arrow_back Literatúra

Book

OSỌHIALỌ – Bé owé he gọna hiadonu 7 lẹ we?

Ewald Frank

library_books Kapitoly: 24 calendar_month 4. 6. 1993

Formats

pdf PDF epub EPUB

Typ písma

Výška riadku

1.5

Medzera odseku

1.0

Veľkosť písma

16

Navigate

Kapitoly

expand_more

Navigate

Kapitoly

Jump to any chapter without leaving the reader.

NUKỌNYÌYÌ 1 OTA 1 – Ohó nukọn tọn - “Azán Oklunọ tọn” lọ – Dòdó po tùnmẹ ohó dọdai tọn lọ tọn po 2 OTA 2 – Owẹn ṣinawe he yín Oklunọ he fọ́ntite sọn oṣiọ lẹ mẹ lọ tọn – Owẹn tintan lọ: Hẹn owanyin tintan lọ go 3 OTA 3 – Owẹn atọ́ntọ lọ: Whèta Núvọ́jladó tọn – Huhlọndido madógannọ to yise mẹ lẹ 4 OTA 4 – Nukun zé hlan olọn mẹ 5 OTA 5 – Owé núdabla tọn lọ po hiadonu ṣinawe lẹ po 6 OTA 6 – Hùnhùn ohiadonu lẹ lọ tọn – Huhlọn agọ̀jẹdo-Klistigotọ lọ tọn he yè hùndohia – Núpinpọ́n omẹ lẹpo tọn 7 OTA 7 – MẸHE YÈ DOHIAGONA SỌN JU LẸ MẸ 8 OTA 8 – Hiadonu ṣinawetọ lọ – Odádó to Olọn mẹ – Ofìn lẹblanu tọn lọ na lẹzun ofìn whẹdida tọn – Odohia opẹ̀ngbe ṣinawe whẹdida tọn lẹ tọn lọ – Opẹ̀ngbe ẹnẹ tintan lẹ 9 OTA 9 – Awúfiẹsa he yè ma sọgan zéjlẹ – Opẹ̀ngbe atọ́ntọ lọ – dindọ̀n tintan lọ 10 OTA 10 – Númimọ ṣẹnṣẹn mẹ tọn tintan lọ: Hùnhùn owè lọ tọn – Oklunọ lọ kẹdẹdi Angẹli alẹ̀nùnù tọn lọ 11 OTA 11 – Númimọ ṣẹnṣẹn mẹ tọn awetọ lọ: Jijlẹ tẹmpli lọ tọn po devizọ́n kunndètọ awelẹ tọn po 12 OTA 12 – Yọnnu he yè yí owhè do dóaṣọ́na lọ – Klisti po Omẹ Etọn lẹ po – Satani – Dlagọni vệ lọ po hodotọ etọn lẹ po 13 OTA 13 – Gigọ̀yì godo nado pọ́n númimọ Daniẹli tọn – He tindo kọ̀ndopọ́ po Osọhia lọ po 14 OTA 14 – Lẹngbọvu lọ po omẹ fọtọ́n kantọ̀n-konukun-ẹnẹ (144,000) he yè dohiagona lẹ po 15 OTA 15 – Ogò ṣinawe Whẹ̀dida Jiwheyẹwhe tọn lọ tọn lẹ po awhànpa susugege ohù Klistali tọn po tọn 16 OTA 16 – Ogò ṣinawe homẹgble Jiwheyẹwhe tọn lọ tọn: Whẹ̀dida homẹgble Jiwheyẹwhe tọn godogodo tọn lẹ lọ 17 OTA 17 – Yọnnu he hẹ́ Kanlin lọ ji 18 OTA 18 – Vàsúdo Babilọni daho lọ tọn 19 OTA 19 – Ayajijẹ to Olọn mẹ do vàsúdo Babilọni tọn ji – Alọwle Lẹngbọvu lọ tọn 20 OTA 20 – Biblá Satani tọn – Fọ́nsọnkú pipé tintan yisenọ he yè ko hù lẹ tọn – Ahọludù Owhè Fọtọ́n tọn 21 OTA 21 – Lilá olọn yọ́yọ́ po aigba yọ́yọ́ po tọn – Gigo Jelusalẹm Yọ́yọ́ lọ tọn – Nọ̀tẹn omẹ dindọ̀n lẹ tọn he dobu 22 OTA 22 – Asisa ogbẹ̀ tọn lọ po atin ogbẹ̀ tọn lọ po – Ehe na taidi ninọ̀mẹ paladisi tọn to Ahọludù Owhè fọtọ́n tọn mẹ 23 EHE YÈ GỌ́NA LỌ – Osẹ̀ kande-gbàn (70) Daniẹli tọn lẹ po nújijọ̀ he to jijọ̀ alọnu-alọnu po Islaẹli po to hinhọ́n dọdai Biblu tọn tọn mẹ 24

Kapitola 23

OTA 22 – Asisa ogbẹ̀ tọn lọ po atin ogbẹ̀ tọn lọ po – Ehe na taidi ninọ̀mẹ paladisi tọn to Ahọludù Owhè fọtọ́n tọn mẹ

23 / 24

arrow_back Predchádzajúca kapitola Ďaľšia kapitola arrow_forward

To ota 22 lọ mẹ, Jelusalẹm aigba ji tọn lọ yín didohia hlan mí to ninọ̀mẹ vòvo lẹ mẹ. Podọ gohọ̀ Jiwheyẹwhe tọn lọ, yèdọ finọ̀tẹn Etọn to whenẹnu na tin gbaungba po gbẹtọ po. Ewọ na gọ́ olọn po aigba po, podọ hóhó lọ po Jelusalẹm yọ́yọ́ lọ po na gọ́na gigo Etọn. “Le wẹ Oklunọ dọ, olọn wẹ ofin ṣie, aigba wẹ tokloafọligbé ṣie tọn…” (ISAIA 66:1; OWALỌ 7:49).

“E sọ do otọ̀ osìn ogbẹ̀ tọn de hia mi, ehe wé ṣéṣé di klistali, he to tintọ́n sọn fie ofin Jiwheyẹwhe tọn, po Lẹngbọvu lọ tọn po te. To ṣẹnṣẹn tòhomẹ-liho etọn tọn, podọ to adà awe otọ̀ lọ tọn mẹ, wẹ atin ogbẹ̀ tọn lọ te, ehe nọ sẹ́n sinsẹ́n hunkọhunkọ wiawe, bo sọ nọ to sinsẹ́n etọn sẹ́n to sùnmẹ-sùnmẹ: amà atin lọ tọn tin na azọ̀nhẹngbọ akọta lẹ tọn. Onú hodẹ̀do de ma na tin bà: ofìn Jiwheyẹwhe tọn po Lẹngbọvu lọ po tọn wẹ na tin to finẹ…” (OSỌHIA 22:1-3).

Yẹwhegán Ezekiẹli ná odohia he lọ to ojlẹ dindẹn mẹ wáyì, bo sọ dèkunnu dọ, “É sọ hẹn mi wá godo jẹ ohọ̀n ohọ̀ lọ tọn kọ̀n; bo dayi e go, ovìn lẹ to vivi jẹgbonu sọn oglọ́ họ̀ntonù ohọ̀ lọ tọn mẹ hlan whèzẹtẹn dali, na onukọn ohọ̀ lọ tọn tin hlan whèzẹtẹn dali: osìn lẹ sọ jẹte sọn oglọ́ wá, sọn adà adusi ohọ̀ lọ tọn mẹ, to hùwàji agbà lọ tọn go… Dinvie, whenuena yẹn ko lẹ́gọ̀, dayi e go, atin susu tin otónu otọ̀ lọ tọn to adà ode ji podọ to awetọ ji… Podọ to otọ̀ lọ go to otónu etọn ji, to adà he ji podọ to adà nẹ ji, wẹ atin lẹpo na wú te na núdùdù, amà ehetọn ma to na yọ́, mọ sinsẹ́n etọn ma to na pòali: e na nọ hẹn sinsẹ́n tintan lẹ jẹgbonu wá to sùnmẹ-sùnmẹ, na osìn etọn lẹ to sisà sọn fiwiwé mẹ wutu: sinsẹ́n etọn bo nasọ tin na núdùdù, podọ amà etọn na azọ̀nhẹngbọ” (EZEKIẸLI 47:1, 7, 12).

Odohia helẹ pó to didọ hézéhézé dọ akọta lẹ na tin to finẹ. Yé omẹ awelẹ na tin to ai: yèdọ sinsẹ́n a tin lẹ tọn na núdùdù, podọ amà atin lẹ tọn na azọ̀nhẹngbọ. Na yè na dona onú lẹpo. Mimá ojlẹ lẹ tọn do osùn wiawe mẹ tin na Ahọludù Whèta lọ tọn.

Podọ to núyiwà he mẹ, mí dóna do ayi ohó dopo go nado mọ kọ̀ndopọ́ dagbe lọ bo nasọ zé onú lẹ do ganji-ganji. To otòdaho donanọ lọ mẹ, onú hòdẹ̀do de ma na tin bà. Ṣigba to whenẹnu, yẹwhegán Isaia do ninọ̀mẹ daho lọ hia to aigba ji: “Yọ̀pọ he azán etọn ma na dẹn ma na tin to e mẹ, mẹho he azán etọn ma gọ́ de: na yọ̀pọ na kú to whenuena é sọ owhè kanwe-kò mẹho; ṣigba ylandonọ owhè kanwe-kònọ na zùn dẹ̀hòdonọ” (ISAIA 65:20).

Dinvie, akọta he pò bọ yè jódo lẹ na gbẹ́sọ to ninọ̀ ogbẹ̀ dólé e jẹ dó to Ahọludù Owhè Fọtọ́n whenu. Na yé na to gbigbá bo sọ to dido, yé na to dùdù bo sọ to nùnù, bo nasọ oviji, po núhe pò lẹpo po. “Yé ma na wàzọ́n yáyá, yé ma na jivi na tukla; na yé wẹ okún donanọ Oklunọ tọn, podọ ovi yetọn po yé po” (ISAIA 65:23).

“… devi etọn lẹ nasọ to sinsẹ̀n ẹn: yé na mọ nukun etọn mẹ; oyín etọn nasọ tin to nukọn yetọn. Ozánkú ma na tin to finẹ; yé ma to zògbán na din, kavi hinhọ́n owhè tọn; na Oklunọ Jiwheyẹwhe wẹ to hinhọ́n ná yé: yé nasọ to ahọludù kakadoi” (OSỌHIA 22:3-5).

Do ayi e go, mí gbẹ́sọ to Lẹngbọvu lọ mọ to Jiwheyẹwhe de, na whenuena ojlẹ lẹ na biọ madopòdo mẹ kẹdẹ wẹ awúsọhia Ovi lọ tọn na biọ Jiwheyẹwhe mẹ, yèdọ Mẹhe de É sọn wá (JOHANU 16:27-30; po owéfọ devodevo lẹpo po). Whenẹnu wẹ Jiwheyẹwhe na yín popo to popo mẹ (1 KỌLINTINU 15:28).

“Whenẹnu wẹ opòdo wá, whenuena é na ko jo ahọludù hlan Jiwheyẹwhe, yèdọ Otọ́; whenuena é na ko zín ogán lẹpo, po yẹyi lẹpo po, po huhlọn po do odò. Na é ma na nọ madùahọlu, kaka é nado zín kẹ̀ntọ lẹpo dai to afọ etọn glọ́” (1 KỌLINTINU 15:24-25).

Whepoponu to ma pọ́n hlan eyín odohia lọ yín bibasi to susu mẹ, e nọ yín didiọ do dopo mẹ: “… devi etọn lẹ nasọ to sinsẹ̀n ẹn: yé na mọ nukun etọn mẹ; oyín etọn nasọ tin to nukọn yetọn.” To Jelusalẹm Yọ́yọ́ lọ mẹ, Lẹngbọvu lọ wẹ hinhọ́n he Asivu lọ lẹ́do pé. Podọ to ofi, yè dọ hlan mí dọ Oklunọ Jiwheyẹwhe wẹ hinhọ́n lọ, bọ Mẹfligọ̀ lẹ na dùahọlu po É po kakadoi.

Pahonamẹ godogodo tọn pannukọn yisenọ lẹ

To afọ ṣidopotọ mẹ, yè flinnú mí dogbọn ota tintan lọ tọn dali, ehe mẹ Mẹhe dọhó bo sọ wàzọ́n do Ede hia te, dọ:“Dódó po nugbo po wẹ ohó helẹ: Oklunọ Jiwheyẹwhe yẹwhegán wiwé lẹ tọn wẹ do angẹli etọn hlan nado do onú he to na wá jọ dinvie hia hlan devi etọn lẹ” (OSỌHIA 22:6). Godo he yè ko do wiwá Oklunọ tọn alọpãlọpa lẹ hia, núyiwà vòvo lẹ yín ṣiṣa do yé go, dọ, to Núdùdù Alọwle Hùnwhẹ tọn godo, po Ahọludù Owhè Fọtọ́n tọn po godo, podọ po Ofín Wéwé Whẹ̀dida tọn lọ godo po, mí nasọ pannukọn pahonamẹ vivẹ lẹpo to ota godogodo tọn he lọ mẹ: “Do ayi e go, yẹn ja yiyáyiyá; donanọ wẹ ewọ he to ohó dọdai tọn he tin to owé he mẹ lẹ tọn yìn” (OSỌHIA 22:7). Ehe lọ to didohia dọ, núyiwà he yè ko dọ bo sọ dohia lẹ ma mọ ṣiṣẹ̀ yetọn to gbèdidè he mẹ yé dóna sọawúhia te gba.

Afọ 7 he lọ sọgan yín jijlẹdo afọ 3 ota tintan mẹ tọn go. Na mẹdidè lẹ na tindo dọpọ́n dona he yè ko dopagbè yetọn lẹ tọn lẹpo to Yẹwhehó Osó lọ ji tọn mẹ, podọ to ofi devodevo lẹ mẹ to Owé Wiwé lẹ mẹ. Na onú helẹ pó dóna yín didọpọ́n gbọn yisenọ nugbo lẹ dali to Kọlẹ́wá Jesu Klisti tọn whenu. Na yéwlẹ wẹ mẹhe payi ohó dọdai tọn he tin to owé he lọ mẹ lẹ go, bo yise bo sọ wà kẹdẹdilé e jẹ dó. Enẹwutu, Jiwheyẹwhe jlo dọ mí ni yise to Ewọ mẹ kẹdẹdi Ohó Etọn, bo sọ to todó nado mọ núhe É dopagbè yetọn lẹ to e mẹ yí.

To onú lilá Oklunọ tọn he lọ godo, númọtọ lọ dawhá gangan di kunnudètọ nukun po otó po tọn. Na ewọ wẹ mẹhe sè bo sọ mọ, podọ gbọn azọ́n wiwé de dali bo sọ wlán onú lẹpo dai: “Podọ yẹn Johanu wẹ ewọ he sè bo sọ mọ onú nẹlẹ. Whenuena yẹn sè bo sọ mọ, yẹn jẹklo nado litai to afọ angẹli lọ tọn nukọn, he do onú helẹ hia mi. Whenẹnu wẹ é dọ hlan mi, dọ, pọ́n, hiẹ wà mọ blo: devi hatọ de wẹ yẹn po hiẹ po, po yẹwhegán mẹmẹsunnu towe lẹ po, po yé he to ohó he tin to owé he mẹ tọn yìn lẹ po: litaina Jiwheyẹwhe” (OSỌHIA 22:8-9).

Sọn dọpọ́n he é ko tindo mẹ, mí sọgan mọ lé e hẹn homẹhùn in sọ. Na é ṣite to nukọn wẹnzagun olọn tọn he to awade ji he ko yín Angẹli lọ, podọ to alọ awetọ ji, yín devi hatọ mẹmẹsunnu etọn lẹ tọn po yẹwhegán lẹ po. Kẹdẹdilé mí ko dọ dó jẹnukọn, ohógo he yín “angẹli” po “wẹnzagun” po, onú dopolọ wẹ yé. Eyín wẹnzagun yín núdidá olọn tọn kavi aigba ji tọn, yèdọ mẹhe yè dohlan sọn Jiwheyẹwhe de po owẹn de po, pipà po sinsẹ̀n po Jiwheyẹwhe kẹdẹ wẹ enẹlẹ tin hlan, na Ewọ kẹdẹ wẹ jẹ na pipà.

Godo he angẹli lọ ko hopana Johanu, é dọ, dọmọ: “Hiẹ yí hiadonu do tlẹ ohó dọdai tọn he tin to owé he mẹ lẹ blo: na ojlẹ lọ to sisẹpọ́ wutu” (OSỌHIA 22:10).

To vivọnu ojlẹ jọmiọn tọn tọn, whenuena oylọ godo tọn lọ tọ́njẹgbonu, mẹdepope he nasọ tin to ninọ̀mẹ he mẹ é te to whenẹnu: “Ewọ he yín mawàdódónọ, gbọ é ni to mawàdódówà zọnmî: podọ ewọ he yín dihonọ, gbọ é ni to dihonọ yín zọnmî: podọ ewọ he yín dódónọ, gbọ é ni to dódówà zọnmî: podọ ewọ he yín wiwénọ, gbọ é ni to wiwé yín zọnmî” (OSỌHIA 22:11). Eyín e yín dagbe kavi yinylan, whinwhlẹngan kavi dindọ̀n, omẹ dopodopo dóna nọ̀ ninọ̀mẹ etọn po otẹn etọn he é ko dè lọ mẹ.

Na omẹsùwhẹ̀na lọ nasọ to nukọnyì nado din owhẹ̀sùna wiwé dogọ́, na yé he yè ko lẹ̀wé to Nugbo lọ mẹ lẹ na din nado yín kinklándowiwé dagbedagbe. Whenẹnu wẹ Oklunọ Lọsu dọhó, dọmọ: “Bo do ayi e go, yẹn ja yiyáyiyá; ale ṣie sọ tin to dẽ, nado ná mẹdopodopo kẹdẹdilé azọ́n etọn lẹ na te” (OSỌHIA 22:12). To ehe godo, É sọ do Ede hia kẹdẹdilé É wà dó to ota tintan po awetọ po, po atọ̀ntọ po mẹ, podọ to ota 21:6 tọn mẹ whladopo dogọ́, dọmọ: “Yẹn wẹ Alfa, yẹn wẹ Omẹga, odòdó po opòdo po, nukọntọ, godotọ” (OSỌHIA 22:13).

To oylọ he godo, yè ná pagbè lọ, dọ, “Donanọ wẹ yé he yàn awugbó yetọn lẹ, na yé nido tindo ojlọjẹ nado wá atin ogbẹ̀ tọn lọ kọ̀n, bo do sọgan gbọn họ̀ngbo lẹ ji biọ otòdaho lọ mẹ. Gbonu wẹ avùn lẹ te, owọntọ lẹ, ayọ̀detọ lẹ, hlọnhutọ lẹ, boṣiọsẹ̀ntọ lẹ, podọ omẹ depope he yinwanna lalo bo sọ to lalo de basi lẹ” (OSỌHIA 22:14-15). Podọ ga, sọn odohia he lọ mẹ, núhe hó yè dọ lọ wẹ yín ojlẹ Ahọludù Whèta lọ tọn tọn. Na to aigba yọ́yọ́ lọ ji, lalonọ mọtọnhunkọ lẹ po hlọnhutọ lẹ po, po onú he pò lẹpo po ma na tin to finẹ gbèdé bà, yèdọ he na tin to gbonu lẹ.

Ohó Jesu tọn godogodo tọn lẹ

To vivọnu, Oklunọ Mẹflitọ mítọn, yí aṣẹpipa na gbèsisọ Osọhia lọ tọn: “Yẹn Jesu ko do angẹli ṣie hlan nado dèkunnu onú helẹ tọn hlan mì to agùn lẹ mẹ. Yẹn wẹ adọ̀ ovi Davidi tọn, podọ sunwhlẹvu hinhọ́n afọnnu lọ tọn. Gbigbọ po asiyọ́yọ́ po dọmọ, Wá. Ewọ he to sisè ni dọmọ, Wá. Podọ mẹhe nùgblahu, gbọ é ni wá. Ewọ he jlo, gbọ é ni yí osìn ogbẹ̀ tọn lọ vọnu. Na yẹn sakunnu hlan yé he to ohó dọdai tọn he tin to owé he mẹ sè lẹ dọmọ, Eyín mẹdepope na dè dogọ́ onú helẹ, Jiwheyẹwhe na dè azọ̀nylankan he yè wlán do owé he mẹ dogọ́ hlan ẹn: eyín mẹdepope na depò sọn ohó he tin to owé dọdai tọn he mẹ, Jiwheyẹwhe na dè otẹn etọn sọn owé ogbẹ̀ tọn mẹ, sọn otòdaho wiwé lọ mẹ, podọ sọn onú he yè wlán do owé he mẹ lẹ mẹ. Ewọ he sakunnu onú helẹ tọn dọmọ, Mọwẹ, yẹn ja yiyáyiyá. Niṣẹ. Wá, Jesu Oklunọ” (OSỌHIA 22:16-20).

Onú he yè hùndohia sinsinyẹn talala de wẹ ehe yè dọ hlan yé he sè bo sọ hia ohó dọdai he tọn lẹ. Na mẹdepope he wà kẹdẹdilé e jẹ dó, ma na dibúna núdepope gba, adavo nado tindo ayajẹ sisósisó homẹ tọn de, yèdọ ehe na biọ ayiha mítọn mẹ, eyín mí ma dè dogọ́ kavi depò sọn ohó dọdai tọn helẹ lọ mẹ. Do ayi e go, omẹ mọhunkọ tọn lẹ tin to aigba ji dinvie. Na yé ko kẹalọyí Ohó Jiwheyẹwhe tọn he yè hùndohia lọ, ehe yín gbẹ̀te bo sọ yín nugbo lọ, bọ yé sọ tindo kunnudidè Jesu Klisti tọn. Na to madẹnmẹ, yé na yín ovi Jiwheyẹwhe tọn he yè dohia.

“Ewọ he sakunnu onú helẹ tọn dọmọ, Mọwẹ, yẹn ja yiyáyiyá” (OSỌHIA 22:20).

To vivọnu lọ, Johanu gblọn bo dọmọ, “Niṣẹ. Wá, Jesu Oklunọ”.

“Ojọmiọn Jesu Klisti Oklunọ mítọn tọn ni tin po mẹwiwé lẹ po. Niṣẹ” (OSỌHIA 22:21).

Available translations