To Owé OSỌHIA 13:16 tọn mẹ, mí hia dọ, “E sọ basi yé omẹ pó, pẹvi po daho po, adọkunnọ po wamọnọ po, mẹmẹdekannu po mẹmẹglọ po, nado yí ohia de do adusi lọ yetọn mẹ, kavi do nukọn yetọn.” Whladopo dogọ́, mí dóna dọhó do apajlẹ ogbè he yè zán to Owé Wiwé lẹ mẹ tọn go. Do ayi e go, ohia yín núde kavi apajlẹ he dali yè nọ tindo wuntùntùn núde tọn. Na pọ́ndego de, Paul wlánwé dọ, “Sọn dinvie, mẹdepope sọ dotukla mi bà blo: na yẹn to ohia Jesu Oklunọ tọn hẹn pé to agbasa ṣie mẹ” (GALATIA 6:17). Na ewọ to yaji na Klisti tọn wutu podọ na Wẹndagbe nugbo lọ tọn wutu. Ṣigba to nugbo de mẹ, é matindo ohia agbasa gbigbò tọn lẹ bọ apà Jesu he yè whèdosatingo tọn lẹ nado tin to alọ etọn lẹ mẹ kavi to afọ etọn lẹ go gba. Na enẹ lọ na ko yín vlẹkò Satani tọn sinsinyẹn he gbẹtọ de sọgan lẹn nado vlẹ́ fligọ̀zọ́n Jiwheyẹwhe tọn to Klisti Oklunọ mítọn mẹ lọ kò. Ṣigba yè dohiagona Paul gbọn ohia he kọ̀ndopọ́ to devizọ́n etọn go lẹ dali kẹdẹdi devizọ́nwàtọ Klisti tọn, bọ ewọ sọ hẹn ovlẹkò Etọn lọ.

Do ayi e go lò, ohia he tin to nukọn lọ to hódọ to gbèmimá mẹde titi tọn go, podọ ohia he tin to alọ go lọ to hódọ dogbọn núyiwà gbẹtọ lọ tọn dali. Podọ do ota go to didohia dọ mẹhe to yìyì po núhe to jijọ̀ po, podọ to ninọ̀mẹ he lọ mẹ, ewọ lọ to yìyì po núyiwà agọ̀jẹdo-Klistigotọ lọ tọn po. Enẹwutu yé omẹ awelẹ, yèdọ gbèmimá lọ po núyiwà lọ po yín didohia gbọn ota lọ po alọ lọ po dali.

To awhànpa yé he yise to Biblu mẹ lẹ tọn mẹ, omẹ susu nọ yín vivẹnunọ nado nọ dọhó do ohia kanlin lọ tọn go, bọ yé ma sọ yọ́nẹn dọ Yisenọ gbẹpipli tọn dopodopo he ko tin to gbẹpiplinọ lẹ mẹ ko tindo ohia nẹ lọ dote. Na Jihweyẹwhe ma ko zé núplọ́nmẹ de dai dọ agùn daho he glọ́ yè ni yí aṣẹpipa sọn de ni tin to ofi depope gba. Do ayi e go, Ewọ tindo agùn pipli gbẹ̀te de, ehe mẹ Ewlọsu to nukọnyì to devizọ́n Etọn mẹ te. Enẹwutu, yé he yise to Biblu mẹ lẹ po agùn lẹ po tindo mẹdèkannujẹ. Na yé tin kẹdẹdi alà dopodopo yisenọ lẹ tọn, he matin to mẹmẹglọ mẹ, kavi bo yín agùn daho de to otẹn de mẹ gba. Na to bibẹ́nu, dawe he yè yí Gbigbọ do gọ́ nẹlẹ, tindo aṣẹpipa he Jiwheyẹwhe Lọsu ná yé sọn olọn mẹ, na oylọ wiwé lọ tọn wutu. Kẹdẹdi azọ́n yetọn, yé to sinsẹ̀n to agùn mẹ kẹdẹdilé Jiwheyẹwhe ko dè azọ́nwhé alọpãlọpa lẹ do to togùn lọ mẹ (1 KỌLINTINU 12:28; EFESUNU 4:11).

To bibẹ́nu, agùn daho he glọ́ yè nọ yí aṣẹpipa sọn de matin gba, podọ e ma sọ yín omẹ dopo wẹ na paṣẹna agùn lẹpo gba, kavi tindo aṣẹpipa godogodo tọn na núplọ́nmẹ lẹ gba. Wéhọ̀mẹ Biblu tọn depope matin gba, kavi nado yì plọ́nnú nado yín yẹwhenọ depope matin gba, po onú devodevo lẹ po. Nado dọ nugbo lọ, onú nẹlẹ he mí to mimọ dinvie lẹ depope matin to whenẹnu gba, podọ onú nẹlẹ he tin to whenẹnu lẹ ma sọ tin to dinvie gba. Na yè ko zé onú devo lẹ do otẹn hóhó tọn lẹ mẹ bo sọ diọ yé sọn ninọ̀mẹ nugbo tọn lọ mẹ.

Egbé, e sọgan yín to agùn lẹ mẹ, kavi to agùn mẹdèkannujẹ tọn lẹ mẹ, fidepope he mí mọ gbigbọ agùn bibsi tọn dopolọ, podọ mí sọ mọ vògbingbọn he tin to núhe yè ko plọ́n bo sọ yizán to agùn tintan lọ tọn mẹ, podọ to egbé tọn lọsu mẹ ga. Do ayi e go, mí tindo oflin po ninọ̀mẹ he ko hù Jijọ-di-Jiwheyẹwhe tọn súdo, ṣigba e ma yín gbẹ̀zán gbigbọ dopolọ tọn gba. To egbé, yèdọ awhànpa pẹvi pete Yisenọ lẹ tọn ko zé núhe yé yise lọ dai po onú devodevo lẹ po. Na ewọ mẹhe tin to piplimẹ dopolọ po yé po kẹdẹ wẹ sọgan dọyẹwhehó to finẹ. Enẹwutu, Plọtẹstannọ lẹ ko mọdona to nugbo de mẹ dọ whlẹngan ma sọgan wá gbọn Agùn Katoliki Lomunu lẹ tọn dali gba. Ṣigba to ojlẹ dopolọ mẹ, eyín mẹde sọgan pọ́n hlan núyiwà lọ mẹ yì sisósisó, é na mọ dọ onú dopolọ wẹ agùn gbẹpiplinọ dopodopo to wiwà. E sọgan yín didọ kavi lala, yínyín daho kavi pẹvi, yé omẹ pó yise dọ eyín mẹde ma yí núplọ́nmẹ yetọn, kavi núdohiamẹ yetọn, kavi núdepope he yé nọ plọ́nmẹ po zinzán yetọn po, bé omẹ nẹ lọ ma na yín whinwhlẹngan gba.

To alọ mọhunkọ tọn mẹ, wẹ piplimẹ dopodopo nọ do ede hia po ohia dopolọ he yín agùn gbẹpipli tintan tọn lọ tọn po, eyín e tlẹ yín dọ yè gbọnvo na yénọzo lẹ. Ehe lọ lọsu to ede mẹ, ohia kanlin lọ tọn wẹ, na gbigbọ agọ̀jẹdo-Klistigotọ dopolọ tọn wẹ, ehe ko plán agùn gbẹpipli tintan lọ, podọ ewọ nasọ plán omẹ lẹpo yèdọ kaka jẹ omẹ godo tọn lọsu ji. Do ayi e go, yè ma to gbẹtọ lẹ hẹn wá Klisti de nado yí núplọ́nmẹ Etọn gba, ṣigba yéwlẹ yín bibla do gbẹtọ de go kavi do núhe yè ylọ dọ núdohiamẹ de go, kavi do tùnmẹ de go. Enẹwutu, e dóna yín domọna dọ yé he yín agùnvi agùn lẹpo tọn po agùn mẹdèkannujẹ lẹpo tọn po, yèdọ yé he ko yì biọ agùn gbẹpipli he lọ mẹ lẹ ko kẹalọyí ohia kanlin lọ tọn dote. Ehe lọ wẹ omẹ lẹpo dóna mọdona.