arrow_back Literatúra

Book

OSỌHIALỌ – Bé owé he gọna hiadonu 7 lẹ we?

Ewald Frank

library_books Kapitoly: 24 calendar_month 4. 6. 1993

Formats

pdf PDF epub EPUB

Typ písma

Výška riadku

1.5

Medzera odseku

1.0

Veľkosť písma

16

Navigate

Kapitoly

expand_more

Navigate

Kapitoly

Jump to any chapter without leaving the reader.

NUKỌNYÌYÌ 1 OTA 1 – Ohó nukọn tọn - “Azán Oklunọ tọn” lọ – Dòdó po tùnmẹ ohó dọdai tọn lọ tọn po 2 OTA 2 – Owẹn ṣinawe he yín Oklunọ he fọ́ntite sọn oṣiọ lẹ mẹ lọ tọn – Owẹn tintan lọ: Hẹn owanyin tintan lọ go 3 OTA 3 – Owẹn atọ́ntọ lọ: Whèta Núvọ́jladó tọn – Huhlọndido madógannọ to yise mẹ lẹ 4 OTA 4 – Nukun zé hlan olọn mẹ 5 OTA 5 – Owé núdabla tọn lọ po hiadonu ṣinawe lẹ po 6 OTA 6 – Hùnhùn ohiadonu lẹ lọ tọn – Huhlọn agọ̀jẹdo-Klistigotọ lọ tọn he yè hùndohia – Núpinpọ́n omẹ lẹpo tọn 7 OTA 7 – MẸHE YÈ DOHIAGONA SỌN JU LẸ MẸ 8 OTA 8 – Hiadonu ṣinawetọ lọ – Odádó to Olọn mẹ – Ofìn lẹblanu tọn lọ na lẹzun ofìn whẹdida tọn – Odohia opẹ̀ngbe ṣinawe whẹdida tọn lẹ tọn lọ – Opẹ̀ngbe ẹnẹ tintan lẹ 9 OTA 9 – Awúfiẹsa he yè ma sọgan zéjlẹ – Opẹ̀ngbe atọ́ntọ lọ – dindọ̀n tintan lọ 10 OTA 10 – Númimọ ṣẹnṣẹn mẹ tọn tintan lọ: Hùnhùn owè lọ tọn – Oklunọ lọ kẹdẹdi Angẹli alẹ̀nùnù tọn lọ 11 OTA 11 – Númimọ ṣẹnṣẹn mẹ tọn awetọ lọ: Jijlẹ tẹmpli lọ tọn po devizọ́n kunndètọ awelẹ tọn po 12 OTA 12 – Yọnnu he yè yí owhè do dóaṣọ́na lọ – Klisti po Omẹ Etọn lẹ po – Satani – Dlagọni vệ lọ po hodotọ etọn lẹ po 13 OTA 13 – Gigọ̀yì godo nado pọ́n númimọ Daniẹli tọn – He tindo kọ̀ndopọ́ po Osọhia lọ po 14 OTA 14 – Lẹngbọvu lọ po omẹ fọtọ́n kantọ̀n-konukun-ẹnẹ (144,000) he yè dohiagona lẹ po 15 OTA 15 – Ogò ṣinawe Whẹ̀dida Jiwheyẹwhe tọn lọ tọn lẹ po awhànpa susugege ohù Klistali tọn po tọn 16 OTA 16 – Ogò ṣinawe homẹgble Jiwheyẹwhe tọn lọ tọn: Whẹ̀dida homẹgble Jiwheyẹwhe tọn godogodo tọn lẹ lọ 17 OTA 17 – Yọnnu he hẹ́ Kanlin lọ ji 18 OTA 18 – Vàsúdo Babilọni daho lọ tọn 19 OTA 19 – Ayajijẹ to Olọn mẹ do vàsúdo Babilọni tọn ji – Alọwle Lẹngbọvu lọ tọn 20 OTA 20 – Biblá Satani tọn – Fọ́nsọnkú pipé tintan yisenọ he yè ko hù lẹ tọn – Ahọludù Owhè Fọtọ́n tọn 21 OTA 21 – Lilá olọn yọ́yọ́ po aigba yọ́yọ́ po tọn – Gigo Jelusalẹm Yọ́yọ́ lọ tọn – Nọ̀tẹn omẹ dindọ̀n lẹ tọn he dobu 22 OTA 22 – Asisa ogbẹ̀ tọn lọ po atin ogbẹ̀ tọn lọ po – Ehe na taidi ninọ̀mẹ paladisi tọn to Ahọludù Owhè fọtọ́n tọn mẹ 23 EHE YÈ GỌ́NA LỌ – Osẹ̀ kande-gbàn (70) Daniẹli tọn lẹ po nújijọ̀ he to jijọ̀ alọnu-alọnu po Islaẹli po to hinhọ́n dọdai Biblu tọn tọn mẹ 24

Kapitola 19

OTA 18 – Vàsúdo Babilọni daho lọ tọn

19 / 24

arrow_back Predchádzajúca kapitola Ďaľšia kapitola arrow_forward

To ota 18 mẹ, aijijẹ Babilọni tọn po vàsúdo etọn po yín didohia hézéhézé whladopo dogọ́. Ota he lọ dóna yín hihia po ayipipa daho de po gbọn omẹ popo dali, nado pọ́n hlan whẹ̀dida homẹgble tọn daho he lọ.

“To onú helẹ godo yẹn sọ mọ angẹli devo de jẹte sọn olọn mẹ ja, é tindo huhlọn daho; aigba sọ họ́n gbọn gigo etọn dali. É sọ yí huhlọn do dawhá ogbè lélé dọmọ, Babilọni daho họ́, e họ́, e sọ diọzùn fininọ̀ aovi lẹ tọn de, podọ ogànhọ̀ gbigbọ mawé lẹ tọn, podọ ogànhọ̀ ohẹ̀ gbẹwanna mawé dopodopo tọn. Na akọta lẹpo ko nù to ovện homẹgble ayọ̀dide etọn tọn mẹ, ahọlu aigba tọn lẹ sọ to gàlọ hẹ ẹ, ajọ́wàtọ aigba tọn lẹ lẹzùn adọkunnọ gbọn huhlọn ogbẹ̀dùdù etọn tọn dali” (OSỌHIA 18:1-3).

Dinvie, oylọ godo tọn he na jẹnukọnna vàsúdo sọn olọn mẹ, na dọnú to vivọnu azán ojọmiọn tọn lẹ tọn to ohógbè helẹ mẹ, dọmọ, “Mì tọ́nsọn e mẹ, mì omẹ ṣie emi, dọ mì yín máhẹtọ to ylando etọn mẹ blo, dọ mì yí to azọ̀nylankan etọn mẹ blo. Na yèdọ ylando etọn ko hòpli hlan olọn, Jiwheyẹwhe ko sọ flin oylan etọn” (OSỌHIA 18:4-5). E bọawu dọ, kaka jẹ vivọnu, gbẹtọ lẹ nasọ yín mimọ to núyiwà lalonọ lẹ mẹ, ṣogan bo na wá yín whinwhlẹngan, na oylọ owẹn godogodo tọn lọ wẹ yín dọ: Mì tọ́nsọn e mẹ, Mì omẹ ṣie emi!

Yè sọ dọ hlan mí to nukọnyìyì mẹ dọ okú, awubla po huvẹ́ po na sọawúhia to gbèdopo bọ miyọn na jẹte wá odò. “Nẹmunẹmu wẹ e to gigopana ede, bo sọ nọnọ̀ ogbẹ̀dùdù mẹ, awufiẹsa po homẹgble mọtọnhunkọ po wẹ mì ni ná ẹn: na e ko dọ to ayiha ede tọn mẹ, dọ, Ai ahọsi tọn wẹ yẹn sín, yẹn ma yín asúṣiọsi gba, yẹn ma to awublanu na mọ. Enẹwutu wẹ azọ̀nylankan etọn na wá gbèdopo, okú, awúblanu, po huvẹ po; yè na yí miyọn do fiọ ẹ mlẹnmlẹn: na huhlọnnọ wẹ Jiwheyẹwhe Oklunọ he to owhẹ̀ etọn dá. Ahọlu aigba tọn lẹ, he to ayọ̀de hẹ ẹ, bo sọ tin to ogbẹ̀dùdù mẹ hẹ ẹ lẹ, na do avihàn nệ, bo nasọ viavi nệ whenuena yé na mọ azọ̀ fifiọ etọn tọn, yé na ṣite to aganu boboe na awujiji awufiẹsa etọn tọn, dọmọ, Ṣó, Ṣó, otòdaho huhlọnnọ lọ! Na ogàn dopo ji wẹ whẹ̀dida etọn wá” (OSỌHIA 18:7-10).

Do ayi e go, ehe lọ kàn otòdaho he mẹ yè zín awọntẹn do “Owé Lomunu” tọn lẹ ji te, na enẹwutu wẹ e do lẹzùn ota ajọ́wàtọ lẹ tọn hlan aihọn lọ pete. Enẹwutu wẹ ajọ́wàtọ lẹpo nado viavi asiko etọn vàsúdo tọn mẹ, dọ: “Ajọ́wàtọ aigba tọn lẹ na viavi, bo nasọ to awúbla nệ, na mẹde ma họ̀ ajọ́nú yetọn bà: ajọ́nú sika tọn, fataka tọn, ozannu akuẹgegenu tọn, pali, alavọ̀ dagbedagbe, ogefunwunmẹ tọn, sẹ́da amàmú tọn, avọ̀ vệ tọn, atin he vivi tọn, nuzínzán hunkọhunkọ ajlakudu tọn lẹpo, nuzinzán alọpãlọpa atin akuẹgegenu lẹ tọn, ogànvệ tọn, ogànyũ tọn, podọ ozannu mabli tọn, podọ kinamọni tọn, núwhẹnwan gblingblin tọn, amìsisá tọn, núwhẹnkun tọn, ovện tọn, amì tọn, linfín dagbedagbe tọn, likún tọn, kanlin tọn, lẹngbọ tọn, osọ́ tọn, kẹkẹ tọn, agbasa lẹ tọn, po ogbẹ̀ gbẹtọ tọn lẹ po. Podọ sinsẹ́n he ayiha towe túnwan hodo lẹ, yé yì sọn de we, onú he vivi bo sọ yọ́nwhanpẹ lẹ, yé súdo sọn de we, hiẹ ma sọ to na mọ yé gbèdé bà. Ajọ́wàtọ onú helẹ tọn, he yè hẹn zùn adọkunnọ gbọn alọ etọn mẹ lẹ, na ṣite to aganu boboe na awujiji awúfiẹsa etọn tọn, bo na to avivi bo to awubla, dọmọ, Ṣó, Ṣó, otòdaho lọ, he yè ṣinyọn alavọ̀ dagbedagbe na, po ogefunwunmẹ tọn po, avọ̀ vệ, po ehe yè yí sika do dóaṣona po, ozannu akuẹgegenu tọn po pali po! Na ogàn dopo mẹ wẹ adọkun daho mọhunkọ zùn ovọ́…” (OSỌHIA 18:11-17).

To ota 17 mẹ, yọnnu mawàdódónọ he lọ yín didohia di mẹhe yè dóasọ̀na po sika po, po pali po, podọ po zannu akuẹgegenu po. Ṣigba to owéfọ he mẹ, yè dọ hlan mí dọ, otòdaho lọ blébu na tindo dọpọ́n vàsúdo sinsinyẹn daho de tọn, dọmọ,“Ṣó, Ṣó, otòdaho lọ, he yè ṣinyọn alavọ̀ dagbedagbe na, po ogefunwunmẹ tọn po, avọ̀ vệ, po ehe yè yí sika do dóaṣona po, ozannu akuẹgegenu tọn po pali po! Na ogàn dopo mẹ wẹ adọkun daho mọhunkọ zùn ovọ́…” (OSỌHIA 18:16-17). Do ayi e go, whlãtọ̀n wẹ yè dọ hlan mí dọ, whẹ̀dida sinsinyẹn he lọ na sọawúhia ajiji to otòdaho huhlọnnọ nẹ lọ ji to ogàn dopo mẹ, dọ, “… Ṣó, Ṣó, otòdaho lọ, ehe mẹ yè hẹn yé omẹ he tindo ohún to ohù mẹ lẹpo zùn adọkunnọ gbọn onú akuẹgegenu etọn lẹ tọn dali! Na ogàn dopo mẹ yè hẹn ẹn jẹvọb” (OSỌHIA 18:19).

Enẹwutu, númọtọ lọ wlánwé hlan Mẹfligọ̀ he ko tin to olọn mẹ to ojlẹ nẹ mẹ lẹ, dọ, “Jaya do ota nệ, hiẹ olọn, mì apọteli wiwé lẹ, po yẹwhegán lẹ po; na Jiwheyẹwhe ko yíahọ́su mìtọn to e go” (OSỌHIA 18:20).

To owéfọ godo ota he lọ tọn tọn mẹ, yè dọ lé otòdaho he lọ na yín zizédlangbe di gilisé daho de dó hlan mí bọ e ma nasọ yín mimọ gbèdé bà (OSỌHIA 18:21). To vivọnu, Jiwheyẹwhe Lọsu na dowhẹ̀ núplọ́nmẹ daho he yè do gbòazé akọta lẹ gbọn owọn etọn lẹ dali, dọmọ, “… na ajọ́wàtọ towe lẹ wẹ omẹ gbõgbo aigba tọn lẹ; owọn towe wẹ yè yí do klọ akọta lẹpo. Na ohò etọn mẹ wẹ yè mọ ohùn yẹwhegán lẹ tọn, mẹwiwé lẹ tọn, po omẹ he yè hù to aigba ji lẹ po tọn te” (OSỌHIA 18:23-24). Enẹwutu, Jiwheyẹwhe nugbo lọ ko dọ onú helẹ hézéhézé podọ do gbaungba kẹdẹdilé gbẹtọ de ma sọgan dó.

Available translations