arrow_back Literatúra

Book

OSỌHIALỌ – Bé owé he gọna hiadonu 7 lẹ we?

Ewald Frank

library_books Kapitoly: 24 calendar_month 4. 6. 1993

Formats

pdf PDF epub EPUB

Typ písma

Výška riadku

1.5

Medzera odseku

1.0

Veľkosť písma

16

Navigate

Kapitoly

expand_more

Navigate

Kapitoly

Jump to any chapter without leaving the reader.

NUKỌNYÌYÌ 1 OTA 1 – Ohó nukọn tọn - “Azán Oklunọ tọn” lọ – Dòdó po tùnmẹ ohó dọdai tọn lọ tọn po 2 OTA 2 – Owẹn ṣinawe he yín Oklunọ he fọ́ntite sọn oṣiọ lẹ mẹ lọ tọn – Owẹn tintan lọ: Hẹn owanyin tintan lọ go 3 OTA 3 – Owẹn atọ́ntọ lọ: Whèta Núvọ́jladó tọn – Huhlọndido madógannọ to yise mẹ lẹ 4 OTA 4 – Nukun zé hlan olọn mẹ 5 OTA 5 – Owé núdabla tọn lọ po hiadonu ṣinawe lẹ po 6 OTA 6 – Hùnhùn ohiadonu lẹ lọ tọn – Huhlọn agọ̀jẹdo-Klistigotọ lọ tọn he yè hùndohia – Núpinpọ́n omẹ lẹpo tọn 7 OTA 7 – MẸHE YÈ DOHIAGONA SỌN JU LẸ MẸ 8 OTA 8 – Hiadonu ṣinawetọ lọ – Odádó to Olọn mẹ – Ofìn lẹblanu tọn lọ na lẹzun ofìn whẹdida tọn – Odohia opẹ̀ngbe ṣinawe whẹdida tọn lẹ tọn lọ – Opẹ̀ngbe ẹnẹ tintan lẹ 9 OTA 9 – Awúfiẹsa he yè ma sọgan zéjlẹ – Opẹ̀ngbe atọ́ntọ lọ – dindọ̀n tintan lọ 10 OTA 10 – Númimọ ṣẹnṣẹn mẹ tọn tintan lọ: Hùnhùn owè lọ tọn – Oklunọ lọ kẹdẹdi Angẹli alẹ̀nùnù tọn lọ 11 OTA 11 – Númimọ ṣẹnṣẹn mẹ tọn awetọ lọ: Jijlẹ tẹmpli lọ tọn po devizọ́n kunndètọ awelẹ tọn po 12 OTA 12 – Yọnnu he yè yí owhè do dóaṣọ́na lọ – Klisti po Omẹ Etọn lẹ po – Satani – Dlagọni vệ lọ po hodotọ etọn lẹ po 13 OTA 13 – Gigọ̀yì godo nado pọ́n númimọ Daniẹli tọn – He tindo kọ̀ndopọ́ po Osọhia lọ po 14 OTA 14 – Lẹngbọvu lọ po omẹ fọtọ́n kantọ̀n-konukun-ẹnẹ (144,000) he yè dohiagona lẹ po 15 OTA 15 – Ogò ṣinawe Whẹ̀dida Jiwheyẹwhe tọn lọ tọn lẹ po awhànpa susugege ohù Klistali tọn po tọn 16 OTA 16 – Ogò ṣinawe homẹgble Jiwheyẹwhe tọn lọ tọn: Whẹ̀dida homẹgble Jiwheyẹwhe tọn godogodo tọn lẹ lọ 17 OTA 17 – Yọnnu he hẹ́ Kanlin lọ ji 18 OTA 18 – Vàsúdo Babilọni daho lọ tọn 19 OTA 19 – Ayajijẹ to Olọn mẹ do vàsúdo Babilọni tọn ji – Alọwle Lẹngbọvu lọ tọn 20 OTA 20 – Biblá Satani tọn – Fọ́nsọnkú pipé tintan yisenọ he yè ko hù lẹ tọn – Ahọludù Owhè Fọtọ́n tọn 21 OTA 21 – Lilá olọn yọ́yọ́ po aigba yọ́yọ́ po tọn – Gigo Jelusalẹm Yọ́yọ́ lọ tọn – Nọ̀tẹn omẹ dindọ̀n lẹ tọn he dobu 22 OTA 22 – Asisa ogbẹ̀ tọn lọ po atin ogbẹ̀ tọn lọ po – Ehe na taidi ninọ̀mẹ paladisi tọn to Ahọludù Owhè fọtọ́n tọn mẹ 23 EHE YÈ GỌ́NA LỌ – Osẹ̀ kande-gbàn (70) Daniẹli tọn lẹ po nújijọ̀ he to jijọ̀ alọnu-alọnu po Islaẹli po to hinhọ́n dọdai Biblu tọn tọn mẹ 24

Kapitola 1

NUKỌNYÌYÌ

1 / 24

Ďaľšia kapitola arrow_forward

To dohia he mẹ, mí na dọhó titegbe do whenu Agùn Alẹ̀nù Yọ́yọ́ mẹ tọn ji, bo nasọ zé owéfọ Owé Wiwé tọn he táhinhọ́n do ojlẹ whenu lẹ tọn ji hẹn dagbedagbe. Ohógo he ji mí na tahinhọ́n do titegbe lọ wẹ na yín owé dọdai Biblu tọn lọ tọn, enẹ wẹ Osọhia lọ, yèdọ Núdohiamẹ lọ. Owéfọ dọdai tọn lọ tindo ohia he sinyẹnawu titegbe nado mọdona lẹ. Do yi e go, susu yé he nọ yì Seminẹ bo nọ plọ́n Biblu lẹ po mẹplọ́ntọ lẹ po nọ zé owé he lọ do apá dopo, podọ omẹ he pò lẹ nọ zán linlẹn yetọn titi lẹ do e ji. To nugbo de mẹ, podọ kakajẹ egbé, mí ma ko mọ gbèsisọ nugbo de to enẹlẹ pó mẹ gba, podọ “kakajẹ egbé” núyọ́nẹn he na hẹn mí biọ teninọ yọ́yọ́ de mẹ kẹdẹdi nukọnyìyì dọdai he to mizọn- mizọn ji tọn.

Ehe lọ ma sọgan yín bibasi, na gbọn ṣiṣẹ̀ núyiwà he yè ko dọ jẹnukọn gbọn Gbigbọ Wiwé dali lẹ kẹdẹ wẹ nukọnyìyì helẹ sọgan mọ, bo tùnwun, bo yọ́nẹn bo sọ yín didóai dagbedagbe. Dinvie, whẹndo yisenọ lẹ tọn tintan po godogodo tọn po yín núhe yè hiajẹ titegbe kẹdẹdi dọdai Biblu tọn. Enẹwutu, mí ná gigo po yẹyi po hlan Jiwheyẹwhe Mẹhe mọdona onú lẹpo bo sọgan dọ núyiwà lẹpo jẹnukọn bo sọ sọgan wlán yé dai jẹnukọn! Na e nido bọawuna omẹ lẹpo nado jẹgodona, mí na dọhó do owéta lẹ go dagbedagbe, yèdọ hinhẹn sọn bibẹ́nu jẹ vivọnu. Podọ nado hẹn odohia he lọ wá gigọ́ mẹ dilé e jẹ dó, yè dlẹnalọdo otẹn devodevo lẹ to Owé Wiwé lọ blébu mẹ.

Gãnṣo yè na dọhó do ohóta lẹ lọ ji to kleun mẹ, na ehe lọ ko pé na Bibluhiatọ he jlo nado tindo ale to kàndeji ohónámẹ Jiwheyẹwhe tọn tọn mẹ. Enẹwutu, na Jiwheyẹwhe ni ná wuntùntùn Owé Wiwé lẹ tọn gbọn núdohiamẹ wiwé dali podọ gbọn Gbigbọ dali hlan yé he to owé Osọhia tọn he lọ din lẹpo. Donanọ wẹ yé he to hihia bo sọ mọdona Ohó gbọdemẹ tọn lọ gbọn Gbigbọ dali lẹpo. Na Gbigbọ Jiwheyẹwhe tọn nọ dindona onú lẹpo (1 KỌLINTINU 2:10-16).

Available translations