Obufumbo – Ekizibu Eky’eira

Ky’amu lwatu nti entegeka ya Katonda eta kyuka esigala nga yenyongerayo mu Ndagaano Enkaire n’Empyaka. Mu kyasa kya 20, Katonda akoba ekintu kiraala ekyo kye yakiba emyaka kakaaga, enkumi ina oba ibiri. Singa omuntu yeenayeena akiroba aba yeeteire mwene mu kipimo n’ekirala n’abantu ab’endowooza ya leero, abazira kibakulembera, aye nga batambulira mu majira gaibwe beene ag’abatwala mu zikiirira. Twena twenda twebuuze beene, kyandibaire kitya singa Katonda ayogera kino, ate kabiri yayogera eky’endhawulo olundi. Tiyandibaire Katonda. Oyo mu butawaagho yateeragho boonaboona entegeka, n’abantu ate kabiri n’ebintu ebibaagho mu lugendo olw’ekiseera eky’obulokozi okutuusa ku kutuukirira. Yandilamwire atya n’amateeka amalala ago singa tigaaganibwa nti tigakyukakyuka mu Kibono Kye?

Akanogole: “Mperaano buti, tubona ekifaananie kyonakyona nga kyeyoleka ye tuli. Agho ghaali. Kyova Katonda tamuganha kwegeresa, tamuganha kukola kintu kyonakyona mu Kkanisa aye okubaagho ng’asiriike busiriike nga y’eghembye mu maiso.” (olupapula 29). Ekibono ekikambwe inho omuzira kugonza? Naani aghanga okukiwulira? Naani aghanga okukigumira? Naani aghanga okukyeguunhaku naira einhuma? Naani aidha okukisangaaza n’omwoyo omusiimu ate amale yeyongereyo mu maiso? Mu Ndagaaano Empyaka titwagaana bugheereza obw’abatume abakazi, abalanzi abakazi, abakazi abakobera abantu Ekibono, abeegeresa n’abaayi. Mu mulemebe ogw’okuna ogw’Ekikunsu Ky’Abaikiriza mu Kurisito malaika aneneyebwa kuba tiyakomya mukazi oyo Jezebeli ey’efuula okuba omulanzi omukazi ate kabiri yali ali kwegeresa (Okwolekebwa 2:20). Katonda yayogera mu bukambwe obutakobekaku eri malaika w’Ekikunsu ky’Abaikiriza mu Kurisito kuba yaleka omukazi ono okukola nga bw’ayenda. Musengwa ow’omu igulu akola n’ekirala ekyo leero.

Omulanzi Ezekieli yali amazi okwoleka kyaikiriza okutakania abalanzi abo abakazi oluvanhuma lw’okunenia abalanzi abaguya n’ebikolwa baibwe (Ezekieli 13). Musengwa yaamukoba ati, “… kyukira abakazi abo abali mu bantu bo, aboogera ebyo bye bayiiyiiza obuyiiye beene…” Abakozi abo baali bageezi inho era nga baidhi nga bwe bagwaanire okulamu ebintu, aye baabakobera nti bakagwireku, “Mu kagwireku Imwe abakazi abatungira buli muntu eyirizi edh’okuvaala ku mikono n’ebitambaala eby’okwesiba ku mitwe…” N’abo abayinza okukola buli kintu kyatuukana mu nsambo dhoonadhoona. Nga balagula baba batwala emyoyo gy’abantu ate okubitira mu kukulemberwa okw’obuguya bagiita olw’obutwa obubirimu. Mu nsambo oti n’eyo baba tibalagula aye baba bali kuloga ate bulogo bwene. Kyonakyona omulogo ky’alanga kinza okuba ekituufu, aye obulanzi buva eri Katonda ate obulogo buva eri Sitaani (gerangerania Ebikolwa by’abatume 16:16-18, Ebikolwa by’abatume 21:7-14 a. o.). Mu bulanzi obuletebwa ni Mwoyo wa Katonda y’Ekikunsu ky’Abaikiriza mu Kurisito buliidho ghabaagho ensonga isatu enkulu: Ebibazimba, ebibagumya, era n’ebibaizamu amaani (1 Ab’e Korintho 14:3). Kyonakyona ekiva Ye Katonda kira eri Ye ate kigemagana Naye, ate tikigemagana n’oyo akozesa ekirabo, kuba ye kibya bwa bubya. Abalanzi abasaadha n’abalanzi abakazi abaguya, okusingira irala bamanhibwa olwa kino. Boogera oti Katonda Naali kwogera. B’eyoleka ng’abali mu mwoyo einho, abo be bagheereza baikiriza ebyaibwe be boogera n’okwikiriza okw’ekito. Nga babita mu »kirabo« kyaibwe basiba abantu eri bo beene ate baabaletera okubesigama ku bulanzi bwaibwe. Kino, nga bwe bakoba, kwolekebwa kwaibwe beene, okusiba abantu mu by’omwoyo eri bo beene. Mu kiseera n’ekirala emyoyo egyo egiinoleirwa gifiirwa eidembe ly’agyo, kuba batya nti Katonda ayinza okwoleka ekintu kyonakyona ekibagemaku.

Babeesiga ku lw’ebirabo, ate babaikirikizamu aghazira kutegeera nti bo n’abalanzi bano abaguya basikiibwa ghansi aghalala n’eiteeka lya Sitaani erifuga abantu bano. Ebyaghandiikibwa bikoba, “Kale ni timukairayo kufuna kubonekerwa kwa bulimba, waire okwiramu kabiri okulanga eby’obuguya. Nja kuwonia abantu bange mbatoole mu buyinza bwaimwe, olwo mumanhe nga Ninze Musengwa Katonda.” (Ezekieli 13:23). Kibi inho kuba abantu batyo abataisa kanagansi mu Kibono kya Katonda bafuna okubonekerwa okuleetebwa omwoyo omuguya. Abo abakozesa ekyo ky’ebeeta ebirabo bona ti bakiidhi nti obulanzi bwaibwe, obugemagana n’okubonekerwa okuguya, bulogo; kale ni, abaikriza abo abeesimbu, baleetebwa wansi w’obuloge, ate nga tibakiidhi. Ghazira muntu asobola kulowooza nti abantu abali n’ebirabo bityo eby’omwoyo nti b’olekebwa eri abantu ate baakozesebwa omuzigu okukyamya ate n’okuzikiriza Ekikunsu ky’Abaikiriza mu Kurisito. Bino byonabyona birayo eri Eva eyasendebwasendebwa n’omuzigu ate yaafuuka ekikozesebwa kye okuziikiriza entegeka ya Katonda eyasooka eri abaana Be.

Ghaligho n’okulemberwa okw’obuguya okuyinza okwidha ku muntu yeenayeena nga bwe kyali ku Petero eyali n’ekiteeso ekirungi einho; yategeeza kirungi, era yaakoba musengwa nti Atabonerera. Yamutwala ghambali era yaamukoba ati, “Musengwa tokoba otyo, Katonda agwana ayambe ebyo birobe kukutuukaku. Aye Yesu yaakyuka yaakoba Petero ati: Nva mu maiso Sitaani, oli kitimuguunha mu njira yange kuba ebya Katonda tobitegeera, otegeera bya bantu” Petero, waire, tiyayogera ye Musengwa ebigema ku Kwolekebwa waire obulanzi okumwiikirizisia, nga bwe kibaire ku ba jezebeli, Abaasiigibwa omuzigo abaguya n’abalanzi abaguya okutuukira irala mu kiseera kyaife. Ekituufu kiri nti Petero ti yeetegereza inho mu kaseera ako yaaba ghansi w’ekiruubirira ekirungi aye nga kukulemberwa kwa Sitaani.

Twenatwena tuli n’okwegendereza ebiseera byonabyona. Ekiseera kyonakyona bwe ghabaagho ekyogeirwa ekitaisania n’obudhulizi bwonabwona obw’Ebyaghandiikibwa, okukulemberwa okukyamu n’okuli kubaagho tikya nsonga omuzigu ali kwogerera mu ani mu kaseera ako. Ekibono kya Katonda kyonka buliidho n’ekipimo ekituufu kyonka. Kyonakyona ekiva mu Mwoyo wa Katonda buliidho kiisania n’Ebyaghandiikibwa Ebitukuvu. Ekindi kyonakyona kiyinza okuba eky’eiddini, aye mu kiseera n’ekirala nga kikyamya era nga kikulemberwa obuguya. Tighabangaghooku kiseera eky’obwetaavu obw’okutegeera emyoyo nga bwe kiri mu mulembe guno omuguya, aghali obutuufu n’obuguya nga buli ghalala inho nti guli kisoboka n’omulonde yandi guyiibwa.

Ebigema ku bugheereza Katonda yabita ku boluganda olw’okuzimba Ekikunsu ky’Abaikiriza mu Kurisito ekya Katonda (1 Ab’e Korintho 12:28; Ab’e Efeso 4:11 a. o.). Paulo yali n’okukobera abakazi abaali abetegefu okukozesa ebirabo, okusaba n’okulagula ekiidha okubaagho, okukulemberwa ghe kwidha, olwekyo, Kiri n’okusooka kigezesebwe, kuba omuzigu yeeyibiriza yaidha nga kumpi kufuna kukulemberwa okwo. Olwekyo, baali n’okweghembaku emitwe gyaibwe balobe kusitula ghaigulu nindho dhaibwe kuba okwekudumbaza mu by’omwoyo kukulembera okugwa okw’omwikiriza yeenayeena. Okupiita enviiri, mu nh’ekobaano eh’okusaba dhityo ebirabo ghe biri kuba, kyabagheebwa nga eby’okweghemba byaibwe (1Ab’e Korinto 11:5+15), ate kikola nga obugonvu obuboneka nga bwe ky’endebwa mu byaghandiikibwa, kulwa b’Amalaika abali mu Kikunsu ky’Abaikiriza mu Kurisito. Bamalaika bano n’abagheereza ba Katonda (v. 10). Ekibono »malaika« n’omu »kwenda« n’ebirala mu kighandiiko ekyasooka. Bwe tusoma nti abandi basangaaza bamalaika nga tibaidhi (Abaheburayi 13:2), Tiyali Gaburyeli waire Mikaili aye yali Paulo ni Petero, n’omugheereza yeenayeena owundi owa Musengwa nga omugeni. Emikuzi musanvu tusoma mu Kwolekebwa 2 ne 3: “… Eri malaika w’Ekikunsu ky’Abaikiriza mu Kurisito … Ghandiika …” Oyo n’Omukwenda eyateebwagho ni Katonda. Abagheereza abatuufu aba Musengwa baba bakwenda ba Kurisito era bakiise Be. (2 Ab’e Korintho 5).

Owoluganda Branham aisania mu bwidhuvu n’ekyo Paulo kye yaghandiika era airaganhamu ekyo omutume kye yakoba, “Kuba omusaadha tiyatondebwa ng’ava mu mukaz, aye omukazi n’eyava mu musaadha. Era omusaadha tiyatondebwa ku lwa mukazi, aye omukazi n’eyatondebwa ku lw’omusaadha. Ku lwa bamalaika omukazi agwaine okweghembanga ku mutwe kyoleke ng’afugibwa iba.” (1 Ab’e Korintho 11:8-10). Kisuubirwa nti boonaboona baliba n’okutya Katonda okusaanire, okugha akanagansi Ekibono Kye ate n’eri Abakwenda Be n’Obukwenda Bwe. Buli Kibono kya Katonda Kyona, ekyogera ku kamanhiso ak’obuyinza, nga bwe kyatulekerwa, Kitukuvu ate ky’aiteeka ng’Ekibono ekindi kyonakyona ekya Katonda. Omuntu aba mulamu olwa buli Kibono ekiva mu munhwa gwa Katonda. Tuli n’okuba abeetegefu okutambula olugendo lwonalwona mu buwulize ni mu njira yeene eyo baganda baife ni baaninaife ghe baakola mu kwinhama kw’Ekikunsu ky’Abaikiriza mu Kurisito ekya Katonda ekyasooka nga bakulemberwa Mwoyo Mutukuvu. Mwoyo Mutukuvu akulembera ate akola buliidho mu nsambo n’endala.