arrow_back Literatúra

Book

OSỌHIALỌ – Bé owé he gọna hiadonu 7 lẹ we?

Ewald Frank

library_books Kapitoly: 24 calendar_month 4. 6. 1993

Formats

pdf PDF epub EPUB

Typ písma

Výška riadku

1.5

Medzera odseku

1.0

Veľkosť písma

16

Navigate

Kapitoly

expand_more

Navigate

Kapitoly

Jump to any chapter without leaving the reader.

NUKỌNYÌYÌ 1 OTA 1 – Ohó nukọn tọn - “Azán Oklunọ tọn” lọ – Dòdó po tùnmẹ ohó dọdai tọn lọ tọn po 2 OTA 2 – Owẹn ṣinawe he yín Oklunọ he fọ́ntite sọn oṣiọ lẹ mẹ lọ tọn – Owẹn tintan lọ: Hẹn owanyin tintan lọ go 3 OTA 3 – Owẹn atọ́ntọ lọ: Whèta Núvọ́jladó tọn – Huhlọndido madógannọ to yise mẹ lẹ 4 OTA 4 – Nukun zé hlan olọn mẹ 5 OTA 5 – Owé núdabla tọn lọ po hiadonu ṣinawe lẹ po 6 OTA 6 – Hùnhùn ohiadonu lẹ lọ tọn – Huhlọn agọ̀jẹdo-Klistigotọ lọ tọn he yè hùndohia – Núpinpọ́n omẹ lẹpo tọn 7 OTA 7 – MẸHE YÈ DOHIAGONA SỌN JU LẸ MẸ 8 OTA 8 – Hiadonu ṣinawetọ lọ – Odádó to Olọn mẹ – Ofìn lẹblanu tọn lọ na lẹzun ofìn whẹdida tọn – Odohia opẹ̀ngbe ṣinawe whẹdida tọn lẹ tọn lọ – Opẹ̀ngbe ẹnẹ tintan lẹ 9 OTA 9 – Awúfiẹsa he yè ma sọgan zéjlẹ – Opẹ̀ngbe atọ́ntọ lọ – dindọ̀n tintan lọ 10 OTA 10 – Númimọ ṣẹnṣẹn mẹ tọn tintan lọ: Hùnhùn owè lọ tọn – Oklunọ lọ kẹdẹdi Angẹli alẹ̀nùnù tọn lọ 11 OTA 11 – Númimọ ṣẹnṣẹn mẹ tọn awetọ lọ: Jijlẹ tẹmpli lọ tọn po devizọ́n kunndètọ awelẹ tọn po 12 OTA 12 – Yọnnu he yè yí owhè do dóaṣọ́na lọ – Klisti po Omẹ Etọn lẹ po – Satani – Dlagọni vệ lọ po hodotọ etọn lẹ po 13 OTA 13 – Gigọ̀yì godo nado pọ́n númimọ Daniẹli tọn – He tindo kọ̀ndopọ́ po Osọhia lọ po 14 OTA 14 – Lẹngbọvu lọ po omẹ fọtọ́n kantọ̀n-konukun-ẹnẹ (144,000) he yè dohiagona lẹ po 15 OTA 15 – Ogò ṣinawe Whẹ̀dida Jiwheyẹwhe tọn lọ tọn lẹ po awhànpa susugege ohù Klistali tọn po tọn 16 OTA 16 – Ogò ṣinawe homẹgble Jiwheyẹwhe tọn lọ tọn: Whẹ̀dida homẹgble Jiwheyẹwhe tọn godogodo tọn lẹ lọ 17 OTA 17 – Yọnnu he hẹ́ Kanlin lọ ji 18 OTA 18 – Vàsúdo Babilọni daho lọ tọn 19 OTA 19 – Ayajijẹ to Olọn mẹ do vàsúdo Babilọni tọn ji – Alọwle Lẹngbọvu lọ tọn 20 OTA 20 – Biblá Satani tọn – Fọ́nsọnkú pipé tintan yisenọ he yè ko hù lẹ tọn – Ahọludù Owhè Fọtọ́n tọn 21 OTA 21 – Lilá olọn yọ́yọ́ po aigba yọ́yọ́ po tọn – Gigo Jelusalẹm Yọ́yọ́ lọ tọn – Nọ̀tẹn omẹ dindọ̀n lẹ tọn he dobu 22 OTA 22 – Asisa ogbẹ̀ tọn lọ po atin ogbẹ̀ tọn lọ po – Ehe na taidi ninọ̀mẹ paladisi tọn to Ahọludù Owhè fọtọ́n tọn mẹ 23 EHE YÈ GỌ́NA LỌ – Osẹ̀ kande-gbàn (70) Daniẹli tọn lẹ po nújijọ̀ he to jijọ̀ alọnu-alọnu po Islaẹli po to hinhọ́n dọdai Biblu tọn tọn mẹ 24

Kapitola 5

OTA 4 – Nukun zé hlan olọn mẹ

5 / 24

arrow_back Predchádzajúca kapitola Ďaľšia kapitola arrow_forward

To ota 4 mẹ, Johanu mọ ohọ̀n hùnhùn de to olọn mẹ bo sọ sè ogbè huhlọnnọ de taidi ogbè opẹ̀n de tọn, he to hódọ hẹ ẹ, dọmọ, “Hẹ́ aga wá ofi, yẹn nasọ yí onú he ma na nọma wá jọ to osọ̀godo hia we” (OSỌHIA 4:1).

Do ayi e go, núdepope he kàn agùn to whèta alọpãlọpa lẹ mẹ, ewọ ko mọ yé dote. Sọn dinvie yì, ewọ mọ núhe na wá jọ to nukọnyìyì ojlẹ lẹ tọn mẹ kakajẹ Ahọludù Owhè Fọtọ́n tọn whenu, po owhẹdida godogodo tọn lọ po, podọ olọn yọ́yọ́ lọ po aigba yọ́yọ́ lọ po.

Númọtọ lọ dèkunnu dọ, “To afọdoponẹji, yẹn tin to Gbigbọ mẹ: do ayi e go, yè zé ofìn de dai to olọn mẹ, mẹde sọ sinai to ofìn lọ ji.” (OSỌHIA 4:2) To finẹ, yè ko zé é biọ Gbigbọ mẹ jẹ olọn bo sọ mọ onú lẹpo sọn olọn mẹ gbaungba. Do ayi e go, Johanu mọ Omẹ he sinai to ofìn ji lọ; aidowhẹ̀do wẹ lẹ́do É pé kẹdẹdilé yè dohia dó to afọ atọ̀ntọ po ẹnẹtọ po mẹ, dọmọ, “Ewọ he sinai sọ basi mẹhe yè na to pinpọ́n di ozannu jaspali tọn po sadi po tọn: aidowhẹ̀do sọ yìnkàn lẹ́do ofìn lọ pé, pinpọ́n etọn sọ di ozannu emẹlaldi tọn. Ofìn konukun-ẹnẹ lẹ́do ofìn lọ pé: podọ to ofìn lẹ lọ ji, yẹn mọ mẹho konukun-ẹnẹ to aisinsin, he yè do avọ̀ wéwé na; yé sọ tindo ojẹgbakun sika tọn lẹ to ota yetọn. Sọn ofìn lọ kọ̀n wẹ abì, osò, po ogbè po tọ́nsọn: zògbán miyọn tọn ṣinawe sọ to jiji to ofìn lọ nukọn, ehe yín Gbigbọ Jiwheyẹwhe tọn ṣinawe lẹ” (OSỌHIA 4:3-5).

Dinvie, Dopo gẽ wẹ Jiwheyẹwhe, Ewọ sọ tindo Gbigbọ Wiwé dopo gẽ, ṣigba Gbigbọ dopo he lọ wàzọ́n to whenu ṣinawe lẹ mẹ. Ehe dopolọ wẹ yè tùnmẹ gbọn apajlẹ Lẹngbọvu he tindo azò ṣinawe po nukun ṣinawe po tọn dali. Do ayi e go, yẹwhegán Isaia ko mọ Ovi gbẹtọ tọn to hinhọ́n gbigbọ ṣinawe lọ tọn mẹ, dọmọ: “Gbigbọ Oklunọ tọn na jẹ do é ji, gbigbọ wuntùntùn po zìnzìn po tọn, gbigbọ lẹnpọ́n po huhlọn po tọn, gbigbọ núyọ́nẹn po osí Oklunọ po tọn. Bo na yí i do basi zìnzìn to osí Oklunọ tọn mẹ: é ma to na dawhẹ̀ di lé nukunmẹ etọn te, mọ é ma dawhẹ̀ dilé sisè otó etọn” (ISAIA 11:2-3).

Do ayi e go, mí na dọhó do azọ́n ṣinawe Gbigbọ lọ tọn ji to whenu ṣinawe Agùn Alẹ̀nù Yọ́yọ́ mẹ tọn lọ ji. To Osọhia lọ mẹ, whlasusu wẹ mí pé osọha “ṣinawe”. Nugbo, sọha he lọ tindo kọ̀ndopọ́ vivẹ de po dọdai Biblu tọn lẹ po. Enẹ wẹ: agùn ṣinawe, angẹli ṣinawe he yín wẹnzagun ṣinawe lẹ, pagbè ṣinawe hlan awhàngbatọ lẹ, ohiadonu ṣinawe lẹ, opẹ̀ngbè ṣinawe lẹ, osòyẹnwá ṣinawe lẹ, ogò homẹgble tọn ṣinawe lẹ, po onú he pò lẹpo po. Dinvie, osọha “ṣinawe” to didohia pipé de. Do ayi e go, Jiwheyẹwhe gbọjẹ sọn azọ́n núdidá Etọn tọn lẹ mẹ to azán ṣinawetọ gbè. Podọ owhè fọtọ́n ṣinawetọ na yín Ahọludù Jiwheyẹwhe tọn tọn to aigba ji (ISAIA 11; ISAIA 65; OSỌHIA 20, po devodevo lẹpo po). Mì sọ do ayi e go, azán devo de ma na tin ehe na jẹgodona ṣinawetọ lọ gba, adavo azán tintan devo. Enẹwutu, to owhè fọtọ́n ṣinawetọ lọ godo, devo de ma sọgan jẹgona gba, adavo nado gọ̀wá tintan lọ ji, enẹ wẹ bibẹnu whenu lẹ tọn tọn, ehe to didohia dọ, ojlẹ na ṣẹ̀ bo nasọ biọ madopòdo mẹ.

Johanu sọ to nukọnyì to núdohia etọn mẹ, dọmọ: “To ofìn lọ nukọn, ohù mẹpọ́nnú tọn de tin, e taidi klistali: to ofìn lọ ṣẹnṣẹn, podọ lẹ́do ofìn lọ pé, wẹ mẹdidá ẹnẹ he gọ́na nukun to godo nukọn te. Mẹdidá tintan di kinnikinni, mẹdidá awetọ sọ di oyìnvu, mẹdidá atọ̀ntọ tindo nukun di gbẹtọ tọn, mẹdidá ẹnẹ di akùn he to zinzlọn” (OSỌHIA 4:6-7).

Do ayi e go, yẹwhegán Ezekiẹli lọsu ko mọ Oklunọ to ofìn lọ ji; podọ aidowhẹ̀do sọ lẹ́do É pé. To Owé EZEKIẸLI 1 tọn mẹ, é dètana dagbedagbe bo sọ dọhó dogbọn apajlẹ núdidá gbẹte ẹnẹlẹ tọn dali.

“Mẹdidá ẹnẹlẹ dopodopo tindo awà ṣidopo ṣidopo lẹ́do e pé; yé sọ gọ́na nukun to homẹ: yé ma sọ gbọjẹ to okle po ozán po do didọmọ, Wiwé, Wiwé, Wiwé, Oklunọ Jiwheyẹwhe Ganhunupo; he ko tin, bo sọ tin, bo sọ ja” (OSỌHIA 4:8).

Podọ mẹho konukun-ẹnẹ he tindo jẹgbakun yetọn lẹ to ota yetọn ṣinyọn akọ́nnuai to nukọn Oklunọ lọ tọn, bo litai bo sọ yí ojẹgbakun yetọn bọdai to afọ Etọn go, bo sọ to awhádo ogbè lélé hlan Ewọ Mẹhe jẹ lọ kẹdẹ, dọmọ, “Oklunọ mítọn podọ Jiwheyẹwhe mítọn, hiẹ wẹ jẹ nado yí gigo, yẹyi, po huhlọn po: na hiẹ wẹ dá onú popo, podọ to ojlo towe mẹ wẹ yé do tin, bọ yè sọ do dá yé” (OSỌHIA 4:11).

Available translations