere y’ankula ki ey’Omwoyo Musengwa omugonzi era Omulokozi Ye yategekera ababe.

Bw’oba k’oyenze, osobola okutughandiikira ku ndagiriro eno:

Mission Center

P.0 Box 100707

47707 Krefeld

Germany