arrow_back Literatúra

Book

OSỌHIALỌ – Bé owé he gọna hiadonu 7 lẹ we?

Ewald Frank

library_books Kapitoly: 24 calendar_month 4. 6. 1993

Formats

pdf PDF epub EPUB

Typ písma

Výška riadku

1.5

Medzera odseku

1.0

Veľkosť písma

16

Navigate

Kapitoly

expand_more

Navigate

Kapitoly

Jump to any chapter without leaving the reader.

NUKỌNYÌYÌ 1 OTA 1 – Ohó nukọn tọn - “Azán Oklunọ tọn” lọ – Dòdó po tùnmẹ ohó dọdai tọn lọ tọn po 2 OTA 2 – Owẹn ṣinawe he yín Oklunọ he fọ́ntite sọn oṣiọ lẹ mẹ lọ tọn – Owẹn tintan lọ: Hẹn owanyin tintan lọ go 3 OTA 3 – Owẹn atọ́ntọ lọ: Whèta Núvọ́jladó tọn – Huhlọndido madógannọ to yise mẹ lẹ 4 OTA 4 – Nukun zé hlan olọn mẹ 5 OTA 5 – Owé núdabla tọn lọ po hiadonu ṣinawe lẹ po 6 OTA 6 – Hùnhùn ohiadonu lẹ lọ tọn – Huhlọn agọ̀jẹdo-Klistigotọ lọ tọn he yè hùndohia – Núpinpọ́n omẹ lẹpo tọn 7 OTA 7 – MẸHE YÈ DOHIAGONA SỌN JU LẸ MẸ 8 OTA 8 – Hiadonu ṣinawetọ lọ – Odádó to Olọn mẹ – Ofìn lẹblanu tọn lọ na lẹzun ofìn whẹdida tọn – Odohia opẹ̀ngbe ṣinawe whẹdida tọn lẹ tọn lọ – Opẹ̀ngbe ẹnẹ tintan lẹ 9 OTA 9 – Awúfiẹsa he yè ma sọgan zéjlẹ – Opẹ̀ngbe atọ́ntọ lọ – dindọ̀n tintan lọ 10 OTA 10 – Númimọ ṣẹnṣẹn mẹ tọn tintan lọ: Hùnhùn owè lọ tọn – Oklunọ lọ kẹdẹdi Angẹli alẹ̀nùnù tọn lọ 11 OTA 11 – Númimọ ṣẹnṣẹn mẹ tọn awetọ lọ: Jijlẹ tẹmpli lọ tọn po devizọ́n kunndètọ awelẹ tọn po 12 OTA 12 – Yọnnu he yè yí owhè do dóaṣọ́na lọ – Klisti po Omẹ Etọn lẹ po – Satani – Dlagọni vệ lọ po hodotọ etọn lẹ po 13 OTA 13 – Gigọ̀yì godo nado pọ́n númimọ Daniẹli tọn – He tindo kọ̀ndopọ́ po Osọhia lọ po 14 OTA 14 – Lẹngbọvu lọ po omẹ fọtọ́n kantọ̀n-konukun-ẹnẹ (144,000) he yè dohiagona lẹ po 15 OTA 15 – Ogò ṣinawe Whẹ̀dida Jiwheyẹwhe tọn lọ tọn lẹ po awhànpa susugege ohù Klistali tọn po tọn 16 OTA 16 – Ogò ṣinawe homẹgble Jiwheyẹwhe tọn lọ tọn: Whẹ̀dida homẹgble Jiwheyẹwhe tọn godogodo tọn lẹ lọ 17 OTA 17 – Yọnnu he hẹ́ Kanlin lọ ji 18 OTA 18 – Vàsúdo Babilọni daho lọ tọn 19 OTA 19 – Ayajijẹ to Olọn mẹ do vàsúdo Babilọni tọn ji – Alọwle Lẹngbọvu lọ tọn 20 OTA 20 – Biblá Satani tọn – Fọ́nsọnkú pipé tintan yisenọ he yè ko hù lẹ tọn – Ahọludù Owhè Fọtọ́n tọn 21 OTA 21 – Lilá olọn yọ́yọ́ po aigba yọ́yọ́ po tọn – Gigo Jelusalẹm Yọ́yọ́ lọ tọn – Nọ̀tẹn omẹ dindọ̀n lẹ tọn he dobu 22 OTA 22 – Asisa ogbẹ̀ tọn lọ po atin ogbẹ̀ tọn lọ po – Ehe na taidi ninọ̀mẹ paladisi tọn to Ahọludù Owhè fọtọ́n tọn mẹ 23 EHE YÈ GỌ́NA LỌ – Osẹ̀ kande-gbàn (70) Daniẹli tọn lẹ po nújijọ̀ he to jijọ̀ alọnu-alọnu po Islaẹli po to hinhọ́n dọdai Biblu tọn tọn mẹ 24

Kapitola 9

OTA 8 – Hiadonu ṣinawetọ lọ – Odádó to Olọn mẹ – Ofìn lẹblanu tọn lọ na lẹzun ofìn whẹdida tọn – Odohia opẹ̀ngbe ṣinawe whẹdida tọn lẹ tọn lọ – Opẹ̀ngbe ẹnẹ tintan lẹ

9 / 24

arrow_back Predchádzajúca kapitola Ďaľšia kapitola arrow_forward

“Whenuena é sọ hùn hiadonu ṣinawetọ, dádó to olọn mẹ jẹ dadawe ogàn dopo tọn jlẹmẹ” (OSỌHIA 8:1).

Dinvie, afọ ṣidopo tintan he jẹnukọn lẹ to didọ hlan mí hézéhézé dogbọn núhe tin to hiadonu ṣinawetọ lọ mẹ tọn dali po núhe jọ̀ to ojlẹ nẹ mẹ tọn po. Do ayi e go, to afọ tintan lọ mẹ, odádidó ajiji de yín kinkàndai dádó to olọn mẹ jẹ dadawe ogàn dopo tọn jlẹmẹ. E taidi dọ yè ko zé olọn lẹpo yì gbọn núpaṣamẹ de dali po núhe na jọ̀ to asiko nẹ mẹ po.

Enẹwutu, yẹwhegán Isaia dèkunnu dọ, awhànpa olọn tọn lẹ to Oklunọ pà magbọjẹ, dọmọ, “Wiwé, wiwé, wiwé, wẹ Oklunọ awhànpa lẹ tọn!” (ISAIA 6:3). Podọ Johanu lọsu wlán dogbọn mẹdidá gbẹte ẹnẹ he to pipà ná hlan Jiwheyẹwhe magbọjẹ to okle po ozán po tọn dali, dọ, “Wiwé, wiwé, wiwé, Oklunọ Jiwheyẹwhe Ganhunupo, he ko tin, bo sọ tin, bo sọ ja” (OSỌHIA 4:8).

Do ayi e go, to hùnhùn hiadonu ṣinawetọ whenu, odádidó ajiji de sọawúhia to olọn mẹ, yèdọ núpaṣamẹ ajiji de na awhànpa olọn tọn he bọnù yetọn lẹ na ṣẹju ogbàn. Ehe lọ jọ̀ to whenuena ofìn lẹblanu tọn lọ yín didiọ zùn ofìn whẹdida tọn, bọ homẹgble Jiwheyẹwhe tọn nasọ sọawúhia. Podọ vivọnu titò whlẹngan tọn he Jiwheyẹwhe basi na madopòdo yín núpaṣamẹ daho podọ gigonọ de na Olọn lẹpo.

Kẹdẹdi hiadonu he ko wáyì lẹ tọn dóna yín hihia bo sọ yín ayidego dó, mọdopolọ wẹ na owé he kàn hiadonu godogodo tọn lọ dó ga. Dinvie, yè dọ hlan mí dogbọn núhe tin to hiadonu ṣinawetọ lọ mẹ tọn dali po núhe jọ̀ to ojlẹ nẹ lọ mẹ po to afọ awetọ mẹ, dọmọ:

“Yẹn sọ mọ angẹli ṣinawe he ṣite to Jiwheyẹwhe nukọn lẹ; yè yí opẹ̀n ṣinawe na yé. Angẹli devo de sọ wá, bo ṣite to agbà kọ̀n: é tindo agbán sika tọn de, yè sọ yí núwhẹnwan susu nệ, na é ni yí i dogọ́ odẹ̀ mẹwiwé lẹ tọn to agbà sika tọn lọ ji he tin to ofìn lọ nukọn. Azọ̀ núwhẹnwan lọ tọn, po odẹ̀ mẹwiwé lẹ tọn po sọ hẹji yì Jiwheyẹwhe nukọn sọn alọ angẹli lọ tọn mẹ. Angẹli lọ sọ yí agbán lọ, bo dè miyọn agbà lọ ji tọn gọ́ e mẹ, bo sọ zé e dlan aigba ji: ogbè, osò, abì, po aigba whinwhàn po sọ tin” (OSỌHIA 8:2-5).

Alọdlẹndonú lọ to didohia hézéhézé dọ, Islaẹli na tin to kọ̀ndopọ́ mẹ po núhe na jọ̀ to whenẹnu lọ po. To ojlẹ Agùn Alẹ̀nù Yọ́yọ́ mẹ tọn lọ tọn whenu, Jesu Klisti wẹ Whẹgbọtọ lọ podọ Whẹyídọtọ mítọn to ofìn lọ nukọn, yèdọ ehe ji É zé Ohùn Etọn titi do kẹdẹdi Avọ́sántọ Daho lọ (HEBLU 9:11-14). Godo he Agùn Asivu lọ tọn ko wléawu bọ yè ko sọ zé E yì vọ, devizọ́n Etọn kẹdẹdi Avọ́sántọ Daho na dóalọte. To whenẹnu, yé he mọ jọmiọn yí to Jiwheyẹwhe de lẹ na mọ Ẹn, yèdọ Ewọ Mẹhe yé ko yise. Podọ to zizéyì lọ godo, Jiwheyẹwhe na bẹ́ azọ́n po Islaẹli po. Whenẹnu odẹ̀ yé he na sọn whẹndo wiawe lẹ mẹ tọn ma nasọ yín alọkẹyí gbọn Jesu Klisti de di Whẹgbọtọ nado yín hinhẹn wá Ofìn ojọmiọn tọn lọ nukọn ba. Podọ to whenẹnu, kẹdẹdi Asisúnọ, Ewọ na to Núdùdù Alọwle tọn dù po Asivu Etọn po to Gigo mẹ. To ofi, mí to hodọ do odẹ̀ yé he yè na dohiagona sọn whẹndo wiawe lẹ mẹ tọn ji, podọ odẹ̀ nẹlẹ na yín zizéyì gbọn angẹli dali, yèdọ ehe dèwán di núwhẹnwan de bo sọ yín zizé do agbà sika tọn lọ ji.

Do ayi e go, godo he angẹli ṣinawe he ṣite to Jiwheyẹwhe nukọn lẹ ko yí pẹ̀ngbe ṣinawe lẹ, wẹ odẹ̀ Ju lẹ tọn godogodo tọn na yín bibẹpli dopọ́ do kọfò sika núwhẹnwan tọn mẹ bo nasọ yín kinkọ̀ndai to agbà sika tọn lọ ji. To whenuena odẹ̀ godo tọn lọ ko jẹ finẹ lọ vọ, wẹ ofìn jọmiọn tọn lọ na yín didiọ zùn ofìn whẹdida tọn, bọ homẹgble Jiwheyẹwhe nasọ sọawúhia jẹgbonu. Ehe na yín didohia gbọn akán zogbe yè na flọ do aigba ji dali. Podọ ojlẹ nẹ mẹ, Jiwheyẹwhe ma nasọ jlo dọ yè ni sẹ̀n Ẹn ba. Na É ma sọ sọgan kẹalọyí sinsẹ̀n po pipà po ba, podọ to ojlẹ dopo nẹ lọ mẹ, É na kọ̀n homẹgble Etọn jẹgbonu do aigba ji. Enẹwutu, odádó to olọn mẹ.

To whenuena kọfò sika núwhẹnwan tọn ko wàzọ́n yetọn lọ vọ, wẹ yè na gọ́ yé na akán zogbe sọn agbà lọ ji do aigba ji, nado dohia dọ, homẹgble Jiwheyẹwhe tọn ko yín gbigbàdó jẹ aigba ji. “Angẹli ṣinawe lẹ lọ he tindo opẹ̀n ṣinawe lẹ wléawu na yéde nado kún” (OSỌHIA 8:6). Whenẹnu wẹ azọ́n ojọmiọn tọn po akọta lẹ po podọ po Islaẹli po na dóalọte.

To hiadonu lẹpo mẹ, yè dlẹnalọdo ṣinawetọ lọ dagbedagbe, do ayi e go, e ma tindo ohia núdabla tọn de kẹdẹdi ehe pò lẹ depope gba. Podọ mí ma dóhudo núdohiamẹ depope tọn nado mọdona hiadonu ṣinawetọ lọ gba. Na núhe tin to e mẹ lẹpo tin to hinhọ́nnu bo sọ pé. Whenuena yè ko diọ ofìn jọmiọn tọn lọ zùn ofìn whẹdida tọn vọ, angẹli ṣinawe lẹ ṣẹ̀ do opẹ̀n yetọn lẹ kún ji. Na lé wẹ yè dọ dó to hiadonu ṣinawetọ lọ mẹ hézéhézé. Enẹwutu, mí dóna flín dọ, whẹdida pẹ̀ngbè lẹ tọn na ṣẹ̀ to godo he yè ko dohiagona omẹ fọtọ́n-kantọ̀n-konukun-ẹnẹ (144,000) lẹ (OSỌHIA 7).

“Angẹli tintan kún, okẹnsu po miyọn he flusọ po ohùn po tọ́njẹgbonu, yè sọ zé yé dlán aigba ji: dadatọ̀ntọ aigba tọn fiọ, amà mú lẹpo sọ fiọ.

Angẹli awetọ sọ kún, yè sọ dọ̀n osó daho he to zòji de dlán ohù mẹ: dadatọ̀ntọ ohù tọn sọ diọ zùn ohùn. Dadatọ̀ntọ núdidá he tin to ohù mẹ, yèdọ yé he tindo gbigbọ lẹ kú; dadatọ̀ntọ ohún lẹ tọn sọ gble.

Angẹli atọ̀ntọ sọ kún, sunwhlẹvu daho de sọ flẹ́ sọn olọn mẹ, bo to jiji di zògbán, bo họ́ jẹ dadatọ̀ntọ otọ̀daho lẹ tọn ji, podọ jẹ asisà otọ̀ lẹ tọn ji: Yè sọ nọ ylọ oyín sunwhlẹvu lọ tọn dọ, Vivẹ́; dadatọ̀ntọ osìn tọn sọ diọ zùn vivẹ́; omẹ susu sọ kú gbọn alọ osìn lẹ lọ tọn dali, na yè diọ yé zùn vivẹ́ wutu.

Angẹli ẹnẹtọ kún, yè sọ linú dadatọ̀ntọ owhè tọn, dadatọ̀ntọ osùn tọn, po dadatọ̀ntọ sunwhlẹvu lẹpo tọn; na dadatọ̀ntọ yetọn nido dozinvlu, okle ma sọ yí dadatọ̀ntọ etọn do họnun, mọwẹ ozán ga” (OSỌHIA 8:7-12).

Do ayi e go, opẹ̀n whẹdida vàsúdo tọn ẹnẹ tintan lẹ yín pinplán bo sọ yín kinkọ̀n jẹgbonu do núdidá lẹ ji. Yé do yé hia hézéhézé. Podọ whenuena angẹli ẹnẹ tintan lẹ lọ kún opẹ̀n yetọn lẹ, Johanu wlán yé dai, dọ, “Yẹn mọ, bo sọ sè angẹli de to zinzlọn gbọn ṣẹnṣẹn olọn tọn jei, bo to didọ to ogbè lélé mẹ, dọ, dindọn, dindọn, dindọn, na yé he tin to aigba go lẹ, na ogbè opẹ̀n angẹli atọ̀n he pò bo to na kún dogọ lẹ wutu!” (OSỌHIA 8:13).

Available translations