Mense vra vrae, God antwoord deur Sy Woord

Antwoord: Hoe kan ek dit waag om die onfeilbare profetiese bediening te korregeer! Maar as ek leerstellige uitsprake vind, bv. meer as sewentig verskeie uitsprake oor die sewe donderslae en ook verskeie uitsprake oor ander onderwerpe, wat hy in sy preke op verskillende tye gemaak het, dan het ek geen ander keuse as om uit die Woord van God advies te neem nie. In antwoord op 'n bybelse vraag, kan ek net een korrekte antwoord gee. Die verskillende uitsprake maak dit duidelik dat dit nog steeds nie ten volle geopenbaar was nie en dus nog nie korrek georden kon word nie.

Ons sien sy perfekte profetiese bediening, wat op visioene wat hy gesien het gebaseer was en ons het ook sy bediening as evangelistiese prediker geken. Ons erken ook dat hy in groot verwagting was op die magtige dinge wat God op die punt was om te doen. William Branham was die beloofde profeet wat volgens Maleági 4, verse 5-6, voor die Wederkoms van Jesus Christus, alles weer in orde bring, soos onse HERE self gesê het in Matthéüs 17, vers 11 en Markus 9, vers 12. Dit was hy wat die harte van God se kinders teruggebring het na die oorspronklike leerstellings van die apostoliese vaders, want deur sy bediening moes alles in die Gemeente van Jesus Christus herstel word, sodat die Gemeente tot die goddelike heilsorde teruggebring kon word. Die profete het alles aangekondig soos dit deur die apostels en leraars, volgens God se plan van verlossing georden is. Ons moet die besluit van God, wie die verskillende bedieninge vir die opbou van die Gemeente daargestel het, respekteer (Efé. 4: 7-16, ens.). Nou eers kan al die los punte op die regmatige wyse, volgens die goddelike patroon, saamgevoeg word.