Obufumbo – Ekizibu Eky’eira

Omuzigu ak’aguya bangi n’ebirowoozo ebikaire bye baikirizanga eira n’ebyasikirwa. Kiboneka oti se ti yali musiimu okukikola mu biseera bino ng’eisomo likalu kwolekwebwa mu bwa Katonda, aye ak’akikola waire nga Okwolekebwa kw’aligho. Tikibangaghooku ensonga okumanhisibwa mu bwidhuvu ku ebyo eby’aligho mu Lusuku lwa Edeni agho omuzigu bwe yaingira n’ensigo ye mu lubu olw’abantu, ate abantu boonaboona baaleetebwa okuba ghansi w’obufuzi bwe. Era n’engira ya Katonda yona bwe yaleetebwa mu lubu lw’abantu nga Emanueli – ensigo ey’obwa Katonda – okuleeta olubu lwa Katonda olw’abaana ab’obulenzi n’abobughala abamufaana Mwene. Ekyama ekikologho ky’Olekeibwa – Katonda mu Kurisito, ate Kurisito mu ife, eisuubi ery’ekitiisa. Musengwa waife ayogera bulambalamba ku nsigo dhombi edh’endhawulo. “Enimiro n’ensi, ensigo enungi n’abaana ab’Obwakyabazinga, ate eisubi eibi n’abaana ab’omubi” (Matayo 13:38). Musengwa Katonda olwekyo yali n’okutaagho enzigu ghagati w’ensigo dhombi (Amainhama 3:15) – mu mubiri ate kabiri ni mu mwoyo, Lucifa eyali mu Lusuku lwa Edeni memale okugwa kubeegho (Ezekieli 28:13-15) tayenda kuteebwa mu lwatu. Amala galobera buli muntu okumanha eby’okwekudumba mwene n’okugwa kwe (Isaia 14). Yeena kabiri ayenda okughemba ku ebyo eby’aligho mu Lusuku Edeni, n’amagira ge ag’obuguya okuviira irala ku mainhama. Owoluganda Branham yayenda okulangirira eisomo »Omukwekwebyo gw’ogusota« ate yaakoba ati, “ensiro mu mainhama ate ensolo ku nkomerero”. Ky’anaku nti tiyalangirira bukwenda obwo bwe yali ategeike kuba yatwalibwa okuba ni Musengwa. Aye tusobola okukoba, nga Paulo bwe yakoba nti entegeka ya Sitaani emanhiibwa ye tuli twenatwena (2 Ab’e Korintho 2:11).

Yeenayeena ataikiriza Okwolekebwa okw’olwatu ate n’ensambo Katonda gye yategekamu ebintu eby’abasaadha n’abakazi, aye yaasigala mu nsambo ere enkaire, adhulira nti Katonda akali kumwoleka ekintu ekyo. Ng’emebwaku inho ku abo abagumira ku kuwakania Ekibono, basobola obutakimanha, oba ni n’obutamanha nti kirigho, aye bano bafugibwa n’omwoyo ogundi. Ekibono n’Omwoyo wa Katonda buliidho biisania ate bitambulira ghalala. Omwoyo Omunaiddini, ate nga oyo mwoyo muzigu wa Kurisito ali kukolera mu abo boonaboona abatayinza kweghaayo eri Ekibono kya Katonda n’okukikubira amakiryaivu. Kino kisobola okuba n’ensonga yabakazi abataja mu bigo by’abakatuliki aye baanhooma baibaibwe, n’ebibono bino, “Nti twanigirizibwa okumaala entangama!” n’ebindi. Benda okukoba bati empisa yaibwe ntuufu etaisania na by’aghandiikibwa. Abasaadha bona batalowooza bati bali n’eidembe okukola kyonakyona kye benda, aye bali n’okutegeera ghe bakoma nga Katonda bwe yabagha. Ba nkabi boonaboona Aboluganda abagondera buli Kibono kya Katonda ekibakoberwa era baaba balamu nga bwe kikoba.

Kisobole okutugheebwa twenatwena, aboluganda twegheereyo irala ghansi wa Kurisito, omutwe gwaife. Leka kyona kigheebwa baninhaife boonaboona begheeyo erin baibwe ng’eri Musengwa. Abaana boonaboona batye abazaire baibwe era babawulirenga. Basobole okugha ekitiisa ba lata baibwe ni ba inhaibwe. Abazaire bakuze abaana baibwe mu kutya Musengwa n’ebindi. Leka Ekikunsu ky’Abaikiriza mu Kurisito kyonakyona omuli abaikiriza boonaboona ekulire ghalala mu kwisania efuuke eyo omuli obulamu obusiimia Katonda.

Owoluganda Branham yabonekerwa, omugole ng’ava ku ngira entuufu kabiri yaabona ekkanisa eyali ekulemberwa n’omulogo. Aye kabiri yaabona ng’omugole kabiri ayizibwa mu ngira entuufu. Ku nkomerero yafaanana nga bwe yali mu mainhama. Yena kabiri yaayogera ku mukazi atali mwetegefu kuwulirisa, avaire engaito edh’ebinuulo ebireeyi eyali k’akobera abakazi abandi mutawulirisa musaadha ono, dha ku booleka nti nsobola okutambula mu nsambo eno.” Aye yaseerera yaagwa mu lwinha oluleeyi ng’alira n’obulumi obw’amaani.

Yeenayeena owa Katonda awulira Ebibono bya Katonda, ayogerwaku, yeyongera okutwala okugolorwa okutuusa bw’atuuka mu mbeera ey’okutambulira mu kwenda kwa Katonda. Kituufu kyona n’okwegeresa Musengwa waife kwe yakoba, “Yesu yaabairamu ati: bye ndhegeresa ti byange aye by’oyo eyantuma. Kiisi aganha okukola oyo by’ayenda, amanha oba nga bye ndhegeresa byange ku bwange…” (Yoane 7:16-17). Kiri ku abo bonka abawulirisa era ni basoma Ekibono kya Katonda n’ekiruubirirwa eky’okukola nga bwe kikoba, oyo n’aidha okufuna Okwolekebwa nti Okwegeresa kuva Ye Katonda.

Ekibono kino kyona kidha kutuukiriza ekyo kye ky’atumibwa okukola. Abo boonaboona ab’okuwulira era ab’ogerwaku n’abo abaazaalibwa omukuzi ogwokubiri mu isuubi ery’obulamu n’ensigo ey’Ekibono. Yeenayeena atali nsigo-y’Akibono taghanga kuba Mugole-w’Akibono era olwekyo azira kw’egaita kweme okwa Katonda ku Kibono. Kiri n’okuba mu butonde n’obulala obwo obutugaita. Era ekyo kisobola okuba ghonka, bwe tuba nga twazaalibwa Katonda.