Obufumbo – Ekizibu Eky’eira

Owoluganda Branham airayo mu Kwinhama, (Amainhama 1. Ekibono »amainhama« kitegeeza »Okwinhama« »oba ensibuko«, ate wano n’aghali okwinhama okw’ebirungi n’ebibi byonabyona. Titukoberwa okugonzania kwa Adamu ni Eva, ni Katonda kw’atwala ntangama ki, aye tukoberwa ku kugwa okwaligho olw’obudheemu obwasooka, Okwonoona okwasooka ku Kibono kya Katonda, Okusendebwasendebwa okwasooka, okukola obwenzi obwasooka n’ebindi. Eva mu kusooka yali mu Adamu mu Butonzi bule obw’omwoyo (kenga 1), ate mu Kenga 2, mu kikolwa eky’okutonda eky’okubiri, mu mubiri, yatoolebwa mu Adamu. Mu kino mwe tubonera entegeka ey’obununuzi okuvira irala mu kwinhama kwene. Omugole wa Kurisito yali mu Mununuzi, Bwe yali mu Mubiri Gwe ogw’omu igulu, ate wonka bwe yaidha mu mubiri ogw’omuntu, era yaafiira ku musalaba, agho omugole yaatoolebwa okuva mu luuyi lwe ng’abita mu bununuzi olw’okuyugha omusaayi.

Mu kulangirira kwe, Owoluganda Branham yeyongera okuba ati, okuva ku kwinhama, ebintu byonabyona, byalinga bibiri bibiri, ekisaadha n’ekikazi. Ekidhuubo gho kyolekebwa nti ebitonde ebyasooka nga tibisobola kulebwa ni bigwa (olupapula 25). Olwokyo, omuzigu yalondamu okwogera eri omukazi ataali mu butonde obwasooka. Musengwa Katonda yagha Adamu ekiragiro kino nga ni Eva akaali mu ye, “Oli wa idembe okulya ekibala kyonakyona ekya kiisi muti oguli mu nimiro. Aye otalyanga ku kibala kya ku muti ogw’okumanha obulungi n’obubi, kuba olunaku lwene lw’olikirya, olifa.” (Amainhama 2:16b-17). Katonda yali ayogeire ni Adamu, omuzigu yaalonda Eva okuba mwine ate yaamutaayiza mu kukubagania ebidhuubo ku »ekyo Katonda kye yali akobye«. Waire n’olwaleero omuzigu akozesa ebibono birala ebyo ebyogerwa abantu kamaala, “Bwene Katonda ayogeire atyo…?”, “Bwenebwene Akikakasa…?” n’ebindi, agho yagootania ebinti byonabyona. Katonda yali ayogeire ku muti ogw’endhawulo gwe yali tagwaniire kulya. Ogwo n’ogwali omutu ogw’okumanha obulungi n’obubi. Omuzigu yayogera ku miti gyoonagyoona. Atyo yasigala n’eisomo aye nga ti mu mazima.

Mu kikolwa eky’obutonzi ekyasooka, byombi ekisaadha n’ekikazi, byali kiraala. “Agho Katonda yaatonda abantu mu mboneka ye yeene, yaatonda omusaadha n’omukazi” (Amainhama 1:26-29). Waire nga Okutonda kwonakwona kwali kuwaire ate nga kwali kulungi inho nga Katonda amaliriiza Omulimo Gwe, ate yawuumula ku lunaku olwomusanvu yaalutukuza )Amainhama 2:1-3), butereevu oluvanhuma lw’ekyo tusoma, “… era nga ghazira muntu alima ku nsi.” (2:5b). ky’aligho ghonka oluvanhuma nga omuntu ng’amaze obumbibwa okuva mu itaka ery’ensi asobobole okulambala edoolo era Eva yaamutoolebwamu. Mu mubiri guno ogw’eitaka ng’asobola okukolz emirimu gyonagyona egy’oku nsi, aye mu mubiri ogwo yaagwa era olwekyo Musengwa yali n’okwidha mu mubiri guno ogw’eitaka okutununula ife atutoole mu kugwa. Omulokozi yafuuka ng’abo be yali wa kulokola mu buli nsambo (Abaheburayi 2:17). Ate baliba oti ni Mwene mu kumaliriza (1 Yoanne 3:2). Kuba okuzaala n’okusendebwasendebwa okwasooka kwaligho nga kubita mu gusota, boonaboona abazaalibwa mu bantu okuva mu kwinhama bali wansi ow’okugwa n’okufugibwa kw’oyo omubi. Kaini yali mwana wa Sitaani (1 Yoanne 3:12). Mu kusaba kwa Musengwa tukoba, “… tulokole mu bubi …” Musengwa ow’omu igulu yali ali n’okwidha mu mubiri ogw’omuntu, ng’abita mu kuzaalibwa n’Omwoyo, memale mu butuufu asobole okututoola mu maani ag’omubi.

Ekiseera kyene ekyo Eva bwe yaikiriza okukubagania ebidhuubo n’ogusota, agho yaikiriza obukumu bwa Sitaani. Oluvanhuma lwa kino yaaletera Adamu okumu wulira, era yamwingiza mu kibi, ekitakania Amateeka ga Katonda, ekyamuletera okugwa. Buli mukazi aleetera omusaadha okwonoona nga Eva bwe yakola aba afuugibwa omubi nga Eva bwe yali. Kituufu okukubagania ebidhuubo kuno buliidho mu baamu okutakana ku »ku Katonda kye yakoba«. Mu nsambo oti n’eyo omuzigu akyusa Ekibono kya Katonda yaakigootaania mu bidhuubo byaibwe ni mu minhwa dhaibwe nga tibakitegeera. Sitaani buliidho akozesa Ekibono kya Katonda ng’alubirira okuguya. Yena yaidha eri Musengwa waife n’ebibono, “Kyaghandiikibwa” kiri mu nsambo eno yonka mw’asobola okuguya n’okuleetera okwonoona. Buli buguya gaba mazima agakyamiziibwa. Tuteekwa okukozesa era tunonereze ekyokuboneraku kya Musengwa waife, Eyayagaanana n’omuzigu n’ebibono, “kyona kyaghandiikibwa!” Sitaani atwala Ekyaghandiikibwa kiraala okuleba abaikiriza, tuteekwa okutwala Ekibono kya Katonda kyonakyona okutakana omulebi.